مالو العميد مالو البليد ...يا عزو لا

ويا عزو............لا عارفين ...... بالجد انا (مبسوط ) ومرتااااااااااااااااح ..لانى كنت مضاد للحموضة السياسية الكانت خانقة ناس كتاااااااااار وما لاقين ليهم دواء وعلاج وانفشو شوية .... بعد ما طلع علينا الاخ (عزوز ) بصيحته الشهيرة
( امسك ........عميد فى الامن عضوا بالمنبر ) ...سنة يا تنقا ......... والعجب ناس (نهار) وشلتو قامو هايجين وفى واحد تكرم بتوثيق عدد غير قليل من اعمدتى .. .. ما عارف ليه حذف عمود اطالب فيه باطلاق سراح العميد خالد وتانى تضامنت فيه مع الاخ بكرى اثناء اغلاق الموقع وكتيييييييييير لا يحصى لكن نهار طنشو .بالمناسبة اشكرك يا صديقى لانك منحتنى مساحة ترويج واعلان وتصدق لى ساعة ولا تلاتة ساعات تلفونى ما بطل يرن ...العاوز جواز سفر جديد ..العندو ولد ما مشى الخدمة الوطنية والعاوزنى اشوف وظيفة لقريبو ..والعاوزنى اشوف لاعبين جدد للمريخ وكمان مدرب .......والجماعة كلهم يا سعادتك يا (جدادتك ) ....ودا كوم والشلة بتاعة (الشيشة ) ديل قالوا عاوزين (تصديق ) عشان يختو الشيشة فى نص الشارع بتاع الشنقيطى وناس الديم جات ولانى عميد بحسب تعبير وصيحة الاخ عزو طبعا مافى (عسكرى ) يقدر يتطاول على فخامتى ! .......ودا كوم والرعب الملانى من اشاعة ناس المنبر دى كوم تانى طبعا لو انا صدقت ومشيت فى الهوجة دى بكون جبت لى نفسى مشكلة قانونية لانى بكون منتحل شخصية وتدى اقل حاجة ستة شهور سجن ومافيها لجان وبيانات ولا لجان محامين وبورد زى دا ينشط معاك تاكل نارك بس ......قمت يا شباب طوالى طلعت بيان (توضيحى ) بالتلفون طبعا لميت ليك فى كل الصحافيين البعرفهم ناس كورة صحافة تسالى صحافة حائطية صحافة سياسية ..يا جماعة فى زول فى سودانيز اون لاين قال انا عميد فى الامن – واحد صحبى فى جريدة الصحافة اتخلع قال لى يا محمد انت اخر الزمن بقيت بتاع سجائر اخضر – ويا جماعة الخير ومساكم الله بالخير انا هنا العبد الفقير لله اعلن لكم اننى (مدنى ) قح اخر عهدى بالعسكرية ايام الكديت ودى زاتو فشلت فيها لانى ما وصلت فيها رتبة (مساعد ) رغم انى كنت اطول زول فى الفصل وناس الكديت !
ولا اقول ليكم ...اهلنا قالو شوف العين ما بيرمى غزال .......العاوز ياخد منى موقف ويكش ويرفض الحوار والتواصل الانسانى السودانى البحت دا ... على اساس انى (عميد امن ) ...مااااااااااشى ... والنظرة ماشية وراك ..ومالو العميد مالو البليد ...لو كان دس الاسم والايميل ...اقلو نرتاح من الزول الشابكنا صور ( يا مولاى كما خلقتنى دا ) ......يا جماعة قولو للزول دا فى بوستات ولا اى طريقة تانية .......دا محمد حاااااااااااامد مش الرئيس كلينتون ... يعنى يحتشم شوية ويلم الصور دى لانها شينة ... وبتاعة ناس (مش ولابد ) بعدين الدنيا شتاء والستر والغطاء كويس ...سمح
وعموما ...يبقى الود للجميع وساظل احبكم من شتمنى ومن نصرنى وساكون ثقيل الدم وسابقى الى ان تنجلى الحقيقة وساشارك فى الحوار وكل مناشط هذا المنبر ما استطعت لذلك سبيلا وان فصلت او طردت او حجبت ساعتلى الجدران واديها طلة ...........
ويا عزو ........والله بالغتا .. طيب كان تقول حاجة معقولة شوية تليق بزول مولود فى السبعينات ........عارف ذكرتنى ...طرفة الحلفاوى قالو كان فى لواء فى الجيش جابوه جديد فى منطقة حلفا الجديدة بعدين مره وهو ماشى بالعربية صادف مزارع ماشى فى نفس الوجه فراح اللواء – لابس رسمى وكلو تمام – وقف وركب الحلفاوى ..اها لمن وصلو .. الحلفاوى نزل فى محلو القاصدو وقال للواء ..شكرا يا هدرت الصول ... طبعا اللواء انصدم ...وعاين كدا ..كدا وقال ...صول ...لا احسن امباشى ! ...عزو ...عميد يا مفترى ....دا انت طلعت اى كلام يا جدع ...........

ها ها ها ظريف ولطبف ودمك خفيف

ما تضيع الزمن وبطل الهضربة وفتح البوستات

موافق على أسس الحوار ؟؟ فى اللنك الاساسى الذى ساطاردك به شقيش ما تقبل

أكشفوا كلب جهاز الامن العميد محمد حامد جمعة - عضو الب...ي والعار لكلاب الأمن

أكشفوا كلب جهاز الامن العميد محمد حامد جمعة - عضو الب...ي والعار لكلاب الأمن
أكشفوا كلب جهاز الامن العميد محمد حامد جمعة - عضو الب...ي والعار لكلاب الأمن

يا سعادتك

انا زول بجري على رزق أطفال واخرين وبدخل المنبر دا عندما أقتطع من زمن فراغى القليل جداً بعد من أنتهى من الشغل والدراسة والالتزامات الاخري

اما انت فجلوسك بالساعات الطويلة لفبركة المعلومات وغيرها، وجلوسك مدفوع الاجر وربما الساعة بساعة ونص كما تقول اللائحة المالية الصادرة من ديوان الحسابات

يعنى بالعربى ما تتوقع انا إجاريك فى الرد

ثانياً انا لا أحاور إمثالك -وتنظيمك- لانك لا تؤمن أصلاً بالحوار انت تؤمن بالقوة بيوت الاشباح التى كنت تديرها وتنظيمك الارهابى لم تكن اركان للنقاش والحوار او نادي الفلاسفة
ممارسة الضغط على الشاعر محجوب شريف وغيره للاشتراك فى الخرطوم عاصمة للسخافة ليس نقاشاً حراً يمتلك فيه الشاعر العظيم حق الرفض ويذهب الى بيته مطمئناً

دم على فضل لم يسفك لان ضغطه ارتفع من حرارة النقاش معكم !
دم عبدالمنعم رحمة وراسخ وغيرهم من الشهداء بحول بيينا لاى حوار ولكن

فلنجعل الكرة فى ملعبك ما دمت تريد الحوار

عليك بادانة كل الممارسات التى تمت من جهازك الفاشى وتنظيمك الاقصائى والذى تعمل كمروج له

ان تعلن إنتماءك الواضح للممارسة الديمقراطية ونتائجها وان تدين انقلابكم على الدستور

ان تدين ما سطره قلمك من مقالات شملت الاساءة والتهكم ونشر المعلومات المغلوطة لكل رموز الحياة السياسية السودانية بدون تميز

ان تكشف ما تعرفهوا عن اسرار الجهاز وممارسته ضد حقوق الانسان


هذه يا سعادتك أسس الحوار بغيرها لا حوار وستنبح فى هذا المنبر حتى تذهب غير مأسوف عليك ولن تفلت من العقاب طال الزمن او قصر

عبد العزيز ..حبابك ...وابشر يا زول ...اقول ليك حاجة ما تعمل البوست دا بوستر توزعو فى العالم كلو ........... جاهز للحوار ... اها ارسل

ya zoal ya Muhammad Jum'a, go ahead. i am with you until it is proved that you are a killer; otherwise, it is all nonesense.o

عزوووووووووو... اثبت الكلام ..........رايك شنو

يا زول اكان ما امنجي كلب!!

صباااااااااااح الخير ........اها جينا .........

الاخ/ خالد

الرجاء التكرم بسحب هذه المداخله والتحاور معه وعدم الاساءه 0




كفش

ابو الزيز ......دعهم الناس (فقدت المنطق ) تعرف هسة تاكدت اننى (صاااااااح ) واحد شابكنا كلب وتانى منهزم نفسى ......وما عارف شنو ........بالله هسة وبامانة المضطرب والضعيف فى حجتو منو العبد المفترى عليه دا ولا الناس الهائجة دى

كدي كلمني هو عميد دي الا في القوات النظامية
الله يرحمك يا احمد المصطفى ويا عمداء مدارس الاحفاد
مرة في زول حلف انو عندي عمارة واكدت له بأني لا املك
عمارة وحدثت أبي بالكلام فقال لي ولم اكدت له إن الله
اغناك في نظره وانت تفقرها
يازول امن امن عليك امان الله مش برضو ده امن

ود الشيخ ..........الله ..الله .... احمد المصطفى ........ديك العمادة ...عارف المرحوم احمد المصطفى فى اخر ايامه كان قاطع شارع الجمهورية وقد تاثرت مشيته وحركته بفعل السن والمرض - رحمه الله - تصدق يا ود الشيخ والله العظيم الحركة وقفت (دت ) ما فى عربية تحركت سنتمر لغاية ما (العميد ) قطع الشارع ..والناس تدى تسلم عليه واجلال واكبار وتقدير خيالى ...مشهد مؤثر والمرحوم احمد المصطفى بابتسامته المضيئة يلوح محييا ووجه متهللا والاناقة التى تميز بها اكملت المشهد ......يا سلااااااااااااام .. تصدق بعد شوية من شدة الاحتفاء من الصغار والكبار ....احمد المصطفى انفجر باكيا ...وابكى معه الجميع .
دى (العمادة ) ودى القيادة ........يا ريت لو اقرا بوست فى موضوعات زى بدل المغالطات وحبوب الهلوسة التى يصر بعض الاخوة فى هذا المنبر على توزيعها

يا جمعه
عبدالعزيز او عزو كما يحلو لك قال ليك

Quote: فلنجعل الكرة فى ملعبك ما دمت تريد الحوار عليك بادانة كل الممارسات التى تمت من جهازك الفاشى وتنظيمك الاقصائى والذى تعمل كمروج له ان تعلن إنتماءك الواضح للممارسة الديمقراطية ونتائجها وان تدين انقلابكم على الدستور ان تدين ما سطره قلمك من مقالات شملت الاساءة والتهكم ونشر المعلومات المغلوطة لكل رموز الحياة السياسية السودانية بدون تميز ان تكشف ما تعرفهوا عن اسرار الجهاز وممارسته ضد حقوق الانسان هذه يا سعادتك أسس الحوار بغيرها لا حوار وستنبح فى هذا المنبر حتى تذهب غير مأسوف عليك ولن تفلت من العقاب طال الزمن او قصر

ده معناهو بالعربي واضح
انت جيت قلت ليهو

Quote: ........... جاهز للحوار ... اها ارسل

رجــاء
ماتضيع لينا زمننا
عاوزو يحاورك .. نفذ القالو ليك
ماعاوز تحاورو
ماتقعد تملا لينا الباندويث صراخ و انا مظلوم
انت في نظرنا كلنا متهم .. وماسمعنا من خلقونا بي متهم بقول للقاضي
جبت الكلام ده من وين ولا وريني اثباتك !!
نفذ القالوهو ليك او اقعد ضيع في الزمن كدي لحدي ماتلقي
روحك قاعد في الصقيعه براك و بوستاتك ماتلقي البرفعها ليك

يا اخ .......انت لاعب معاى (man to man ) يا زول انا ما بعتذر اعتذر عن شنو ، بعدين قلت ليكم العاوز حوار بيناقش افكار مش يجيك اعتذر .. انتشر ... وشنو ما عارف بعدين ياتو ممارسة ديمقراطية عاوزنى انتمى ليها ياخ حدد موقعك الفكرى يعنى هسة انتو شيوعيين ولا ياتو تنظيم بعدين ياتو ممارسات ضد حقوق الانسان فى زول قال ليك انا ماسك عكاز فوق راس زول ... انا بتكلم عن قناعات ومواقف فكرية مش ممارسة عملية وتنفيذية ناقشنى بالفهم دا لانك لو حتمسك فى اعتذر دى كلامك ما بيكون موضوعى يعنى كدا برضو حقو شيوعيين كتار يعتذرو عن مجزرة بيت الضيافة وعن قصف الجزيرة ابا ..وكل القديم نصفيهو ونجى للحاصل هسة .

يا جمعه
انت بتكورك مالك اسه !!
ماعندي شغله بالشيوعيين ولا الفريق القومي
كلامي واضح
في شكوك حولك انت بتنفيها و عاوز تتحاور
في نفس الوكت انت اعترفت بانتمائك لي تنظيم
بلاويهو كانت كتيره و سيوفو سلطت علي البلاد و العباد
طيب .. قالو ليك دين الكلام ده


وتعال بنحاورك
الكلام ده مش واضح !!

انا اعتز وافتخر بانتمائى للحركة الاسلامية ودى مسالة لا بتنكر ولا بتردد فيها ولا بجامل فيها زول وانشاء الله الهريف ينقد .
المسالة التانية مسالة الشكوك دى انتو قلتو انا كيت كيت ..دا رايكم لكن البيقدر يثبت على ارتكاب جرم فى حق زول ولا مؤسسة يعلن ذلك على الملا
ثالثا قلت تنظيمى بلاويهو كتيرة ... دا رايك وموقفك لكن ما تنسى ان التنظيم دا فى اخر انتخابات كان صاحب مركز متقدم وهسة حاكم البلد دى خمسة سنة تقريبا والشعب السودانى راضى لانو شايف فى شغل وتطور وطبعا الكلام دا ما بيعجبكم لكن يا جماعة احسبوها كويس وشوفو وبعدين يعنى هسة الناس الهايجة دى (ارجل ) وافهم من الملايين الساكنة جوه البلد وعارفة الحاصل .. يعنى الشعب السودانى دا كلو ما عارف اذا الانقاذ دى كويسة ولا لازم تمش .
ولا انتو الناس البره بس هى البتفهم وباقى السودانيين الجوه البلد دى عكسهم

يا جمعه
انت دخلت عمليا مرحله النقاش انتبه
حاول مراعاه تسلسل البوست و فرق التوقيت
انت لسه ماجاوبت
ملحوظه ثانويه

Quote: الهريف ينقد

الصحيح
الرهيفه تنقد

Quote: انا اعتز وافتخر بانتمائى للحركة الاسلامية ودى مسالة لا بتنكر ولا بتردد فيها ولا بجامل فيها زول وانشاء الله الهريف ينقد .

واضح انك اخترت الوظيفه و المرتب
ولم
تختارنا نحن
مبروك عليك و علينا

بتفتخر إنك كوز

عجيبه والله