|
الحكومة السودانية وجوع المواطنين
|
اغرب حاجه الواحد انوا تسمع ان فى السودان فى نقص فى الغذاء فى ولاياتى البحر الاحمر وشمال كردفان . لى احصل نقص من اصلا مافى حكومة ؟ والله السودان ماعنده حكومة السودان عنده رباطة بتاعين قلع من الصغير الى الكبير الحكومة الرباطية مابتعرف مسكين وله فقير وكله بقى واحد مليون ميل مربع وقوليك فى نقص طيب وين وزير الزراعة اجيبوا اخته فى واطة الله دى وحققوا معاهو وزاته احققه معاهو فى شنو هو زاته بقول الدولة ماادتنى مازانية كافية طيب ياجماعة يااصحاب الكروش الزى التناكر حق البترول وديتوهوا وين والله انتو النظرية الطبقتوها فينا هلتر ماطبقه والله المفروض تخجلوا من نفسكم يا البشير وغيره وغيره والله بشعته بالشعب السودانى فى السودان وخارج السودان عملته ارقوز . والشعب استاهل اكتر من كده . والغريبه انو مره البشير يصرح ويامر بتعدد الزيجات ياخى الناس مالقيه تاكل وكمان تعرس ياخى عليكم الله ياناس شفته جنس الجمره الخبيثه المت فى السودان دى وين مشروع الجزيرة اكبر مشروع زراعى فى الوطن العربى وافريقيا والله حرام عليكم يعنى اى وزير اجيبوا اختوه فى منصب انضف الوزاره من الاضان لى الاضان ياخى معقولة لكن . يعنى بالطريقه دى نحنا فى جوع وعطش وكله علينا الموية مافى ياخى النيل ده بجى بالبحر الاحمر عليكم الله ياناس شوفوا جنس التخلف النحنا فيهو . قضيتوها لينا شعرات ورقيص ياخى ارحموا نفسكم شويه والشعب ده مسؤليتكم الله يوم القيامة بسالكم منهم . ناكل مما نستورد ونلبس مما نسرق بـــــــــــــــــــــوب
|
|
|
|
|
|