يا ناس قحت هووووي .. أرعوي .. الزول دا ما دايرنه في جنوب كردفان!

Quote: مافي مشكلة يا عادل امين يا صديقي.. فقط ياريت تتذكر انو هناك فرق كبير بين الواقع والخيال..!! انت زول رومانسي خالق ليك فكرة سودان حايمة في راسك ، ورافض تتعامل مع الواقع..! انت ، يا عادل امين ، لست الشخص المؤهل اخلاقيا وفكريا وسياسيا ليحدد لناس جنوب كردفان منو النضيف ومنو الوسخان..!! في يناير 2020 ، ايام الناس بدأت تتفكر عن ولاة مدنيين للفترة الإنتقالية ، انا محمد النور كبر ، اتحدثت مع ناس الحركة الشعبية (الحلو) في الدلنج ، ورفضوا الفكرة وقالوا منتظرين ما تسفر عنه مفاوضات جوبا..! ناس حزب الأمة ، هم من تحدثوا معي لأقنع احد اصدقائي من مدينة الدلنج ليكون مرشحهم لمنصب الوالي ، وتحدثت مع الرجل وابدى تحفظات معقولة واثبت لي انو سياسي بالدرب العديل وفاهم تعقيدات الواقع واللعب..! تحدثت مع اصدقائي البعثيين من مدينة الدلنج ، وابدوا لي تحفظاتهم وانهم لا يرغبون في منصب الوالي على مستوى كردفان الكبري (شمال/جنوب/غرب)..! صراحة لم تتاح لي الفرصة للتحدث مع الختمية والإتحاديين..واعرف واقعهم شنو في الولاية..! هذا الترشيح ، ترشيح دكتور رضوان ، كنت اتوقع دعمه منك انت شخصيا واصدقائنا الجمهوريين ، لأنه يمثل محك تحدي لكل البروباقندا التي تصرفونها في الأسافير والكتب والميديا..فالرجل مسيحي ..يعني اقلية يا عادل امين..ولكن خانك الوعي كما خان الجمهوريين وغيركم ..لأنك اكتشفت انك مسلم وما بتقدر تبلع حكاية والي مسيحي..! وهذا ليس شأنك وحدك ، وانما كل شأن النخبة السودانية الخائبة التي اختارت جنوب كردفان لهذا التحدي ، فلم نرى مرشح/ة قبطي لولاية الخرطوم أو أي ولاية اخرى من ولايات السودان..!! لن ادعم ترشيح الرجل لمنصب الوالي ، ليس بسبب كونه نوباوي أو اقلية سياسية (حركة حق) او اقلية دينية (مسيحي) وانما لأن واقع الولاية معقد للغاية ، وهو ليس بالشخص المناسب لقيادة الولاية في هذه المرحلة الإنتقالية..! كبر