زوجة واحدة لا تكفي ؟:المعنى في بطن الشاعر

▪سلام مربع و يسلم لي ضراعك أستاذي ود الحسين.
تصدق بوستك اللغم الشحمان دا من كم يوم أجي أتاوق
فيه و أرجع . كنت شاكي يكون من راسك . لكن الحمد لله
أهو طلع من كراسك ؛ و دي المحر ية فيك، زول مسالم و من
يومك حلال شِبك . موش زينا كدي و ناس عمك جقود : تنقد
الرهيفة إن شاء ما تترتق و مرحبتين حبابو الشر محل ما بتق.

▪ بس ملاحظتي في نساوين الجن ديل، و ما كلهن طبعن؛
إنو أفشلم نوعان العنيدة و الدلوعة زيادة عن اللزوم و ألعن
و أظرط منهن الاتنين كمان المرة النكدية . شفت الاصناف
دي أخير منهم الكبيرة و عويرة . فشايفك زي لاوزت من
(نكدية) دي ؛ فلو بتجيب هوى ممكن ندغمسا ليك نقلبا
مسلن كندية. لأن سمعنا الكنديات ديل غنم ساي و عشان
الحروب كملن ( تيوسن ) بقن فتحت خشمك بس يعرسو
ليك واحدة يلزقو ليك معاها كليقة حريم شقراوات عليهن
طعومية يرمن في الشوق المشيت ليهو (نظاظ عرض خاص/
2in 1) . يعني فايتين نظام مثنى فثلاث و رباع لي غادي.

▪ عمومن هدا جيناك و عندي ليك بوستين قُدام لنج :
" الزوجة النكدية"و " الحاج يريد تبديل المدام" عديل كدا.
و هديل جاهزات للنبش؛ الليلة ح أنزلم ليك؛ بس بشرط ما
تخذلني تفكني في فرقة يجو يلحسوني المرقة . لا يا عمو
تجي تناول معاي الطين و كمان تعمل لي دعاية و إعلان .
تطمن لينا القراء لأنو مواضيعنا نحن نارية لامن مخلية
بوستاتنا مهجورات تراهن متل( كرنتينة كرونا) لا يأتيها
المتاوقون من بين يديها و لا من خلفها.فرايك شنو؟!