|
Re: انقلاب (Re: ودحبيب)
|
يعنى نجهز شنطنا لى كوبر ولا شنو؟؟؟؟
وبعدين ياخ أنا راجل كبير عايز معاملة خاصة
ولا أقول ليك أخير نطلب اللجوء السياسى
يازول كدى روق شوية يمكن بكرة تكون رئيس مجلس وزراء تعمل مباشرة تحت عين السيد الرئيس
ويركبوا ليك بدل البيرق بيرقين فى عربيتك
والله الظروف ما معروفة يا قميص دمورية وصلعة فى كوبر يا وجاهة وسلطة وقروش
الزينا ديل ما فى وسط فى حياتهم مع أن الحبيب عليه أفضل الصلاة والسلام أمرنا بالتوسط فى كل شىء
بس البنى آدم آخ أنا من البنى آدم هذا المخلوق العجيب
بكرى أخوى فوق الحلة دى أنا تانى ما بجى وجهزت شنطتى أنا تانى ما بجى
المره قالت لى شيك معاك حبوب الضغط والسكرى وهى بكرة من الصباح ماشة تقابل مرة مدير السجن أصلو قرو فى البلك الثانوية سوا
يعنى بالعربى كده جاهزين جاهزين لحماية الدين
أقعدوا عافية
| |
|
|
|
|