|
Re: can i have your attention please? (Re: ودحبيب)
|
احسن حاجة عاجباني في البورد بتاع حاج ابكر دا هو المسنجر المراسلة دا، لانو وسيلة عملية جدا، وبتشبه الهمس في الآدان، وبتمنع الإحراج في إبداء الملاحظات وفي طلب الطلبات، فممكن الواحد ما يقبل من زميله يقول ليهو على البورد وفي بوست يابناديها إنت ليه بتكتب الزاي ذال؟ أو ليه بتنصب الفاعل وبتجر المفعول به أو حاجات زي كدا..لكن الكلام دا لما يجيني في المسنجر بتاع البورد دا حيكون زي البوسة على الخد من عزيز..في إحيانا الواحد عاوز يعرف عنوان إيميل لواحد تاني معاهو في البورد وهنا المسنجر بشتغل شغلوا ويظل عنوان الإيميل مدسوس بين الإتنين والمسنجر..ممكن هسع أنا مفتقد مشاركات الفاضل ورحيل وعربية وسعودية وإيكسوريست والسارا وأهل العوض والخواض وغيرهم كثير..فبدل ما أنزل بوست اقول فيهو عووك يافلان وعوووكين يافلتكانه وإحتمال البوست يطلع وينزل وينطمر وفلان وفلتكانه ما يشوفوهوأما المسنجر فسيك سيك معلق فيك، أول ما تفتح البورد تلقى في حاجة بتقبق وتقول ليك بالعربي أو بالانجليزي عندك رسالة..وبعدين خلي الجقر ينقر عليها ..يلا جربوا
| |
|
|
|
|