سؤال لأهل الاختصاص في الكمبيوتر

تحياتي الي اهل الاختصاص والجميع .... هنالك بعض الاشياء الفنية ارغب في معرفتها من اهل المعرفة في هذا المجال وانا في انتظار الردود :
1/ ارغب في معرفة افضل الطرق لتحويل الاغاني من المسجل الي السي دي.. واقصد انوع الملفات
( mp3 , wm ,wv وغيرها ) ولتوضيح السؤال اكتر ..احاول ان انقل مكتبتي الصوتية كلها الي
السيديهات ( CD's ) وقبل ان ابدأ في ذلك ارغب في معرفة النوع الافضل للملفات والذي يمكن
معه تحميل اكبر عدد ممكن من الاغاني الي سي دي واحد مع امكانية تشغيلها علي جهاز الاستريو . واتمني ان يكون الشرح بالتفصيل لمعرفة مميزات كل نوع من انوع هذه الملفات . وافضل طريقة للقيام بهذا العمل ..واقصد ترتيب الاغاني فهرستها ..الخ ..وهل وضع اغاني كل مطرب في دليل ( folder ) منفصل يمكنني من تشغيلها في الاستريو ؟؟؟

ولكم الود
تنقو

معقول 48 زول شاف البوست دا ومافي واحد عارف يقول حاجة

يكون ياربي كلام البشير لاخم الناس

وين يا الصادق وخواض ..الله يطراكم بالخير


في انتظار الرد


تنقو

العــزيز عمك تنقو


تحـــــية طيبة

لو رجعت بس شوية لى ورا يعنى بوستات قبل يومين حتلقى الموضوع ده بالتفصيل الممل ، يبدوا لى نزلو اخونا الخواض
والعنوان على ما اتزكر (كيف تنقل اغنية للنت وربما كيف تسجل
ارجع شوية لى ورا ياخوى يعنى بوستات يومين تلاتة اربعة لى ورا

ولك التحية

العزيز ترهاقا صاحب الاسم الجميل

تسلم علي الرد ياسيدي

حقيقي البوست المذكور لي حبيبنا الخواض افادني كثير وانا اعمل عليه من فترة طويلة ولكن ما قصدته في هذا البوست هو التحويل من الكمبيور الي سي دي خارجي وطريقة عمله مع قارئ الاقراص في المسجل

عموما انا الان وجدت موقع يخدمني واحاول ان استفيد منه

ولك الود


تنقو

المطلوب : سيدي رايتر + برنامج للنسخ افضلها النيرو
وافتح البرنامج واختار تحويل الى سيدي ايديو واختار
المواد المطلوب تحويلها وانسخ مع العلم بان البرنامج
يحسب بالوقت ولس الحجم وكان كلامي ده ما وقع ليك
قول لي عوك وانا بشرح ليك بالصور...عيوني بس تامر
بالنسبة لبرنامج النيرو موجود في دليل البرنامج عندنا
في سودان دريم

ALBOSS العزيز

اولا اشكرك علي الاهتمام وعلي التوجية

ولكن دعني اشرح لكن الوضع حتي تكون في الصورة: انا استطيع ان اسجل وانقل من المسجل واعرف استخدام البرامج للتسجيل وعندي اكثر من عدة برامج للتسجيل وللتنقية..واستطيع نقل هذه الاغاني الي السي عن طريق السي دي رايتر. ولكن المشكلة هي في انواع الملفات التي تفيدني في تشغيل السي دي من خلال الكمبيوتر وتمكنني من تشغيلها في المسجل ايضا ..واريد ان اعرف انواع هذه الملفات وميزة كل منها

وحاخد لي طله علي الموقع الذي حددته لي

وتسلم كتير


الحليله سلااام

موجود هنا الوصله لي الموضوع الذي نشرة الخواض وقد افادني كثيرا
كدي شوفو وتعال لي صادي بي جاي نشوف الحاصل شنو
لكن اطمن حنصل حنصل لي الحل
URL=كيف تنقل مواد الكاسيت الي جهاز الكومبيوتر



ولكم الود

الصديق عمك تنقو
أشاطرك الفرح في البحث عن أجابة لأنني كما يقول الأنجليزي
أركب معك في مركب واحدة
الصديق البوس والأخوة المداخلون
نتمني عليكم أن يقوم كل ما بوسعه
وأنا متأكد ان ذلك سيخدم كثيرين لأنني وحسب علمي البرامج الصوتية هي هاجس لكثير من الناس
ويديّ معك يا تنقو

تنقو يا حبيب
للاجابه علي تسأولاتك نبدا من البوست الاول
الاغاني عندي تحويلها ايل سيديز
عندك طريقتين

الاوله ممكن تسمعه في الكمبيوتر والاستريو وبتنتهي بالاختصار cda
ودي بتكون باختيار الاوديو في برنامج السيدي رايتر
وفي السيدي ده بتحكمك مده الاغاني بالدقايق اعتمادا علي حجمها مع العلم انو اغلب السيديز مدتها 80 دقيقه
واغانينا بتبدا من 15 دقيقه وانتا طالع

الطريقه التانيه انك تسجله MP3 بتقدر تسمعه في الكمبيوتر والاستريو الحديثه البتدعم ملفات MP3
ودي ممكن الاسطوانه تشيل ليك لحدي 250 اغنيه
واهم شي انك تكتب اسم الفنان في الاول قبل الاغنيه لكي تحافظ علي اغاني كل فنان خلف بعض في تسلسل

وانتبه اذا وضعت ملفات ال mp3 في فولدرز( folder ) ما بتقدر تسمعه في الاستريو وانما في الكمبيوتر بس

واذا اي شي بقي ليك زي اللغه الصينه قول عوك بس

عمك تنقو

مشتاقين والله

اختفيت ياخي اها انشالله لقيت العازة

***

اها نجي لموضوعك، انا غايتو ما بفهم كتير في الكمبيوتر لكن احسن فورمات للاغاني عشان تشتغل في المسجل هي ويف   (wave format).  وبعدين لازم تعملهم في اوديو سي دي (Audio CD)  يعني حكاية المجلدات دي ما بتشتغل في المسجل.

اها ياخي خلينا نشوفك قريب

Salam Dear Tango
I'm here near to U.
But I think more ELABORATION of the subject matter is highly appreciated MOSTLY from brother
Khawad

حبيبناالخواض
حمد لله علي سلامتك ..يعني الا يختو ليك موية سكر حتن تجي ؟


طبعا ياسيدي كلامك اتقهم بالعربي خالص خالص ومفيد جدا وانا اعمل عليه الان واذا صادفتني اي مشكلة لن اتردد بالسؤال

دكتور بنرجي

وين ايامك ياحبيب

انت الظاهر بقيت من عشاق كجاعة وما بتقدر تخلي طلوع الجبل حتي بعد رحيل طالبان

عموما ياسيدي ياريت لو جيت كدا وقعدنا رتبنا الشغل دا مع بعض امكن تطلع ليك بي حاجة من شنطة الخواجة



الحليله عزيزي

كدي اقعد واحده واحده كدا واكيد الشغلانة حتمشي معاك تمام ولو جيتني في المسنجر امكن نقدر نتجاوز اي حاجة ولو غلبنا بنرجع لي خواض

ولكم الود


تنقو

أخـــــــــي تنـــــــــــــــقو
سلام
خلينا نفكر فيها تاني
ونشوف

يا جماعة المشكلة وين
قول لي عليكم الله
روحي حرقتني والله

ALBOSS

طول بالك ياحبيب كلو حيتصلح



اشكرك يا عزيزي اعتقد انني وجدت الاجابه وحتي الان لا توجد مشكلة
كدي شوف الحليله دا شايفو مزنوق

ولكم الود

تنقو

الأخ تنقو
والأخ البوس
تحياتي
أحس بأن الأمور بدأت تسير ولكن يبدو أنني أواجه مشكلة بسيطة سوف أحاولها مرة أخري
أرجو أن تكون قريبا يا البوس

سلام....

كـُتيب صغير يشرح الطريقة..مدعومة بالصور

أنزله بالضغـط هنـــا