Post: #1
Title: هالـة قوته عندها عربى..!
Author: walid taha
Date: 12-18-2004, 11:29 AM
الايام دى هالة قوته فى السودان جات من امريكا مشتاقة شوق شديد للناس وللبلد..
هالة مبسوطة شديد..لقت شفع الحلة كبرو..وبكرى سيد الدكان عرس..ولسه اولاد الحلة بقعدو فى صناديق الببسي الفاضية وياكلو البوش..هالة الايام دى بتشرب موية من الزير..بتفرش الملايات ..وتقش الحوش..وكان عندها اى مشوار بتركب اقرب رقشة خاصة لو ماشة (الشُهدا)...
المهم آخر انبساطة وكان ليها مراد العم سام ده تانىما تشوفو بعينا..
ونحن الايام دى عاصمتنا مثقفة جداً.. كمان الكيبورد عربى وهالة ما صدقت تلقى كيبورد عربى ..غايتو ربنا يديم عليها الفرح..والانبساطة..
ويديها الصحة والعافية..
سلام،،
|
Post: #2
Title: Re: هالـة قوته عندها عربى..!
Author: Agab Alfaya
Date: 12-18-2004, 08:14 PM
Parent: #1
تحية خاصة للاخت هالة ونتمني لها اجازة سعيدة بين الاهل
والتحية لك وليد طه وكل بورداب الخرطوم
|
Post: #3
Title: Re: هالـة قوته عندها عربى..!
Author: ابو جهينة
Date: 12-19-2004, 01:45 AM
Parent: #1
الأخ وليد
تحياتي
يعني بعد كدة لغاية ما ترجع ، هالة ما عندها أي عذر ..
في إنتظار الأخبار يا هالة مع تحياتي للأهل ..
|
Post: #4
Title: Re: هالـة قوته عندها عربى..!
Author: Rawia
Date: 12-20-2004, 04:53 PM
Parent: #3
MISS YOU HALA
|
Post: #5
Title: Re: هالـة قوته عندها عربى..!
Author: azhary taha
Date: 12-20-2004, 08:13 PM
Parent: #4
الأخت هاله 0000بختك والله00000اللهم لا حسد تحياتي لكل الأسرة 0000أستاذى بابكر إسماعيل له تحيه خاصه00000ناشفل000تسلم0000عليك كتير
إجازة0000سعيده
|
Post: #6
Title: Re: هالـة قوته عندها عربى..!
Author: hala guta
Date: 12-21-2004, 06:57 AM
Parent: #1
العزيز وليد
الاعزاء عجب الفيا
ابو جهينة
ازهرى طه
العزيزة راوية
مودتى بلا حدود
لا زلت اتنقل بين زقاقات امدرمان ومن ركشة الى اخرى مؤدية ما فاتنى من واجبات اجتماعية ورغم ضبق الزمن وصعوبة الركشات فى زقاقات امدرمان الا ان لسان حالى يردد وايه الدنيا غير لمة ناس فى خير او ساعة حزن
الخرطوم كما تركتها زادت زحمة وعربات كورية وموبايلات
سوداتل ما اتسترت معاى تلفون بيتنا عطلان من اليوم التانى لوصولى وقالوا البلاغ 72 ساعة لكن يبدو ان مقياس الزمن لدى سوداتل مختلف عن زمننا..
تبقى من الزمن ثمانية ايام ساعود بعدها لاحكى بالتفصيل..لدى الكثير لاقوله عن السودان ولمة بورداب الخرطوم وامدرمان و...
شكرا للمهندس ان لفت نظرى لهذا البوست
وعلى طريقة الاذاعة
ابقوا معنا..
هالة
|
Post: #7
Title: Re: هالـة قوته عندها عربى..!
Author: tmbis
Date: 12-21-2004, 07:28 AM
Parent: #6
بختك ياهالــــه
لكن التمنية ايام دي بتخلص بسرعه خلاص
|
Post: #8
Title: Re: هالـة قوته عندها عربى..!
Author: waleedi399
Date: 12-21-2004, 08:16 AM
Parent: #1
| Quote: الايام دى هالة قوته فى السودان جات من امريكا مشتاقة شوق شديد للناس وللبلد.. |
هالة حمد لله على السلامة والله بختك .. في ناس بقوا حلمهم السفر والعودة للسودان
بالله دعواتك معاهم.. زمان قالوا المغترب دا اجازة العيد في السودان .. الكريسماس
الخميس والجمعة .. وقالوا احياناً الاجازة المرضية الواحد يمشي لأهلوا ويجي راجع .. لكن
تمنياتنا لك بقضاء اجازة سعيدة مع الاهل في السودان هالة .. ويا وليد طه حقو نقوم نحصل العيد .. ولا رأيك شنو 
|
Post: #9
Title: Re: هالـة قوته عندها عربى..!
Author: قصي مجدي سليم
Date: 12-21-2004, 10:35 AM
Parent: #1
هي في السودان ساكت..
مما جات هاك يا شغل ويا مشي للمدارس ودعم لي أطفال دارفور
وتقوم الصباااح تحوم بالمدارس ..
آخر مرة مشينا مدرسة .. قالت لازم تتصور مع الشفع.. ما ده الحيرني...
الحيرني جد جد إنو اي مدرسة نخشها هي بتعرف من المدير للغفير.. جد جد
والقلبنة مقصودة.
إجازة سعيدة وعقبال العودة الكبرى
|
Post: #10
Title: Re: هالـة قوته عندها عربى..!
Author: Elwaid Osman
Date: 12-21-2004, 11:03 AM
Parent: #1
هاله اذا لقيتي احبتي في أمدرمان بلغيهم سلامي وشوقي الشديد.والشكر موصول لي وليد طه عشان ما تقول الخيل تجقلب والشكر لي حماد!
وليد يوسف
|
|