Post: #1
Title: نسمات
Author: وحيد
Date: 12-06-2004, 01:14 PM
بتمر علي نسمات دعاش
طافت عليك ما الطفا
بتشيل سلامي وشوقي
ليك
تهديك اشعار الوفاء
ترحل تجيك عز الصقيع
وتلاقي في حضنك دفا.....
وعارف احساس الزمن
يطويني بنبض الحروف
وعارفني مابنساك بس
كانت ظروف .......
|
Post: #2
Title: Re: نسمات
Author: Nada Amin
Date: 12-06-2004, 02:37 PM
Parent: #1
Quote: بتمر علي نسمات دعاش
طافت عليك ما الطفا |
و ما ألطف هذه الكلمات يا وحيد، هي أيضاً نسمات دعاش.
كلمة دعاش هذه لها مفعول كالسحر في نفسي، بتديني طاقة و ترجعني سنين لورا.
|
Post: #3
Title: Re: نسمات
Author: وحيد
Date: 12-07-2004, 02:08 AM
Parent: #2
Nada
مابين الماضي والحاضر
بكون الدعاش
ما بين السحر والطاقة
بكون الشوق
ما بين الدعاش والسحر والطاقة و الشوق
بكون دا
الوضع الطبيعي
للعلاقات الحميمة.....
وفي.. وقت الفرح
بنرجع ليك...
وفي نبض القصيد نلقاك
وفي وهج الصباح نلقاك
في عيون كل ناس نلقاك
اصلك انت لسه معانا
في شريانا
وفي وجدانا
وفي دنيانا خلدناك.......
|
|