اللهم نشكوا اليك ( برلمتنا ) فاصرف عنا سفهاء المنبر

المنبر هو مجتمع متكامل فيه كل الخدمات من فئة الخمسة نجوم وفيه الصالح
والطالح فيه فطاحلة في الطب والادب وفطاحلة في قلة الادب .. فيه الدبلوماسى
والسياسي وفيه الشماسي ..
بعضهم يكتب بتجرد وانسانية وآخرون يكتبون لحب الظهور والوقاحة وهى عادة التصقت بنا
نحن اهل السودان .. والاسوأ من دا كلو تصفية الحسابات الشخصية وحرق الآخرين زورا
وبهتاناوبطرق خبيثة واعتقد دا ما مكانه المفروض علينا تركك سفاسف الامور وان نكتب في المفيد...
وان نبتعد ان استعمال الاساليب السوقية الرخيصة التي تسئ الى كاتبها قبل ان تمس
الشخص الموجهه اليه وكدا نكون نقلنا الحوار الى اسلوب متحضر انتو ما سمعتوا ( بالتوجه
الحضاري )
عموما افادنا الله بكتابات ومداخلات اهل الصفوة وجنبنا سفهاء المنبر وصعاليكه وساقط القول .. وعاش تجمع البرالمة ادبا وقيما وسلوكا.. وسوف تصفو الليالي بعد كدرتها..
وكل دور ادا ما تم ينقلب ....


ود الباوقة

العزيز ود الباوقة

مافي برلمة ولا حاجة،،،و الشهادة لله أن الاغلبية العظمي من القادمين الجدد مثلوا اضافات نوعية كبيرة جدا في كل مجالات الكتابة و الابداع و الهموم المشتركة. و حكاية أنه الواحد صدف أن جاء انضمامه لهذا المكان حديثا لا تنقص من قدره و فدرته عن التميز و الاتيان بالمفيد و المسري لبقية الاعضاء و الزوار....

Quote: بعضهم يكتب بتجرد وانسانية وآخرون يكتبون لحب الظهور والوقاحة وهى عادة التصقت بنا نحن اهل السودان

مافي عيب انساني يختص به شعب بعينه من بين بقية شعوب الارض،،،فالعيوب و المحاسن موجودة في طبائع و تصرفات كل الشعوب و قد راينا كلنا من معايشتنا لشعوب اخري انهم مثلنا يفتخرون بما فيهم و بما يثل لهم اماني و في الجانب الاخر ايضا يمارسون النقد و جلد الذات،،، المنبر بطبيعته المفتوح و بما يوفره من اقنعة لمن يريد التخبي،،، و لاستحالة امكانية الضبط المؤسسي فكل تصرف انساني متوقع و ليس من شئ يمثل مفاجأة او صدمة لكن بمقدورنا تجاهل الساقط و غير اللائق و نجهد انفسنا علي أن نأتي بالمفيد و ندعم من يفعل ذلك.

مع الود و التقدير

اللهم امين

اللهم امين

اخوي وليد .. تقبل الله منا ومنكم صالح الدعوات ....



ود الباوقة

اهلا بالبرالمة ، انشاالله يكون الحاصل مقالب ، بس ولا يهمك، ويا استاذ عمر تعرف البورد دا زي الحلة والجيران ولامي السمح والشين فانت اكيد ما بتداخل كل الجيران قد تنفتح على البعض لقربه منك وقد تختصر علاقتك مع البعض الاخر وقد تقاطع اخرين لسلوكهم هكذا هو البورد وطن صغير او حي باحزابه وشللياته وصعاليكوحتى ، فانت من يختار ويصطفي الى اي جماعة ينحاز او ينتمي او يتعايش ، وحتى يطيب لك المقام بشخصك (الاسفيري ) بيننا عليك ان تعرف ان هذا البورد ليس شخصا واحدا بل فيه السمح والشين زي اصابع اليدين ، فنحن لا نترك بلدنا لانو فيها حرامية ولا ناس كذابين بل ننظر حولنا وحتما نجد فيها ناس هاماتهما عالية ونفوسها جميلة وقلوبها عامرة بالمحبة ، لا يفحشون في قول ولا يفجرون في خصام وحتى لواختلفوا معك تجدهم قريبين منك ديدنهم المحبة وبلاغة الاختلاف ، وحتى لا يكدر صفوك انظر الى الكوب من حيث هو ملئ واترك الفراغ عسى ان يسده الزمن، و ومرحب بيك اضافة حقيقية للخير والجمال .

Quote: اهلا بالبرالمة ، انشاالله يكون الحاصل مقالب ، بس ولا يهمك، ويا استاذ عمر تعرف البورد دا زي الحلة والجيران ولامي السمح والشين فانت اكيد ما بتداخل كل الجيران قد تنفتح على البعض لقربه منك وقد تختصر علاقتك مع البعض الاخر وقد تقاطع اخرين لسلوكهم هكذا هو البورد وطن صغير او حي باحزابه وشللياته وصعاليكوحتى ، فانت من يختار ويصطفي الى اي جماعة ينحاز او ينتمي او يتعايش ، وحتى يطيب لك المقام بشخصك السيبيري بيننا عليك ان تعرف ان هذا البورد ليس شخصا واحدا بل فيه السمح والشين زي اصابع اليدين ، فنحن لا نترك بلدنا لانو فيها حرامية ولا ناس كذابين بل ننظر حولنا وحتما نجد فيها ناس هاماتهما عالية ونفوسها جميلة وقلوبها عامرة بالمحبة ، لا يفحشون في قول ولا يفجرون في خصام وحتى لواختلفوا معك تجدهم قريبين منك ديدنهم المحبة وبلاغة الاختلاف ، وحتى لا يكدر صفوك انظر الى الكوب من حيث هو ملئ واترك الفراغ عسى ان يسده الزمن، و ومرحب بيك اضافة حقيقية للخير والجمال .

عرفتي انا بريدك وبحترمك لي

عشان عاقله وحكيمه

العزيز عمر

مافي زول شكروا وقالوا ياسلام والله الزول دا بتاع مشاكل... ولا عفارم عليه الزول دا شكّال والله

شكرا لك عشة بت فاطنة وانشاء وبالتاكيد البورد ملئ بالاخيار .امثالك
متعك الله بالصحة والعافية ....

ود الباوقة

الاخ نصار شكرا على المداخلة وهناك نقطة مهمة وهى من يدخلون
بغير اسمائهم الحقيقة... فمنهم لدواعى( خاصة ) ونحن نقدر موقفهم ومنهم ليجعله
قناعا اسود لمهاجمة الآخرين والتجني عليهم بمقزز القول وساقطه حمانا الله
واياكم منه ومنهم ...

شكرا ليك يا عمر
بت فاطنة

آمييييييييييييييييييين ........الكبيرة وبقولها من جوه جواى .... انا برلوم لكن المنبر فى اول اسبوع خلانى سقفت راسى زنك زى جمال حسن سعيد ..صلعة والله ..
امييييييييييييييين تانى .......قولو امين

الاخت راوية الف شكر على المرور وملاحظاتك على العين والرأس...


ود الباوقة

الاخ الكريم محمد حامد ... تابعت بكل احباط ما جرى لكم من بعض سفهاء
المنبر من ساقط القول ممن يتمشدقون زورا وبهتنا باسم الديموقراطية وهم
ابعد الناس عنها سلوكا وانسانية .. حفظنا الله من شرورهم ...


ود الباوقة

امييييييييييييييييييييييين

عمر

برلمتنا دي مفردها
شنو

موش برميلنا

وطيب

ياتو برميل في البراميل
برميل المويه ولا برميل الوسخ

عفارم عليك يا وليد .... برضو بلغة الجماعة ممكن يكون برميل ( المرسية )


ود الباوقة

أخي ود الباوقة

إضافة إلى ما كتبه الأستاذ نصار والأستاذتان: عشة بت فاطنة وراوية - وثلاثتهم في الواقع قدموا أجمل ألوان النصح - أود أن أشير إلى أن الكتابة لا يحدد قدرها تقادم أو معاصرة. إن الموهبة فيك إضافة إلى صبرك على المران الدائم والإطلاع المستمر..هذه في عرفي تصنع الكاتب الناجح. تقادم العهد على منبر صحيفة أو منتدى من المنتديات لا يمنح أحدا حق توزيع صك البراءة!

قرأت ما كتبت ‘ وأشهد أنك بارع وذو عبارة متقنة السبك. هذا - بمنتهى الأمانة- ما أحسسته وأنا أقرأ شكواك. لا عليك خذ الأمر كنوع من الدعابة بين الإخوة والأخوات في هذا المنبر..ليس إلا.

تحياتي وتقديري!

اخي الكريم فضيلي جماع .. نصائح رائعة لا تصدر الا من رائع وطالما انتم
امامنا نحن ملتزمون بأدبيات الحوار وادبه .. لك التقدير ..

ظريفين

ود الشيخ يا اخوي..... take it easy

..
.
أمين ،، يا ود الباوقه

بس المنبر دا من حول كل يوم بجينا بزولاً ساقط قول وسفيهاً يزيد في القول..
اللهم جنبنا سفهائه وساقط قوله
ونسألك طيب الكلم وحسن المعشر
والهداية لمن نحب بحسن اللفظ والخلق ..
يا رب ...

تخريمه
سلام يا استاذنا
وتحية يا أبو بشرى ..

مع الود والإحترام ..

تبلدينا .. من خشمك وللسماء .. بس قول انشاء الله يثبتوا على كدا ما يزيدو

لك الود .....

ود الباوقة

آميييييييييييييين
يارب العالمين

زول ساكت .. يلا دعواتك معانا وما تنسى عقب كل صلاة ...

ود الباوقة

ود الباوقة
تحياتي

دعوتك برضو مردودة للبرالمة الجدد
ففي تسجيلات 1 سبتمبر
واضافات نوفمبر الأخيرة

يوجد الكثير من السفهاء والعنصرين
وبعض رجالات الأمن ،، وناس كشك الأمن الشامل

عشان كدا
انا برضو بدعو قائلا

اللهم احمينا من شرور سفهاء البرالمة
امييييييين

يا احمد اخوي الدعـــــــوة عــــــــامة والعاقبة عندكم في المسرات


ود الباوقة

اخي العزيز الحمد للة الذى جعلنا برالمة لا نتعدى على حرمات الآخرين
ونتحدى التحدى أيا كان ببصارة وبصيرة تتجاوز الصغائر المهلكات لفعل الفضائل المنجيات وإن كنا برالمة بالقوة فبالفعل هداة وحادى ركب ونسأل اللة التوفيق والسداد

لك ولكل البرالمة السلام ونسال اللة ان يقينامن المزالق وكبوات الذل والإذلال

منصور

منصور مفتاح .. المشكلة قلنا نجفف المنبر من سفهاء الداخل بكري قام
فكاها بي هناك ودخلوا سفهاء تحت التمرين .. قول يا ساتر ..

ود الباوقة

ءءءءاااااااااااااااميييين يارب العالمين

المكاشفي يا اخوي ما تشوف لينا ناس المكاشفي الكبير عشان يودوا لينا
الجماعة ديل في مسقط ملقط .. اجتهد معانا ...


ود الباوقة