Post: #1
Title: هل من كاتب يباع فى سماء المهرجان
Author: محمد حامد جمعه
Date: 12-13-2004, 03:25 AM
Parent: #0
عدت والعود احمد بعد ان غصت فى غمار مشغوليات عديدة ، بعضها يتعلق بالسعى لكسب الرزق والاخر يمتد لدعم متاحات الادراك والوعى بمذيد من التعليم والافادة الاكاديمية فضلا عن اسباب اخرى عديدة تضافرت كلها ليكون حضورى عبر هذا المنبر شحيحا وهو ما فسره بعض الذين يطلبون عنقى بالفرار والهروب عن المواجهة والتولى يوم الزحف وكأننا على طرفى معترك وقتال تسيل فيه الدماء وتدق فيه الاعناق ولسنا مجرد اشخاص اختلفوا فى التفاسير والقراءات والمرجعيات . والمرء اذ يعود اليوم يجد نفسه محاطا بجلائل افضال لاخوة اعزاء كثر بهذا الموقع جملوا اذاننا بعبارات المناصرة الدفئية منهم من هاتفنا من داخل الوطن ومنهم من اقتطع من زمنه بالخارج واوقف لنا بضع دقائق حدثنا فيها .. والود الشفيف يتصل ويمتد لاخوتى الكرام من رموز الاستنارة والاخذ بالحسنى ممن اختلف معهم سياسيا لكنهم كانوا اتقياء انقياء حين وقفوا ضد منهج الاقصاء – هذه المفردة التى سعى الغاضبون لتطبيقها على منبر رفع الحرية اسما وشعارا – وما كنت لاخص احد واعين اسما الا ان الحق وتمام معانى الرجولة تلزمنى لان اسوق شكرا انيقا للاستاذ خالد عويس ولكل من ساندوه حتى اسقطوا (مشروع قرار ) يطالب بطردى وان ينسف المنبريون هنا للريح ناجس عظمى واهابى .
واعود لا لاكون فما يهاتر او قلما ينشر السوء ولكن اعود وسابقى ما وسعنى الزمان والمكان لاقدم بعض ما عندى فمن شاء اخذ ومن شاء رفض والنبيه بين المنزلتين من بصرنا باخطاءنا وقومنا ان راى منا شططا وتنطعا ،واعود لهذا المنبر وان اكثر اعتزازا بانتماء لحزب اسلامى فعلى ما يلصق بهذه الحركة الاسلامية من نعوت بالبربرية والجهل والفاشية فان طبيعة الحوار داخلها مع خصومها او بين بنيها ان وقع بين نقاش افضى لخلاف لا تصل البتة لحد هكذا مهاترات خرجت من افكار اناس يدعون انهم دعاة للحقوق المدنية واى اكبر انتهاك فى رايكم من نعت امرئ مسلم بالكلب
الحركة الاسلامية والتى وفى اوج لهيب خصوماتها وانشقاقها وانقسامها الاليم لم تهدى السودان (19 يوليو جديدة ) ولن تفعل وظل الخصام والجدل ولكن صينت الدماء وبقى الشيخ حسن الترابى فى السجن ..اجل ..حل الله قيده ومد فى عمره عالما نحريرا وسياسيا ذكيا ومفكرا لا يزال الدنيا والزمان يعجبهم حرفه وتفسيره وتشغلهم حركاته وسكناته ! هذا هناك فى حياض الاسلاميين والذين ينعتون بالهمجية ولكن حين اتينا نسعى فى هذه المدينة احتفى بنا كثيرون وهؤلاء هم رموز الاستنارة فى راى وتعرضت لنا بعض كتاب العرضحالات بسى القول وساقطه ...ولم نغضب .. ليس لاننا تدربنا على ذلك كما زعم بعض الالمعيين ولكنها ضريبة ندفعها هنا عن طيب خاطر وندفعها من كريم سماحة اهلنا الذين ادبونا فاحسنوا تاديبنا فلم يعرف لنا شخص عاشرنا وكان قريبا اننا فجرنا فى خصومة او قسونا على احد وجهة .
ولكم سالت نفسى ترى هل يكون كل هؤلاء على حق وهم يدمغون الانقاذ بانها ضد حرية التعبير وكانت الاجابات تترى سريعا حين اطل اليوم على الصحافة السودانية فاجد ان احدهم كتب يطالب الجهات المختصة بان تمنع المساجد فى مواقيت صلاة الصبح وقبلها فى صلاة التهجد فى رمضان عن استعمال مكبرات الصوت لانها تؤذى بعض النيام .. ولكم ان تتخيلوا لو ان كاتبا اسلاميا كتب مثلا ---- بقول مثلا – يطالب بالا تدق الكنائس اجراسها و ان لا يتجمع المسيحيون فى اعيادهم ويسيرون المواكب كما يفعلون دوما فى الخرطوم ، فى الاولى لم يغضب احد اما فى الثانية فان الدنيا كانت ستشتعل بالصياح والعويل على قمع الانقاذ للحريات وكبتها للديانات . الانقاذ والتى حتى يوم الله هذا تتصدر اخبار وبيانات معارضيها صفحات صحف الخرطوم الاولى وتهاجم حكومتها وتشتم من بعد صلاة الصبح الى الظهيرة وحين يضع الناس ارواحهم فى منامهم فى الليل ثم بعد هذا ينعتونها باقصاء الراى الاخر وكبت حرية التعبير ،
ومن حق كل خصوم الانقاذ ان يتحدثون عن احزابهم ومشاكلها وخلافاتهم وايام سعدهم وايام بؤسهم الى حد تدبيج القصائد والمقالات الندية فان تحدث شخص عن الحركة الاسلامية من ذات المنطلقات الموازية لمواقفهم فهو كاتب يباع فى سماء المهرجان ..عجبى . ..المعز عمر بخيت (الدكتور ) اصابه رشاش من احدهم لانه لم يكتب ليشجب اعتقال العميد .. وبكرى ابوبكر مغضوب عليه لانه رفض ان يكون قاض فى محكمة تفتيشهم وامانى السنى لعنت لانها رفعت شعار ثورتهم الثقافية و(المسيرة ) ..ودعوا مئة زهرة تتفتح ..
عزيزي الواقف امام هذه السطور ..اطلق ساقيك للريح .. حى لا تطالك ..المقصلة .. مقصلة التصنيف والتجريم .. باسم الحرية والديمقراطية ..ورغم كل شي سابقي ... ناطقا بقناعاتي .. مدافعا عنها ... لا اتنكر ولا اتخفى ...
|
Post: #2
Title: Re: هل من كاتب يباع فى سماء المهرجان
Author: ود الشيخ
Date: 12-13-2004, 03:33 AM
Parent: #1
قف دون رأيك في الحياة مجاهداً
إن الــحياة عقــيدةٌ وجــهاد
ؤبث
|
Post: #3
Title: Re: هل من كاتب يباع فى سماء المهرجان
Author: محمد حامد جمعه
Date: 12-13-2004, 03:37 AM
Parent: #2
قف دون رأيك في الحياة مجاهداً
|
Post: #4
Title: Re: هل من كاتب يباع فى سماء المهرجان
Author: haleem
Date: 12-13-2004, 04:37 AM
Parent: #1
| Quote: قف دون رأيك في الحياة مجاهداً |
وستصاحبك القرود في رحلتك المقدسة هذي..
أما السحب فستحجب عنك أعين الكافرين
قبل أن تفوح رائحة المسك من دمائك...
بالمناسبة...(العود أحمد) دي ...لينا ولا ليك...
|
Post: #5
Title: Re: هل من كاتب يباع فى سماء المهرجان
Author: محمد حامد جمعه
Date: 12-13-2004, 04:49 AM
Parent: #4
للجميع ......
|
Post: #6
Title: Re: هل من كاتب يباع فى سماء المهرجان
Author: Marouf Sanad
Date: 12-13-2004, 04:58 AM
Parent: #5
ماذا فعلتم بالصحفي الذي كتب عن مكبرات الصوت في المساجد ??
|
Post: #9
Title: Re: هل من كاتب يباع فى سماء المهرجان
Author: محمد حامد جمعه
Date: 12-13-2004, 05:08 AM
Parent: #6
تعرض لمشاكل وقيل انه ضرب ... حسنا .. اولا قبل ان تسال عما حدث له هل تعتقد ان ما دعا اليه مقبول ........هذا طلب لا يمكن ان يقدم لسلطات (تل ابيب ) ناهيك عن ان يطالب به شخص فى السودان ، هذا ليس استفزازا للنظام الحاكم لكنه استهزاء بكامل قيم الشعب السودانى والمسلمين فيه .. اما عن راى لما تعرض له فقطعا ان لم اطالب بضربه وامتنعت حتى عن التعليق فى عمودى على الحادث ..ثم دعنى اسالك الان فى بلد مثل السعودية هناك جماعات تنتمى لتيار سلفى تقوم باستهداف المجمعات السكانية للاجانب ويقتل فى اثناء ذلك مسلمون ..حسنا من يفعل هذا قطعا يدان لان اهدار دم انسان مسالة مثل التكفير تنضبط بمعايير فقهية صارمة لكن هل هذا يعنى انه اذا ضربت جماعة اسلامية فان كل الجماعات الاخرى عبارة عن قتلة .. .. اذن كون ان هذا الكاتب قد تعرض لضرب او اى اجراء اخر هذا لا يعنى ان يتم اختيار (فرض التعميم ) على الجماعة او الجهة التى قامت بذلك .
|
Post: #7
Title: Re: هل من كاتب يباع فى سماء المهرجان
Author: AnwarKing
Date: 12-13-2004, 04:59 AM
Parent: #5
| Quote: واعود لا لاكون فما يهاتر او قلما ينشر السوء ولكن اعود وسابقى ما وسعنى الزمان والمكان لاقدم بعض ما عندى |
قول العندك كلو...
بمهاتراتك يا محمد...
فهي جزء اصيل من هذا (الوطن)...
يا أخوي ما تشتغل بي زول ابداً... اها انت لو كنت موش عميد فى الأمن...لو كنت الامن زاتو...هسع انا شخصياً بقيت منحاز ليك تماماً....
لفشل شعارات "المعارضة" فى تحقيق "حوار" دون الاقصاء...
عليك امان الله يا محمد لو جد انت عميد...اسأل لي من شركة الامن بتاعة الكمبيوتر دي...قالوا فيها وظائف زينة للشباب...
وانحنا الشباب زي ما عارف...دايرين نعرس... وما حضرنا ديموقراطية نبكي عليها...
الكلام دا بيزعل شديد...لكن...هو الحاصل....
اها شن قولك؟
أنور
|
Post: #17
Title: Re: هل من كاتب يباع فى سماء المهرجان
Author: معتز تروتسكى
Date: 12-13-2004, 06:44 AM
Parent: #7
خالص التحايا00
ابوحميد00
الجماعه شردو خلوك00(حتى الطير هجر خلانى)00
علىالعموم انا جيت عشان ود اهلنا وجيرانا (انور) ده الى الان ناخد حسن النيه لكن ياحبه لو عرفت انك (امنجى) شيل شيلك يامان الا تقوم جارى انا تارى مابخليهو ليكم 00
* ود العم انور شايفك مبسوط مع الجماعه ديل عشان ماسجلت زياره هناك ولا شنو على العموم انا معاك ماتشيل هم ياغتسته حجرك يامرقتك00 وفى الحالتين انت ضايع00 بعدين شفته صورتك مع الجكس عارف نفس الصور دى عندى بالهبل ومع ناسكم زاتهم وناسنا ديل خلى كلام تانى (zai jian)
هى جينا نونس لكن نقاطى دى ما تغفلوها قالو الزمن كل زول يسك حقو براهو (ويناضل ) فيهو 00
وحق تحرسو ولابيجك حقك تقاوى وتقلعوا00
تحياتى لكما00
|
Post: #43
Title: Re: هل من كاتب يباع فى سماء المهرجان
Author: AnwarKing
Date: 12-14-2004, 07:28 AM
Parent: #17
معتز يا حبيبي الأول...
بيت شعر سريع كده...
وكم كم "بيت" يألفه الفتي... وحنينه أبداً "للحبيب" الأول...
لخبطته الدنيا صاح؟
خلينا متأكين فى البوست ده يا صديقي...
أنور
|
Post: #8
Title: Re: هل من كاتب يباع فى سماء المهرجان
Author: A.Razek Althalib
Date: 12-13-2004, 05:08 AM
Parent: #5
قد يتبادر إلى الذهن وتلوح للفطن أنها من بنيات أفكارك
ووليدة نفسك
لا أسيرة طروسك
وأخالك أخي محمدحامد جمعة مردداً:
يَوّلد اللؤلؤ المنثور منطقه ** وينظم الدُرَّ بالأقلام في الكتب
ومردفاً:
إنّ الرجال إذا اختبرت طباعهم ** ألفيتهم شتى على الأخبار
لا تعجلن إلى شريعة موردٍ ** حتى تبين خُطَّة الإصدار
وربما لا تسرح أفكارك بعيداً وترجع إلى نفسك وأنت تقول:
لا تعجلن فّربما ** عجل الفتي فيما يضره
مزاد بيع الذمم متاح لكل من أراد أن يبيع شرف ذمته
ويختال بما كسب
فويلٌ للمطففين
الذين إذا أكتالوا على الناس يستوفون
وإذا كالوهم أو وزنوهم يخسرون
إلا يظن أؤلئك أنهم مبعثون
ليوم عظيم
يوم يقوم الناس لرب العالمين
المرجع: سورة المطففين.
أخي ليس الرأي في صدر واحدٍ
أشيرا على اليوم ما تريان
ومهلاً وحذار من خوض هذا الغمار
فالسودانيين معدن الصدق وأٌسه وأمناء العلم وحرسه
كيف وهم يرتلون [إنما يفتري الكذب الذين لا يؤمنون بآيات الله].
وكذلك قالوا "نزه سمعك عن سماع الكذب، كما تنزه لسانك عن التفوه به"
فكلهم يرددون:
تهون علينا في المعالي نفوسنا ** ومن يخطب الحسناء لم يغله المهر
فنص الحديث إلى أهله ** إن الأمانة في نصه
"ومن أسندك فقد أحالك"
نسب كأن عليه من شمس الضحى نوراً من فلق الصباح عموداً
بعد أن تجارينا في هذه الرحبة وبدأ شذى الجنان يفوح أعطف فرسي (الكي بورد) لأدعك تمضي لتخلو بنفسك بهذه الجنة أملا ًأن تكون لك من الحوادث جنة
فتجارب الإنسان عدة عقله **في دهره لحوادث الأقدار
لنلتقي بعد أن أنخت اليوم إن شاء الباري غداً إن بقي في العمر بقية
فلا أقول أن الرأي في صدر واحد ولا أبكي
ولكن أبكي السودان الوطن
السودان ما قد كان وما سيكون
إليك أرمي بحبل مودتي ولكن في صدري خلاف للرأي
أراك غداً
|
Post: #10
Title: Re: هل من كاتب يباع فى سماء المهرجان :نعم...الم تسمع: يا غابة الاقلام يا سوق الضمائر؟
Author: AnwarKing
Date: 12-13-2004, 05:20 AM
الاخ A.Razek Althalib...
أظن ردك هذا سيكون مرجعاً لي فى المستقبل...
ماشاء الله أشعار جميلة... ومفيدة...يعني ردود جاهزة وكدا
وشكراً
أنور
----
وكمان خليني أهديك من شاعري المحبب الى نفسي نجيب سرور:
طبيب رغم أنفه !
لم يكن يفهم في الطب ولكن هجموا يوماً عليه ..
بالسياط :
- أنت في الطب نطاسى ضليع
- انا حطاب بسيط !
- انت ماكر ..
والتواضع ..
شأن كل الماكرين !
ثم ماذا ؟ صار ما شاؤوا .. طبيبا ..
بل وفى الطب نطاسيا ضليعا ،
لاتلوموا من تعذب ..
فادعى الطب طريقا للنجاة ،
وجب اللوم على من خيروه
بين موت - حين يصدق -
وحياة - حين يكذب -
فكذب !
---
|
Post: #11
Title: Re: هل من كاتب يباع فى سماء المهرجان :نعم...الم تسمع: يا غابة الاقلام يا سوق الضمائر؟
Author: A.Razek Althalib
Date: 12-13-2004, 05:29 AM
Parent: #10
الأخ/ AnwarKing
لك التقدير
أنخت مفاتيح اللعبة
والأشعار ليست من قولي
ولا أدري من قائلها
ولكنها جاءت وليدة المنبر
لكل الأحداث العراض
إليك أرمي بالتحيا
وإنت مرجع يا مرجع
والرأي ليس في صدر واحد
فأجعل نص الحديث إلى أهله
وقفا نبكي من ذكري حبيب ومنزل بسقط اللوي بين الدخول فحومل
وقد أغتدي والطير في وكناتها بمنجرد قيد الأوابد هيكل
مكر مفر مقبل مدبر معاً كجلمود صخر حطه السيل من عل
والسؤال لا زال مطروحاً:
هل الأنقاذ أزمة فكر أم أزمة أخلاق
وإلى لقاء الغد
|
Post: #12
Title: Re: أنّ غداً لناظره قريب...
Author: AnwarKing
Date: 12-13-2004, 05:42 AM
Parent: #11
Quote: هل الأنقاذ أزمة فكر أم أزمة أخلاق
|
الاتنين...
لكن المشكلة فى تحديد ايهما كان الاول بس...
عارف لسان حالنا احنا السودانيين شنو؟
انا زاتي ما عارف...لكن تنظيره كدا على الطاير...
نتشاكل وندوّل مشاكلنا ونستنجد بالقريب والغريب...
ولما نتلما فى طاولة المفاوضات...تجيك الونسة الما خمج...لي ناس دفعة الجامعة وأبو النسب والخ وهلم جرا...
حكى لي واحد...قال لي الخواجات فى نيفاشا كانوا مستغربين ليل حنان فى الناس دي...
الموضوع ما يتحلا بأخوي واخوك أبداً... يقوموا يعملوا ليهم حصة عن ثقافة المفاوضات والسلام والخ وهلم جرا برضو...
فى نص الحصة...تلقى واحد نايم, زي ايام الجامعة بالضبط...والتاني يشاغب...الحصة بالانجليزي وهو قاعد فى السطوح...
أول ما جرس الفطور يضرب...تلقى الناس دي : السلام بالاحضان والسؤال عن التفاصيل وتفاصيل التفاصيل...
ويبخروا المحاضرة ويرجعوا تاني "للمفاوضات"...والقواعد تشاكل وتهاتر هنا وهناك فى قهاوي ديم سواكن...
والعهدة على الراوي...واحد من أهل زميلنا قال بيتكلم فى السياسة... والمدخل:
أمس شفتا ليك ود البشير (الرئيس) فى التلفزيون, والله غضبان جنس غضب...غدبان جنس غدب...
الله يكون فى العون ويا مرحباً بك وبالاشعار يا حبيبي...رغم ان بعضها Out of Date الآن...
لك المودةّ
أنور
|
Post: #13
Title: Re: هل من كاتب يباع فى سماء المهرجان :نعم...الم تسمع: يا غابة الاقلام يا سوق الضمائر؟
Author: محمد حامد جمعه
Date: 12-13-2004, 05:42 AM
Parent: #11
انور ......... كدى قبال الشغل هنا ......اسمع قالو العربات عندكم (زى الترمس ) كتيرة ورخيصة ...شوف لاخوك واحدة دبل سكند هاند ويكون سيدها اطول زول فى البلد ديك لانى من قامة اخونا منوت .......... لكن تعرف سوق ناس الحاسوب هنا بقى (سخن ) هم وناس النفط ........
|
Post: #14
Title: Re: أتوز, نوبيرا, كليك!, أي خدمة...
Author: AnwarKing
Date: 12-13-2004, 05:52 AM
Parent: #13
والله تأمر يا أبو أحميد...
لكن صحي انت ما زولن فى الامن..لانو ناس الامن ما بفتشوا للجرجخيس ده ..عندهم رضا الوالدين*
بالله ما تقصر معانا فى اخبار الكمبيوتر فى البلد يا محمد...
--------------------------------
* الكوريلا من موديل 2002
لك الودّ
أنور
|
Post: #15
Title: Re: أتوز, نوبيرا, كليك!, أي خدمة...
Author: محمد حامد جمعه
Date: 12-13-2004, 06:04 AM
Parent: #14
يا زول قصة (عميد ) دى زول عمل معاى (بلنتى ) يعنى (ردمنى ) جوه خط ستة ..وجا هو ومعاه كمية كدا شاتو فى القون بتاعى ..يعنى يضربوك ويحاولو يشوتو فى قونك ..لكن (الله كريم ) البلنتى بقى زى بتاع نجم ابو احشيش يوم كورة الهلال ...طلع اوت سايد ..لكن الظروف ما معروفة يمكن بعد يحسبوه قون على (اخوك ) .. .. يا زول عليك امان الله انا بدافر فى المواصلات لى هسة ومع (قفلة ) الكوبرى القديم بقينا نخش امدرمان (بالسيسى ) هسة فى اشاعة انو عشان تجى شغلك بدرى لازم (تبيت ) قدام كوبرى الفتيحاب ..يعنى تجهز بطانية و(حقة صعوط ) لو بتسف وتجى تنوم فى حتة اسمها (كلومبيا ) تحت الكوبرى طوالى .. يا تنوم فى البيت تجى الشغل متاخر يعلمو ليك استيضاح يشفط منك كم الف يخرب موازنة شهرك ... دا حال عميد فى ذمتك ..الله يسعلك
|
Post: #16
Title: Re: أتوز, نوبيرا, كليك!, أي خدمة...
Author: محمد حامد جمعه
Date: 12-13-2004, 06:05 AM
Parent: #14
يا زول قصة (عميد ) دى زول عمل معاى (بلنتى ) يعنى (ردمنى ) جوه خط ستة ..وجا هو ومعاه كمية كدا شاتو فى القون بتاعى ..يعنى يضربوك ويحاولو يشوتو فى قونك ..لكن (الله كريم ) البلنتى بقى زى بتاع نجم ابو احشيش يوم كورة الهلال ...طلع اوت سايد ..لكن الظروف ما معروفة يمكن بعد يحسبوه قون على (اخوك ) .. .. يا زول عليك امان الله انا بدافر فى المواصلات لى هسة ومع (قفلة ) الكوبرى القديم بقينا نخش امدرمان (بالسيسى ) هسة فى اشاعة انو عشان تجى شغلك بدرى لازم (تبيت ) قدام كوبرى الفتيحاب ..يعنى تجهز بطانية و(حقة صعوط ) لو بتسف وتجى تنوم فى حتة اسمها (كلومبيا ) تحت الكوبرى طوالى .. يا تنوم فى البيت تجى الشغل متاخر يعلمو ليك استيضاح يشفط منك كم الف يخرب موازنة شهرك ... دا حال عميد فى ذمتك ..الله يسعلك
|
Post: #18
Title: معتز العزيز ..
Author: محمد حامد جمعه
Date: 12-13-2004, 06:51 AM
Parent: #16
العزيز معتز ........سلااااااااااااااااااااااااامات يا راجل وينك ... تصدق بحترمك ..وبقدرك .. ...... وانشاء الله تجو عايدين ...... ياخ عندك بوست قريتو .. قمة الشفافية ..تصدق (نحن برضو ) عندنا مواجع فيها كتير من ما اوردته .......
اخيرا ..
امنجى شنو ............ الله يجازيك يا عبد العزيز ابو شنب
|
Post: #41
Title: Re: معتز العزيز ..
Author: معتز تروتسكى
Date: 12-14-2004, 06:49 AM
Parent: #18
ابوحميد00
ازيك00
طبعا انا على حسب خبرتى فى الرتب وشكل الزول لو كان ابو شنب ده ادك رتبه نقيب كان تانى الا ماتجى هنا لكن عميد دى خربت الموضوع 00 لقيتنى كيف 
*بعدين ياعزيزى بالجد انت يامسكين يامستهبل وحاتك انا لو فى مكانك ماكنت جاوبته على سؤال ولا شى مش بكرى ادنى الباص ويرد00اولا تقوم تتطالب منهم بان يشلو ايملك الخاتنو ده دى شى بخصك وصورتك المعلقنها دى 00لمن خلاص تثبت عليك انك امنجى بعد داك ببقى كلام تانى 00
على العموم دى انا كنت بعمل كده لو كنت مكانك واكتر 00
نضال شنو وكلام فارغ شنو هو شافو ليهو شنو النضال 00الاغلبهم مارقين بى كضبه فى الامم المتحده ووووووالباقى خليهو فى سرك 000
الاشى الاهم 000كلامك ده00
*وانشاء الله تجو عايدين
شنو ياسيادة العميد ده مايهو الكلام البجيب الكلام زاتو يعنى دايرنى اجى دايرن تسضيفونى مش 00
لكن على الحرم يامحمد كان انت معاهم ولا لاالنجوس ديل لابخاف منهم لامن دينهم زاتو 00والسنه الجاية زى الوكت ده عندى النيه اجى او اقل من كده 000
* تانى اسمع حكاية العميد ده تانى بتلصق فيك ماتحسس فيها 00وداير اسالك بتعرف واحد كان بكتب هنا اسمو (عادل بلير)00
بعدين انا داير اتكلم معاك وانت مابتظهر اون لاين 00يعنى اضفتك
|
Post: #19
Title: Re: هل من كاتب يباع فى سماء المهرجان
Author: ست البنات
Date: 12-13-2004, 07:05 AM
Parent: #1
الجزء دا موجه للمتداخلين -
يا جماعة الزول لسة ما اتضحت رؤيتو تقوموا تصاحبوهو ???
والأ خايفين منو ?
يا جماعة اخذوا الموضوع بجدية شوية .
ودى وجهة نظركم بنحترمها
لكن فى سؤال قائم لم تتم اجابته من قبل صديقكم الجديد دا !!!
وانا مانى مجرمة الزول بس يا ريت يكون صادق باسم صداقاتكم الجديدة دى ويصارحنا
أصلو بعد دا بقى فى عيش وملح !!!والسؤال هو
يا أخونا فى الله محمد جمعة هل انت فى الأمن ولا فى الجبهة (كوز يعنى ) ????
ست البنات .
|
Post: #20
Title: Re: هل من كاتب يباع فى سماء المهرجان
Author: محمد حامد جمعه
Date: 12-13-2004, 07:14 AM
Parent: #19
ست البنات ...حبابك ... مالكم علينا ..نجى بكامل تفاصيل شخصياتنا تزعلو .. نكتب راى ما يعجب ناس ... نتواصل فى البوستات تستغربو وتسالى ليه ....... انت فى زول قال انا جاى من المريخ ولا (ودامبعلو ) ..بعدين شنو ما اتضحت رؤيتو دى ...... ؟؟ يا استاذة فى ناس هنا ساقت اتهامات - ولم تثبتها - المفروض تتضح رؤيتو منو
|
Post: #21
Title: Re: هل من كاتب يباع فى سماء المهرجان
Author: محمد حامد جمعه
Date: 12-13-2004, 10:01 AM
Parent: #20
.................
|
Post: #22
Title: Re: هل من كاتب يباع فى سماء المهرجان
Author: Tumadir
Date: 12-13-2004, 10:13 AM
Parent: #21
انا برضو عندى قريبتى نحريرة كده
طوالى امها تقول ليها يابت الواطة حارة بجيك التهاب ..يابت الرقراق مع النحررة دى ما كويس ليك ..
لكن راسها قوى خلاص..ما بتخليها كلو كلو
|
Post: #23
Title: Re: هل من كاتب يباع فى سماء المهرجان
Author: محمد حامد جمعه
Date: 12-13-2004, 10:35 AM
Parent: #22
تماضر كيف حالك ومرحب حبابك يا استاذة تصدقى سعيد انا باطلالتك على ما تستبطنه مداخلتك من سخرية ولكن يبقى الود والتقدير لك تحت كل الظروف وانت ايضا تظلين رمز لا يملك المرء الا ان يقف امامه وقورا ..
|
Post: #24
Title: Re: هل من كاتب يباع فى سماء المهرجان
Author: A.Razek Althalib
Date: 12-13-2004, 10:36 PM
Parent: #23
جيناكم يا حبايبنا
بوست ترحيبي حمل كل معاني الوفاء
بس إندفن..
الناس قالت لجوه وأنا دخلت وأنا سيد دار
الأخ/ AnwarKing
sure
ياتا دي
| Quote: لكن تعرف سوق ناس الحاسوب هنا بقى (سخن ) هم وناس النفط ........ |
بختك يا أنور العرض جاك لعندك وعقبال البقية
إنت بس ودي العربية
وتلاقي الخيرات منهمرة
حلوة الوساطة والمحسوبية منك يا محمد حامد جمعة
| Quote: والله تأمر يا أبو أحميد... |
وأنت صدقت يا أنور
بالله عليك أنا عندي واحد أسمو أنس محمد عيسى الأمير من الرهد كدي كان تعرفو لي عنو خبر
قلنا تجارة لن تبور السوق عامر بس إنت أبدأ وأرسل الكوريلا بلاش موديل وشوف كان بقدر لكلامك ده | Quote: بالله ما تقصر معانا فى اخبار الكمبيوتر فى البلد يا محمد... |
الثمن يا أنور* الكوريلا من موديل 2002
مرة واحدة كده
يا سعاتك إلى أن يجلي الأمر وتأتي بالبرهان البين تبقى التهمة عالقة زي الدلم (القراد) في ضهر التور
هو في حكومة سجنوها
بالله عليك سؤال: من يملك حق المحاسبة لأعضاء نافزين في الجبهة؟
بس أبعد من لجنة الحسبة.!!
ها جاتك القحة يا أنور
ست البنات| Quote: يا جماعة الزول لسة ما اتضحت رؤيتو تقوموا تصاحبوهو ??? |
محاولة لمسح الفكر الحضاري، والمساهمة بتقديم رؤية للملف التاريخي والمعاصر بشكل عام،
وإنت عارفة يا ستو أن الأمر الذي أصبح يشكل أولوية في مجال الدراسات الإنسانية والحضارية، وعلى الأخص في عصر العولمة وتحول المواجهات من الميدان العسكري إلى الميادين الحضارية والثقافية.
عشان كده تعرفي أن الملف هذا يعتبر شهود حضاري
وده في حد ذاتو إستمرارية للإنفتاح، وعلى مستوى الذات والآخر، وعلى حد سواء ذلك أن التأهل للشهود يتطلب تحقق الوعي بأن الركائز الحضارية المؤهلة للحياة والإستمرار هي عالم الأفكار والراجل قال جاء بفكره ما قال جاء بكلباشو ولا كلاشو عشان كده!!
فعالم الأشياء بكل أبعاده لا يخرج عن أن يكون تجلياً لعالم الأفكار فالغياب الحضاري، الذي يتولد عن عدم وعي الذات ووعي الآخر يعني الموت والخروج من ساحة الشهود.
كما أن فقدان معايير الشهود يعني السقوط والإرتماء الحضاري، أو العمى الحضاري إضافة إلى أن عدم وعي الآخر يعطل مهمة الشهود.
فالراجل على الجملة يمكن أن يساهم بتشكيل ثقافة حضارية وتوجه حضاري يضع لبنة على طريق إسترداد الشهود للأمة السودانية في محاولة لرأب ما أنصدع.
فلماذا لا نتجرع وجهات نظر الطرف الآخر كما نحب أن نجرع الآخرين وجهات نظرنا حتى الثمالة.
أختنا ست البنات:
وبقية العقد الفريد بورداب سودانيز أون لاين المحترمون
نحن خلاصة لتجارب الأمم بحكم موقعنا في قلب العالم العربي والإسلامي والأفريقي وبما نمتلك من شهود تاريخي ومعايير خارجة عن وضع الإنسان، ومؤهلة لإنقاذ الحضارة الإنسانية اليوم وإلحاق الرحمة بالعالمين.
عشان كده أنحن ما خايفين
بس نشافة الرأس دي لو لانت وكلو واحد سمع كلام الطرف التاني لخرجنا إلى العالم مشاعل ضوت على أرجائها الأمم.
بس وجهة نظر الطرف الآخر مهمة.
تعرفي يا ستنا
حتى الكاتل الإعترف على نفسو القاضي بيديهو حق المرافعة والدفاع
التهمة إتوجهت لرجل لا نعرفه فلا المدعى ولا المدعي عليه لنا بهم صلة إلا من خلال شاشة الشبكة العنكبوتية على موقع سوادنيز أون لاين
فالطلة طلة
وأكرمو الضيف ولو كافر
وأحبو الجار ولو جاسر
يا عبدالله ما تكون صابر
دخول الجنة من الله
وقدم الخير عليك يا بلادي
بس ما تقول قديمة يا أنور يا كنج
كده شوف لي صاحبي أنس ده وين هسي
ولكم جميعاً وداً وليس سواعاً
عبدالرازق عيسى الطالب
|
Post: #44
Title: Re: يا زول أشعارك كلها اخدناها فى البلاغة...والمحفوظات كمان...
Author: AnwarKing
Date: 12-14-2004, 07:33 AM
Parent: #24
الحبيب عبد الرازق...
تحياتي ومرحب بيك "باك"...
انا فى كوريا ...مافي اليابان...
الكوريلا دي دايره ليها قروشاً ما بتجيبك هنا تاني...
الاشعار مكر مفر دي...لو الذاكرة بخير كانت ايام المتوسطة...
ؤبث...
لك الودّ
أنور
|
Post: #42
Title: Re: هل من كاتب يباع فى سماء المهرجان
Author: AnwarKing
Date: 12-14-2004, 07:26 AM
Parent: #19
Quote: الجزء دا موجه للمتداخلين -
يا جماعة الزول لسة ما اتضحت رؤيتو تقوموا تصاحبوهو ???
والأ خايفين منو ?
يا جماعة اخذوا الموضوع بجدية شوية .
ودى وجهة نظركم بنحترمها
|
ست البنات حبابك عشرة بلا كشرة...
ً خايف منو... عشان كده مصاحبو... هسع عليك الله... بيقدر يصم حنكي الشقاهو ربنا ده؟
بعدين مافي خيارات ولا أتصل بي صديق مع اسئلتك دي عشان أكون جاد للنهاية....
والله الدنيا دي مافيها شيتن مستاهل يا أختي...
انا زمان كان تلقيني مادى بوزي مترين قدام...لمن مرات بدور يقع مني...لكن الحال هو نفس الحال يا أختي...
فلنضحك ....
أضحكي...أضحكي...
أنور
|
Post: #25
Title: Re: هل من كاتب يباع فى سماء المهرجان
Author: EMU إيمو
Date: 12-14-2004, 01:04 AM
Parent: #1
When you are at Rome
do as the Romans do
العزيز محمد جمعة ، لك التحية
القوم هنا يريدون أما ان تركب معهم
في السفينة وإلاّ الطوفان نهايتك
ولهم في بوش أسوة : إما ان تكون معنا أو ضدنا
وانت حر في تحمل عاقبة رأيك
يعني إذا كنت في قومٍ فاحلب في إنائهم
وقول بعضهم : دارهم ما دمت في دارهم
وجارهم ما دمت في جوارهم
وأرضهم ما دمت في أرضهم
وقال ابن المعتز
وحلاوة الدنيا لجاهلها *** ومرارة الدنّيا لمن عقلا
وهنا نجدك ترمي الكرة في ملعب الخوارج، والكلمة مأخوذة
من العهد الأول قبل أن يلوكها الذين يتقنون الطهي بالإجترار
وما قاله محمد جمعة يدفعني لأن أقف احتراماً وتقديراً
لهذا القلم النابض بالصدق والحب والتعايش
كنت انزعج جداً عندما يشتم البعض هنا الشيخ القرضاوي
أو التفشي في الشيخ الترابي أو النيل من المهدي أو الميرغني
الشهيد الزبير
الشخص المتحضّر يجب أن يحترم تاريخ الرموز دون تمييز
وهذا ما لا نجده في غالبية السودانيين ، لا نجد له
مثيل إلاّ في إسرائيل تجاه عرفات والدول العربية
والسلام
|
Post: #28
Title: Re: هل من كاتب يباع فى سماء المهرجان
Author: bayan
Date: 12-14-2004, 02:27 AM
Parent: #25
الاخ محمد جمعة
مرحب بيك فى البورد.. كنت متغيبة لوعكة المت بى ووجدت ناس النضال الكى بودرى
بيناضلوا فيك.. طوالى عرفت انك زول فيهو فايدة.. اها نرحب بيك هنا ..
لانهم بالتجربة كدا دائما يتكالبوا على زول محدد ويطلعوا اشاعات علمتنى التجارب
انه دائما معلوماتهم فطيرة كما حدث للاخ الخبير الذى فقدناه دونما سبب و طلع براءة فى الاخير..
|
Post: #29
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 02:32 AM
Parent: #28
شكرا كتير يا بيان على هذه (الابانة ) واسف كمان لبعض الرشاش الذى اصابك حين ابديت وجهة نظرك المخالفة لمبدا الابعاد والنفى لمجرد ان شخصا يختلف مع اخر فى (المطالع ) وصدقينى فان لى كما يقول صلاح احمد ابراهيم (صبر على المكروه جميل )
|
Post: #30
Title: Re: هل من كاتب يباع فى سماء المهرجان
Author: A.Razek Althalib
Date: 12-14-2004, 02:44 AM
Parent: #25
الأخ/ EMU إيموالمحترم
الدار دارنا
والنون لزوم الجماعة
والتحذير لزومو شنو من خوض هذه المعمعة الفكرية لا الجدلية
ودي نصيحة دي
يا لخوفي من أن آفة النصح أن يكون جدالاً
| Quote: القوم هنا يريدون أما ان تركب معهم |
لا نريده أن يركب معنا وهو قد وصل
| Quote: إما ان تكون معنا أو ضدنا |
إما أن تكون معنا أو نحن معك
من ذكر كلمة الضد ألم أقل أن آفة النصح أن يكون جدالاً
يا أخي إيمو محمد حامد جمعة رجل يدري ماذا فعل وماذا يفعل وليس في حاجة إلى نصائح منك.
فلماذا أنت خائف ؟
| Quote: وانت حر في تحمل عاقبة رأيك |
لسعة كي بورتية من الكهربية الساكنة
يا أخوي إيمو قيل الساكت عن الحق شيطان أخرص
نحن نريد أن نعرف بس
| Quote: وما قاله محمد جمعة يدفعني لأن أقف احتراماً وتقديراً |
طيب وقتين كده الراجل كليم وصاحب مبدأ إنت مالك؟.
| Quote: الشخص المتحضّر يجب أن يحترم تاريخ الرموز دون تمييز |
قل دون محاولة إلغاء الآخر!!
كلنا ينزعج ولكن قدم حجتك وبراهينك ورأيك دون إنفعال ده إذاكان في الأصل كان ليك رأي!!
يرتلون كتاب الله ويؤمنون بنصوصه وينزلونها في أرض الواقع قولاً وفعلاً وعملاً في الجهر والعلانية.
Quote: لا نجد له
مثيل إلاّ في إسرائيل تجاه عرفات والدول العربية |
يا أنور كنج رسل ليهو كوريلا إن شاء الله قال ليك موديل سبعين.
ما دخل ياسر عرفات والدول العربية في عنوان هذا البوست
يا أخي إيمو إذا كنت صاحب رأي قله ولا أصمت!!
نحن قلنا أمة في قلب الأمم
ولا ليك توجه حضاري تاني؟
خلينا مع العميد(أمن) محمد حامد جمعة بحسب نص وثيقة الإتهام الممهورة بتواقيع الطرد من منبر المدنيين.
سلام ياإيمو
|
Post: #32
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 02:51 AM
Parent: #30
الاخ المناضل هنا يتحدث عن (وثيقة ) لمجرد بوست رفعه المدعو عبد العزيز والذى ادعى اننى عميد امن .. فلان هذا يعمل فى الوظيفة كيت ... هذه وثيقة !!! اين اثباته على ما قال لان المسالة اذا كانت بهذه السهولة فمن حق اى شخص ان ياتى هنا ويقذف التهم ويطلق النعوت ثم لا يساله احد كيف هذا وكيف اثباته .. لقد افضت فى شرح توضيحاتى وكون ان هناك بعض اصحاب الرؤوس الخاوية الا من الهواجس وفوبيا التجريم فهذه مشكلتهم وليست قضيتى
|
Post: #26
Title: Re: هل من كاتب يباع فى سماء المهرجان
Author: محمد ابراهيم قرض
Date: 12-14-2004, 01:28 AM
Parent: #1
صدقني يا محمد جمعة الواحد يصاب بالغمة
لما يسمع عبارة (الحركة الإسلامية) ، و أراك منحاز لهم
ياخي ما السودانيين مسلمين يالفطرة .. و بالقطع ليس
هو عيب الإسلام .... إنما عيب من تاجروا به ..
و كيف أنهم هوسونا بهي لله ، هي لله
لا للسلطة و لا للجاه ... فإذا كانت هي لله ، في ماذا
إختلف البشير و الترابي ؟؟؟ في مصاصات الأيسكريم ؟؟؟
لماذا لا تعري لنا هؤلاء و تكشفهم لنا عبر هذا المنتدى حتى و لو كنت
منهم .. السلوك الإسلامي الصحيح يتطلب ذلك يا جمعة
|
Post: #27
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 02:15 AM
Parent: #26
كل هذا الحديث طيب يا جماعة .... وانا لم اقل اننا تنظيم (سيوبر) ومنزه عن الاخطاء والقبح لو قلت ذلك لاثبت بالفعل اننى شخص (بليد ) وتابع لا يميز ولكنه ينتمى ويتمسك بلا مرشد من عقل ومنطق ودين ووطنية لكن ما احاول اولا تثبيته هنا يا قرض ان هناك افاق ارحب للحوار والقبول بالاخر غض النظر عن رايك فيه ورايه فيك .. لكن المؤسف ان البعض يحاول ان يجرنا باستمرار للمهاترة - ولن استجيب - وفى هذا من جانب من يفعل ذلك اضاعة للوقت وتسويد هذه المساحات باقوال وشائم فقط .. دعونا نتوقف عن مضغ علكة (محمد حامد ) وبعدها نتناقش .. وعموما الود والاحترام منى للجميع فانا شخصيا لا يمكن ان احتقر - بتمام هذه الكلمة - رمز وطنى كان فى اليسار او اليمين اسلامى او ماركسى بل اكثر من ذلك ان اكن اجلالا كثير لمفكرين يساريون عديدون داخل السودان وخارجه دون ان يعنى هذا ان افرط فى التزامى بصفى على مبدا عن الحكمة ضالة المؤمن ولا يهمه من اى وعاء خرجت
|
Post: #31
Title: Re: هل من كاتب يباع فى سماء المهرجان
Author: bayan
Date: 12-14-2004, 02:48 AM
Parent: #27
الاخ محمد جمعة
ما دام الاسف.. الرشاشات دى بالنسبة لى أوسمة.. لانه الحق دائما يقف حيث لا يكونون
يعنى تكشف وتشوفهم شايتين وين.. وطوالى تشوت عكس لانه الحق دائما عكس..
ومرحب بيك مرة اخرى
|
Post: #33
Title: Re: هل من كاتب يباع فى سماء المهرجان
Author: Badri
Date: 12-14-2004, 03:18 AM
Parent: #1
| Quote: عزيزي الواقف امام هذه السطور ..اطلق ساقيك للريح .. حى لا تطالك ..المقصلة .. مقصلة التصنيف والتجريم .. باسم الحرية والديمقراطية ..ورغم كل شي سابقي ... ناطقا بقناعاتي .. مدافعا عنها ... لا اتنكر ولا اتخفى ... |
الأخ / محمد
حقيقة رغم أنى ليس معك فيما تنسبه عن ذلك الحزب الذي تنتمى له . لكن حقيقة يعجبنى أسلوبك فى تناول المواضيع والنقاش بغض النظر عن أى شئ آخر . وأتمنى أن تواصل فى الكتابة ويتواصل معك أصحاب الأقلام الجريئة التى تتناول القضايا بموضوعية وأكثر حنكة ومرحب بيك .
Quote: وانحنا الشباب زي ما عارف...دايرين نعرس... وما حضرنا ديموقراطية نبكي عليها...
|
الأخ / أنور
ديمقراطية نبكى عليها؟ لاأعتقد أن الديمقراطية التى عشناها هى الديمقراطية الصحيحة وإن كانت تلك هى الديمقراطية التى ينادى بها الناس فهذه فوضى وهؤلاء ينادون بالفوضى .
أخى محمد وأدعوك بأخى لأنك مسلم وليس لى أن أشكك في ذلك ولا لغيرى لأن حق تكفير المسلم هو لله وحده . أخى واصل ولاتعير اهتماماً لأى احد ليس لديه طرح موضوعي . ولنتكاتف جميعنا ولنتناسى الماضي بكل ماحمله من مآسى لمصلحة وطننا وشعبنا وأمتنا ولانتيح الفرصة للماضي أن يقف أمام نهضتنا وتقدمنا.
|
Post: #34
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 03:26 AM
Parent: #33
بدرى ...ربنا يكرمك .. حديثك هذا واحاديث الانقياء امثالك يؤكد ان دعوتى لان نجلس جميعا و(نخت الكورة فى الواطة ) دعوة تجد قبولا عن كثيرين
|
Post: #35
Title: Re: هل من كاتب يباع فى سماء المهرجان
Author: A.Razek Althalib
Date: 12-14-2004, 04:30 AM
Parent: #34
الأخ/ محمد حامد جمعة المحترم
لك الود والتقدير
| Quote: الاخ المناضل هنا يتحدث عن (وثيقة ) |
عشان كده أنحن قلنا المحل هنا حق ملكية ما بتاع عساكر
تعرف ليه
لأن الضد الأنتي عسكري ضد ملكي (كهنة دلقون) بحسب التوصيف العسكري للمدنيين
وما بينهم من خزعبلات في عدم تكافؤ القوة الماحقة.
راقب أقوالك عشان ما تبقي أفعال
نعم أين إثباته؟
البينة لمن أدعى واليمين على من أنكر
يا أخ محمد حامد جمعة لو كان عبدالعزيز يقدر يطلع على ملفات الأفراد في جهاز الأمن يكون هو نفسه مشكوك في أمره.
بس نحن عايزينك بفكرك بعد ما تجينا صافية ولذيذة
وما عايزينك محصور في الزاوية دي.
وقبال ما تحلف:
يا محمد حامد جمعة إنك لم تكن عميد ولا عقيد ولا حتى نفر
نحن رمينا إليك بحبل الود وخرجنا عن الإجماع الطناشي
ولكن هذا التوصيف لا يرقي إلى مصاف الفكر والمفكر الجيد لأنها محاولة للإلغاء
| Quote: وكون ان هناك بعض اصحاب الرؤوس الخاوية الا من الهواجس وفوبيا التجريم فهذه مشكلتهم وليست قضيتى |
الهواجس والظنون والفوبيا واللوكيميا وأنفلونزا الإنفعال الدافقة في جغرافيا المكان ووجدان الوطن تشكل إنفعال
وشتان ما بين جغرافيا المكان
والوطن
الكرة في ملعبك
إليك سلام
|
Post: #36
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 04:56 AM
Parent: #35
انا اصلا يا عزيزى تجاوزت عما اورده حبيبنا (عزو ) واعتبرته لغوا امر عليه كريما ..لكن ما يثير نفسى ويحز ان هناك بعض (الزملاء ) لا يزالون يصرون على الانطلاق من نقطة الاستاذ عبد العزيز ..كيف ولماذا ..الله اعلم ..لكن انا معاهم لغاية (الفة ) عارف القصة دى ..قالو مع بداية الانقاذ (المغضوب عليها دى ) كان فى استاذ كبير تقلد وظائف بوزراة التربية حتى وصل وكيل وزارة اها جو جماعتنا ديل شبكو ليك الزول (تنزيل ) فى الوظائف والدرجات من وكيل لمسئول منطقة لناظر مدرسة لنائب ناظر لابو فصل والقصة بس راجعه معاهو ورا .. اها فى زول غاضب زى ناس عزو ديل لاقاهو قال ليهو يا زول مالك ومال الناس دى استقيل .. امرق .. ياخ من وكيل وزارة لابو فصل .. الاستاذ كان صبور ورد ببرود يا زول سيبك على الطلاق معاهم لو قالو (الفة ) ...... اها انا مع عزو ورفاقه من عميد لغاية ...خفير .. مافى مشكلة ... (قش مره) ما عندى .. رغم ان اخلاق الرجال تضيق
|
Post: #45
Title: Re: هل من كاتب يباع فى سماء المهرجان
Author: AnwarKing
Date: 12-14-2004, 07:39 AM
Parent: #33
الحبيب بدري...
حمدلله على السلامة والبركة فى الشوفة...
وانا الحقيقة سعيد جداً بتداخلك ده... لأنو الملاحظ انك لا تتداخل الا للشديد القوي جداً...
Quote:
الأخ / أنور
ديمقراطية نبكى عليها؟ لاأعتقد أن الديمقراطية التى عشناها هى الديمقراطية الصحيحة وإن كانت تلك هى الديمقراطية التى ينادى بها الناس فهذه فوضى وهؤلاء ينادون بالفوضى .
|
طبعاً أصحح حاجة صغيرة كده...
لا أعتقد ان الديموقراطيةالعشتوها... انا كنت محدد فى كلامي والله...
لأنو التسمية الشائعة انها كانت ديموقراطية أولى وثانية... حد ما سمعت بيها...
أحترم رأيك بشأن انها كانت فوضى....وهذا يدعوني لسؤال لتطابق رأيك مع ما قاله نفر من ناس الحكومة فى بدايتهم...هى انهم أتوا ليوقفوا الفوضى...
هل أنت تابع\منظم\منضم بأي شكل كان للاتجاه الاسلامي\الحركة الاسلامية\الجبهة الاسلامية القومية؟
ولك الشكر...
أنور
|
Post: #37
Title: Re: هل من كاتب يباع فى سماء المهرجان
Author: esam gabralla
Date: 12-14-2004, 05:11 AM
Parent: #1
Quote: أيتها الآلهة العظيمة!
آمين،
أيتها الآلهة الرءوفة الوافدة إلينا
لتباركَ موائدنا بأظافرها وأنيابها الحديدية!
آمين،
آلهة الآلات العملاقة النهمة!
آمين،
آلهة الحروب الواجبة والصادرات الضرورية!
آمين،
آلهة العطايا والبركات التاريخية!
آمين،
يا من تأويننا، دائماً، تحت ظلالك لنهتدي
إلى الطريق المستقيم!
آمين،
وبرأفة وحنان منقطع النظير، تنزلين علينا
ملائكتك المقربة!
آمين،
حان الأوان كي تجددي ملائكتك بملائكةٍ جُدد
آمين،
آلهة القنابل العنقودية!
آمين،
آلهة الصواريخ الفتاكة!
آمين،
اتظنيننا تمردنا عليك وأدركنا أن بركاتك
هي سرّ مصائبنا الدائمة.
آمين،
كلا، الويل لنا إن انكرنا فضائلك
آمين،
نحن لا ننسي شيئاً
نحن لن ننسي شيئاً
آمين. |
|
Post: #38
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 05:16 AM
Parent: #37
..............
|
Post: #39
Title: Re: هل من كاتب يباع فى سماء المهرجان
Author: المكاشفي الخضر الطاهر
Date: 12-14-2004, 05:33 AM
Parent: #1
Quote: الأخ / محمد
حقيقة رغم أنى ليس معك فيما تنسبه عن ذلك الحزب الذي تنتمى له . لكن حقيقة يعجبنى أسلوبك فى تناول المواضيع والنقاش بغض النظر عن أى شئ آخر . وأتمنى أن تواصل فى الكتابة ويتواصل معك أصحاب الأقلام الجريئة التى تتناول القضايا بموضوعية وأكثر حنكة ومرحب بيك |
الاخ / محمد
السلام عليكم ورحمة الله
دعنا نستفيد منك ومن إبداعاتك , ودعنا فعلا فى هذا المنبر أن يكون منبراً حرا للسودانيين للتحاور والنقاش فى امورهم شتى
تخريمة : لكن انا فى الحقيقة داير الجماعة الموجودين كلعم يستفيدوا ويكونوا متفقهين فى الدين الاسلامي وطرحت ليهم كم موضوع كدا عن الفقه واحكام الصلاة وغيرها لكن ما فى زول هببني وعلى الرغم من ذلك مواصل المسير وربنا يرينا الحق حقا ويرزقنا إتباعه ويرينا الباطل باطلا ويرزقنا إجتنابه
اخوكم / الضعيف المكاشفي
|
Post: #40
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 05:49 AM
Parent: #39
والله بارك الله فيك يا شيخ المكاشفى ....... وربنا يرينا الحق حقا ويرزقنا اتباعه ويرينا الباطل باطل ويرزقنا اجتنابه
|
Post: #46
Title: Re: هل من كاتب يباع فى سماء المهرجان
Author: EMU إيمو
Date: 12-14-2004, 08:34 AM
Parent: #1
A. Razek Althalib
على جنب
أو أقول لك : زيد الشطة
أنا أحب الأكل الحار (سبيسي) زيد الفلفل.
أصل الأكل بدون فلفل ما له طعم .
نرجو ان تكون قد فهمت ما وددت الإفصاح عنه
وأنصحك بالإمعان جيداً في مداخلي التي أراك
حاولت العزف بها على عود به سبعة أوتار
والسلام
|
Post: #47
Title: Re: هل من كاتب يباع فى سماء المهرجان
Author: khider
Date: 12-14-2004, 02:12 PM
Parent: #46
Quote: نحن لا ننسي شيئاً
نحن لن ننسي شيئاً
آمين. |
هاهاهاهاهاها
ده كلام عميق خالص
|
Post: #48
Title: Re: هل من كاتب يباع فى سماء المهرجان
Author: A.Razek Althalib
Date: 12-14-2004, 11:44 PM
Parent: #46
الأخوة/ EMU إيمو
محمد حامد جمعة
Anwar King
وكل الأخوة المتدخلون
لكم التحية والتقدير والإحترام
إيمو
كما كنت!!
مصطلح عسكري في فن التعامل على حسب الأقدمية.
| Quote: أصل الأكل بدون فلفل ما له طعم . |
تعرف في دراسة قالوا الشطة دي بياكلوهاالمجرمين.
عشان كده منعوها في بيوت الأشباح عفواً السجون أقصد.
بأمر وزارة الداخلية ومصلحة السجون
خد الباص ده وما تنسي الدافوري الجاي ألبس ليك شراب فوق الباته
حارة الشطة حارة
بس إستعمل الدنقابة
وبلاش كلمة الفلفل دي
أصلها بتذكرنا بحاجات بايخة كده.
هاك الباص ده.. بس أوعك من الردم الحكم ضدك!!
[[ثم أورثنا الكتاب الذين أصطفينا من عبادنا فمنهم ظالم لنفسه ومنهم مقتصد ومنهم سابق بالخيرات بإذن الله] (فاطر: 32)
تعهد الله سبحانه وتعالى بحفظ هذا الوحي وإمتداده، فقال تعالى: [إنا نحن نزلنا الذكر وإنا له لحافظون] (الحجر: الآية 9) بينماأوكل حفظ الكتب السماوية السابقة إلى أهلها، فقال: [بما استحفظوا من كتب الله كانوا عليه شهداء] (المائدة): 44) الحفظ من الضياع والتحريف وإنضباط منهج النقل وإستمرار النص الإلهي سليماً، من لوازم الخلود، وصحة التكليف، ولزوم الخاتمية، وتوقف النبوة، وإكتمال الدين وإتمام النعمة، يقول تعالى : [اليوم أكملت لكم دينكم وأتممت عليكم نعمتي ورضيت لكم الإسلام ديناً] (المائدة: 3).
فالصلاة والسلام على خاتم النبيين، صاحب المعجزة الخالدة التي تحققت في واقع الناس، من خلال عزمات البشر، وفق مقتضيات السنن الجارية في الحياة والأحياء، بعيداً عن التواكل وإنتظار السنن الخارقة التي تورث الإنسان العجز والعطالة الإلغاء، لأن إجراءها منوط بالله الذي له الخلق والأمر، ولأنها ـ من بعض الوجوه ـ دليل على إطراد السنن الجارية في حق الإنسان وتكليفه، وأنه لا يخرقها إلا الذي خلقها، وبذلك تتحقق المعيارية، وتصوب عملية التكليف، وتتأكد عدالة المساواة، وتنتهي الثنائية وإنشطار الشخصية الإنسانية بين هدايات الوحي ومدركات العقل، وينتهي الفصام بين العلم والدين، والدنيا والآخرة فيصبح الدين علماً والعلم ديناً، ويستمر الوحي دليل هداية، ومعيار تصويب، ويستمر العقل أداة نظر وتفكير وسبيل إرتقاء وتجديد.
فإجتهد يا مجتهد.. إلى معترك حواري قادم
وكان الإنسان أكثر شيء جدلاً
وستظل تجادل في البورد بكامله (يعني بأربعاتو)
شوف ليك سكرتير طبيع
بس ما يرد بالنيابة عنك!!
قال تعالى: [وإذا جاءهم أمرٌ من الأمن أو الخوف إذاعوا به ولو ردوه إلى الرسول وإلى أولى الأمر منهم لعلمه الذين يستنبطونه منهم ولو لا فضل الله عليكم ورحمته لاتبعتم الشيطان إلا قليلاً] (النساء: 83).
وإليكم نرمي مرات بحبل الود
ولكن في صدورنا خلاف للرأي
عبدالرازق عيسى الطالب
|
Post: #49
Title: Re: هل من كاتب يباع فى سماء المهرجان
Author: محمد حامد جمعه
Date: 12-14-2004, 11:48 PM
Parent: #48
طيب ....... مين يتحفنا بمداخلة وسيمة اخرى
|
Post: #50
Title: Re: هل من كاتب يباع فى سماء المهرجان
Author: A.Razek Althalib
Date: 12-15-2004, 00:11 AM
Parent: #49
| Quote: مين يتحفنا بمداخلة وسيمة اخرى |
شكراً يا وسيم إنت
|
Post: #51
Title: Re: هل من كاتب يباع فى سماء المهرجان
Author: malamih
Date: 12-15-2004, 01:12 AM
Parent: #50
يا أنور شايفك إستلمت البوست علي حسابك الحاصل شنو?
|
Post: #52
Title: Re: هل من كاتب يباع فى سماء المهرجان
Author: Badri
Date: 12-15-2004, 04:25 AM
Parent: #1
العزيز أنور
معليش بكتب على عجالة . بس ياحبيب والله مالى علاقة بيهم
ولا بغيرهم لأنهم . لكن دى الحقيقة البلونها كل زول زى ماعايز وراجع ليك
ياحبيب . بس انتوا ابقوا عشرة على سعادة العميد مايغتالوا . ولغاية ما
مااجييك ياحبيب
|
|