نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: شيخ حمدوك (Re: عمر التاج)
|
حديث في نفس الشأن
Quote: العدالة العقلية ..!! ============ #لو قبضنا زول ما قرا مدرسة نهائي، وشغال في مهنة الطب وفاتح عيادة، نعمل ليه شنو .؟ مفروض نقفل كليات الطب ونمنع دراسة الطب، عشان ما نفتح فرصة للمجرمين ديل .. كرّهونا ذاتو .! #كان لقينا زول درس لحدي الثانوي، وعمل ليه مكتب محاماة، وضرب اموال ناس كتيرة. زي دا نسوي ليه شنو .؟ طوالي نوقف حاجة اسمها قانون ونمنع دراسته في الجامعات، عشان ما نخلي فرصة للمحتالين ديل ياكلوا اموال الناس بالباطل. #رأيكم شنو في الحلول دي .؟ اي زول عنده مخ حيقول لي انت مجنون ولا شنو .؟ وحيقول لي الطب والقانون ذنبهم شنو .! مفروض نوقف المجرم وبس، لأنه العدالة العقلية بتقول كدا.
#طيب نمشي قدام عشان نشوف جنون من النوع ابوكديس. #لو لقينا كوز سرق باسم الدين، وأفسد باسم الدين، أها نحاسب الكوز ونقدمه للقانون ولا نبعد الدين من الدولة ونفصله من السياسة .! #ابوكديس بقول: الحل هو نبعد الدين من السياسة، ونبعد الطب والقانون برضو، لانه في ناس بستغلوا العلوم دي وبعملوا بيها جرائم، فلابد نقفل الباب دا نهائي، يا حليل عقلك يا ابوكديس، وفعلا الفهم قِسم.
#يأ أخي العزيز.. المجرم والفاسد ما عنده مبدأ ولا ضمير، ممكن يقول (هي لله) (هي لله) ويسرق، وممكن يلبس صليب ويقتل، وممكن يكون ما عنده دين اصلا علماني شيوعي ملحد ويكون سفاح وفاسد كبير باسم الشيوعية. وعشان اثبت ليك هاك النماذج دي: #جوزيف استالين: علماني شيوعي ملحد رئيس الاتحاد السوفيتي 30 سنة .. برضو 30 سنة اها رايك شنو السفاح دا قتل اكتر من 10,000,000 ( عشرة مليون ) انسان، كتير منهم عبارة عن تصفيات للمعارضين ،ماتوا في سجون جزيرة سبيريا الثلجية، وناس ماتوا بالإعدام، دا غير التطهير العِرقي، توفي استالين سنة 1953م
#ماوي تسي تونغ: علماني شيوعي ملحد رئيس الصين 27 سنة. الملحد دا تسبب في قتل 20,000,000 صيني، نتيجة المجاعة والفقر ودا كله بسبب سياسته الشيوعية الفاشلة، توفي زعيم الماوية سنة 1976م
#بول بوت: علماني شيوعي ملحد، رئيس وزراء دولة كمبوديا، قتل 3,000,000 من شعبه، ما بين تصفية معارضين وعمل قسري واعدامات، وكان الامين العام للحزب الشيوعي آنذاك، توفي عام 1998م
#مصطفى كمال أتاتورك: شيخ العلمانية في تركيا ومؤسسها، وأول رئيس لتركيا بعد سقوط الخلافة الإسلامية في اكتوبر 1923م. المجرم دا باسم العلمانية عمل الآتي: #منع المدارس الدينية #استبدل القانون الاسلامي بقانون سويسري #منع تعليم اللغة العربية في المدارس وغيرها من الطوام. #أها ديل اربعة نماذج بس ولو ما خايف اطوّل عليكم كان ذكرت نماذج اكتر من كدا سؤال: ستالين دا كان إمام الحرم المكي ولا ماوتسي دا كان خليفة المسلمين في الدولة العباسية.؟ #بالمناسبة: الآن النظام العلماني في فرنسا شغال حرب شعواء على الأقلية المسلمة هناك، وقام بمنع الحجاب والنقاب في الاماكن العامة الآن الحزب العلماني الشيوعي الصيني شغال قتل واغتصاب وتعذيب لاقلية الإيغور المسلمة في اقليم شنغيان حيث بلغ عدد السجناء قرابة مليون دا غير اغتصاب النساء وما تنسى النظام البوذي في بورما شغال حرق وتعذيب لاقلية الروهينغا المسلمة باقليم اراكان طبعا بعلم الحكومة ورضاها. وغيرها من النظم العلمانية السفاحة الفاسدة ، وعندك حروب هتلر وموسيليني وتشرشل وغيرهم من قواد الحربين العالميتين .. راح بسببهم قرابة 100,000,000 قتيل، دا غير الجرحى والمفقودين. طيب .. هتلر دا كان صحابي ولا تلميذ الامام مالك .؟ موسيليني دا كان تابعي ولا من طلاب الامام ابوحنيفة .؟ #الخلاصة: #هل في كيزان أفسدوا باسم الدين او كانوا بقولوا هي لله وبسرقوا .؟ الجواب: نعم #هل الإسلام مسجل حصريا باسم الكيزان .؟ الجواب : لا هل سقوط الكيزان من السلطة يعني فصل الدين من الدولة .؟ الجواب : لا #ربنا سبحانه قال : ( الذين إن مكّناهم في الأرض أقاموا الصلاة وآتوا الزكاة وأمروا بالمعروف ونهوا عن المنكر ) #مكناهم : يعني جعلناهم حُكام ووزراء ومسئولين وزعماء . معنى الآية: واجب المسئول المسلم اذا مسك السلطة يأمر بالمعروف وهو = اي حاجة ترضي ربنا، زي التوحيد، العدل ، الامانة ... الخ، طبعا يأمر نفسه اول حاجة. وينهى عن المنكر، وهو اي حاجة تغضب ربنا، زي الشرك والزنا والسرقة والقتل ...الخ، واكيد مفروض ينهى نفسه اول حاجة . #دا كلام الله سبحانه، ودا دستور المسلمين، طيب لو في سياسي مسلم ما طبّق الكلام دا، نعمل ليه شنو في الحالة .؟ مش مفروض نشوف سياسي غيره يكون ناجح وكفاءة يطبق الآية دي، ويحارب الفساد والعنصرية .؟ لانه العدالة العقلية بتقول كدا .. مش دا الصاح #المجنون ابوكديس : لا لا، مفروض نحذف القرآن من الحياة ونفصل الدين من السياسة. الله يشفي ناس ابوكديس ويصلح عقولهم
أها يا اخوانا ابوكديس دا نعمل ليه شنو في رايكم.؟
2 ابريل 2021م ============ #محمد حامد محمد
### |
|
|
|
|
|
|
|
العنوان |
الكاتب |
Date |
شيخ حمدوك | عمر التاج | 05-01-21, 08:47 PM |
Re: شيخ حمدوك | عمر التاج | 05-01-21, 08:53 PM |
Re: شيخ حمدوك | زهير عثمان حمد | 05-01-21, 09:08 PM |
Re: شيخ حمدوك | كمال عباس | 05-01-21, 08:57 PM |
Re: شيخ حمدوك | كمال عباس | 05-01-21, 09:01 PM |
Re: شيخ حمدوك | صديق مهدى على | 05-01-21, 09:20 PM |
Re: شيخ حمدوك | ABDALLAH ABDALLAH | 05-01-21, 09:37 PM |
Re: شيخ حمدوك | عماد الدين الطيب عمر | 05-01-21, 10:31 PM |
Re: شيخ حمدوك | عمر التاج | 05-02-21, 00:20 AM |
Re: شيخ حمدوك | Hafiz Bashir | 05-02-21, 00:23 AM |
Re: شيخ حمدوك | محمد البشرى الخضر | 05-02-21, 00:36 AM |
Re: شيخ حمدوك | كمال عباس | 05-02-21, 00:55 AM |
Re: شيخ حمدوك | Hafiz Bashir | 05-02-21, 00:44 AM |
Re: شيخ حمدوك | عمر التاج | 05-02-21, 11:44 AM |
Re: شيخ حمدوك | Hafiz Bashir | 05-02-21, 11:51 AM |
Re: شيخ حمدوك | عمر التاج | 05-02-21, 12:27 PM |
Re: شيخ حمدوك | علي عبدالوهاب عثمان | 05-02-21, 01:12 PM |
Re: شيخ حمدوك | Hafiz Bashir | 05-02-21, 01:45 PM |
Re: شيخ حمدوك | كمال عباس | 05-02-21, 02:04 PM |
Re: شيخ حمدوك | كمال عباس | 05-02-21, 02:13 PM |
Re: شيخ حمدوك | Amira Hussien | 05-02-21, 11:28 PM |
Re: شيخ حمدوك | adil amin | 05-03-21, 06:06 AM |
Re: شيخ حمدوك | عمر التاج | 05-03-21, 11:11 PM |
Re: شيخ حمدوك | Hasheem Karouri | 05-04-21, 05:24 AM |
Re: شيخ حمدوك | adil amin | 05-04-21, 07:03 AM |
Re: شيخ حمدوك | عمر التاج | 05-04-21, 11:12 AM |
Re: شيخ حمدوك | عمر التاج | 05-04-21, 11:35 AM |
Re: شيخ حمدوك | Hafiz Bashir | 05-04-21, 01:16 PM |
Re: شيخ حمدوك | كمال عباس | 05-04-21, 01:37 PM |
Re: شيخ حمدوك | Hafiz Bashir | 05-04-21, 02:02 PM |
Re: شيخ حمدوك | adil amin | 05-06-21, 07:09 AM |
Re: شيخ حمدوك | عمر التاج | 05-06-21, 09:51 AM |
Re: شيخ حمدوك | محمد حمزة الحسين | 05-06-21, 11:35 AM |
Re: شيخ حمدوك | محمد حمزة الحسين | 05-06-21, 11:44 AM |
Re: شيخ حمدوك | عمر التاج | 05-06-21, 07:00 PM |
Re: شيخ حمدوك | عمر التاج | 05-06-21, 11:33 PM |
Re: شيخ حمدوك | عمر التاج | 05-07-21, 10:55 PM |
Re: شيخ حمدوك | عمر التاج | 05-09-21, 03:45 PM |
|
|
|