ندى امين وكل البنات الفى البورد

أخواتى العزيزات
سيروا فى الدرب الصعب العديل ولا يشغلكم حديث الذين يردون أن يبرهنوا إنهم رجال ذو مواقف ومبادئ على حسابنا
كتبت هذه الأبيات عندما آغضبنى أحدهم ذات يوم فى هذا العالم السيبيرى
أهديها لكن

دوار الزمن فى الشاشه يبقى مقاسنا
بنات رجال أبطال علمونا نرفع راسنا
نحترم الكبير نجله ومع الصغير احساسنا
فى الحق ما بنجامل ديمه العدل نبراسنا
الشينه ما بنبراها الفضل أصل أساسنا
ياربى ليك إجلالنا ومبدئنا ليه اخلاصنا
و سودانا تب ما بنخذلك توب عزتك ده لباسنا

Quote: فى الحق ما بنجامل ديمه العدل نبراسنا

يا ام در يا عظيمة

على درب الحق والعدل سنسير.. ومن سار على الدرب وصل..

Quote: ولا يشغلكم حديث الذين يردون أن يبرهنوا إنهم رجال ذو مواقف ومبادئ على حسابنا

صدقت.. وما اكثرهم .. خاصة مدعى التقدمية مستخدمى الالفاظ الموحية للنساء..
شكرا لك على هذا البوست

وكل سنة وانت بالف خير وكل الاخوات بالف خير
عام مفعم بالنجاحات..على كل الاصعدة

شكرا لك على هذا البوست
محبتى التى لا املك غيرها

الأخت ام در

لك التحية

نعم معك من اجل مزيدا من الأحترام لأخواتنا في هذا الفضاء
نعم من اجل مزيدا من التقدير لنساء بلادي المكافحات
الصامدات اللاتي يعانين من الأغتراب القسري عن الوطن
واللاتي تشردن في المنافي يحملن جروحا لم تندمل من جراء
سياسة الأنقاذ الرعناء

لكن يا عزيزتي ،، ليس كل النساء نساء
فهنالك من ما زلن يطبلن للأنقاذ ويرقصن في عرس الشهيد
وهنالك من ما زلن يصنعن زاد المجاهد من اجل قتل الأخرين
وهنالك من لا هم لهن غير مطاردات اخواتهن وكيل التهم لهن
دون وازع اخلاقي او ضمير ،، وبإلفاظ سوقية نابية
لذا ،، ليس كل النساء يستحقن الأحترام ،،
وهنالك امراة لا يجمعها معكن ايتها الرائعات الصابرات
الأ نون النسوة ،،
ومن هنا احي مبدعات بلادي في كل مكان
اشراقة مصطفي
ندي امين
ندي علي
بنات العباسي راوية ورجاء
واقول لهن اصبرن علي هجوم شذاذ الأفاق من الرجال والنساء
مع تحياتي

Quote: ولا يشغلكم حديث الذين يردون أن يبرهنوا إنهم رجال ذو مواقف ومبادئ على حسابنا

واحمد حنين نموذجا

الأخت بيان والأخ أحمد حنين

كتر خيركم على المرور لاكن

عليكم الله ما تشاكلوا لى فى البوست بتاعى عندى من المشاكل مايكفى وأ نا أنسانه فراحييه

فعليكم الله بلشوا البتعملوا فيه ده كما ضراكم مابنفع

وكل سنه وإنتوا طيبين

اختي ام در

انا ما شاكلت زول
ولا ذكرت اسم شخص هنا

انا بقول ليك يا ام در ليس كل النساء
يستحقن الأحترام

كلامي دا غلط

اذا غلط بعتذر وبسحبو من هنا وكل مشاركتي

تسلمي

ده أحلي كلام يتكتب من الصباح

وييين الحاجات الحلوه دي من زمان .. يعيشن بنات مهيره معززات مكرمات .

أكيد بندافع عن حقوقنا و حقوق بعض ..

و يا جماعه بالله ما تتشكلوا هنا ,, و النساء كان طبلوا للإنقاذ و لا لأ نحن ما لينا دعوه .. نحن بنتكلم عن حقوق نساء و كيف ندافع و نحافظ عليها .

و فوق يا أم در

لك التحيه.

ألف مرحب Sakotaweya

كلامك إنتى الحلو

Quote: أكيد بندافع عن حقوقنا و حقوق بعض ..

لازم و من دون ضجه وكلام كتير


لكى مودتى

العزيزة بت أم در.

سلام وتحية لشخصك الغالي.

أن الذي يحدث بهذا البورد بحق بعض الأخوات لمخجل جداً. فلماذا عندما يعجز بعض الأخوان في مناقشة الأخوات لماذا يلجئون للطعن في شرفهن أو شتمهن بطرق مذلة؟ أنها مشكلة تستحق وقفة طويلة.

دينق.

العزيزة امدر

خيبتى املى تماما بما قلتيه
الذى اراه مناقضا لبوستك الاول

هل ما افعله عن الدفاع عن نفسى ضد الفرايحية.. اها حبكم للفرايحية دى
الخالى الرجال الذى مناضل الخامسة والعشرين ديل يبيضو ويصفرو

يا ليتك ادنتى مسلكه المشين.. لكن لهذا البوست معنى
كنت سامسح مشاركاتى ولكن لن افعل حتى يتبين الخيط الابيض من الاسود..

Quote: أن الذي يحدث بهذا البورد بحق بعض الأخوات لمخجل جداً. فلماذا عندما يعجز بعض الأخوان في مناقشة الأخوات لماذا يلجئون للطعن في شرفهن أو شتمهن بطرق مذلة؟ أنها مشكلة تستحق وقفة طويلة.

لاول مرة يا دينق اتفق معك قلبا وقالبا..
يجب ان تكون هناك وقفة حازمة مننا كلنا ظلامين
ومستنيرين ضد كل من يستخدم لغة نابية او موحية جنسيا اوتمس العرض لاخراس صوت المرأة
وبعدها يمكننا ان نختلف كما نريد..

أخى الحبيب دينق

تشكر على المرور الجميل ومقدر جدا لمحدودية وقتك

Quote: فلماذا عندما يعجز بعض الأخوان في مناقشة الأخوات لماذا يلجئون للطعن في شرفهن أو شتمهن بطرق مذلة؟

آسلوب العاجز عن النقاش المنطقى ومقارقعة الحجه بالحجه

أمنياتى لك بعام كله فرح ونجاح

ودامت لك معزتى

الأخت العزيزه بيان

لدى أسلوبى الخاص فى التعبير عن رأي و عن ما يجرى فى البورد

أمنياتى لك بعام سعيــــد

ودمتى

Quote: بنات رجال أبطال علمونا نرفع راسنا

من كلماتك هذه يا عزيزتي أنا ذاتي أم در أود أن أبث أبي الحبيب كل أشواقي و حبي لأنه من علمني أن لا أحنى رأسي أبداً في وجه العاصفة!

Quote: فى الحق ما بنجامل ديمه العدل نبراسنا

أبداً ما حنجامل في الحق سواءاً على أنفسنا أم على غيرنا.

Quote: و سودانا تب ما بنخذلك توب عزتك ده لباسنا

و يا سودان عمرها "عزة السودان" ما حتخذلك.

أنا ّذاتي أم در لكي مني وردة و إبتسامة.
و تسلمي

العزيزه ندى

تسلمى و أهديك دعوه صادقه بأن تتحقق كل أمانيك

لك حبى وكل سنه و إنتى طيبه

يا بيان عارفه المشكله شنو ؟
إنو إنتي لو قلتي رايك و الزول ما عجبو .. طوالي يستخدم سلاح الشتيمه و القذف المهين ..

و يقولوا بيقدروا المرأه .. و ين المرأه إذا بدل المنطق بيستخدموا الأسلحه الواطيه دي . و ده إسلوب مفروض يدان من الجميع . لأنو شايفه البورد الأيام دي ماشي كده للأسف

بس تقولي شنو ؟ الله في يا بيان .

ولك التحيه و الإحترام

Quote: ولا يشغلكم حديث الذين يردون أن يبرهنوا إنهم رجال ذو مواقف ومبادئ على حسابنا

ممنوع اقتراب الرجال أو التعليق

انا زاتي امدر

لك كل تحيه وتقدير

ومعاً قلم صريح وفكر متقدم لنصر كل قضيانا

و يا ريت لو نتحد كلنا بدل ما نقعد نطعن في بعض

فبالاتحاد نقوي وبالختلاف سيكون الشتات والضعف



لى قدام لكل امراه مكافحه صابره

فوووق

شكراً أم در .. تحاياى

Quote: دوار الزمن فى الشاشه يبقى مقاسنا بنات رجال أبطال علمونا نرفع راسنا نحترم الكبير نجله ومع الصغير احساسنا فى الحق ما بنجامل ديمه العدل نبراسنا الشينه ما بنبراها الفضل أصلو أساسنا ياربى ليك إجلالنا ومبدانا ليك اخلاصنا و سودانا تب ما بنخذلك توب عزتك ده لباسنا

تسلمي أ....أم در

وكلامك سمح بلحيل عجبني شديد مضمونا وفكرة .

أنا قلت انزلو ليك هنا عشان شايف بعضنا قرب ينسى

عنوان البوست ذاتو وموضوعو كمان !!!

تحياتي ليك وسلامي .. ويديك ألف عافية.

خضرعطا المنان

Quote: أن الذي يحدث بهذا البورد بحق بعض الأخوات لمخجل جداً. فلماذا عندما يعجز بعض الأخوان في مناقشة الأخوات لماذا يلجئون للطعن في شرفهن أو شتمهن بطرق مذلة؟ أنها مشكلة تستحق وقفة طويلة.

مش كده عليك الله !!!


و التحية موصوله للجميع

شكرا

Up
will come back soon

مزيدا من الكتابة يا كل البنات ويا أم در ما أجملك

.

Quote: أن الذي يحدث بهذا البورد بحق بعض الأخوات لمخجل جداً. فلماذا عندما يعجز بعض الأخوان في مناقشة الأخوات لماذا يلجئون للطعن في شرفهن أو شتمهن بطرق مذلة؟ أنها مشكلة تستحق وقفة طويلة.

أو التهديد ب"القصائد التي تحترم المرأة"!!

لك التحية يا أمدر ولكل المتداخلين/ات
إيمان