|
|
 Re: ووووب علينــا المـاقرينـــا!! (Re: صباح احمد)
|
اها مرة كدي قبال سنة ولا سنة ونص تقريبا صحيت علي صوت نغمة الرسالة في موبايلي:
تت تت تت..
اتخلعت لانو الساعة كانت بعد منتصف الليل باكثر من ساعة..
قلت في سري يمكن زول عنده مشكلةوما عنده رصيد..
فتحت الرسالة وكانت تقريبا كالاتي:
(خلاص عملنا ليك الخيرة)..
وووب علي ..دة كلام شنو دة؟
دة منو دة السوي لي الخيرة دة..وخيرة مع منو؟؟
ولمن ما لقيت اجابة للاسئلة قمت طوالي مسحت الرسالة..
في الصباح كنت نسيت الموضوع وحوالي الثامنة صباحا اتصل بي احدهم ليعتذر عن الرسالة باعتبار انها وصلت لزول خطأ
قبلت اعتذار الراجل..لكن بعد داك كنت في كل مرة استلم منه مكالمة اعتذار جديدة..
لمن زهجت..خلال تلك المكالمات الكتيرة عرفت انو اسمو(...) وقال لي هو شيخ في منطقة(...) ومن قبيلة(....) وهي قبيلة (نسيبتنا)
استمرت المكالمات اكثر من شهر وخلال هذا الشهر عرف اسمي ومكاني الشغالة فيهو
وذات يوم فوجئت باتصال منو بقول لي انا جنب الجريدة..
اتخلعت ..لكن الواجب كان يحتم علي استقباله وبالفعل حضر بعد وقت بسيط
استقبلته خير استقبال..
كان شابا في اواخر الثلاثينات من العمر ويبدو عليه مظهر التقوي
اها باختصار..عزمتو فطور لانو الوقت كان وقت فطور فرد بانه صائم
وقبل ما يمشي قال لي انا شيخ فلان الفلاني ..وفلان دة مسؤول كبير في البلد.. وسألني لمن ما لاحظ اني متزوجع عن اسباب عدم زواجي ,ماعرفت اقول شنو..فلم يذد علي ان قال انو عندي عارض كبير ولازم يطلع ووعدني انو يطلعوا لي..
شكرته في هدوء واخبرته اني غير محتاجة لذلك ولو احتجت فاهلي كلهم شيوخ وعندهم حتة مسمية باسمهم..
وانوانا ذاتي شيخة ولو داير بطلع ليهو العوارض العندو عشان يبقي شيخ كبير..
|
|
 
|
|
|
|
|
| العنوان |
الكاتب |
Date |
| ووووب علينــا المـاقرينـــا!! | صباح احمد | 01-06-07, 01:19 PM |
| Re: ووووب علينــا المـاقرينـــا!! | عبد المنعم سليمان | 01-06-07, 01:22 PM |
| Re: ووووب علينــا المـاقرينـــا!! | تماضر الخنساء حمزه | 01-06-07, 01:24 PM |
| Re: ووووب علينــا المـاقرينـــا!! | صباح احمد | 01-06-07, 01:30 PM |
| Re: ووووب علينــا المـاقرينـــا!! | صباح احمد | 01-06-07, 01:44 PM |
| Re: ووووب علينــا المـاقرينـــا!! | عبد المنعم سليمان | 01-06-07, 01:37 PM |
| Re: ووووب علينــا المـاقرينـــا!! | تماضر الخنساء حمزه | 01-06-07, 01:47 PM |
| Re: ووووب علينــا المـاقرينـــا!! | عبد المنعم سليمان | 01-06-07, 01:51 PM |
| Re: ووووب علينــا المـاقرينـــا!! | saif massad ali | 01-06-07, 02:15 PM |
| Re: ووووب علينــا المـاقرينـــا!! | عبد المنعم سليمان | 01-06-07, 02:17 PM |
| Re: ووووب علينــا المـاقرينـــا!! | عبد المنعم سليمان | 01-06-07, 02:27 PM |
| Re: ووووب علينــا المـاقرينـــا!! | mohamed osman bakry | 01-06-07, 02:55 PM |
| Re: ووووب علينــا المـاقرينـــا!! | عبدالأله زمراوي | 01-06-07, 03:19 PM |
| Re: ووووب علينــا المـاقرينـــا!! | saif massad ali | 01-06-07, 03:47 PM |
| Re: ووووب علينــا المـاقرينـــا!! | عبد المنعم سليمان | 01-06-07, 09:56 PM |
| Re: ووووب علينــا المـاقرينـــا!! | HAYDER GASIM | 01-07-07, 07:30 PM |
|
احدث المقالات بسودانيزاونلاين اليوم
| |
صباح احمد
فيس بوك
تويتر
انستقرام
يوتيوب
بنتيريست