فاقده عيوني زول .........

.. قد تنتابك لحظة تفكير .. : بعد الان هل هناك اغنية جديدة او قديمة
تسمعها لأول مرة قد تصيبك بالدهشة والاعجاب مع هذا الارث الهائل
من الاغنيات السودانية التي طرقت جميع الابواب !!


سمعت ليكم :



نبوية الملاك في : فاقدة عيوني زول ..
ثلاثة مقاطع فقط تصيبك بالفقد ...





دقيقة بس

اول حاجة فاقد ليكم

الاولاد الحلوين ... صلاح شتات .. معتصم دفع الله

وباقي القائمة تاتي ..

فاقد ..

الشرغوف ...

الزول زاتو ..

بكاش ..

محسن الصلحابي ..


زمنكم خير اين ما حل بكم القدر ..

فاقد نزار الخواض ..
وفاقد زولا 123

و

العزيز عمنا تنقو
كل عام أنت و كل ناس الخبر و الشرقيه بألف خير و ربنا يحقق كل الأماني

و أن شاء الله ما تفقد عزيز

تحياتي
محمد علي

الاخ محمد علي ..

وانت بألف خير ...

وتسلم علي الدعوه الجميله .. شوفها في سودانيتها بسيطه كيف
لكن ذات معني كبير ..

لك الود

العم تنقو.. شكراً جميلاً لاتحافك لنا بهذا الجمال الرشيق.. نبوية صوت مبهر يتسلل الى دواخلك بغتة.. فتمتلئ به أنت حد الثمل..
ربنا يجمعك بكل الناس الفاقدهم وتتلاقو في ساعة (صفا) على ارض الواقع.. مع على الـ art

شكرا عمنا تنقو على هذه الاغنية الرائعة، وهي من كلمات الراحل : حسن الزبير وألحان: الدكتور الماحي سليمان.
وكم نفتقد كثيراً كلمات حسن الزبير المعبرة، له الرحمة والمغفرة.


كايسة زمن تشوفو
تسألو عن ظروفو
فاقده عيوني زول
يا ليل وين حبيبي
وليه يا نجوم تغيبي
فاقدة عيوني زول
أرجوك استجيبي
وفتشي عنو جيبي
فاقدة عيوني زول
لو يوم الله جابو
عمري يعود شبابو
فاقدة عيوني زول
من ما عيونو غابو
عقلي فقد صوابو
فاقدة عيوني زول
الناس ما بيراعو
وما عارفين طباعو
فاقدة عيوني زول
كم كذبوا واشاعوا
قالوا هوانا باعوا
فاقدة عيوني زول

راكوبار في بوستنا .. أشرقت الانوار يا ذوق يا عالي

والله يا راكوبا من ضمن فكرة البوست اقوم اكتب: مدونا بي
بي بيانات عن الاغنية دي لانو الشريط العندي ما اصلي

الله عليك يا راكوبا ..
رحم الله حسن الزبير .. بكلمات بسيطه قال الكثير
و التحيه للماحي سليمان ..

لك الود

nashaat elemam

سلامات يازول يازين ..

تعرف ما كنت قادر استوعبها في الاول لكن الاغنية دي
بالذات خلتني ارجع افتش ملفاتي القديمة كلها ..

وتسلم كتير

اختلفنا مرّه انه الصوت ده ملائكي ولا صوتي انا أحلى منها!.. تتذكّر؟؟

فاقدة عيوني زول

12:35 ظهراً بتوقيت الدمام



*تنقو.. انا أصلي شاكياك على الله.. أخير ليك
بنت الحسين

Quote: تنقو.. انا أصلي شاكياك على الله.. أخير ليك

بنت الحسين
والله راعيتك مراعاه شديدة ...
تعرفي ايام الدراسة في العراق كان عندي شريطين كدا كلهم اغاني
غربة .. ايام العيد بختهم في جيبي وبلف علي الطلبه الجدد بعد السلام
بخت الشريط وبعمل ما شايف الجماعة .. بعد شوية تشوفي الجرسه
اها مرة واحد ندمنا .. فتح بكاء تقيل ما عرفت محل امشي ...

من ضمن الشريط اغنيك الطلبتيها ديك وانا عامل ما سامع لي اسة ..
كدي خلي العيد دا يزح شويه عشان نقلل من الخسائر ..

Quote: اختلفنا مرّه انه الصوت ده ملائكي ولا صوتي انا أحلى منها

Quote: 12:35 ظهراً بتوقيت الدمام

مريم الدوام لله

تنقو

و الله إنت زول أكتر من جميل

يديك العافية
أغنية تبعثر الوجدان و تجيب ألوان الطيف عبر نافذة الروح ..
تناثرت شجون كثيرة يا خالد ..
شكرا
و القابلة على أمانيك

Quote: اختلفنا مرّه انه الصوت ده ملائكي ولا صوتي انا أحلى منها

وجب التوضيح عشان بدري... ضمير الغائب المستتر هنا، يعود على الزول..

ابوجهينة ..

والله يا ابوجهينة الاغنية دي عوقتني عدييل
اها بس اسمع واقعد اشخبت في الصور ..

غايتو الا تطلعني منها اغنية تاني

ادعي لي بس

بدري فاتح ليك مخصوص
عشان ما تجي بالباب تشيل الشريط دا
كمان نبقي في حوادث ..

((فاقدة إضنيني صوت))

ازيك يا تنقو
والله من قبيل معلق السماعة في اضنيني وبفتش لي حاجة اسمعا
فتحت بوست لي خدر ما لقيت فيهو غنية..
اها ربك رب الخير لقيت اسمك.. اضني طقطن طوالي..
يديك العافية ياخي

عبدالله عقيد

عليك الله مش حاجة تصلح السماعات ؟

لك الود

الحبيب / تنقو

لك التحية ...

وكل سنة وانت طيب .

وشكرا جميلا لك ... وربنا يديك العافية ..

عمك تنقو

يا سلام على زوقك إنتا عارف الشريط ده عندي منو إتنين و محل ما أمشي شايلو معاي.. البيجنن فيو الصفحة التانية بتاعت ناس العطبرواي و أحمد المصطفى و ثنائي العاصمة و كمان فيو غنية تانية في الصفحة الأولى ديك لما شفتا خطاك عدو .. أنا أكثر حاجة مركز شديد معاها الصوت و يا ريت تكون شفتها تالت يوم في العيد و هي بتمدح مع محمود عبد العزيز، كان عندي بوست قلتا داير أنزل فيو أغاني كنت قاصد الشريط ده و أغاني تانية بس المشغلة

Quote: رحم الله حسن الزبير .. بكلمات بسيطه قال الكثير و التحيه للماحي سليمان ..

لا تنسى صوت نبوية ذاتو و كمان لا زم نشكر بابكر صديق الراجل البيقدم في مواهب فريدة عبر نجوم الغد.

شكرا تنقو و ضيوفك

مرتضى جعفر

مرتضي ازيك ..

كل كلامك القلتو دا وقع لي تب . خصوصا لمن قلت الصوت .. عرفتك قاصد شنو
تعرف

بصراحة الزولة دي كان عندي منها حاجز نفسي .. ما بحب الحاجات المكررة
وقلت يعني عشان عميانة لازم تكون فنانة ؟ .. وقفلت علي اساس الفكرة دي
بشتري لي في شرايط بتاعة حجاج كبار كدا .. عطية والتاج مصطفي وعبدالدافع
قلت كدي اشكلهم مع شباب .. ووحاتك من ديك وعيك ..

ملاحظ معاي حاجة ؟ الاصوات الجديدة النسائية اجمل بي كتير من الرجاليه
وبتحافظ اكتر ..
طبعا اكيد تحية لي كل من دق وتر وايقاع وصوت وكلمة في الاغنية دي .

لك الود

عمك تنقو دخل البيت

قال للعازة اوعك من فول بالزيت

لا يا عشاي عايسة كسرة وملاحي قبيل شديد

ضحك عمك وبرم شنباتو الليلة قاعد ليك بدون شتيت

بصاقرك يا عسل دنياي يا سبيطة تمر بريدك من تبيت

العازة ضحكت

ياراجل الجنون كبرو وات لسة بتريد

راسك شعرة سوده واحدة قدر ما افلي ما عديت

عداك العيب ابوجناي هارد حشاي انا كمان لسة مكتولة


هي هي هي هي بالريد




حمدا لله على السلامة

ويا جمال طلة الزول الحلو

عمك تنقو


....
....

(لعنتك فى سرى)

....
....

حمد لله على السلامة

واعفى لى بس الاغنية والصوت

مبالغة


(كل عام وانت طيب)

الملك .. ازيك يا كنج

جاني شمار قالو لي الزول دا بشبهك ..
وتحديدا في رحلة توتي ..

يعني كان لعنتني بترجع عليك ..
لكن عافي ليك والله لانو حالة
الشجن العالي بتفتح ابواب السماح
ضلفتين ..
ودا سبب يخليني ارش ليك المنبر دا
بي طرب لمن ينسو العكاكيز الكتيره دي ..

لك الود

Quote: جاني شمار قالو لي الزول دا بشبهك .. وتحديدا في رحلة توتي

معناها واحد فينا نحن الاتنين


وجيه


والتانى وسيم (رحلة توتى الكدايس)

...
...
تسلم يا عزيزى

المشاْء قرجة

تعرف اساسي بكون خاف من عكازك دا وما نزلك مع ناس هتلر..

والله العازة اشغل ليها الاغنية دي بدل الفول تعمل كبسة ..


تسلم وليك كل التحايا ..

ود المايقوما الغالي
شرفت البوست ..

والله صورتك دي بتذكرني بي زول صاحبي شديد
عشان كدا تلقي معزتي ليك زايدة ..

والله يا عمك البت الملاك دي من يوم ماسمعت صوتها الملائكي وطريقتها المميزة في الأداء قبل سنوات رشحتها للصعود بالأغنية السودانية إلى سماوات جديدة ، وقلت هذه مبدعة حقيقية من صنف عائشة الفلاتية ومنى الخير ومهلة العبادية ، وثنائي النغم أيام مجدهن التليد والبلابل قبيل الشتات وحنان النيل وآمال النور
أحتفظ بكل إصداراتها والبوماتها وأعود لها كلما قرصت الغربة فؤادي


وكمان شريط { ما إتغيرت } لآمال النور

تنقو

Quote: من ما عيونو غابو عقلي فقد صوابو فاقدة عيوني زول

عندك شك ؟
حتى الإتزان راح و فقدناهو و الله ..
بس تقول شنو ..

ابو جهينة والله ما عندي أي شك ...
مش ناس الحقيبة قالو .. : ابدا وطبعا لا ..
الطرب دا ما داير وقار يا ابو جهينة
زي ما بقولوا ناس العوم خلي نفس للتيار ..

لك الطرب ..

ابو ساندرا تحياتي ..

وصدقا لي كلامك دا يا ابو ساندرا الزوله دي عندها تحكم جميل جدا في صوتها
وبتعرف تعمل بيهو حاجات كدا بتطلع مزيد من التطريب .. ( ما تعدي علي تخصص ناس الموصلي ) لكن دي نظرة مستمع معتق ...

وبعد قائمة المبدعات دي انا بخت ليك أسرار بابكر ونبوية الملاك ..
ديل اتنين جاهزات .. و في مها بت مدني ودي خامتها جميله بس دايرة حبة شغل .
تفتكر نحن في عهد جديد من المبدعات ولا دا بكي مننا ساي يا ابو ساندرا ؟

تنقو

ان شاء الله ما تفقد عزيز

وتشوف النبى

حليت ليلنا ..

حبيبنا معتصم ..كيفك يا هندسة
تحلي ايامك يارب .. شنو ما شفناك تاني بي بلدنا ؟

ما تقول تلفوناتو وقفت بعد مامشي علي السقيد ..
امكن نجيكم بالدرب عديل المرة دي ..

Quote: امكن نجيكم بالدرب عديل المرة دي ..

أعددنا العتدة

وفرشنا البساط الأخضر

وعلمنا البنوت الشبّال والزغاريد ..

لا تعرف الجميل صوت نبوية
لاتعرف الجميل الغنا
لاتعرف الجميل اللحن
لا تعرف الجميل الجو في البلكونة
ولا تعرف انو الجمال من تنقو

غنية تبشتنك عديل ..
اسمعو ياليل دي تاني كم مرة عشان تعرفوانو بتحبو زول كده ما معروف وين..


كده العشا بي اخطبوط نادر والبياتة مع تنقو ونبوية..

يا تنقو ..
ممكن تكتبها لينا علي النوتة الموسيقية ..
ما عندي سماعات .. ياخي ..
ومن المغسة .. فاتح البوست دا من امبارح ..
وبتفرج في الصور ..

انا برضو فاقده عيوني زول ..
بس خليهو في سرك يا عمك .............

تعرف انا مفرمل بي شريط كاسيت واحد بس لي نبوية لحدي الآن ( واسماعيل وراق ) عامل لي ( زلزال ) لانو الشريط عزيز عليهو .. وشغل قديم بتاع نجوم الغد الدورة الأولى .. الفازت فيهو نبوية بالكاس ..
..
جميل ياعمك ترجع للمزازيك تاني في المكان ده .. والله الجهاز مليان فل ومعبأ وكلما الواحد يجي ينزل ليهو حاجة يقول وين المكان البحتمل يسمع غناء تاني هنا ..
التحية معاك لي معتصم دفع الله .. الضلع التالت .. في مثلث الغناء
وفتحت لينا شهيتنا يا عمك ..


تعرف يامجري ..

لما شفت الشغل بتاع الصور الفوق ده فكرت انزل ليك من طرف الجهاز كم حاجة كدا باللون الأحمر
الله يكسرني حتة حتة تكون كملت الكابشر منو .. بس أخوك بخاف ضبحان الكديسة
علشان كدا ياعمك السمع ما( فوكو ) مشكلة بس الشوف بالدس
عنب .. عنب ..عنب

ياتامبا والله زهجت من العكاكيز هنا ياخي
.. الوحد كل يوم بجي يقول امكن فرجت
يلقي البتقال بتعاد ...
تتذكر اسبوع الشوق ؟؟ معتصم وملكة سبأ وسمباتيكو وباقي الناس الحلوين ؟
خدرنا فيهو المناضلين والمجاهدين علي السواء .. بس غلطتنا ما سحبنا منهم
الاسلحة والمنشورات ...
الله يذكر ملكة سبأ بالخير اسة بقت تجي تكتب سطر وتقيف تعاين بي برا
معقول الناس تهاجر في المهجر زاتوو ؟

كدي اجدع عكازك دي واسحب العود ... الشغلة لو كانت جايبة فايدة كان اتحلت
من 50 سنة ..
تعرف علاقة العكاكيز بالاغنية السودانية شنو؟ .. حتتحير تصدق
تعرف انواول يوم اتغنت فيهو الاغنية بي شكل جديد ادي لي شكلها الحالي دا
كانت بي سبب شكلة ؟؟
اغرب شعب نحن بنطلع من الشكل ابداع ..

يا تامبا بقيت تعمل هيروشيما ... وتخاف من ضبح الكدايس .. افووووو
كب الشغل و قول دا بي طلب من تنقو .. دا لو كان لون من الالوان دي ما عندي
و انتظرني جاييك بي الرقمين .. وبخلي الفاتح يتوصي بيك ..
منتظر جديدك عشان الصفحة تحلي ..

عضلاتك تبش لكن ..

حميدة ما محتاجة لي نوته ...
بس تقرأ الكلام الفي الصور دا وتتخيل نفسك في طرف النيل
وكلو بكون في محلو ...
ما تستخسر فيها السماعات الزولة دي .. والله بتنفعك ...

شوف يا دكين .. اوعك من حركات الجيش .. انت بتوعد فينا ليك سنين
ولمن جيت فووووو عبرتنا وعديت بي غادي ... اسة الخميس دا
نادر ومريم مجهزين الاخطبوط D:
( معقولة يا دكين اخطبوط دي قلبت فيها هوبة ..
هو الاخطبوط دا بضبحو ولا بخنقو اسة ؟ ) D:

وبي لسانك قلت المبيت مع تنقو ..
ووعد من تنقو زي وعد ناس (روتانا ) : مش حتعرف تغمض عينيك
وكان رمشت ساكت عيبني بعدين ...
..
بطل ( مسكولاتك ) البي الليل دي ما بكون فاضي ليك انا بعد 12 باليل .

راجع المسنجر حقك ..

الود الفنان تنقو
هاك دي حزمة ورود وفرح عساها ترد بعض مما تفعله فينا دائماً ...
يعجبني احساسك(العالي) في اختيار الألحان والأصوات الجميلة، وتعجبني جداً حاستك الملهمة في تلمس الجميل وبسطه على الملأ بهذه الأريحية المبهرة، (لحن الخميس) كانت في يوم مساحة لتلاقي العُشاق والأصدقاء، وكم تحلقنا حولها أياماً وليالي، أخذك منتدى سودانيات بعمله الروتيني فضاعت (لحن الخميس) وخسرنا مورد عذب للألحان و(الشجن)...
إذاً هذه دعوة صريحة للتفكير مجدد في عودة (لحن الخميس) بنفس تلك الروح التي كنت تجتهد بها لبث الجمال في فضاء الغربة ...
للذين لا يعلمون فتنقو باحث في الغناء السوداني وله مشروعات أتمنى أن يركل كسله جانباً لترى النور، فهي بحق إضافة حقيقية ...

Quote: كده العشا بي اخطبوط نادر

منتظرينك أنشوف منو البتلوم؟؟ أخطبوط دي أسّهل حاجة هنا ... الحمد لله الماطلبت ليك سواكني ولا نعيمي ...

يا ليل .. وين حبيبي
و ليه يا نجوم تغيبي
ارجوكـ استجيبي
و فتشي عنو جيبي
صب لي يا ليل بعضاَ من اقداحكـ .. فأنا عطش و مغرم
احكيكـ نُتفاَ عنها .. بكم تشتري !!
لو يوم الله جابو
عمري يعود شبابو
من ما عيونو غابو
عقلي فقد صوابو
احكيكـ .. كيف صنعت من ضلعي شماعه لمعطفها الصوف الطويل
ترمي به عليه و تتجول في حواري الدار .. و انا يكفيني منها تلكـ الرائحة
والتلصص .. لا املكـ سوي اعصاب واهنه وقلب هده العطر



الناس .. مابراعو
ما عارفين طباعو
كم كذبو و اشاعو
قالو هوانا باعو
كيف يبيع من اشتري قلبا كقلبها .. صبني فقد ارهقني الظماء
كايسه زمن تشوفو و تسألو عن ظروفو
فـــــــــــــــــاقده عيوني زول

خدر ..

انا لسة منتظر ومافي خبر ..

كدي شوف ناس السودان امكن يدوك الاكيدة ..

عامل قميصك المكرفس دا ..

نادر ازيك يا حبيب المدينتين ( امدر والدمام ) ..
عارفك بترتاح للحاجات المقعده وبتخلي مودك عالي جدا ..
قريت ليك اول امس تعليق في بوست كدا بتقول فيهو كنا زمان بنجي نتثقف في سودانيز
لكن اسة بقينا نجي نشوف منو نهرز منو .. ) والغريبة الجملة دي زي ما حركتني الظاهر حركت قدامي المحاربين بالجمال وجابت ملكه سبأ علقت عليها ...
سودانيات ما اخدتني بالعكس مستفيد كتير منها لانو بلقي فيها روح سودانيز الزمان الناس روحها جميله والحوار بذوق وبعيد عن التهاتر.. وبرجع للبيت الكبير سودانيز دائما لكن زي ما قال تمبس فوق

Quote: وكلما الواحد يجي ينزل ليهو حاجة يقول وين المكان البحتمل يسمع غناء تاني هنا ..

لكن اتضح انو الناس دي عطشانه طرب وما قادرة تقول ..

... علي ذكر لحن الخميس .. حيكون علي الموجات العامة جميعا ..
وكل المشاريع موجودة بداياتها لكن الله يستجيب لي امنيتك ويبعد الكسل ..

تحياتي وخميسنا ( اخطبوط ) ..

كرامة وسلامة لله والرسول

Save @ PC

Quote: تحياتي وخميسنا ( اخطبوط )

قلتوا كدي.. أجدعها أخطبوط.. بس خلوا بالكم من الإيدين...

بنت الحسين

يا عمك
..
يظهر انو البوست حقك حرضنا وقرب يعمل مظاهرات
اصطدت ليك كمان معاي راكوبة بي هناك ..
ويلالا .. نحاول نغير الطعم شوية .. من الحموضة دي
مستحيل عن حبك أميل _ شذى هيبان عمر _ صوت جديد!

إيمان توفيق .. جديد

معاك يا منقة ..

وحباب راكوبة .. العزيز ..

طبعا صاحبك مو بكون سابح في ملكوت الاصل ..

عمك تنق وود حلتنا سلاماتنا
الله والرسول سبعه مرات بث
رسل لي اللينك بتاع الاغنيه دي في الاميل
ولا المسنجر الداخلي
وبث

البتاع ده الجابو الصفحة التالتة شنو ؟؟

يعني خلاااااااااااااااااص الصفحة الاولي مليانة مواضيع مهمة










ارفع

عنيدة بت خالة جيرانا ازيك ..

نورتي البورد والبوست ..

معليش اليومين الفاتو كنت مشغول اسة راجعي المسنجر ..
بتلقي اللنك ..

تحياتي . وبش .

Quote: يعجبني احساسك(العالي) في اختيار الألحان والأصوات الجميلة، وتعجبني جداً حاستك الملهمة في تلمس الجميل وبسطه على الملأ بهذه الأريحية المبهرة، (لحن الخميس) كانت في يوم مساحة لتلاقي العُشاق والأصدقاء، وكم تحلقنا حولها أياماً وليالي، أخذك منتدى سودانيات بعمله الروتيني فضاعت (لحن الخميس) وخسرنا مورد عذب للألحان و(الشجن)... إذاً هذه دعوة صريحة للتفكير مجدد في عودة (لحن الخميس) بنفس تلك الروح التي كنت تجتهد بها لبث الجمال في فضاء الغربة ...

أثني..

تسلم يا ود السر ونتمني نكون علي قدر الحاجة دي

خليك قريب ..

تنقو
شكيتك وخليتك
والله المرقه من البوست دا غلبتني

عم تنقو
مبدع بقول من يوم لقيتك
شايل النغم الجميل فى ايديك
كل ما تتكرم علينابرحيقك
بنطلب مزيد بس انت كتر عليناجميلك
كل خميس الناس مستنى جديدك
وشكرا ليك على هذا الابداع الذى لا يعرف الحدود
تحياتى

بلدي الحبوب

عارفك بتحب الشغل النظيف .. وجيتك ما غريبة علي البوست دا
لانك عضو مداوم علي الحان الخميس كلها

شكرا كتيرا وخصوصا لي نقلك اخبار السودان اول باول

ابداع يارفيق الدرب

وحيد يا وحيد

مثلك فريد .. ولينا قعدة ..

خلودي،،

،،

أنا جيت مخسوس عشان أتشاكل و نقطعو نـــــــــــاشف،،

أصلو العذاب لي شنو،،

أحاحي لي تلاتة يوم في الغنية دي،،

بعد ده أصحاب أصحاب بعيد بعيد،،

سوميتا العزيزة ..

اديتك اكتر من اسبوع .. :

ما تقولي لي لسة بتحاحي ..

تنقو يا حبيب ..تشكر على هذا الجمال ..
ونبوية دي والله من زمان ..داير ادخله محل البلابل في الوجدان ..بس لسه ما قدرت..
لكن بالجد معجب جدا بصوتها ...ويا ليت وياريت ..لو اديتنا حاجة تانية وثالثة ليها ...
والله كنت نعسان ...لكن الان صحصحت ...و فاقده عيوني زول .... ...

وتشكرات افندم ...

لؤي الحبيب .. عذرا علي التاخير ..

فعلا الزوله دي ماشة في اتجاه صحيح وخطوات جادة
مادامت ماسكة في درب الماحي سليمان اكيد هي في يد امينه

لك الود واكيد حانزل ليها حاجة تاني قريبا ..

وردة ..

وانجا

Quote: وردة ..

ولك مثلها مضاعف ..

شكرا علي المرور