Post: #1
Title: رساله لي بكري
Author: benyya
Date: 12-15-2004, 10:51 AM
Parent: #0
السلام عليكم
وصلتني هذي قبل شهرين ولاول مره انتبه ليها
اعتزاري صلاح عبد الله لتاخير
نسخت الرساله من ايملي للبوست مباشره
لى قدام
رساله الى
الباشا الكبيير بكرى
الباشا الصغير عادل
بدون مقدمات
وبزعل غير مستتر
البورد دا شنو
اليس هو ملتقى كلمة ووجهات نظر
اليس هو راى وفكر وواحة وجد وهزل
اليس هو احترام وود ومعرفة جديدة
اذن لماذا الخوف نعم الخوف
لماذا الطناش
اعلم ان رسالتى هذة ربما ترتد بدون ان تصلك
طلبى سابق باخذ العضوية وحصل الطناش ولحدى اول امبارح الناس الجدد يظهرون
هل خيار وبطيخ
والمالك الباشا الكبير/ بكرى قال( شطبنا)
قفلنا العضوية
هل العضوية معرفة وتزكية يعنى واسطة
طيب انا مابتعرفونى وماعندى واسطة ولا ابحث عنها كنت عاوز اكون عضو
وحصل الطناش وهو مؤلم جدا
ليه الطناش
لااود التحدث عن نفسى ومن انا او ما هو فكرى
ولكن ونجى من الاخر خالص و نفترض اسواء الافتراضات حسب راى الغالبية
نفرض الاتى مع كامل احترامى للجميع
انا كوزجبهجى وسخان حسب الراى السائد وبالعبارات السائدة ولكنى لن اكون اسواء من ..... المتواجدون بالبورد وهم كثر
(ده ماسبب) اليس هم اشخاص لهم قناعتهم بما يفعلون
انا امنجى وغواصة ولكنى لن اكون اسواء من ..... المتواجدون بالبورد وهم كثر
( مالو التاريخ النضالى لو لا الغواصات والامنجية.ما كان .....لان الخيل تجقلب والشكر لحماد
انا فارغ وبزىء ولكنى لن اكون اسواء من ..... المتواجد بالبورد
لى احترامى الخاص لنفسى ودرجة عفتى وبزائتى هى مقياسى لنفسى
انا مطبلاتى ولكنى لن اكون اسواء من ..... المتواجد بالبورد وهم كثر
صاحب الراى لايكون مطبلاتى اطلاقا
؟
؟
؟
فى النهاية اقول
الكلمه تحرقنى
والعاطفة تجرفنى
والحماقة تدفعنى
والطناش يوجعنى
(والباسورد)يؤلمنى
فى الختام اطلب منكم عدم الطناش والتوضيح للنقطة التالية
ماهى اسس العضوية؟
ان كان ماقاله المالك/بكرى ( معنى كلامة )ان طاقة البورد لاتتحمل المزيد
هو كلام مامقنع (وطبعا بتقولوا انشاءالله مااقتنعت)
وبقول لنفسى ولمن احببتهم من خلال كتاباتهم وهم كثر
لما فيها من الثراء الفكرى
والاحساس العميق بالكلمة
واحترام الذات
وريحة الوطن
فليبقى التشرد ديدنى فى مرافىء الكلمة
وارض الغير
وابكى بس
صلاح عبدالله
|
Post: #2
Title: Re: رساله لي بكري
Author: معتز تروتسكى
Date: 12-15-2004, 09:59 PM
Parent: #1
خالص التحايا00
الدكتوره بيان00
اولا كفاره شايف عنوان بوست بقول انك متوعكه انا شخصيا لم ادخل فيهو لسببين:-
اولا :- مرات ناس البورد ديل يكتبوا عنوان يبيكو فى وادى والموضوع بكون فى وادى واخر00
ثانيا:- مادام هو الخبر صاح اجيك هنا لانى مابحب الزحمه وكلام شوفونى شوفنى ده 00نجيك هنا نقول ليك كفاره يادكتوره ولو فى دواس بعد ماتبقى كويسه يحصل المهم تبقى طيبه ونحن البينه كلو هين000
اما موضوع البوست ده فاكدى ربما ياتى قليلون وربما لا لكن بكل صراحه بقدر انى مابتقف مع كلام الشخص ده كلو لكن فيهو حقائق 00
بكرى انسان انصرافى وفيهو انتهازيه وبتعامل مع الناس باسفاف شديد وعدم مبالاه 00
اكدى بانى ماعندى شى معاهو لكن طريقتو فيها احتقار للشخص بصوره مهينه فهو يانقول راينا بى صراحه وانا اساسا بقول رايى ويا يغير طريقتو دى لانها ما جميلة بالبته 00
مشكور الفتح المنبر ده لكن كمان مابقى يتعامل معانا بفرض سياسة الامر الواقع 00
وتحياتى 00
المنبر الحر وجوقة مناضلين 00
1000 سلامة ليك يادكتوره00
|
Post: #3
Title: Re: رساله لي بكري
Author: نــوف
Date: 12-15-2004, 10:09 PM
تروتسكي..
سلام وتحايا
د/ بيان ليست كاتبة البوست
على مااظن وانما تقارب اسماء
ولكاتب الرساله
يسمع منك الله وتكون عضوا بيننا بس ماكوز ماناقصين كيزااان
ودي
نوف
|
Post: #4
Title: Re: رساله لي بكري
Author: سجيمان
Date: 12-16-2004, 05:38 AM
معتز تروتسكى
ههههههههه.... الله يرد غربتك
حلااااتا طاقتك....... بكم؟
|
Post: #5
Title: Re: رساله لي بكري
Author: lana mahdi
Date: 12-16-2004, 05:49 AM
Parent: #1
Quote:
خالص التحايا00
الدكتوره بيان00 |
تروتسكي
الحالة بى نضارات؟؟؟
|
Post: #6
Title: Re: رساله لي بكري
Author: benyya
Date: 12-16-2004, 07:32 AM
Parent: #5
السلام عليكم
معتز خلعتني والله
قلت الزول ده غلطان ولا انا الطاشه
لكن الحمد الله بعد ما قريت باقي الكلام وقع لي الفهم
دكتوره بيان
سلامتك من كل شر
نوف
تسلمي
سيجمان
نورت البوست
لنا مهدي
تحياتي اسع كنت عاوزه ارسل ليك ايميل
|
Post: #7
Title: Re: رساله لي بكري
Author: معتز تروتسكى
Date: 12-16-2004, 08:30 AM
Parent: #6
نــوف
سلامات وعوافى 00
دخلتونا فى اضافرنا لوووووول  
سجيمان
يامرض مالك انت كمان يعنى انا البراى مقطوع بره 000
تسلم كتير بس الطعمية بتاعتك حامضه00
lana mahdi
جنس فضايح البلد دى اصلو مافيها زول بستر000
بتكون طششت بى صورتك الخاته دى 00  
benyya
برضو ازيك وامسحيها لينا فى وشنا 00  
واها بداية معرفه بيناتنا 000  شكرا كتير ليك 00
|
Post: #8
Title: Re: رساله لي بكري
Author: benyya
Date: 12-16-2004, 08:37 AM
Parent: #7
عوجه ماف يا زول
بس سوال؟؟
راجعت دكتور عويناتك اخر مره بتين؟؟
شايفه الدكتوره بيان قاعده
تسلم
و
لى قدام
|
Post: #9
Title: Re: رساله لي بكري
Author: bayan
Date: 12-16-2004, 08:54 AM
Parent: #8
لوووووووووووووووووووول ولوووووووووووووووووووووووول
اها ختيت طوبتى
اسمعى يا بنية
البوست دا خلاص فرتقى منو طوالى ادينا عجاج كرعيك
وعرض اكتافك..0(بهظر)
معتز شكرا ليك والله
اولا لانك قايلنى بنية
وبنية بت شابةوانا شمطاء
عشان كدا سيجمان
ادخل هنا الايام دى بقى نوع من تابع قوما صار كيس نايلو الهوا شايلو
عجبنى شديد الكرت
بنية كنت عيانة لمدة اسبوع
والان نحمده ونشكره بلغت العافية
|
Post: #10
Title: Re: رساله لي بكري
Author: معتز تروتسكى
Date: 12-16-2004, 09:02 AM
Parent: #9
لووووووووووووووووووووووووووول ساى
شكلها كده حترق تخليهو لينا 00
وسجيمان يجى يتم الناقصه 00
بنجيهو راجعين
وسلامتك يادكتوره
معناها الواحد يادكتوره يتخصص بتاع عيون رايك شنو؟؟
|
Post: #11
Title: Re: رساله لي بكري
Author: benyya
Date: 12-16-2004, 09:11 AM
Parent: #10
دكتوره بيان
اها انا خميت حويجاتي و شتتاlol
الف حمد الله علي السلامه مع اني كنت بتمني انو معتز يطلع كضاب و بتبلي عليك ساي
لى قدام
|
Post: #13
Title: Re: رساله لي بكري
Author: Rawia
Date: 12-16-2004, 09:26 AM
Parent: #11
http://www.bitclick.com/index2.html
ازيك يا بنيه
اهلا بيك بعد انقطاع
بتذكرك كويس جدا لما دخلت السنه الفاتت وماعندي عربي اديتيني اللنك دا
مفيد فعلا وليك الاجر
نتمنى المداومه
|
Post: #17
Title: Re: رساله لي بكري
Author: rani
Date: 12-16-2004, 09:52 AM
Parent: #11
|
Post: #12
Title: Re: رساله لي بكري
Author: نــوف
Date: 12-16-2004, 09:23 AM
Parent: #8
Quote: بس سوال؟؟
راجعت دكتور عويناتك اخر مره بتين؟؟
|
|
Post: #14
Title: Re: رساله لي بكري
Author: معتز تروتسكى
Date: 12-16-2004, 09:30 AM
Parent: #12
نوف بقيتى كمان تشمتى لووووووووووووووووووول بجيك اصبرى
ده كلو هين
انا داير لنا دى لى مده داير ليها معاها شكله اصلوانا والاحباب ديل عجاجنا احمر لكن برضو بريدهم 00
المشكله هى مابتجى براها بتجيب معاها شلة الله اكبر ديك وتجى 00
قايتو ربك يكون فى العون يانوف00
وست البوست (الواحد يبقى تانى حذر )
النبى ماتمشى 000
|
Post: #15
Title: Re: رساله لي بكري
Author: نــوف
Date: 12-16-2004, 09:38 AM
Parent: #1
قــــاعدة ماماشه ياتروتسكي احرسك من بوست
لي بوست ماتقابض في الناس ساي .........
تحياتي
|
Post: #16
Title: Re: رساله لي بكري
Author: benyya
Date: 12-16-2004, 09:45 AM
Parent: #15
الاستاذه راويه
لخمتني الصوره الرائعه الخاتها دي
والله يدي الجميع الاجر
تسلمي
نوف
اهلاً بيك
معتز
امشي????????
وامانه الاستاذ اخليها لمنو
لى قدام
|
Post: #18
Title: Re: رساله لي بكري
Author: benyya
Date: 12-16-2004, 09:54 AM
Parent: #16
استاذ بكري منتظرين ردك علي الاستاذ صلاح عبد الله
لى قدام
|
Post: #19
Title: Re: رساله لي بكري
Author: Rawia
Date: 12-16-2004, 09:55 AM
Parent: #16
راويه راويه حاف كدا وممكن رايوه
انا مابحب الالقاب ومافي بينا طالما انت قدمت عربون صداقه راقي كدا من اول يوم اتعارفنا
اما الصوره فتسلمي ياعسل من زوقك بس
معتز ممكن سؤال?
|
Post: #20
Title: Re: رساله لي بكري
Author: معتز تروتسكى
Date: 12-16-2004, 10:00 AM
Parent: #19
الاستاذه راويه
و
الاستاذه رايوه
عشان تانى مايشيلو حالنا000
معتز ممكن سؤال?
ونحن لاقين ياعب حميد000
|
Post: #21
Title: Re: رساله لي بكري
Author: rani
Date: 12-16-2004, 10:12 AM
Parent: #20
Quote:
بكرى انسان انصرافى وفيهو انتهازيه وبتعامل مع الناس باسفاف شديد وعدم مبالاه 00
اكدى بانى ماعندى شى معاهو لكن طريقتو فيها احتقار للشخص بصوره مهينه فهو يانقول راينا بى صراحه وانا اساسا بقول رايى ويا يغير طريقتو دى لانها ما جميلة بالبته 00 |
سلامات عوافي..صديقي.. معتز..
انا ما حادافع ليك عن بكري..
لكن خت نفسك في مكان زول.. بيتجيهو اكتر من دشليون رسالة في اليوم..
وفي نفس الوقت.. انو البورد دا ماهو كل شغلك..
ليك اسرتك دايره زمنها.. والعمل خارج المنزل ((داير زمنو))..
انت عارف في البلد دي لو اشتغلت ثمانية ساعات فقط في اليوم.. بعد كده ممكن تقنع
من باقي اليوم.. وتفكر في التالي..
.
.
انا حا اضرب ليك مثل..انا اسي ما شغال.. طالب.. بطلع الجامعة الساعة 7:30 ص
برجع الساعة 5:30 م ...
بتجيني رسائل من اصحابي.. كتير جدا بقراء الرسالة وما برد عليها.. وبوعد نفسي اني
ارد لاحقا.. لكن صدقني كتير جدا (بنسي)..ما..(بطنش).. وما عدم اهتمام مني
ولا حاجة.. انا زول.. بيحب اصحابو جدا.. فخلي بالك ديل اصحابي.. الظروف بتخليني
اعمل معاهم كده..
.
.
ختاماً..
للناس ظروفها..
.
.
ودي وكل ما تيسر من حب.. (المصطفي).
|
Post: #31
Title: rani
Author: معتز تروتسكى
Date: 12-18-2004, 01:27 AM
Parent: #21
التحايا النواضر00
الزميل العزيز رانى00
كما ذكرت اسبابك منطقية فى انو بكرى بتجيهو مليون رساله والناس مشاغل لكن بقدر ماهو مشغول هل يمنع بان يرد على اصحاب هؤلاء الرسائل علما بانه فتح هذا المنبر وبالتاكيد يضع فى باله ان الناس ستحتاج اليه فى مساعده00كما هو الحال اليك وبقدر زحمتك اكيد يوجد لديك وقت لكى تعمل بعض الاشياء خارج نطاق دراستك ثم ان كل او اغلب الذين هنا يسابقون الزمن فى ان يجد وقت لكى يدخل المنبر الذى تجده من مكتبه او من الجامعه او نهاية الاسبوع او لما ذلك ؟ بالتاكيد لسببين ان حب الكتابه اصبح عادة بالاضافه الى ان يقابل الناس الجميله الهنا 00
اذا كان الموضوع بالنسبة لى شخصيا لااستطيع ان اكون مرتاح لو لو اقضى حاجة انسان اشعر انه محتاج الى 00دلوقت انا احتج الى بكرى فى بعض الاشياء لكن بالتاكيد ساحاول جاهدا ان لاامد له يدى فالبوستات تشهد والمواقف حدث لاحرج 00انا من الذين يجدون متاعب فى الكتابه التى يضع لها كود وكل شى مشفر ولدى ناس بعينهم لااعرف هى حاشية للسطان ام منبر حر ؟؟
ياعزيزى رانى فى كل نقطه اكتبها اكد ان بكرى لايمثل لى سوى شخص فتح المنبر هذا لكى ننمى مواهبنا ونتواصل وووو وايضا لن انسى له هذا الجميل وكذلك ليس لدى شى شخصى معه فى مهاجمته لكن الحال المايل لايعجبنى والصاح يتفق عليهو الناس الا الذين (يضعون غشاوة متعمدين على ايعنهم )00
رانى المهم كلامى وقع ليك وبقى حاليا وجودنا هنا تحصيل حاصل عشانكم وعشان الناس الحلوه الوجوده هنا ياصديقى 00
انت كيفك واخبارك وبالتاكيد ساكون على انتظارك باحر من الجمر وساجمع لك ماتطلبه ونحن فى الانتظار الشهرين بى فارغ الصبر وبالتوفيق ياحبيبى00
سلمت كتير 000
............
ودي وكل ما تيسر من حب.. (المصطفي).
|
Post: #24
Title: Re: رساله لي بكري
Author: Rawia
Date: 12-16-2004, 10:31 AM
Parent: #20
في الحاله دي الباشمهندزه رايوه
السؤال في الماسنجر
|
Post: #25
Title: Re: رساله لي بكري
Author: معتز تروتسكى
Date: 12-16-2004, 10:46 AM
Parent: #24
هههههههههههههههههههههههههههههههههههه
يا الكل يوم معانا ماقادرين نقول 00
انك فى قلوبنا وكم نشتاق لى عيينك (خلى بالك من عينيك دى يا الباشمهندزه رايوه)
حنانك ياحالم 000
*الاجابه كيف
عشانك كالامانى وانت قريب حدانا
فيك سر الغرام
واهدينا ....
بتم الاغنيه فى البوست بعدين
|
Post: #26
Title: Re: رساله لي بكري
Author: Rawia
Date: 12-16-2004, 10:56 AM
Parent: #25
شكرا لللاجابه وتسلم
| Quote: (خلى بالك من عينيك دى يا الباشمهندزه رايوه |
خُلُـــــــــــــيت
|
Post: #32
Title: Rawia
Author: معتز تروتسكى
Date: 12-18-2004, 01:29 AM
Parent: #26
الباشمهندزه رايوه
سلمت كتير
عيونك كانو فى عيونى 00
واحلى عيون فى الدنيا عيونك 000
واحلى يتقال كلاماتك 00
اه اه
عشه صغيره000
خُلُـــــــــــــيت
وخلى بالك فى ايدى وكتبن اسالمك00
ياعميانه
|
Post: #22
Title: Re: رساله لي بكري
Author: معتز تروتسكى
Date: 12-16-2004, 10:14 AM
Parent: #16
يابنيه من خبز الفنادك00
يعنى قاعده؟
والشمار كتير بقى 00
تانى بتمشى عاد00
يومنا اسود زاتو 00
والونسه الحلوه ما تنسينا الموضوع الاساسى000
بكري منتظرين ردك علي الاستاذ صلاح عبد الله
|
Post: #23
Title: Re: رساله لي بكري
Author: معتز تروتسكى
Date: 12-16-2004, 10:22 AM
Parent: #15
نــوف
اقعدى00
يعنى انا الكنته ناوى واجيك فى فى بوست الكريماس 00
يبقى مافى داعى لانو حالاقاكى فى وشى كتير 00
معناها من الليل يجى الواحد مايجى يكتب فى البورد معاكم
وعلى قول حبويتنا00
استغرتك يامالك روحى000
|
Post: #27
Title: Re: رساله لي بكري
Author: noon
Date: 12-16-2004, 05:44 PM
Parent: #23
salam
wallhi ya Rawia ya okhty men zaman wa ana baftsh lay al link bet3k da laken jahjahny jahjah i guess not all the letters are listed am i wirte
any way thank u so much
Noon
|
Post: #28
Title: Re: رساله لي بكري
Author: bayan
Date: 12-16-2004, 10:58 PM
Parent: #27
لووووووووووووووول وتانى لووووووووووووووووووووووووووول
قرقرققرقرقرقرقرقرقرقرقرقرقرقرقرقرقرقرقرقر
اسمعوا يا اولادى ما تزحو من اماتكم بعيد احسن تتخطفو
| Quote: المشكله هى مابتجى براها بتجيب معاها شلة الله اكبر ديك وتجى |
جد يا ولدى يا معتز دى ياها المصيبة الكبرى.. شلة الله اكبر
بس افتح عينك كويس كويس وكويسسسسسسسسسسسسسسس
كومنا فى خيمتو فى فنان وساندوتشات ومواصلات وبىبى ستر
بنية شكرا ليك على انك اتنازلتى عن البوست لى
|
Post: #29
Title: Re: رساله لي بكري
Author: معتز تروتسكى
Date: 12-18-2004, 00:49 AM
Parent: #28
خاله بيان 00
اولا الزول الا يقبل لى غادى ويكتب عشان ما تفقع من الضحك 00 والمشكله يقبل غادى تبقى مصيبتن الكتابه كلها تجى اوت وبراهو الواحد اسه مامرتاح وناس نوف واقفين فى خشم الباب منتظرين غلطه شفتى البنيات ديل كيف ممسوخات 000
راويه بى جهه ونوف بى هناك 00
وبنيه مامقصره 00
شمار 1000
بعدين يادكتوره 00
لنا دى الطفشه ال ياها معارفها عامله نفير ولا شنو ؟ كلميها قول ليها (ده انا غلبان)00
عارفه زكررتنى شلة الله اكبر دى 00ايام الجامعه كنت مرات كتيره بجى اسكن مع اصحابنا الاحباب ديل فى الداخلية 00اها نبدا نقاش ونكون حلوين والنقاش ماشى وانا البراى فى نصهم 00 اها من نجى نقاشات فكريه ونخى فى (السلام يا المهدى الامام وحاجات متل هيك) السكاكين تطلع 00 وفى روحى ده شفته جنس سكاكين اتخيلت نفسى فى العصر الحجرى (طبعا ده هظار) ايام حلوه وبعد ده بنريدهم نسوى شنو؟؟؟؟؟
بس التظهر الاميره دى000
بعدين فى كلام قلت الا يكون مالابس النضاره 00
* كومنا فى خيمتو فى فنان وساندوتشات ومواصلات وبىبى ستر
ماقالو ظلاميه عندكم بارتى وحاجات زى دى كمان ولا دى تغيرات العصر الحديث الجماعه شغالين بيع مواثيق وعهود ساى 00
وزى ما قلتى
صحى الا افتح عينى كويس00
افوتك بعافيه 00
الشكر اجزله موصول لبنيه00
|
Post: #30
Title: Re: رساله لي بكري
Author: bayan
Date: 12-18-2004, 01:27 AM
Parent: #29
العزيز معتز
شايفة فى حركة استقطاب كبير للبرالمة..
قلنا نستخدم اسلحة المرحلة بعدين لما تخشو الخيمة
نغسل المخ ونطفى نوركم
ايوة اريدن بنات الزمن دا ناس نوف وبنبة بنات ما بيدقدرن
ربنا يحفظهن
بالله الاحباب بتاعين سكينى الا تباك افو ..فو
|
Post: #34
Title: noon
Author: معتز تروتسكى
Date: 12-18-2004, 01:51 AM
Parent: #27
noon
لحظك الجراح ازاى فيهو
وفيهو الطرب والراح
تشكرى كتير
شايف البوست زى بقى حقنا 00
ماتقوم بنيه تبلغ عننا الانتربول 000
وخالتك بيان بى هناك تاوق ساى وتعاين00
اسمعى ولا نهبب ليها 000
تحياتى وابقى اظهرى00
|
Post: #33
Title: Re: رساله لي بكري
Author: ود الشيخ
Date: 12-18-2004, 01:40 AM
Parent: #1
بنية
هربتي من سودان دوت نت واشتغلتي مراسيل
ما قلتي القروش ما مهمة نسيتي ولا شنو
اها يوم الخميس بلاقي بكري بعمل برنت للجواب
وبديه ليه
تروتسكي
بتقصد بت عمي لنا لمن تجي ما اجي وراها
والله انا عارف الخلقني منو
|
Post: #35
Title: Re: رساله لي بكري
Author: Ali Alhalawi
Date: 12-18-2004, 04:28 AM
Parent: #33
البنيـــة ....
البنية السكرية .. قروشها عسل
أخيرا وجدناك لابدة بى هنا .. نقشتك من "لى قدام" و ما أحلى الأيام التى مضت فى عالم سودان دوت نت .. أما زالت القروش غير مهمة؟؟
Almagnoon
|
Post: #36
Title: Ali Alhalawi
Author: معتز تروتسكى
Date: 12-18-2004, 06:11 AM
Parent: #35
هههههههههههههههههههههههههههههههههههههههههه
عارف اديك سر000
وحاتك فى البدايه قريت اسمك (عاليه)000
بس كويس اتريسته شويه ياعلى00
والصوره زاتها لخبطتنى قلت ياهكر يا الجكس بتاعها00
تاريك ده انت يا ابوعلوه000
يبدو انوالحاله بقت مستعصيه عديل بس يمرقنا من ناس الشمارات والفضايح لابتين ساى اسه00
تحياتى 00
Ali Alhalawi
وجايك ياود الشيخ 00
البنيه العسكريه00
وكل الشباب000
بس ننجمه من ضحكتنا دى 000
|
Post: #37
Title: Re: Ali Alhalawi
Author: benyya
Date: 12-18-2004, 10:49 PM
Parent: #36
راويه
سلامي
معتز
انا خلاص حارسل ليك انتي ودكتوره بيان عقد التنازل عشان بعد كلو يكون رسمي
ود الشيخ
وينك ؟؟
والله لا اشتغلت مراسيل ولا شيتين بس الواجب لابد منه
اي بالله اعمل برنت للورقه واديها لبكري تكون ما قصرت
تحياتي
مجنونا
عمرها ما كانت مهمه
وينك يا انسان؟؟
طال غيابك والله
تحيات خالصه
و
لى قدام
|
|