و ما برحل

و ما برحل


12-30-2004, 11:54 AM


  » http://sudaneseonline.com/cgi-bin/sdb/2bb.cgi?seq=msg&board=95&msg=1104407688&rn=4


Post: #1
Title: و ما برحل
Author: عبدالله وداعه الامين
Date: 12-30-2004, 11:54 AM
Parent: #0

--------------------------------------------------------------------------------

مــــــا برحــل

و ما برحل
ولو سافرتا ولا بقيت
يا ناس بيتنا ماني نسيت
زي ما طاري اطرونا
وبين الصدفه والالفه
و بين اشواقي واللهفه
وحاتكم روحي ممكونه
وبين احلامي والعرفه
وبين الخوفه و الحرفه
بلقى الدنيا امونه
بلاقي الناس تشيل الناس
و بين اللهفه و الاحساس
تقيف خطواتي محزونه
بين الشاطي والمنفى
وبعد احساسي و المرفأ
زراع الخطو مجنونه
و ما برحل ولو سافرتا ولا بقيت
يا احبابي ناس البيت
بيكم روحي مسكونه
********
بجيني الخوف من الفرقه
وسنين الوحده والحرقه
البقت في داخلي مسجونه
و بتذكر كلامكم نم
وقت تحرن مدارج الهم
علي عصب الزمن دونه
بشوفك يمه في الانسام
و في صدر الدجى البسام
مراكب شوق يودونا
علي خاطر الزمن شبال
ولي فرح العديل والفال
مواكب ريد يشيلونا
محنه و خوف من الايام
و من وجع الولف احلام
يطلو يقوموا يغشونا
وقت احلم و اخت راسي
و ارمي علي الامل حسي
يجوا الاشواق يحجونا
بدورك والله يا يمه
و عشاء الضيفان رضى العمه
وقت تحلف يعشونا
********
و القاك يمه في نفسي
و في الضل الكتم نفسي
عوالم ينجلي سكونه
حنانك ياما غطاني
وحضنك ياما دفاني
وقت ايامنا ينسونا
حليل الشارع الصفق
وقت شافك طفح دفق
صحت انغامه موزونه
وشال من الزمن الوان
ومن فرح الطفوله حنان
و اداك حته من لونه
و بتذكر وداعك لي
وقت دمعاتي غطوا عيني
و غرقت روحي في شجونه
كمان فاكر بنات الحي
وقت زاروني رحبوا بي
وكيف انسى البعزونا
وحاتكم انتو لسه معاي
في انفاسي في معناي
وفي الصوت البضج جواي
بنادي تعالوا زورونا
و يا ناس بيتنا ماني نسيت
ولو سافرتا ولا بقيت
بيكم روحي مسكونه


عبدالله وداعه الامين

Post: #2
Title: Re: و ما برحل
Author: Dr. Faisal Mohamed
Date: 12-30-2004, 12:12 PM
Parent: #1

Quote: و ما برحل ولو سافرتا ولا بقيت
يا احبابي ناس البيت
بيكم روحي مسكونه


Quote: و بتذكر وداعك لي
وقت دمعاتي غطوا عيني
و غرقت روحي في شجونه
كمان فاكر بنات الحي
وقت زاروني رحبوا بي
وكيف انسى البعزونا
وحاتكم انتو لسه معاي
في انفاسي في معناي
وفي الصوت البضج جواي
بنادي تعالوا زورونا
و يا ناس بيتنا ماني نسيت
ولو سافرتا ولا بقيت
بيكم روحي مسكونه




سلمت ياسيدي لهذه الاريحية تسلم يا غالي ولك وحشة

لك مودتي وتحياتي ..

فيصل محمد

Post: #3
Title: Re: و ما برحل
Author: عبدالماجد فرح يوسف
Date: 12-30-2004, 12:45 PM
Parent: #1

كم أنت شاعر يا عبدالله
قصيدة صادقة ومن يعرفك يعلم كم أنَ إحساسك "الممدود" في القصيدة صادق وحقيقي..
كل عام وأنت بخير

Post: #4
Title: Re: و ما برحل
Author: محمد خليفة محمد جميل
Date: 12-30-2004, 05:29 PM
Parent: #3

العزيز عبدالله وداعة..
أو ناسج خيوط الدفء المتشابكة..
سلام يشبهك..
حروفك..كلماتك..سحرية..
تسلل للروح..تهدم ظلمات بالروح دجية..
واصل..
يامن تكتب الكلم الحالم..الحرف الحكيم..
تختار من لفظ الكلام أرقه..من المعاني ارقاها..
بين سطورك فيض العواطف دافق..
كل عام وانت وهم/ن ...والوطن بخير..
سلملم..