Post: #1
Title: عدنا الي البورد ...والعود احمد
Author: 3mk-Tango
Date: 09-21-2003, 06:33 PM
Parent: #0
.
عدنا والعود احمد
يوم كامل وانا قاعد حارس البورد يفتح ..زي المنتظر جنازة عاوزين يطلعوها من البحر..
فتح يا زول ..لا ما فتح ..كدي يازوله شوفي من عندك ..ما فتح والله .. بكري كان بعمل لينا اعلان نجهز نفسنا ..والله المرة دي اظنو حاله طارئة ..ياربي يكون الباندوث ( المابعرفو لي اسة يعني شنو ) يكون قام علي جنو .. مشيت البالتك ما نفع ..لقيتو كلام بايخ ومكرر ..المسنجر ..غلبني كلو كلو.. اها ياربي الحل شنو .. يا الله اجبر خواطرنا ..نمت غايتو وانا انتهد زي الشافع .. الصباح اول ما دخلت المكتب جري علي الكمبيوتر ..فتح ياربي .. ؟ ما فتح ..حكاية والله .. معاي زميلي مصري في المكتب اول ما ادخل البورد بديهو الاخبار ..وبعرف سجيمان وبعرف شيري وبعرف كل الناس الحلوين .. قاعد حارس معاي البورد .. ( جري ايه مالهم الجماعة دول النهار دا ) قلت ليهو والله ما عارف ..
والله يا ناس كان الواحد عايش في توهان عديل ... عدنا اخيرا .. وبدون اي مقدمات كما اختفينا بالامس ... اللهم ادمها نعمه واحفظها من الزوال ... وربنا يحفظك يابكرينا من كل شر ..انت والباندوث زاتووو ...
ياربي كل الناس كانت برا الحوش ولا انا براي ومعانا كم واحد والسبب شنو مافي زول قال حاجة ؟؟؟
مرحبا بكم مرة اخري ومرحب بي عودة الروح الي الجسد ...
تنقو
|
Post: #2
Title: Re: عدنا الي البورد ...والعود احمد
Author: اساسي
Date: 09-21-2003, 06:36 PM
Parent: #1
عمك تنقو
تحياتي وحمدا لله علي عودة الديار او عودتنا الي الديار
لم افعل مثلك انتظارا ولكن مع هذه الشبكة العنكبوتية لا بد من بدل فاقد
|
Post: #3
Title: Re: عدنا الي البورد ...والعود احمد
Author: سجيمان
Date: 09-21-2003, 06:37 PM
Parent: #1
عرف يا عمي تنقو.....البارح... الداهي دا كلو ملخبت ومسيوط.....حتى سودان نت شايفو مسيوط
|
Post: #4
Title: Re: عدنا الي البورد ...والعود احمد
Author: zoro
Date: 09-21-2003, 08:46 PM
Parent: #1
حمد الله على السلامة يا عمك تنقو
وينك ياخي مسجل غياب كده....صاحبك العجوز بسلم عليك
|
Post: #5
Title: Re: عدنا الي البورد ...والعود احمد
Author: bayan
Date: 09-22-2003, 04:02 AM
Parent: #4
يعنى انا ما براى
دا انا قلتا عللى بكرى
دا
تانى نوى يقفلنى
لكن شديت سلك لزول قال برضو هو مقفول برة
|
Post: #6
Title: Re: عدنا الي البورد ...والعود احمد
Author: Rawia
Date: 09-22-2003, 04:15 AM
Parent: #1
انت في دا يا تنقو انا جننتا ليك بكري جن بي التلفون الواحد بقى مدمن عديل كدا ،
|
Post: #7
Title: Re: عدنا الي البورد ...والعود احمد
Author: 3mk-Tango
Date: 09-22-2003, 12:48 PM
Parent: #1
......
اساسي الاساسي
والله فتشنا البدائل ..لكن ما لقينا بدل .. تطلع من بيتك حزين تلقي الفرح عند مين ؟
سجيمان
فعلا الشغلانة كانت مسيوطة ..انا قلت الفيروس القاصدو ابا دا يكون ضربني لكن جات سليمة
زورو
حمد لله علي السلامة..العجوز ودع العالم السايبيري ..ودخل عالم الطب.. انا بمشي ليهو يديني حقنة ..امكن اتخلص من الفيروس الجديد دا
بيان
انتي كان قفلوك معناها شالو نص البورد ...كعب الاخيل لسة مسخن معاي بالمناسبة دي لوووول
راوية
شفتي الحاله صعبة كيف بدون بورد .. انا بديت افكر في حاجة تلم الناس في الحالات الاضرارية دي انشاء الله بورد مساعد او صفحة اضرارية...رايك شنو ؟؟
ولكم الحب
تنقو
|
Post: #8
Title: Re: عدنا الي البورد ...والعود احمد
Author: haneena
Date: 09-22-2003, 01:03 PM
Parent: #7
سلام عم تنقو
فعلآ والله قطعة الارسال حااارة
انا قلت برضو قفلوني برة
عشان طوالي بطالب بكري بتعويضات كل ما القي فرصة
انا القفلة جيت في آخرها ولقيت ناس بورديناحايمين في البالتوك
شكلهم حيرانين وغالبهم اليسوه
لااراكم الله مكروها في بورديكم
|
Post: #9
Title: Re: عدنا الي البورد ...والعود احمد
Author: ابو جهينة
Date: 09-22-2003, 01:09 PM
Parent: #8
عمك تنقو
عودا جميلا و حميدا و مستطاب
|
Post: #10
Title: Re: عدنا الي البورد ...والعود احمد
Author: بلدى يا حبوب
Date: 09-22-2003, 03:50 PM
Parent: #1
مرحب بيك عمك تنقو
عودة متل خضرة سيسبانه حاضنه نيله
وشبه عودة القمارى بعد رحيله
الحمد الله انك ما كسرت الجهاز بس اعمل حسابك المرة الجاية
مع تحياتى
|
Post: #11
Title: Re: عدنا الي البورد ...والعود احمد
Author: abuarafa
Date: 09-22-2003, 05:57 PM
Parent: #1
عمك تنقو
مرحب بيك عائدا
والف حمدلله
على السلامة
|
|