قبيلة سودانية تُعلن تقديمها (10) آلاف مقاتل للدفاع عن المملكة العربية السعودية

Quote: إذا المسألة حقائق مجردة فالمصريين بكرامتهم نالوا أكتر من 12 مليار، وبدون رخسة، انت استلمت كم بالرخسة؟ الباكستانيين صوت برلمانهم على عدم المشاركة، دولة كل سكانها مسلمين وعددهم بالملايين في الخليج، ما دايرين مصلح شعبهم قال يعني؟

Quote: مشكلتك إنو رؤيتك قاصرة وتحليلك رغبوي، شغل اليوم باليوم، بس أمرقوني من دي وخلوني بعد داك تعال بعد دا اتلولو قول حاتم شبح عديل، كان غلبك! آآآي انحشر في زمرة الفلول بالباب العديل

انا بجيب حقائق مجردة ، بستند لي معلومات موثقة ، انت جبت شنو ؟ التفكير الرغبوي ده ياها الفرمالة بتاعتك العايز تحشرا في اي شيء دي ، ورينا تحليلك لسة ما شفنا حاجة ، اوع تكون متخيل عبارة شعب رخيس دي تحليل ؟
بعدين موضوع شبح وفلول وبتاع ده انا ما عندي اهتمام بيهو وما عندي اهتمام مين انت ، شبح او شيطان ، I don't give a damn ، دي مناورة فاشلة منك وغبية جدا لو عايز اقيف في اي صف ما اعتقد انتظر منك اشارة ، ولا تحاول ايهام نفسك ابدا بأنك فعلت ما يجعلني احقد عليك او اقف ضدك ، للاسف لم تكن مالكا لادوات وامكانيات الحوار في اي مرة تحاورت معك فيها ، لم تكن كفؤا ابدا ، بتلطش ساي بدون اي خلفية معرفية مع نرجسية وثقة مرضية منقطعة النظير ، عشان تناقش في الامور الثقافية والسياسية دي انت محتاج تقرا اول شي ، ما تتخيل ابدا انو عندك وحي .
انت طبعا الهيلمانة دي عاجباك جدا ويبدو انو ده الجو البتحب تعيش فيهو ، بتحب تبقى نجم ، والناس طالعة ونازلة ما عندهم كلام غير حاتم ، المعاك والضدك ، يعيش حاتم ، يسقط حاتم
والاكشن شغال والعجاجة قايمة .. وريني انت من عشاق بروس ويليس ولا مين داك "ستانثام"
اها شفت الفلول البتتكلم عنهم ديل ، انا متأكد لو فتحو ليك المنبر ده حيبقى ليك مسيييييخ ويمكن تسيبوا عشان كده باقي عليهم 10 وكمان عايز تزيدهم ..البحر ما بيابى الزيادة
فيا حبيبي ، يفتح الله ، انا بدخل المنبر عشان اخد وادي بدون شروط مسبقة ، لا عايز ابقى نجم ولا عايز اقيف في صف ولا ده غرضي ، لا عداوات ولا غبائن وانا طالع من اي بوست بحفر حفرة جنب الباب طوالي ادفن فيها اي مخاشنة او احتكاك مع اي زول .. أهـ
اوكي كراي بيبي؟