Post: #1
Title: عمك تنقو في السودان
Author: 3mk-Tango
Date: 03-14-2002, 03:53 PM
Parent: #0
الاعزاء الكرام
عذرا ثم عذرا للانقطاع نسبة لظروف السفر الي السودان والاجازة
عموما الواخد ما لاقي زمن زاتو عشان يفتح النت من كثرة الجري والبحلقة
طبعا نظري انتهي خلاص والناس السمحين ما انتهو
غايتو اسا بفتش لي في نظارة اسمها قدر ظروفك
عمكم شاف كتير ومسجلوا كلوا في الذاكرة بس خلي الاجازة دي تنتهي علي خير وما تشوفوا الا النور
سلام للجميع وخصوصا عزيزنا الصادق والعزيزة تغريد وبقية العقد الفريد
عمكم تنقو
من السودان ومن السودان في امدرمان
|
Post: #2
Title: Re: عمك تنقو في السودان
Author: alsara
Date: 03-14-2002, 04:12 PM
Parent: #1
3mk tango
مرحب مرحب بالعود الميمون
و حقيقة افتقدك المنتدى كثيرا
و الجميع بيسألوا منك
و انت اتاريك لابد بهناك مع الشيه
 و ملاح الحبال و البشاكير
انشاء الله تكون قضيت اجازة سعيدة
|
Post: #3
Title: Re: عمك تنقو في السودان
Author: تغريـــد
Date: 03-14-2002, 10:32 PM
Parent: #1
عم تنقوووووووووو
وينك!!!!؟
مشتاقين ومشتاقين وكمان والله مشتاقين
لكن ما كان تقول ولا تحكي
انه السفر حصل ...معقوله بس كده تشفقنا عليك بالصوره دي!؟
على كل .. نتمنى ليك إجازه سعيده وربنا يرجعك لينا بالسلامه
وتحياتي لكل أهل السودان وتحياتي لأسرتك الكريمه
|
Post: #4
Title: Re: عمك تنقو في السودان
Author: MOHDY
Date: 03-15-2002, 05:54 AM
Parent: #3
يا حبيب، خ
يعني أصلك ما بتعرف قعاد البيت.. حوامه شديدة... ان شا الله ناس البيت كلموك إنو أنا والود هـــيما اتصلنا عليك... وللاسف الشديد إتصلت علي أخونا ود ميمونة لكن لقيتو رجع يظهر إنو إجازتو كانت قدر حبة الفول... أخونا مقصرة بخير وما عندو عوجة ..أنا مبسوط إنو الواحد أخيرا عرف يلم فيهو..ة
قبل ما افوتك أوصيك تملي عينيك تمام، و عاوزين نتايج ايجابية ياباو بالله تحياتنا للقصيًََر التاني وما أوصيك علي الوطن...نادوس بين عيونك و في عينيك
|
Post: #5
Title: Re: عمك تنقو في السودان
Author: 3mk-Tango
Date: 03-16-2002, 01:13 PM
Parent: #1
سلام للجميع تاني
السارة العزيزة والله دائما بتخجليني والله كان الود اقدر اعزمكم معاي لكن الشربوت ما خلاني اتذكر حاجة لكن معليش خيرها في غيرها انشاء الله
البرزدنت تغريد
والله السودان ناقصكم بس غايتو بعد فترة كدا حاجيب ليكم الاخبار البرتجعكم كلكم بس جهزوا التذاكر وامكن السفر زاتو يكون ملح
Mohdy
والله شوق شديد الاجازة دي ناقص دقس بي صمة خشمها كلموني الجماعة وقالوا اتصلت انت والود هيما لكن انا كنت صايع وانتظرت منكم اتصال تاني عموما حتلقي رقم الموبايل في البريد بتاعك
طبعا ود ميمونة عملها لينا كسور وبواقي ومعط نظيف لكن اجازتو كانت صغيرة عشان كدا ما حسينا بيها هاهاها
المهم الشمار كتير وخصوصا عشماوي
اما الحجر نزل الايام دي التخصص وفكاني عكس الهوا لكن منو دا البتفك ليهو
كدي لمن نتحادث
|
Post: #6
Title: Re: عمك تنقو في السودان
Author: Dr_Bringy
Date: 03-18-2002, 12:47 PM
Parent: #5
عمـــــــــك تنقــــــوووو
والله ليك وحشة ... بس إنشاللة تكون لقيت العازة ... بجاي البرلوم بيسال عليك طوالي ... وقال انت وعدتو تجيب ليه مركوب جلد نمر من هناك ... هههههههه يكة.... بالله ما نسي تسلم لينا علي باقى الحلوين
|
Post: #7
Title: Re: عمك تنقو في السودان
Author: 3mk-Tango
Date: 03-20-2002, 02:33 PM
Parent: #6
سلام يادكتور برنجي
انشاء الله ما تستوحش ياخي
كيفكم وكيف كجاعة وكل الطلبة العرب والسودانيين
يامان انتو السنة الفاتت جيتو السودان متاكدين
غايتو السودان لا كعب ولا حاجة انتو بتكونوا مشيتو محل تاني
تكونو مشيتو وين ياربي ؟ لوووول
العازة لسة ما لقيناها والظاهر الواحد حيجيكم ساي المرة دي برضو
اها قول للبرلوم المركوب جاي بس جهز الشراب ساي
عمك تنقو
|
|