شكيتك على الله يا الورر: حكاية (عشماني) والورر

مرحبا Guest
اخر زيارك لك: 06-15-2024, 06:34 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-01-2011, 00:26 AM

maman
<amaman
تاريخ التسجيل: 11-21-2002
مجموع المشاركات: 1041

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
شكيتك على الله يا الورر: حكاية (عشماني) والورر

    كاتب هذه الحكاية هو الأخ حسن عثمان شمهران من أبناء جزيرة مساوي
    الحكاية أعجبتني لأن الكاتب استطاع أن يعبر باللهجة العامية بمنطقة الشايقية تعبيرا ابداعيا واستخدم مصطلحات تكاد تكون اندثرت
    ملحوظة : سنأتي بالترجمة لاحقا
    ------------

    أبرك وخير ،،، النِهار حر وبرد وعشماني مو من عوايدة إتأخرت من مواعِيد جيته (للمجركاب )، والسهوة تحرِس وترجه ،، وقِليبه أكلا وشِفقت وقالت : يا سابل السُتر أستُر الليلي بت عبدالكريم ماها براها .
    ودخل شويفع وقف ومسك في اللميني وإنتكي علي الكاسق ومهجوم وبي بشيش إتكلم مرسلاني ليك حبوبتي عشماني وقالتلك الحُمارة راماني فِسراع تعالي شوفيني)
    السهوة لفحت طِرقتها وقامت مفتاحة في أباطة ودخلت علي صاحبته ولِقت الخِلُوق مِتلملمي ، مالِك آ معترة إنتي الحمارة دي راكباها حِدك سوق الباسا وحدِك سوق عيقولة وسوق العمدة وسوق تنقاسي ، ومشاويرك كُلهن مقضاهِن فوقا، الليلي الوقع عليك شنو آ بخِيت الحال؟
    عشماني رأبطي إيده وكُراعة لكن لِسانة يحُش الطرفي.
    أصبحنا بالله قُمت مع الفجاج وفوق نار الشاي رميت لي حِريف بُرادي وعندي مُلاحاً بايت دفيتُو وتكتكتو وشقيت لي بصلة شلت لي لُقمة .. ربابِيطي ومناجلي مطرقات في القُفة .
    عندي حوضين لوبي تابرات في الطرِح التالا جزيرة الشرق ، قُت أخدِر لي نعيجتي المتاومي ، وبالبرُوديي أرجع ، وطلقت حُمارتي وختيت لِبدتي وخلفت 0
    سويت لي بطيحة وحشيت لي رأسين برسيم وعندي حيضان مُلوخيي في الجرِف متكِناهِن بالسبروق ولِسان الطير لقطت من الرُخُس مليت قُفتي وكسرت لي من عيش الريف كم قناديل ختيتن فوق مُلاحي 0
    ولاد نِعمي قراعين ماسكِين الموية في الضهاري وما قصروا رفعولي البطيحة وعُودلولي البرسيم وركِب وإتعدل ، وختولي قُفة المُلاح قِدامي0
    ودعيت لُهن من قليبي إنشاء الله ما يجي يوم شُكرُن ورجيت الله عليهُن يعمرو عمار الحنضل في وادي أبقيع 0
    ونهر حُمارتي والجبنة رأماني رأسي يسوي في التح ترح و بالضهاري شاققت طلعت بي دريب ود عدلان وكِت جيت عِن سهلة سيدي طِريت مستورة قاعدي وسُط نُقاقيرة وصوته يتبوبح وتسير، حال السرور يا يمة :
    أحمد شيخنا سار أبشروا يا حيرانُ
    أحمد شيخنا سار الحفلة في ديوانُ

    قادر الله وزايلي الدِنيي وخرباني وأشري يا يمة،، ويا حليلنا منها 0
    السهوة مِستعجلي إنتي يأ خرابة أنا رأجاك تكملي حديثك.. الحُمارة رمتِك كيفن؟ قُمتي قلبتيهُ في التيلان 0
    أصُبري أنا ماشي عليك ، جيت عِند الحفير والجدول مليان والواطة شرباني والموية مدفقي في درب الساقي حُمارتي إتعدت وبي وسط العيش ماشي وأنده في الشرايف0
    أشوفلِك الورل المرق من الجدول الضكر وطار زي العُصار وإتقلب في حوض العيش والحمارة قالت بي كدي ورمتني علي صفحتي 0
    البرسيم واللوبي كلو فوقي وقفيفتي بي مُلاحة إنكبت في المُوية.. كُراعي إتلوت مِن تِحت وساعةً طويلي وأنا في محلي وفي حالاً كُتُر وغالبني القومة 0
    والورل سمع أضاني يسوي في البط بط مرقة في الدسامعة 0
    وأنا راقدي في بِكيني نعلتو تكيتو صفحة صفحة قتلو شكيتك علي الله ، وإن كان فيك فايدي ما سموك ورل يالعاطل ، حايم في الجروف وتمرُق من الحلفي تدخُل في الطرفي لا عندك شغلة ولا مشغلة ، العوم مِتل أخوانك ما قعد تعرفو تغطس زي الحجر وتبنقر في نُص البحر من خوفك 0
    رفاقتك قاعدين وساكنين في الدالات والشلالات هِناك وسط الحجار والكير القاطِع في الحامداب.. الصغير فيهُن يشيل العروس بي عريسة فوق ضهرو ويعديهُن البحر في عِز الدميري.. أقعُد إنت هني أحبس الدروب والراكِب كُلو أهجمو وأرمو 0 رجيت الله يرميك في إيد الكراقنا والا التكارنة ينجضوك وياكلوك 0
    www.forevermaman.com

    (عدل بواسطة maman on 08-01-2011, 10:56 PM)
                  

العنوان الكاتب Date
شكيتك على الله يا الورر: حكاية (عشماني) والورر maman08-01-11, 00:26 AM
  Re: شكيتك على الله يا الورر: حكاية (عشماني) والورر Al-Shaygi08-01-11, 08:15 AM
    Re: شكيتك على الله يا الورر: حكاية (عشماني) والورر sumah08-01-11, 10:04 AM
    Re: شكيتك على الله يا الورر: حكاية (عشماني) والورر maman08-01-11, 10:20 AM
      Re: شكيتك على الله يا الورر: حكاية (عشماني) والورر maman08-01-11, 11:13 PM
        Re: شكيتك على الله يا الورر: حكاية (عشماني) والورر معاوية المدير08-02-11, 09:42 AM
          Re: شكيتك على الله يا الورر: حكاية (عشماني) والورر maman08-02-11, 02:49 PM
            Re: شكيتك على الله يا الورر: حكاية (عشماني) والورر Al-Shaygi08-02-11, 03:00 PM
              Re: شكيتك على الله يا الورر: حكاية (عشماني) والورر maman08-02-11, 05:10 PM
                Re: شكيتك على الله يا الورر: حكاية (عشماني) والورر maman08-03-11, 03:00 PM
                  Re: شكيتك على الله يا الورر: حكاية (عشماني) والورر Tarig Sidahmed08-03-11, 04:32 PM
                    Re: شكيتك على الله يا الورر: حكاية (عشماني) والورر أنور عبد الرحمن الشيخ08-03-11, 04:59 PM
                      Re: شكيتك على الله يا الورر: حكاية (عشماني) والورر maman08-04-11, 00:47 AM
                        Re: شكيتك على الله يا الورر: حكاية (عشماني) والورر maman08-05-11, 08:42 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de