Quote: لذلك ننصح اخواننا في السودان ألا يتسرعوا في قرارهم في بيع اللي قدامهم ووراهم للسفر صوب مصر، وان كانت الخرطوم أصبحت طاردة بامكان الاسر العودة إلى قراهم حتى ينصلح الحال، فالامان والعيش الموجود في قرانا افضل من الهجرة إلى المجهول في بلاد اهلها أنفسهم يهاجرون منها لضيق وصعوبة العيش فيها. اللهم اصلح حال بلادنا السودان، وولي فيه من يصلح واعدنا إليه سالمين غانمين. بقلم عمر خير
|
كتر خيرك يا عصمان والله مش ريحتني ياخي
إنتا جدعت لي طوق نجاة عديل، و كتر خير عمر خير
دا زاتو بارك الله فوقو. لأنو في زميل مصري درعني ليك
في ود أختن ليو قال خبير في تسويق العقارات، بالله عامل
سافوتة بتصل علي يومانتي وين ما أمشي، هاريني عروض
شي في 6 أكتوربر و حاجات كدي في مدينة شنو كدي ماني
عارف، لكن دايمن بقول لروحي نتريس" مية نطة ولا واحد
بعبوص"زايدنكجنتي لأولاد بمبة مع إنو عندي لحمة في
الجعافرة لكن كراهية موت كدي ساي لله في لله.
+لا وكمان طالعة لينا في البخت بهناك ضبانة تركيا
اللعمى شايل المكسر خامي حاجاتو وطاير يكسر كرونة
هناك وسمعنا برضو بسبب نزول قيمة الليرة التركية برضو
الناس قاعدين يشربو طحالب راسا عديل مش مقالب.
ياخي هي بلدن زاحفين عليها فلول بني كوزان
دي لو فيها بركها حينزعوها منها والله سحي.