Post: #1
Title: لو تعلم فاتنات البورد ماذا يقول عنهن سجيمان ..
Author: محمد ابراهيم قرض
Date: 12-31-2004, 09:40 AM
Parent: #0
من حق الحسان الغيد في البورد أن ينتشين حتى تنتفخ أوداجهن و يتورمن .. فلو قدر للعبد الضعيف لله أن كان (حسنة) من تلكم الحسان أو (غيدة) من تلكم (الغيدات) لأقمت الدنيا و لم أقعدها و أنا أرى السجيمان يمدح جمالي و يطري على حلاوتي أمام الملأ و بالصوت الأحمر العريض و الصورة الملونة كمان فمن لا يطربه المدح (وقيل المديح) و يهزه الإطراء ..
لكن ما لا تعلمه الحسان الغيد أن المدعو سجيمان هو من ضمن المكسرين 72 ساعة في المنتدى الشقيق لهذا المنتدى (سودانيات) و قد رص صور جميع الفاتنات به و تحت كل صورة إنبهل السجيمان شعرا عزريا و غزلا حسيا في حلاوة و طعامة فاتنات منتدى السودانيات ..
لغاية هنا الموضوع عادي جدا ... فمن حق السجيمان أن يتغزل و يتكسر ما شاء الله له ... لكن أن يهجو السجيمان الحسان الغيد في هذا المنتدى و يذمهن من أجل عيون الحسان الغيد في ذلك المنتدى بعد أن كان قد غمرهن بالمدح و الإطراء فهذه جريمة لا تغتفر تستحق الصلب و قطع اللسان من خلاف ...
أما من تود أن تطلع على ما قاله السجيمان ، فعليها أن تعمل (سكرووب داون) و زيارة موقع المنتدى الشقيق و ليس من قرأ كمن سمع كما يقولون. و أظنني قد نوهت في البداية أن المدعو سجيمان هو من (ضمن) المكسرين 72 ساعة في المنتدى الشقيق ... أما المكسر في هذا المنتدى 96 ساعة هو العبد الضعيف لله بشحمه و قرضه .. فهل من نظرة لله يا محسنات ، أقصد يا حسناوات ؟؟؟؟
|
Post: #3
Title: Re: لو تعلم فاتنات البورد ماذا يقول عنهن سجيمان ..
Author: محمد ابراهيم قرض
Date: 12-31-2004, 10:33 AM
Parent: #1
كتب سجيمان :
(وحات الله كضااااااااب يا قرض
الكضب حرام
انا هناك اتغزلت في الحمارة بس........اصلو ما جبت سيرة زول)
يعتي يا سجيمان لما تقول للواحدة إنتي جميلة زي الحمارة ، تكون فضلت ليها شنو ؟؟؟؟؟؟؟؟؟؟ كمان تقول كضااااب ...
|
Post: #4
Title: Re: لو تعلم فاتنات البورد ماذا يقول عنهن سجيمان ..
Author: سجيمان
Date: 12-31-2004, 10:57 AM
قرض انت حاسد
وحاسدني عشان انا اشرَط منك.... عشان انا شرِط....وانت ما شرِط
يا اخي الشراطة دي من ربنا....ما بيحسدو فيها.......
|
Post: #5
Title: Re: لو تعلم فاتنات البورد ماذا يقول عنهن سجيمان ..
Author: خضر عطا المنان
Date: 12-31-2004, 11:00 AM
Quote: يعتي يا سجيمان لما تقول للواحدة إنتي جميلة زي الحمارة ، تكون فضلت ليها شنو ؟؟؟؟؟؟؟؟؟؟ كمان تقول كضااااب ...
|
قرض :
كان كدي أنت وقشيران دا : ولا واحد فيكم كضاب
كضابة الحمارة !!!!!!.
خضرعطا المنان
|
Post: #6
Title: Re: لو تعلم فاتنات البورد ماذا يقول عنهن سجيمان ..
Author: سجيمان
Date: 12-31-2004, 11:16 AM
Parent: #5
خضر
Quote: كضابة الحمارة !!!!!!.
|
يعني العضعيّض الفي ضهرا دا ......كلو كضب؟
|
|