الرد المستطاب علي عناوين البروداب

الرد المستطاب علي عناوين البروداب


06-18-2003, 11:56 AM


  » http://sudaneseonline.com/cgi-bin/sdb/2bb.cgi?seq=msg&board=99&msg=1254355007&rn=0


Post: #1
Title: الرد المستطاب علي عناوين البروداب
Author: 3mk-Tango
Date: 06-18-2003, 11:56 AM




تتسم كتير من عناوين البوستات بمزاج خاص واكثرها لايخلو من دعابة وروح السخرية رغم ان ما بها احيانا يكون قمة في الجدية..تجدني احيانا افتح الصفحة الرئيسية للبورد واطالع اسماء المواضيع ....وطبعا لكثرتها تصيبني الحيرة ..واظل اتحدث مع نفسي رادا علي كل عنوان رد معين حتي اصبح احدث نفسي وانا اطلع البورد كالمجنون..شاركوني في بعض جنوني... وما فينا من زعل الساحة ما ناقصة عكاكيز ...

1/ Roda وددت ان احاورك ..ولكن ..nile
ولكن اخاف ان تدعيني للمسيحية

2/ بنت الاحفاد والكورس لماذا ادعوكي للمسيحية؟؟ .....Roda
سوف ادعوكي الي عشاء الفنانين انت والكورس

3/ ها بت ناوليني الدلوكة دي .....بدرالين شنا
بدرالدين ماشي علي حنة خدوري

4/ دمي تقيل وروحي محرقاني ...اساسي
يا اساسي يا اخوي اديهم موية دمك حيبقي خفيف وروحك حتبرد...عصفورين بي كوز واحد

5/ تعالو نتعلم كيف نتذوق ثم نحاول ان نحاكي Ro3ah
لا استطيع ان احاكي وانا اتذوق ..صعب جدا كدا ..مش في رواية اسمها لا استطيع ان افكر وانا ارقص

6/ اوضتنا يا اولاد ممنوع دخول البنات ...السفير
شايف كانت اوضة اسة بقت تلاتة...دا بقي بيت عزابة كبير خلاص ..

7/ قلت في سري ياسيف الجامعة انت رجعتك التريبة ولا شنو ؟ saifaljam3a
الحمد لله طلعت ما التريبة..انشاء العمر كلو ليك ياسيف

8/ النجمة الاسترالية نيكول كيدمان تتزوج من سوداني .....abuarfa
وعمك تنقو يتزوج من جنيفر لوبيز....قولو امين ..اي عولمة مافيها كدا ما دايرنها

9/ تحية طافحة بفوح الفل والنوار ...rummana
رغيف طافح في موية الفول وموية الجبنة ....بوش ..لكن ما جورج
او يوم الفول المصلح ..علي قول بت قضيم ...اخواتنا ديل جعانات ولا شنو ؟

10/ قبلنا المناظرة ياود عز _ انا واساسي ...7bibalkul
ومنتظرنك تطالعنا الخلا..علي قول bayan

11/ شمـــــارات دناقلة ....سجيمان
وكان الرد سريعا ....ثوار حركة التحرير في دنقلا ..تقرير خاص...abdelati....سجمك يا سجيمان

12/ كتابة علي جسد ضفة يفصلها عن الاخري انا ....زوربا
وكان الرد سريعا ..شاطر ومشطور وبينهما عجور ..ابو جهينة

13/ هل المراة تساوي الرجل ....denga
وكان الرد سريعا .. الرجال من المريخ ....النساء من الزهرة ...Maxab..والبورداب من الارض
المراة = المراة ....والرجل = الرجل دي المعادلة حسب سعر التحويل في السوق

14/ لا معني لحب ينقصة الاحترام لكن برضو بحبك ..WAD ALGAALI
نفهم من كدا انو الود جعلي وحبييب شديد .؟؟؟ ولا... احترميني ياخي ؟؟

15/ زغاريد في القصر الجمهوري ..shiry
يامهترشة البشير عرس تاني ولا شنو ؟؟ الشمار عندك

16/ سهر العلوج مستمر ...قرشو
ويا قسيم الريد الريد فوقك النبي

17/ مصيبة التلفزيون في كمال حامد....انور عمر
يعني يا انور لو شلنا كمال حامد حيبقي تلفزيونا زي الجزيرة كدا ؟؟ سؤال لا برئ ولا حاجة

18/ سؤال لكل من يريد زوال هذا النظام ...3omda4
انتو جادين ولا بتلعبوا بي اعصابنا ساي ؟؟؟

19/ نرجو المشاركة حتي لو بدمعة ....Ridhaa
ما قالو ليكم : دعوة لتقليل المشاركات....الزومـــة ... وبدون زعل كمان ...

20/ السنيح .....HOPLESS
ها السنيح دا انت كدي زح كدا shiry

21/ تعيين سمير كورايك وزير ....دورنقاس
مابعرفو سمير دا ..لكن كان بتاع كواريك يستاهل يبقي وزير..او فنان شاب..مافي مشكلة

22/ رحبو معي بالمبدع الشاب زوربا
عضو جديد وهل من مرحب ...ابو حمزة النوبي
وافد جديد عندو راي ...abden shahen
ضيف جديد يستظل بدوحكم .....المنتصر
اها ودا واحد جديد تاني ...mekii
الاعضاء الجدد مرحب بيكم كلكم بدون فرز....ما ممكن نحنا نقرا ولا نرحب بالناس؟ bintaljzera

23/ الخريجات الجامعيات ما بين الخدمة الالزامية والزواج ...3bdo
ياعبدو يا اخوي دي ما فيها بين بين طبعا ..الزواج الالزامي هو الحل بدون تفكير .

24/ ضابط امريكي يشهر اسلامة في بغداد...Boush
اها دا واحد فلت من روضة

25/ الرجل السوداني وفقة الحيض والنفاس Rodah ..1..2
والله تلقي cantona...اسة روحو محرقاهو

26/ الي الحالمين ببقاء الانقاذ هذه هي المؤشرات والادلة التي لن تخطي انشاء الله ...فتحي البحيري
لم تصدر الخرطوم اليوم وتاخرت الاضواء ...خير اللهم اجعلة خير ...فتحي البحيري
يكون الفي بالي ياربي ..اللهم امين ...

ونواصل ...

تنقو


Post: #2
Title: Re: الرد المستطاب علي عناوين البروداب
Author: فتحي البحيري
Date: 06-18-2003, 12:11 PM
Parent: #1

شكرا
ويارب ......ـ

Post: #6
Title: Re: الرد المستطاب علي عناوين البروداب
Author: 3mk-Tango
Date: 06-18-2003, 07:29 PM
Parent: #2



فتحي البحيري

يارب وانا عندي نذر بس خليهو يحصل


لك الود

تنقو

Post: #3
Title: Re: الرد المستطاب علي عناوين البروداب
Author: ابوحراز
Date: 06-18-2003, 12:12 PM
Parent: #1

عمك تنقو
عكاكيزنا المضببة دي ماشايفها وللا شنو
هووووووي يازول العكاز حقي دا انا مضببو لمنو
ماهو للنوع البفطنا زي السطر دا

قال كانتونا حردان قال

والله بالجد فكرة حلوة وأعجبتني
يعني في لحظة وانت قاعد تشرب في الشاي
تمر على البوستات كلها

Post: #7
Title: Re: الرد المستطاب علي عناوين البروداب
Author: 3mk-Tango
Date: 06-18-2003, 07:33 PM
Parent: #3

عزيزنا ابو حراز
مش الخواجات قالو
save the best 4 the last
بس امسك فيها قوي وزح مننا عكازتك دي لانو امكن تحتاج تعرض ليها يوم الحفلة او امكن يحتاجها احد الزملاء



تسلم يا العزيز وجاييك انا بس روق المنقة


تنقو

Post: #4
Title: Re: الرد المستطاب علي عناوين البروداب
Author: قرشـــو
Date: 06-18-2003, 12:14 PM
Parent: #1

عمك تنقو

تحية طيبة

وكانه ملخص لما جاء فى بورد اليوم
تعرف لو كل عنوان عملت ليه الرابط بتاعه خلاص الواحد يخلى البورد ويقرأ هنا الجديد شنو والمهم شنو وخلاص

لك تحياتى

Post: #5
Title: Re: الرد المستطاب علي عناوين البروداب
Author: ensana
Date: 06-18-2003, 12:18 PM
Parent: #4

عمك تانقو سلام

العنوان مهم و اساسي في جذا الناس و دا فن و حس صحفي عن الزول

كونوا يختار عنوان جاذب

يعني في المجلات و الجرايد بتلاحظوا النقطة دي

و هي زي تسويق لموضوعك

و خاصة احنا السودانين بنحب الشمارات

Post: #9
Title: Re: الرد المستطاب علي عناوين البروداب
Author: 3mk-Tango
Date: 06-18-2003, 07:43 PM
Parent: #5


انسانة الانسانة

تحياتي

فعلا هو اسلوب تسويق وممكن يكون موفق او غير موفق

تخيلي معاي اعلان لي ركشة ويجيبو جنب الركشة واحدة سمحة ومستحمية
بكون الرابط شنو؟؟؟
انا بشوف هي كان سمحة ما بتركب ركشة وكان ركبت ركشة حتتغبر

وهكذا يخرج الاعلان عن الموضوع او عن المعلن عنه


عموما كثير من عناوين البوستات اجدها موفقة


لك الود


تنقو

Post: #8
Title: Re: الرد المستطاب علي عناوين البروداب
Author: 3mk-Tango
Date: 06-18-2003, 07:37 PM
Parent: #4

تسلم يا قرشو

هي لكن كان عملت كدا يعني بكري دا ما ياكل عيش ولا شنو ؟

كدي نشوف راي بكري شنو


حبي لك ولي كتابتك الجميلة علي البورد


تنقو

Post: #10
Title: Re: الرد المستطاب علي عناوين البروداب
Author: 3mk-Tango
Date: 06-20-2003, 03:13 PM
Parent: #1

وتاني

up

لي مرة واحدة برضو