|
|
 النشوف آخرتا
|
أول صحيفة سودانية تصدر عبر الإنترنت من الخرطوم - أسسها خالد عز الدين و محمد علي عبد الحليم
--------------------------------------------------------------------------------
[email protected]
--------------------------------------------------------------------------------
Last Update 11 March, 2002 06:29:42 AM
--------------------------------------------------------------------------------
النشوف آخرتا
إعــــــــلام
سعد الدين إبراهيم
أداني فارغة أدينو مقدودة
والكلمة موءودة
في دايرة محدودة
والدايرة مسدودة
والحنجرة بتبقى بالقوة
مورودة
وتهمهم ونغمغم
نضحك حزين من برة
قابضين على الجمرة
بسمتنا تب ... تب مرة
وملانة بالحسرة
ونغمغم ونهمهم
ونعيد وبنثرثر
ونزيد على الكلمات بي أيدنا بناشر
زي الطرش يعني لكنو ما بأثر
ونعيش ونتكرر
بالعربي والأعجم
ونعيد كلام الطير
نلقاهو نسكت أخير
نسكت بدون تفكير
ولمن يجئ التعبير
نقعد أهو نتمتم
نصرف كلام بالكوم
ونعرف نسوق اللوم
وبننصف المظلوم
ونصبر المروم
والحكمة نتفلهم
وانحنه ما فاهمين..
دايرننا نفهم
أهو شقشقة بتمرق
ساكت من الحلقوم في بحار كلامنا نعوم
ونغرق بنتكلم
في النقد والتقويم
ما بفوتنا أي حكيم
واقعنا برضو أليم
ما نبطل التفهيم
لي روحنا دي النفهم
لي روحنا دي النفهم
نقلاً عن الحرية
دا الشغل
|
|
 
|
|
|
|
فيس بوك
تويتر
انستقرام
يوتيوب
بنتيريست