الرد المستطاب علي عناوين البورداب ..6

الرد المستطاب علي عناوين البورداب ..6


07-12-2003, 12:46 PM


  » http://sudaneseonline.com/cgi-bin/sdb/2bb.cgi?seq=msg&board=99&msg=1254354960&rn=2


Post: #1
Title: الرد المستطاب علي عناوين البورداب ..6
Author: 3mk-Tango
Date: 07-12-2003, 12:46 PM
Parent: #0



1/ james : السودان الدوله رقم 138 في قائمة المستوي المعيشي .
- القائمة كلها فيها كم دولة ؟؟ .... يا 138 ويا 139 ..مش كدا يا جيمس ؟

2/ Tumadir : ما تجو نهدر دمهم اول .
- هو ديل عندهم دم يا تماضر .

3/ انور عمر : الاحتلال ينسحب من داخل الفلوجة .
- عشان يأمنو بس J .

4/ Ro3ah : عمر البشير الضكر اللي الرجال فجخها .
- دا كلام دا يا روعة ..نحن في سوق الخضار .. الناس مكبرة عقولها بس عليهو..لكن
حواء والده .

5/ SAMIR IBRAHIM : زيارة قبة المهدي .. والتمسح بالضريح .. وبوس ايادي الاسياد .
- عليك الله يا سمير مش احسن من التمسح بي قدر ظروفك ...في ايامنا الما عندها ايقاع دي ... الناس لاقيه تاكل لمن تمشي تبوس ولا تزور ... اديها صنه .

7/ SAMIR IBRAHIM : الانقاذ...الرفاهية ..الحرية .. وابجد متطلبات المعيشة .
- منو ؟ .... و منو؟ ..... ومنو ؟؟؟؟ وتاني شنو ؟ ؟؟؟ البتكلم عاقل والمستمع مجنون .

6/ سجيمان : الغراب ......و....الارهاب .
- عمر .....و .... الطيارة .

7/ تراث : الاقربون اولي بالقتل .
_ البورد دا مالو بقي زي المسلخ كلو كتل ودموم كدا ؟؟؟

8/ ابو جهينة : صبرا ال ابو سبعة ..واستوصوا بي محمد .
- ما تخاف ما دام بابا زائد موجود (:..محمد بي خير .. :J. قال لي احد الاصدقاء ان خروج محمد من الحادث زي خروج سيدنا موسي من اللج وسوف يكون حاكم السودان القادم .

9/ فتحي البحيري : رفض رئاسة الانقلابي عمر البشير للفترة الانتقاليه .
- ما تقول لي قال داير يرئسها دي كمان ..طيب حتكون انتقاليه من شنو ؟

10/ Wadalbald : هل سيتقدم احد باستقالته بعد هذه الكارثة .
- نعم ..سيتقدم الرئيس الامريكي وزير الصناعة والتجارة والامريكيين ..لانهم السبب .

11/ Abd_Elrahman sorkate : زائد يرسل طائرة خاصة لنفل الطفل المصاب الي لندن
- وفيها شنو ما النائب الاول جابو معاهو في طيارتو الخاصة من بورسودان لي الخرطوم

12/ سجيمان : عصر ....الشلاليف .
- يجازي محنك يا سجيمان ..والله انا ما افتكرت عصر بمعني كلمة زمن افتكرتها بي معني تاني زي عصر الليمونة كدا ..وقمت جاري علي بكري عشان يشيل البوست .

13/ سلفر : من اين ادخل في الوطن .
- من اي مكان ..بس اوع مع سودانير عشان كدا حتمرق من الوطن ومن الدنيا زاتو .

14/ الرشيد احمد قاسم : الملوخية الامريكية .
- هم خلو البيرغر ؟؟؟ عاش المشروع الحضاري وتصدير الثورة .

15/ nile 1 : لا دخل للمقاطعة ولا لامريكا في كارثة سودانير .. السبب الاهمال في الفحص .
- نايل ..ان بتكذب كلام وزير الخارجية؟؟؟ .... اتلومت تب والله J .

16/ Rakoba : يا سودانير حتي صور للاصطاف مافي ؟
- ركاوبا ..بطل برجوازية ..هو اسماء الركاب مكتوبه بي قلم الحبر في القائمة .

17/ ابو جهينة : علم البديع والفصاحة بين الادب واللداحة .
- وفي نفس الجامعة ..علم الطيران والصيانة ..بين المقاطعة والمتانة .

18/ ابو فاطنة : اسباب الحياة السعيدة .
- انا بعرف اسباب الموت ... عرفتو يا ابو فاطنة ؟؟ اول حرف من اسمو سودانير .

19/ كبسيبة : هل افلس كتابنا ؟
- والله ما افلسو ..لكن فلسو ... اها دي حلها شنو ؟

20/ بت قضيم : المراة القارورة .
- كريستيان ديور في شكل جديد .

21/ Waled 500 : الحفلة انتهت .
- ما تكون بي شكلة وجديع كراسي .

22/ Yassir 7anna : تخفيض رسوم الاراضي علي المغتربين السودانيين .
- لوووول ... هو في مغتربين قاعدين يمتلكوا اراضي من ما جات الانقاذ دي ... هم قادرين ياكلو ..ويدفعو الضرائب ..والزكاة..وزاد المجاهد .. وترعة الديم .. ودعم جمعية قدامي المحاربين ... و رسوم فضائية ما قاعدين يشوفوها ..وحق مدارس وحقن الكلورفيل ....واخري ..( اخري دي بتعمل لي نفسيات طبعا ) ..بعد كدا كان فضل شئ خلي اي مغترب يجي يقابلي .

........ ....






Post: #2
Title: Re: الرد المستطاب علي عناوين البورداب ..6
Author: ابو جهينة
Date: 07-12-2003, 03:51 PM
Parent: #1

عمك تنقو : لك تحياتي أيها الصديق العزيز


8/ ابو جهينة : صبرا ال ابو سبعة ..واستوصوا بي محمد .
- ما تخاف ما دام بابا زائد موجود (:..محمد بي خير .. :J. قال لي احد الاصدقاء ان خروج محمد من الحادث زي خروج سيدنا موسي من اللج وسوف يكون حاكم السودان القادم .


لا فض فوك و نتمنى من الله أن يصدق كلام صديقك
تسلم

Post: #3
Title: Re: الرد المستطاب علي عناوين البورداب ..6
Author: 3mk-Tango
Date: 07-12-2003, 05:56 PM
Parent: #1

....

تسلم عزيزي ابو جهينة صاحب الاسلوب السلس الراقي

والله بنقول امين كلنا

بس انت ما تكلم زول بالحكاية دي خوفا من فرعون وحاشيته


ولك الود

تنقو