احبك جهراً واحتراز...

احبك جهراً
لا تتدحرجى ...
تعالى دون التباس ...
تعالى ..
فالقلب قد عبر ساحات النشاز ...
لاتتحسرى ..
الورد سحر ...
الحب بحر..
فالاضلع تحمل احشائها
رغم الرتابة قصر الملاذ ...

وزى كنت نافر للقريب شان اجيك ... يا كم مسافة غيرت التياعى وشككت فى نوايا الزول الهسة رادك وقاصد انو حكايتو تبقى فريدة زيك ... رغم انك ُتهتى جنبو .. ورغم انو مكانو فيك .. يا بنية شديدة بس .... يا بنية وزى محال القى فى جواك ريد ... ما الظن كسّر ملامح الرؤيا القبيل .. تصدقى ... لو فى خاطرى كلام اقولو .. بفجّر الرعشة الجواى وابتديها عوالم كاسحة للاوتار اغانى ... وانتهيها فى الوجدان قصائد بتقرأ للاحساس تهانى .. بس غريبة تكونى زيك ... ما انتى فصول الانهزام الشايلو فى الظن البعيد ... ماا نتى موانئ للاعراف طقوس .. وللمدن الكايسة للدهشة فى جمالك ... بريدك زى ملامحى وكتين تعاين للحضور وتشرح للامسيات مشاعر .. بريدك للقبيلة فى عز الهظار .. للسماحات والطبول ... وللحقيقة الديمة تفرح بالذهول .. ظنى كيف ؟ .. فى محلو ولا الرعشة قالت ليك كفاية فى نص التأمل ؟ ! ... ما مهم يا بت بتقرأ دواخلى حتة حتة ... ما اشتهيتك شان اقول وما اكتفيتك لما كنا يا داب اعتراف ... ولما جانى طيفك فى الغبار كان سؤالى يجاوب فى المدى ... كان رسولى بيساسق فى الصدى ... وانتهرت النيل شراع ... كان اكتبو ... وكنت بالريد الشديد اعترانى الخوف والتساؤل .. لخبط حكايتى من البداية ... وانا ... قاعد هناك ... اترجم للحروف كلمات ... امزق من دفاترى حكايا للخرافة واستمك الطعام من خلاصة الابحار سفن ... ويا لذيذة ... كيف بتمشى بين خطوطى السارحة فيك من غير تكهرب فينى العواطف ؟ ... ما عذرتك يوم لقيتينى خايف ... وما شكرتك يوم شفتا بين وهجك صحائف ..بين عيونك كان رذاذ .. لؤلؤ اللحظة الاشتهيتا وما براى ... ... اعترفت اقيف بدونك يوم اجتيازى غرف مشيك اعترفت عليك امام الخلق من دون اكتراث ... ويا نيلية اللحظات اقيفى .. لا تعبثى بى ... ما فضل فينى سؤال اصارحو ... للناس الحتلت فى الماضى تبحث عن عيونك ... كيف ابعدك ؟ .. من سجون هيامانة بيك ؟ كيف اشتلك ؟ ... فى الدروب للمزارع الطاشة بالاخضرار ... للدموع اجنحة اقتدار ؟ ... سكة براكى انتى ... سكة سحيقة فى الاعماق عواطف ... ما اجملك يا تحفة غنية بالاهات ... يا وردة شذية للساحات ... اهدينى من قبسك تهانى ... وكان اول يوم ... كان اللقيا فى الميعاد ... بدون اعياد ... بدون ما نشرح الكلمات ... وزى كنتى مليكة للشجن .. انا احتضرتك جواي .. خانى الاندهاش بروعتك ... فوق التصور ... معقولة بس !! ... راجعى سير الاكتمال الحاضنو فى قلبى السؤال ... يانى الهويتك يا شديدة ... يانى البريدك وقولى فيك ما بتسمح لغة الحروف تصرخ الاهة بقصيدة ... هويتك عفة فى الجوطة ... هويتك نغمة بالتلوين ... وريشة مساهرة فى رسمك .. ما اكتمل شغب الاطار فى هيبتك ... البت مذهلة ... كما وصف الكتابون ذلك ... والوصافون غفلتهم فيك التسمية ... يا جنون ... لست قادرا ان انتصف اللغة ... ولست حريفاً للتعايش مع جمالك الفاق المواجع يا ملهمة ... وانا قايل براى ... اتاريك مترعة ... وفيضك دحس صحارى القلب الشريانى نوبة ... يضرب دق .. دق.. دق ... ما براهو .. ما الذهول حطّم حواجز النبضات عماهو ... ليتنى احتطب التعب الكامن رؤى ... كنت استبحت الخوف احتراز وقفزت بالشوق المجاز ...شان اجيك ... شان بريدك ... وريدتك تبقى للعنوان خلاص ... بحبك جهرا واحتراز...

ليتنى احتطب التعب الكامن رؤى ... كنت استبحت الخوف احتراز وقفزت بالشوق المجاز ...شان اجيك ... شان بريدك ... وريدتك تبقى للعنوان خلاص ... بحبك جهرا واحتراز
اخيرا نهر من الحب يتدفق
شكرا ليك يا مرهف الاحساس ، مازالت الدنيا فيها الجميل والواعد ..

رغم انك ُتهتى جنبو .. ورغم انو مكانو فيك .. يا بنية شديدة بس .... يا بنية وزى محال القى فى جواك ريد ... ما الظن كسّر

ارى فيك الجده والاحساس وكسر الرتابة واصل

العزيزة عشة بت فاطنة
واحترزتك للمسامات الفرح
واختزنت جواى محنة ... زى تشبهك كل الخصال النيلة كاسح للعبير
ما انتى للسعد البشارة .. وخاطر الريد الامارة
بس اقيفى للاشواق دقيقة شان تضحك لمقدمك
وتيسم الامنيات دعاش اللحظة الجميلة زيك

شكرا يا اجمل الاحاسيس النبيلة

متابعاك يا الفاتح

كل يوم بتسجل نصر جديد فى فتوحات الكتابة

وشايفاك برضو منافس خطير فى الكتابة الدرامية..

ما غريب عليك الجمال..

اصل وفصل

وشكرا ليك يا ملهم الاحساس ونيل
دفق مشاويرك فرح لاتخاف شقا ولا تخشى سيل /نور مساحاتك كمان في كل لفةتضوي ليل / خلي احترازاتك تشيل الريده زي بحر الدمير

بت فاطنة

الفاتح وعشة وتماضر انتو الكلام السمح دا بتجيبو من وين ؟؟

لكن اقول ليكم حاجة انا احسن منكم iiiiiiiiiii شايلو في جواي وما قادر امرقو خايف عليهو من العين

ح احاول الم لي كم درابا بضم الدال واجيكم بس استخدمو المتاريس

تماضر
الروعة زاتا وشتلتا
الدهشة تنطق بهحتا
وزى كلامى رهنتو للحرف البشبه خطوتك ...
كنت اتمنيتك للقدوم فى ساحة الوحع المعاند للخطو

تصدقى ... قدر ما حسينك يا اصيلة بجينى احساس فريد زى طلعتك
شكرا للجمال البشبه خطوتك يا مدهشة ...

كبر داخلى الكلام ... وانتهزت الفرصة دى شان انبهار مقاماتى زاتا

العزيزة عشة
يا اجمل احتراز ...
شتلات الفرح الشايل اخضرار الحراز
جميلة زى مشاويرك ابتهاج الفرحة للناس العزاز

سكتك بتشيه لون مسامات الهدايا
وزى نويت الاندهاش ...


ما اروعك

العمدة
حبيبى ومشتهى امدى

وليك الشوق الذى صلى عليك وسلم
وانا شايل جوايا نغم الغربة البتألم

فرحت جد ... لخطونك

قلت لى خايف العين ولا ابو ظبى ...

لك الجمال البشبهك

وتعال اوعك تخاف