السلام عليكم الشخصيه التاليه والتى التقيت بها فى حياتى انسان يحيير كل التوقعات وانسان مثير للجدل وانسان نسمع عنه الكثير والمثير مابين انو الرجل رجل ضلالى وانو الرجل رجل ما بحترم عمرو ونفسو وانو الرجل زول غريب الاطوار وانو زول مضحك وانو زول فى غايه المكر والذكاء التقيت بهذه الشخصيه المثيره للجدل الاخ صلاح سنداله التقيت به قبل اسبوعين فى مناسبه فى بيت صديق عزيز لدى وانا وصلت قبل الاخ صلاح سنداله وحقيقه تفاجات بهذه الشخصيه وبعد ان القى السلام على الجميع وادينا صلاه المغرب وقمنا با التقاط بعض الصور جلست بجانب الاخ صلاح سنداله وبدات فى الحديث معه عن الغربه وعن الوطن وعن الفيديوهات المثيره للجدل والتى كثرت الاوقايل فيها وطبعا الاخ صلاح سنداله ملتحى وعامللا لحيه طويله جدا وبالحق وجدت الرجل حقيقه فى غايه الاحترام والفهم عندما تلتقى معه شخصيا ولكن ان شاهدت له فيديو او شاهدت الفيديوهات المثيره للجدل يكون عندك انطباع اخر مختلف خالص للشخصيه التى تلتقى معاها شخصييا من خلال التحدث معه عرفت انو زول بحب السودان ولكن عندو راى فى المدنيه والتى يقول ان فهم السودانين للمدنيه والديمقراطيه فهم غلط ويقول ان ناس قحت هم كل من كان فى سبب مشاكل السودان و فشل الثوره ويقول ان الشيخ ابوزيد محمد حمزه والشيخ محمد سيد حاج من اهله صلاح سنداله لديه مئات من الفيديوهات شى غناء وشى شتيمه وشى دين والله لو ماعرفت الزول الاخ صلاح سنداله عن قرب ممكن تقول انو معتوه ولكن الرجل كسب شعبيه كبيره جدا وصار بالطريقه يوتيبر معروف ووالرجل اجتهد فى الموضوع وخلق شعبيه وكل زول على هواه ان كنت تريد الدين عندو فيديوهات دين وشريعه وفقهه ولو بتحب الغناء برضو تجد فيديوهات الغناء انجليزى عربى بوب مارلى زيدان ابراهيم ولو عايز تسمع الشتيمه والتنكيل لناس قحت برضو موجود ولو عايز تسمع انو يميل الى العسكر برضو موجود كما ذكرت فى البدايه انو الرجل مثير للجدل اكبرت فيه انو طلبت منو ان يقدم لينا اى شى وقال لى بكل ذوق لكل مقام مقال لانو كنا فى منزل احد الاخوه وكان والد الصديق قد خرج قبل يومين فقط من المستوصف والاخ صلاح لايريد ان يسبب اى ازعاج للاسره حقيقه اكبرت فيه الرد الدبلومسى وحقيقه اضحكنا الاخ صلاح فى الساعات القليله التى قضيناها معا صراحة إمكانيات الاخ صلاح سندالة في فن التقليد عالية جداً وموهوب فعلاً، إضافة للثقافة العالية التي يتمتع بها سندالة وأيضاً البيئة الجغرافية التي نشأ فيها سندالة ود بحري يعني من قام ود قلبا افترقنا وتبادلنا الارقام على امل التواصل التحيه والاحترام للاخ صلاح سنداله واختلاف الراى لايفسد للود قضييه من اقوال الاخ صلاح سنداله المضحكه .. صلاح سندالة .. يقول حلايب مصرية .. ! .. ماما أميرة جارتي وحبيبتي .. وأحب كباشي النوباوي من تعليقات الناس على فيديوهات صلاح سنداله اخترت لكم بعض التعليقات بس يامولانا ليس المؤمن بطعان ولا لعان ولا فاحش ولا بذى بس تسلم وانا مبسوط من اسلوبك وحتى الراسطات والسانات وحتى الحجات والجلاكين مبسوطين منك لانك سودانى ومننا .............. اجمل تعليق وجدته كتب اليه هو سندالتي الجوة كلواتي منور كلامك في الصميم كدا جيب اضانك عندي كلام اقولو ليك 👂 ياخ عليك الله ادعم لي القناه دي خت لي الرابط ونبة الشباب محتواي تعليمي جميل جداً واكون ممنون لك .................... عليك اتقي الله باقي عمرك دا قضي عباده بدل تعد تباري خلق الله الشي البحير الدقن الدقن دا وقار واحترام لسنه نبينا محمد صلى الله عليه وسلّم نسال الله السلامه ..........................
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
فيس بوك
تويتر
انستقرام
يوتيوب
بنتيريست