الاخوة رفقاء البورد والبوستات السلام عليكم ورحمة الله لاحظت ان كثير من البوستات تكتب اما بالغة الانجليزية الصرفة او باللغة العربة لكن باستخدام حروف انجليزية واحياننا بعض الردود باللغة الالمانية او لغات اخري بالنسبة للغة الانجليزية الصرفة هناك بعض الاخوة المامهم باللغة الانجليزية غير شامل يعني كثير من البوستات لا تاخز حظها الكامل من الاطلاع وغالبا ما تكون الردود عليها من بعض الاخوة فقط بالنسبة للغة العربية المكتوبة بالحروف الانجليزية والله العظيم انا شخصيا واحد من الناس ما بفهمها كويس لانه نصها حروف وارقام عشان كدا بتجاهل اني اقراها واعزب روحي وسمعت من بعض الاخوة هذا بالنسبة للعربية بالحروف اللاتينية اما بالنسبة للغات غير العربية او الانجليزية فهي غالبا بين شخصين وانا من رائ الشخصي انه افضل استخدام الماسنجر من البورد في مثل هذه الحالات يعني وكت انحنا ما فاهمين مافي داعي البورد يتملي بي شئ مافي داعي ليهو عموما عزر كثير من الاخوة ان الكيبورد لا يدعم اللغة العربية عندهم عشان كدا هذه وصلة لكي بورد عربي سهل جدا في استعماله واظن بعد كدا مافي عزر فاللغة العربية هي لغتنا جميعنا اهل البورد وهي العامل المشترك الثاني بيننا غير اننا سودانين ارجو من الاخوة ان يهتمو بهذا الجانب كي تعم الفائدة وصلة للكيبورد العربي http://gesah.net/keyboard.htm
(عدل بواسطة رومانسي on 03-06-2002, 08:04 AM) (عدل بواسطة رومانسي on 03-06-2002, 10:38 AM)
03-06-2002, 08:22 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
رومانسى اوافقك الرأى تماما فانا شخصيا لا اقرأ اى بوست باللغة الانجليزية خالص واضيف ان هنالك البوستات الطويلة جدا والتى تبعث على الملل يعنى بعض الناس بنقلوا من مواقع ثانية حبذا لو اختصروها حتى لا يصيبنا الملل.. اللغة العربية اخى الكريم لغة القرآن الكريم ولغة أهل الجنة وليس هنالك اروع من ذلك وان لم نكن نحن من اهل ذلك فما اقل من ان نتشبه بهم علنا نكون منهم.. شكرا رومانسى على الملاحظة وارجو ان يطلع اكبر قدر من الاعضاء على هذا البوست حتى يعود عربيا كما كان كل زواره
03-06-2002, 09:12 AM
yasiko yasiko
تاريخ التسجيل: 02-05-2002
مجموع المشاركات: 2906
والله يا حاج حمد الفتنا والله يديهو العافية غايتو هو دائما بحسسنا انه كلامنا البنكتبو دا عندو قيمة والحمد 90% علي الاقل من البوستات دي هو رادي عليها اما باشادة او توجيه مهزب غايتو البورد دا بدونو ما عارف كان كيف ياهو زولنا وانحنا ناسو وكان غبنا بسأل منناالله يديهو العافية نقطة سطر جديد يا الفتنا انا كان هرجلت ولا غبت تاني ما تكتبني انا غايتو صاحبتك بالكلام الفوق دا ماحريف عليك الله رومانسي
03-06-2002, 02:40 PM
sama7 sama7
تاريخ التسجيل: 02-05-2002
مجموع المشاركات: 1342
فعلا اللغة العربية هي لغتنا ولغة القرآن فوق كل شئ لكن لا نستطيع ابدا ان نرغم الناس بالكتابة بها مطلقا فهذا الكان هو عبارة عن بيت كبير به جمع غفير من الناس تختلف افكارهم ورغباتهم وهوايتهم وحتى طرحهم للمواضيع لذا كان علينا ان نبحث عن المواضيع التي تلائم متطلباتنا ونترك ما لا يهمنا او يعنينا ولا يهم ابدا اللغة التي كتب بها هذا الموضوع او ذاك
مجرد رأي ولكم مني كل محبة واحترام
03-06-2002, 02:50 PM
7abib_alkul 7abib_alkul
تاريخ التسجيل: 02-05-2002
مجموع المشاركات: 3757
الأخ الكريم فرانكلي شكرا على تعليقك واوافقك فيه ألف في المية مع احترامي للجميع وآرائهم أعتقد انه كل انسان من حقه اختيار واستعمال اللغة البتريحه في الوقت البريحه ومافي داعي لفرض مزاج الآخرين عليه ولا يحتاج الانسان أن يقدم اعذار وحجج واسباب لاستعماله للغة معينة دون الاخرى وللجميع احترامي رمانة
الاخ فرانكلي الاخت رمانة السلام عليكم ورحمة الله كان ذلك مجرد اقتراح وليس فرضا علي احد ولكن كان السبب الرئيسي لذلك هو ان نستمتع بما تكتبون وان لا نحرم من فهم ابداعكم ولكم الخيار رومانسي
05-22-2002, 10:56 AM
Bakhaf Bakhaf
تاريخ التسجيل: 03-06-2002
مجموع المشاركات: 2434
يا رومنسي الله يسامحك خليتنا زي ناس اولي ابتدايئ .نحوص لحدي ما ناقي الحرف,والاملاء دي خليها ساي اكعب من نس سنه اولي,عليكم الله انجلزينا الكعب ده مالو ما تخلونا علي , والله ان دايره لي 10 ساعات عشان ما ارد لي علي موضوع any way شكرن ليك ما قصرتا معانا نون
05-22-2002, 12:39 PM
almaskoon almaskoon
تاريخ التسجيل: 04-22-2002
مجموع المشاركات: 179
روماسى الله يخليك دا انا كنت بعانى عشان اكتب بالعربي احيانا كوبي و بيست وانت ادري والواحد مشتاق عديل كده للتعبير بلغتنا السودانية الطاعمه و بينى بينك فى كلام كدا ما بتقال بلغات اجنبية وكلو ما اتمناه الكلام ياكون لسا محكر في الراسى
اوقعتنى الصدفه وانا فى اولى نت على ايميل استاذنا الرائع الكتيابى فبادرت بارسال رسالة له وكم اسعدنى رده وهو يقول لماذا لا تكتب بالعربيه انها لغتنا التى تعبر عن مابدواخلنا وبها نضحك وحتى نبكى ثم اهدانى رائعته لمحتك .. وللاسف رومانسى لما اشتد عودى فى النت فقدت الاتصال به وانقطعت لغة التواصل بيننا .. وكم اتمنى مراسلته الان
اقول هذا لايمانى بالكلمه العربيه .. ووقعها على الدواخل .. وماتخلقه من مدارات تتغلغل فى الذات حد الهدهده واحيانا حد القرقره .. فكم من كلمات كانت دربكينا يقدد الدواخل شبرا شبرا .. وكم من كلمة كانت بلسما يشفى الجروح الغوار
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قرشـــو
yasiko
sama7
hajhamad
Frankly
7abib_alkul
rummana
Bakhaf
noon
almaskoon
فيس بوك
تويتر
انستقرام
يوتيوب
بنتيريست