Post: #1
Title: آآآآآآه.. كم أحبك..
Author: سامية بكري
Date: 12-04-2004, 02:15 AM
Parent: #0
قافلة الزمن تحمل بين طياتها تلالاً من الوجع الجرئ و الممالك الحزينة التي تستغيث بالصمت ومتعة الرحيل. الحزن قصائد التكوين ورحيل الفاجعة. و الدخول إلى دهاليزه متعة لشاعر يحسن الإنسياب بين مدن النجوم و كثبان الإبداع و السكون.
لا الحزن يسكن خاطري و لا أنا بعيدة أنا عن قصة الشجون. كم هي عظيمةُ أحزاننا الطفولية المقام والتمرد. وعندما تتحالف ضد قلب صاحبها تنهك إحساسه البدائي القديم وتتضرب بأهدابها المتعبة خفقات توجعه، فتكبر ألف عام وهي تنثر مدامعها بين شرايين المفردات وجدران الصمت وبين أضلع الكلمات.
وعظيمُ هو ذاك الجرح المولود من رحم الأحزان بعد معاناةٍ استنزف فيها الحبر والبكاء وتبعثرت من خلالها الصرخات عبر زوايا من ورق أبكت المساء حسرةً والنجوم والليل حزناً وألماً . . .
عظيمُ أنت يا قلمي المشبع بجنون العافية والشجن، فما زلت تنشد في هذا الزمان وجود الأوفياء، ولازال لديك بصيصُ من أمل. ولكن أشعة الشمس باتت معتمة وخيوط ظلالها تحيط بي يا قلمي المرهق بالعمق الشهي. لا تبكي أيها العزيز فبرغم ما نحمل أنا وأنت من أحزان وآهات ما زلت أشعر بوجوده. هذا الذي نبحث عنه منذ بداية ذكر البشرية، حب و صراع وحنين وهو طالما كُتب عليه البقاء في زاوية الظلام ينتظر مثلنا أنا و أنت و المدى مداخل الصباح على أرصفة الشمس و الشراع. ولكن هل لانتظارك موجة يحملها رحيق البحر؟ ثم ماذا بعد ذلك الانتظار !!!
قلمي العزيز أرجو أن تسمح لي بالوقوف هنا على ناصية هذه الورقة. ولتسمع مني هذه الكلمات:
"أبكيت وحدتي ولم يبقى لي في هذه الأثناء إلاي وأنت وهو .. ولكن! هل يا ترى يتذكرني وهل يشعر بمعاناتي وألمي وبكائي؟ وهل شعر بتوترات أدمعي على خدِّي المسكين الذي أرهقته من غلياء همومي وضجيج الصدق عندي والنشيد البكر و العزاء الوحيد؟"
قل لهُ يا قلمي بأنني أبكيه هنا (وحيدة) ... اشكيه لحروفي العذراء (وحيدة) وأرسمه بين برواز أحلامي الجميلة حرفاً من نور ... وحرفاً من شعور. قل لهُ بأنني لازلتُ (هو) .. فهل ما زال (أنا) ؟!! .. أم أنه يا قلبي الحزين يأبى إلا أن يكون هو .. هو وأن أكون هو كما يريد هو.
|
Post: #2
Title: Re: آآآآآآه.. كم أحبك..
Author: مأمون التلب
Date: 12-04-2004, 02:48 AM
Parent: #1
سامية
تعرف اللغة الكثيفة.. كيف تجد الطريق إلى بيتك
وأن تطرق بابك
تذوب على العتبات...
وبعد ذلك ...
يفتح/يغلق
في وجهها الباب
وتدخل/تخرج
عبر الحبر الذي لا أعرف من أين سرقتيه
يأتي يومٌ
ما.....
تعرفينه أكثر
ويعرفكِ أكثر
...
تحياتي
|
Post: #11
Title: Re: آآآآآآه.. كم أحبك..
Author: سامية بكري
Date: 12-04-2004, 07:57 AM
Parent: #2
مامون التلب:
| Quote: عبر الحبر الذي لا أعرف من أين سرقتيه |
من دمي يا مامون لما ينزف الحلم على عتبات الليل شوق وشهوة ولهقة وانتظار
|
Post: #3
Title: Re: آآآآآآه.. كم أحبك..
Author: sympatico
Date: 12-04-2004, 02:58 AM
Parent: #1
حوار الروح للروح
والأسئلة المعلقة على فضاءات الزمن
وقافلة الحزن الطويلة
لك التحية
|
Post: #12
Title: Re: آآآآآآه.. كم أحبك..
Author: سامية بكري
Date: 12-04-2004, 08:02 AM
Parent: #3
sympatico
Quote: حوار الروح للروح
والأسئلة المعلقة على فضاءات الزمن
وقافلة الحزن الطويلة |
وشوق السحابة الراحلة تحلم بالخريف
وهي معلقة في نفس الفضاء بتاع الزمن البغطي قافلة الحزن الطويلة دي يا سيمباتيكو..
عارف:
في اللحظة ديك..
اشتقت ليهو
واحتجت ليهو..
وليك تحياتي
|
Post: #4
Title: Re: آآآآآآه.. كم أحبك..
Author: samwal ebrahiem
Date: 12-04-2004, 03:20 AM
Parent: #1
سامية
| Quote: عظيمُ أنت يا قلمي المشبع بجنون العافية والشجن، فما زلت تنشد في هذا الزمان وجود الأوفياء، ولازال لديك بصيصُ من أمل |
عندما يتوارث الناس
روائع لأشياء ( أبا )
عند ( جد ) تكون الخصال
بمعاني الأصالة .. وأرق التهذيب
الشفيف ..... هكذا عرفناكم
السمؤل
|
Post: #5
Title: Re: آآآآآآه.. كم أحبك..
Author: Tumadir
Date: 12-04-2004, 03:52 AM
Parent: #4
ولا وحيدة ولا حاجة
انا دى متابعاك....بدهشة الطفل الشاف قوس قزح لاول مرة...
(على وزن شدة الحرامى السرق التلفزيون فاتح) ههههه
جميلة والله يا سامية
وانا اصلى بحب "الحب" زاتو...وكل من يروج له..
|
Post: #6
Title: Re: آآآآآآه.. كم أحبك..
Author: محمد حامد جمعه
Date: 12-04-2004, 03:55 AM
Parent: #5
يا سلااااااااااااااااااااام يا (سامية ) .........وبس
|
Post: #15
Title: Re: آآآآآآه.. كم أحبك..
Author: سامية بكري
Date: 12-04-2004, 08:21 AM
Parent: #6
محمد حامد جمعه
| Quote: يا سلااااااااااااااااااااام يا (سامية ) .........وبس |
شكراً كتييييييييييييييييييييير ليك يا محمد.... وما بس
|
Post: #14
Title: Re: آآآآآآه.. كم أحبك..
Author: سامية بكري
Date: 12-04-2004, 08:17 AM
Parent: #5
Quote: ولا وحيدة ولا حاجة
انا دى متابعاك....بدهشة الطفل الشاف قوس قزح لاول مرة... |
صحي يا تماضر؟
ده شرف كبير لي من مبدعة كبيرة جداً
أنا المتابعاك ومعجبة بيك جداً وشفت عرض رقصة العروس واتمنيت اكون معاكم
ودي فرصة أهنئك على انجازكم المشرق
بالمناسبة أنا بحب التمثيل وبغني كمان.. بالجد والله بس من منازلهم..
| Quote: وانا اصلى بحب "الحب" زاتو...وكل من يروج له.. |
وانا زيك ويمكن اكتر..
ممنونتك أنا....
|
Post: #7
Title: Re: آآآآآآه.. كم أحبك..
Author: Habib_bldo
Date: 12-04-2004, 04:03 AM
Parent: #4
كلماتك سامية كأسمك وحروفك تشع شوقا محترقاً وضجيج الآهات تملاء سطورك ونبضات مشاعرك الصادقة تفتح للأمل منافذ تشع منها خيوط من ضياء الحب وصبرك يفتح للأماني أبواب وقلمك يرسم من الحروف شواطئ ممتدة للخضرة والجمال بين كثبان الرمال، فأستريحي قليلا حتى يأتي من أنتظرتيه طويلاً يحمل كل الشوق والود والحنين، حينها أنفضي غبار الزمن وحلقي معه في الأجواء عبر الآفاق البعيدة وتشبثي به لأن الحب الصادق ضنين لا يأتي ألا مرة واحدة
|
Post: #18
Title: Re: آآآآآآه.. كم أحبك..
Author: سامية بكري
Date: 12-04-2004, 09:16 AM
Parent: #7
أخي العزيز حبيب بلدو،
شكراً جزيلاً على كلماتك الطيبة وتشجيعك لي وحثي على الإنتظار..
العمر كم يا حبيب بلدو؟
كدي قول لي.. أنا شايلة شمعة ومنتظراهو قدام باب الشمس.. إما جا هو او انطفت الشمعة.. وزي ما بقول حبيبنا الموصلي:
دي الشمس لو طال غيابها
ما بتقصد تابا تطلع
بس
بتتأخر شوية..
________________
لكنها اتأخرت كتير يا موصلي..
|
Post: #13
Title: Re: آآآآآآه.. كم أحبك..
Author: سامية بكري
Date: 12-04-2004, 08:08 AM
Parent: #4
السمؤل
Quote: عندما يتوارث الناس
روائع لأشياء ( أبا )
عند ( جد ) تكون الخصال
بمعاني الأصالة .. وأرق التهذيب
الشفيف ..... هكذا عرفناكم |
تسلم يا السمؤل
وانا برضو عرفتك كدا شفيف ومهذب.
متابعاك جداً.......
|
Post: #8
Title: Re: آآآآآآه.. كم أحبك..
Author: aboalkonfod
Date: 12-04-2004, 04:17 AM
Parent: #1
سامية بكري ..
كما قال القائل:
يا تبقِي فيني .. وابقى فيك .. ونحترق
با تبقَى فيك .. وابقى فيني .. ونفترق
يا روعتك الأبت الملاقا الفي الطريق.
|
Post: #21
Title: Re: آآآآآآه.. كم أحبك..
Author: سامية بكري
Date: 12-04-2004, 09:24 AM
Parent: #8
ابو القنفد..
ده كلام جميل جداً ورائع جداً:
لا نفترق لا نحترق
بس نحن ممكن نتفق
تتلاقى روعتنا الجميلة وتنبثق..
إيه رايك؟ مش فكره؟
طيب كمل............
شكراً ليك كتير.
سامية
|
Post: #9
Title: Re: آآآآآآه.. كم أحبك..
Author: Dr. Moiz Bakhiet
Date: 12-04-2004, 05:36 AM
Parent: #1
كتبت سامية بكري:
| Quote: وعندما تتحالف ضد قلب صاحبها تنهك إحساسه البدائي القديم وتتضرب بأهدابها المتعبة خفقات توجعه، فتكبر ألف عام وهي تنثر مدامعها بين شرايين المفردات وجدران الصمت وبين أضلع الكلمات. |
ثم واصلت..
| Quote: ولكن أشعة الشمس باتت معتمة وخيوط ظلالها تحيط بي يا قلمي المرهق بالعمق الشهي |
سامية.. أيتها النجمة الوطن..
عندما وصلتني أولى رسائلك من الأخ وجدي الكردي سكرتير تحرير «الأضواء» قبل انتقاله لـ «الرأي العام» قلت له:
هذه امرأة تتحكم في ساقية الحزن وتحسب الوطن بالميقات وتمنع البحر من الغرق..
وعندما كتبتي لي تقولي:
| Quote: "إذا شيعت جنازتي فلا تسير خلفها .. حتى لاترهقك حرارة الشمس ولكن كن آخر من يرحل" .. |
أدركت انك امراة بطعم المستحيل ونكهة الألق وهدأة البركان..
وها أنا أعجب لإبداع امرأة لها من العمر اثنان وعشرون ربيعاً وتطوق عنق الطرقات بهذا الشجن..
تمددي يا سامية
ولا تحزني
فدمعك برتقالة ووعدك نور
وليلك شمس وقمر..
معز
|
Post: #10
Title: Re: آآآآآآه.. كم أحبك..
Author: تاج السر حسن
Date: 12-04-2004, 05:53 AM
Parent: #9
العزيزه ساميه
أعطينى وقتا أدثر فيه حبيبى (الهلال) وأحميه من عيون الحاسدين بغطاء لونه (احمر) هدية الشاعر دكتور معز لنا ، حينما أضاء سماء الشارقه بأبيات من الشعر.
أنتظرونى أبوح بأعجابى (همسا) لكلماتك ، ولكلماته فى حضرة (القدال) و(الكتيابى) وباقى الشعراء المغمورين، فى تلك الليله الخاطفه الأستثنائيه.
|
Post: #24
Title: Re: آآآآآآه.. كم أحبك..
Author: سامية بكري
Date: 12-04-2004, 11:32 AM
Parent: #10
Quote: أعطينى وقتا أدثر فيه حبيبى (الهلال) وأحميه من عيون الحاسدين بغطاء لونه (احمر) هدية الشاعر دكتور معز لنا ، حينما أضاء سماء الشارقه بأبيات من الشعر.
|
عزيزي تاج السر،
في ناس تحس بانك بتدخل عليهم بدون حواجز.. ناس قريبين منك عشان كده دخلت عليك في بوستك بتاع الهلال وشعرت معاك بالإلفة وعاجبني فيك قتالك من اجل الهلال.. بس انا رفعت الكلفة وجيتك في البوست. تعرف انا هلالابية والهلال ده شكّالة فيهو اكتر منك ولساني في ناس المريخ سليط جنس سلاطة.. لكن نعمل شنو حبيبنا طلع مريخابي (صورة وجه حزين جداً)!!
| Quote: أنتظرونى أبوح بأعجابى (همسا) لكلماتك ، ولكلماته فى حضرة (القدال) و(الكتيابى) وباقى الشعراء المغمورين، فى تلك الليله الخاطفه الأستثنائيه. |
انا في اتظار هذا البوح.....
بس ما تطوّل
|
Post: #23
Title: Re: آآآآآآه.. كم أحبك..
Author: سامية بكري
Date: 12-04-2004, 11:01 AM
Parent: #9
د. معز..
عارف نحن في الجامعة كل واحدة فينا بتحلم بكلمة منك تشجعها عشان تكتب.. وكل فتاة وشاب بقى طموحو يكتب معاك في عكس الريح عشان الناس تعرفو.
لما نشرت لي مقال في صفحتك صدقني ما نمت وتلفوني برضو ما نام.. وانت اسة بتشرفني زيادة بكلامك الخلا راسي يصل قامة الشمس..
أنا عندي ليك كلام كتيييييييييير ح انزلو في بوست خاص.. بس اقول ليك في بداية الصيف قابلت دكتورة امريكية اسمها جوان لنك في فلوريدا.. يا دكتور لما عرفت اني سودانية أول حاجة سألتني منك.. قلت ليها السودان كلو بيعرفو كشاعر.. قالت فيك شعر يا دكتور وكيف السويديين مبهورين بيك وحكت وحكت وحكت خاصة قصة عن مشكلة استعصت عليهم في امريكا والسويد وانت حليتها ليهم في لحظة في تجربة دواء جديد.. شعرت بفخر وسعادة لأنو انا كنت معجبة بيك كشاعر وما كنت منتبهة لحاجاتك التانية لكن كلام الدكتورة دي أداني احساس عظيم واعجابي بيك اضاعف مليون مرة..
بس تصدق بعد كم يوم لقيت واحد كاتب بوست هنا بطعن في حاجاتك.. بكيت والله يا دكتور من الزعل واتمنيت اشترك في المنبر بس عشان أرد عليهو.. (شوف الأمريكان والسويديين قالو عنك شنو والسودانيين بقولو شنو) لكن عجبني ردك الهادي وعظيم زيك..
المهم انا عندي ليك بوست اعترافات خطييير.. بس اصبر علي..
|
Post: #16
Title: Re: آآآآآآه.. كم أحبك..
Author: mohammed alfadla
Date: 12-04-2004, 08:26 AM
Parent: #1
متأكدة من الكلام ده يا زولة???
|
Post: #17
Title: Re: آآآآآآه.. كم أحبك..
Author: سجيمان
Date: 12-04-2004, 08:29 AM
Parent: #16
سامية يا رائعة
الزول يقيف متمحن.... في النضم الحلو دا
الله يخليكي.....ويزيدك
|
Post: #27
Title: Re: آآآآآآه.. كم أحبك..
Author: سامية بكري
Date: 12-04-2004, 12:04 PM
Parent: #17
| Quote: الزول يقيف متمحن.... في النضم الحلو دا |
في كلمتين يا سجيمان لمن تقولهم بتكسر حته حته
عارفهم شنو؟
النضم
و
اللوم..
وانا نضمك عاجبني جنس عجب
وكان ما شفتك في اي بوست حقي وقريت نضمي كلو
تكون اتلومت
وحاشاك انت من اللوم..
|
Post: #25
Title: Re: آآآآآآه.. كم أحبك..
Author: سامية بكري
Date: 12-04-2004, 11:41 AM
Parent: #16
mohammed alfadla
| Quote: متأكدة من الكلام ده يا زولة??? |
ياتو؟
______________
كل ما سألت عليك
يقولو مشغوله
إيه شاغلك عني
ما تقولي يا زوله؟
أها راجيني اقول؟
آآآآآآآآه بمعنى ن ع م..
محمد..
الصورة المركبة فيها فروسية ودموع ووجع ونار حمرا
|
Post: #19
Title: Re: آآآآآآه.. كم أحبك..
Author: إيمان أحمد
Date: 12-04-2004, 09:21 AM
Parent: #1
سامية بكري
واللييييلة! دي كِتابة بالجد بالجد!
آذاننا موعودة بالدهشة واللهف لمتابعتك.
لك شكري
إيمان
|
Post: #29
Title: Re: آآآآآآه.. كم أحبك..
Author: سامية بكري
Date: 12-04-2004, 12:22 PM
Parent: #19
إيمان أحمد
Quote: سامية بكري
واللييييلة! دي كِتابة بالجد بالجد!
آذاننا موعودة بالدهشة واللهف لمتابعتك |
قراتك هنا يا إيمان ولم تبارحني كلماتك :
Quote: أدرينالين
ماونت سانت هيلين
وفضاء |
ثم عدت لتقولي:
Quote: أدرينالين: هو هورمون الكر والفر
ماونت سانت هيلين: بركان يغلي، ولكنه لم يطلق حممه بصورة كاملة الإزعاج طويلة أمام الشاشة، في حضرة العنكبوت.
بعدها قلت: فضاء... هو إذن هذا الفضاء الزائف وحقيقي في آن!! |
شكرا لك أيتها الرائعة
شكرا لك ايتها الوطن الـ Cyber
كم أعشق تمرد أفكارك وهي ترسم الحرف على لسانك لغة جديدة
سامية
|
Post: #20
Title: Re: آآآآآآه.. كم أحبك..
Author: محي الدين الريس
Date: 12-04-2004, 09:23 AM
Parent: #1
يا سامية طالما علق على كلامك ديه د. معز والأستاذه تماضر فإننا نلزم الصمت ونترك الإبداع لأهل الإبداع وأنا لسه راجل جديد معاكم بس من زمن بتنفس بيكم
|
Post: #30
Title: Re: آآآآآآه.. كم أحبك..
Author: سامية بكري
Date: 12-04-2004, 12:33 PM
Parent: #20
محي الدين الريس
| Quote: يا سامية طالما علق على كلامك ديه د. معز والأستاذه تماضر فإننا نلزم الصمت ونترك الإبداع لأهل الإبداع وأنا لسه راجل جديد معاكم بس من زمن بتنفس بيكم |
أخي محي الدين،
أولاً أشكرك على تنفسك بنا وعلى منحنا رئتيك داراً فخذنا شهقياً واتركنا هناك نموت سويا
قبل الزفير
د. معز هو تاجي وتاج أمتي.. وكم أنا سعيدة بتبنيه لمثلي وللكثيرين والكثيرات ممن أوصدت الأبواب أمامهم ولم يجدوا متنفساً إلا عبر صفحاته الأنيقة
أما تماضر فهي مثلي الأعلى في الإبداع
أو ترى كم أملك من السعادة..
|
Post: #22
Title: Re: آآآآآآه.. كم أحبك..
Author: هشام عبيد يوسف
Date: 12-04-2004, 10:53 AM
Parent: #1
ولكن أشعة الشمس باتت معتمة وخيوط ظلالها تحيط بي يا قلمي المرهق بالعمق الشهي.
ولكن أشعة الشمس الغائبة لا تعلم إلا ما تريد..
ولا ترى إلا ما تشاء..
الذى يرى ما يريد
وما يشاء..
هو قلمك المرهق
بالعمق المؤذى ...
إذا كنت على ثقة من أنك (هو)
فلا شك بأنه (هو)
|
Post: #26
Title: Re: آآآآآآه.. كم أحبك..
Author: Hatim Salih
Date: 12-04-2004, 11:49 AM
Parent: #22
سامية صورتك بالجد؟
|
Post: #32
Title: Re: آآآآآآه.. كم أحبك..
Author: سامية بكري
Date: 12-04-2004, 12:46 PM
Parent: #26
Hatim Salih
| Quote: سامية صورتك بالجد؟ |
لو عاجباك قابل أبوي
ولو ما عجباك قابلني انا
ح اعجبك اكتر عشان انا اسمح من (الصورة)
ممكن سؤال جانبي:
فوق عندي حبة كلام كدا الناس ديل كلهم قروه..
انت قريتو؟
|
Post: #31
Title: Re: آآآآآآه.. كم أحبك..
Author: سامية بكري
Date: 12-04-2004, 12:38 PM
Parent: #22
هشام عبيد يوسف
Quote: الذى يرى ما يريد
وما يشاء..
هو قلمك المرهق
بالعمق المؤذى ...
|
القلم بلا عمق ينطق عن الهوى يا هشام
Quote: إذا كنت على ثقة من أنك (هو)
فلا شك بأنه (هو) |
والله فكرة
|
Post: #28
Title: Re: آآآآآآه.. كم أحبك..
Author: sara fadul
Date: 12-04-2004, 12:08 PM
Parent: #1
الرائعة سامية بكرى
(كم هي عظيمة أحذانناالطفوليّة المقام واتمرّد)
أوافقك البوح..وهذا بعض من حزنى..
وحدها لحظات الحزن تعطينا إحساسآ بالفوضي..
تخرسنا..تذهلنا..
تدخلنا في خانة البلاهة والتصلّب..
وحدها تجعلنا نخاف من غد أو لا نخاف
ونستعيد دهشتنا في بذخ الدموع وترف العجز
فهي تسرق المحار وتقطف الزيتون..
وتدعنا ضعفاء خانعين لأنها إرادة الله
الله الذي نكثر منذكره إذا ما غلّت الأيام يدها..
وننسي حمده وشكره في لحظة فرح زائلة..
إنه الحزن وحده..
الذي لا يمكن أن نكتب عنه بحروف من ثلج..
إنه شرارة صغيرة..تشعل حريقآ في كل المقتنيات الثمينة
إنه القدر وحده الذي لا يخلف موعدآ
وتجبرنا أحزاننا على الخضوع .. ونحبّ خضوعنا
لأننا نري من خلاله الأشياء في بعدها الحقيقي...
لك منّي الودّ وحتمآ لى عودة
|
Post: #34
Title: Re: آآآآآآه.. كم أحبك..
Author: سامية بكري
Date: 12-04-2004, 12:53 PM
Parent: #28
عزيزتي سارة فضل،
أتابعك في صفحة دكتور معز «عكس الريح»
إذن فأنت رائعة حيث لا مكان لغيرهم هناك..
وإليك دليل روعتك:
Quote: وحدها لحظات الحزن تعطينا إحساسآ بالفوضي..
تخرسنا..تذهلنا..
تدخلنا في خانة البلاهة والتصلّب..
وحدها تجعلنا نخاف من غد أو لا نخاف
ونستعيد دهشتنا في بذخ الدموع وترف العجز |
1000 شكر ليك وفي انتظارك تاني
سامية
|
Post: #33
Title: Re: آآآآآآه.. كم أحبك..
Author: وحيد
Date: 12-04-2004, 12:51 PM
Parent: #1
سامية ...
التقيك ...
فنا رفيعا يحرك
السكون
ويعيد النبض في
زمن الانعدام وعدم
التوازن
هلا بيك
وحيد في الارصفة المغسولة بالمطر النزف فجاة
|
Post: #35
Title: Re: آآآآآآه.. كم أحبك..
Author: Hatim Salih
Date: 12-04-2004, 01:15 PM
Parent: #33
كلام في السلك !!
|
Post: #79
Title: Re: آآآآآآه.. كم أحبك..
Author: سامية بكري
Date: 12-06-2004, 05:05 AM
Parent: #35
Hatim Salih
الدبلوماسي؟
ولاّ حق الكهربا؟!!
|
Post: #36
Title: Re: آآآآآآه.. كم أحبك..
Author: سامية بكري
Date: 12-04-2004, 01:17 PM
Parent: #33
شكراً ليك يا وحيد على كلماتك الرقيقة
| Quote: وحيد في الارصفة المغسولة بالمطر النزف فجاة |
لما المطر ينزف فجأة بكون السحاب مطعون في الصميم
ولما السحاب دمو يسيل في الشوارع ويغسل أحزان المدينة
الوحدة ما بتصبح اسف..
يا بختك يا وحيد
لما تكون وحيد هناك
|
Post: #37
Title: Re: آآآآآآه.. كم أحبك..
Author: Safa Fagiri
Date: 12-04-2004, 04:10 PM
Parent: #36
سامية..
|
Post: #47
Title: Re: آآآآآآه.. كم أحبك..
Author: سامية بكري
Date: 12-05-2004, 05:46 AM
Parent: #37
وانت أيضاً سامية يا صفاء..
وانا أيضاً أحبك
(قرأت بوستك قبل ان تعدليه)
حزنت ولم افهم لماذا تلغين كلمة حب رقيقة اسعدتني كثيراً!
|
Post: #71
Title: Re: آآآآآآه.. كم أحبك..
Author: Safa Fagiri
Date: 12-05-2004, 11:21 AM
Parent: #47
عزيزتي...
ليس الا لانني اجيد ان اكون
اكثر عمقا من تناول اطراف الحديث
وارى ان الاشياء في احايين كثر
تفقد لبها عندما تكون بشكلية مفرغة ...
فلك كل الهتون
ووردة زرقاء
تعويزة ضد
الاحزان عزيزتى
دمتي..
|
Post: #80
Title: Re: آآآآآآه.. كم أحبك..
Author: سامية بكري
Date: 12-06-2004, 05:11 AM
Parent: #71
Safa Fagiri
Quote: ليس الا لانني اجيد ان اكون
اكثر عمقا من تناول اطراف الحديث
وارى ان الاشياء في احايين كثر
تفقد لبها عندما تكون بشكلية مفرغة ... |
وهل الحب ليس إلا كذلك يا صفاء..؟!
Quote: فلك كل الهتون
ووردة زرقاء
تعويزة ضد
الاحزان عزيزتى |
كم أحبك يا صفاء،،،
بشكلية عميقة جداً
|
Post: #42
Title: Re: آآآآآآه.. كم أحبك..
Author: وحيد
Date: 12-05-2004, 02:31 AM
Parent: #36
سامية ....
كنوز جواك ما بتكمل
تضوي الليل وتتجمل
..زي عصفورة حامت
فوق وركت في قليب
انبل........
|
Post: #48
Title: Re: آآآآآآه.. كم أحبك..
Author: سامية بكري
Date: 12-05-2004, 05:50 AM
Parent: #42
وحيد
Quote: كنوز جواك ما بتكمل
تضوي الليل وتتجمل
..زي عصفورة حامت
فوق وركت في قليب
انبل |
ما انبلك انت يا وحيد
|
Post: #38
Title: Re: آآآآآآه.. كم أحبك..
Author: sara fadul
Date: 12-04-2004, 06:43 PM
Parent: #1
سامية بكرى الروعة كل الروعة تجلّت في إبتسامتك
الساحرة لك منّي بعض الرحيق والمطر...
كيف يكون غدي حلوآ وانت تركب سفن البعاد؟
تجدّف بك آلاف المجاديف مبحرة بك بعيدآ عنى..
ترسل لي من الموج أعتاه وأقواه كى لا ألحق بك..
وتمتطى خيل المشاغل كل صباح..فأين أنا منك وأين أنت منّى؟
كيف سمحنالإرادتنا بأن تجثو على ركبة الأيام نستجديها اللقاء..
كيف سمحت ببعدك وأنا مستضعفة في غيابك؟
أضحيت كالعسل يحرسك النحل من كل إلجهات..
أيّها الحبيب الأنك بعيد أهواك بهذا القدر؟
أم هى حاجتي إليك جعلتنى أسكنك وادي الهوي
وأطير بك حمامة جريحة تحبّ التحليق وتخشى السقوط
أريد أن أحظى بك وحدى لأفاخر بك نفسي كل يوم
حبّك يميّزنى يجعلنى أنثي تضع تاج جمالها بكل فخر
فأنت من صنعته بحلو كلامك..
أنت ما يميّز حياتى الفارغة
ويجعل منها حدثآ أحاكى به الأميرات.. وأنسج منه قصص الغذل
لأن حبّك يحمل العذاب في طيّاته والبعد في جنباته أحبك
لأن وجهك يشبه الماضي والحاضر والمستقبل أحبّك..
ولأنك كنت لكثيرات من قبلى وسكنتني من دونهم أحبك..
قبّلنى وانسي العالم..سلّم روحك لي وسآخذك لأحلى الأماكن
وسأجعلك ترشف من رحيق زهري حتى يغلبك النعاس..
ولن أتعب منك ولن أهرب منك..سأضمّك بحنان الأمهات جميعهم
فالطفولة التى يحملها وجهك تحتاج لحضنى..
________________
لك منّي الود
|
Post: #50
Title: Re: آآآآآآه.. كم أحبك..
Author: سامية بكري
Date: 12-05-2004, 06:04 AM
Parent: #38
الحبيبة سارة فضل،
قرأتك حتى تشبعت بحنينك الدافئ وانت تعبرين عن إحساس المرأة الصادق بلغة جريئة وعميقة..
بحثت عن بوستاتك لأهمس لك بلغة خاصة فلم أجدها
سأواصل البحث
فانتظريني
|
Post: #39
Title: Re: آآآآآآه.. كم أحبك..
Author: Fadel Alhillo
Date: 12-04-2004, 08:06 PM
Parent: #1
يا السامية الرائعة
كلام كلو حلو
الله يخليكي.....ويزيدك
|
Post: #52
Title: Re: آآآآآآه.. كم أحبك..
Author: سامية بكري
Date: 12-05-2004, 06:26 AM
Parent: #39
Fadel Alhillo
Quote: السامية الرائعة
كلام كلو حلو
الله يخليكي.....ويزيدك |
فاضل الحلو يا حلو
الله يخليك انت كمان ويزيدك حلاوة
|
Post: #40
Title: Re: آآآآآآه.. كم أحبك..
Author: abas
Date: 12-04-2004, 08:36 PM
Parent: #1
هو في ولا مافي
لو في مبروك
ولو مافي ربنا يجمعكم
لكن الكلام حلو
والواحد بحس بيه جوه قليبو
تسلمي
عبس
|
Post: #53
Title: Re: آآآآآآه.. كم أحبك..
Author: سامية بكري
Date: 12-05-2004, 06:34 AM
Parent: #40
abas
Quote: لكن الكلام حلو
والواحد بحس بيه جوه قليبو |
تسلم لي انت يا عبس ويسلم لي قليبك الطيب
|
Post: #41
Title: Re: آآآآآآه.. كم أحبك..
Author: Ehab Eltayeb
Date: 12-04-2004, 11:49 PM
Parent: #1
اهلا بيك يا سامية..
وانتي تمتطي الينا صهوة الابداع..
علي اشرعة من الالق..
ومرحبا بك وبقلمك ..الذي اظنه مغموسا في حبر الجمال..
تحياتي.. وفي إنتظار المزيد..
|
Post: #54
Title: Re: آآآآآآه.. كم أحبك..
Author: سامية بكري
Date: 12-05-2004, 06:39 AM
Parent: #41
شكراً عزيزي ايهاب الطيب على كلماتك الرقيقة، وبالمناسبة..
قريت ليك مقال جميل في صفحة عكس الريح مع د. معز
واتمنى اقرا ليك اكتر واكتر
|
Post: #43
Title: Re: آآآآآآه.. كم أحبك..
Author: شريف درار شريف
Date: 12-05-2004, 02:49 AM
Parent: #1
صراحة إبدااااااااااااااع...والله يا سامية اتاريكي ما هينة ابداً
الدفعة يا كده يا بلاش
|
Post: #55
Title: Re: آآآآآآه.. كم أحبك..
Author: سامية بكري
Date: 12-05-2004, 06:46 AM
Parent: #43
شريف درار شريف
Quote: صراحة إبدااااااااااااااع...والله يا سامية اتاريكي ما هينة ابداً
الدفعة يا كده يا بلاش |
يعني خلاص اصحاب اصحاب يا شريف؟
بالمناسبة قريت ردك في بوست سجيمان،،،
انا راسي مربع وفيه ريشة يا شريف؟
لكن مسامحاك عشان كلامك الحلو الهنا ده وعشان حكاية الدفعة دي..
|
Post: #44
Title: Re: آآآآآآه.. كم أحبك..
Author: ودقاسم
Date: 12-05-2004, 03:11 AM
Parent: #1
سامية
قرأتك وضيوفك ،،
نعم المضيف ونعم الضيوف ،،
أول مرة أقرأ بوست كامل بكل مداخلاته ،،
سأحرص على قراءة ما تكتبين ..
|
Post: #45
Title: Re: آآآآآآه.. كم أحبك..
Author: Habib_bldo
Date: 12-05-2004, 03:58 AM
| Quote: العمر كم يا حبيب بلدو؟ |
العمر واحد يا سامية بس كيف نعرف نعيشه صح؟؟ وكيف نصنع من أوجاعنا وآهاتنا فرح وسعادة وكيف نجعل ساعات الانتظار بلا زمن وكيف نوجد حولنا أشياء جميلة تنسينا الوحدة؟؟؟؟؟؟؟
|
Post: #46
Title: Re: آآآآآآه.. كم أحبك..
Author: تاج السر حسن
Date: 12-05-2004, 04:11 AM
Parent: #45
والله شدت ما الزول شفقان عشان يكتب فى (البوست) ده ، بتمنى كورة الهلال والمريخ دى تخلص هسه !!! ولا ياريت واحد من عشاق الزعيم يمسك منى (الرايه) الزرقاء دى ، اصلو انا براى (البحبو) قدر كده ؟؟؟
و(كتر خير) أخونا / بكرى ، الجاب ناس حلوين كتير بالشكل ده !!! حليل (خليل أسماعيل).
مع العلم أنه القدام ما شينين ..لكن .. (بس)!!!!
|
Post: #59
Title: Re: آآآآآآه.. كم أحبك..
Author: سامية بكري
Date: 12-05-2004, 07:02 AM
Parent: #46
تاج السر حسن
| Quote: والله شدت ما الزول شفقان عشان يكتب فى (البوست) ده ، بتمنى كورة الهلال والمريخ دى تخلص هسه !!! |
خلص وتعال
انا قاعدة منتظراك
| Quote: اصلو انا براى (البحبو) قدر كده ؟؟؟ |
انا بحبو اكتر من كده يا تاج،،،
أها في حب يا اخوانا اكتر من كده؟؟!!
(بس)
|
Post: #58
Title: Re: آآآآآآه.. كم أحبك..
Author: سامية بكري
Date: 12-05-2004, 06:56 AM
Parent: #45
Habib_bldo
| Quote: العمر واحد يا سامية بس كيف نعرف نعيشه صح؟؟ وكيف نصنع من أوجاعنا وآهاتنا فرح وسعادة وكيف نجعل ساعات الانتظار بلا زمن وكيف نوجد حولنا أشياء جميلة تنسينا الوحدة؟؟؟؟؟؟؟ |
شكراً ليك كتير يا حبيب بلدو
كلام جميل وصعب،،،
بس ما مستحيل تنفيذو
اوعدك اني احاول..
|
Post: #57
Title: Re: آآآآآآه.. كم أحبك..
Author: سامية بكري
Date: 12-05-2004, 06:51 AM
ودقاسم
Quote: سامية
قرأتك وضيوفك ،،
نعم المضيف ونعم الضيوف ،،
أول مرة أقرأ بوست كامل بكل مداخلاته ،،
سأحرص على قراءة ما تكتبين .. |
ما أسعدني بك أيها الرجل الكثيف كما أسمتك الغالية تماضر،،،
سعيدة بيك وممنونة ليك كتير يا ود قاسم
|
Post: #49
Title: Re: آآآآآآه.. كم أحبك..
Author: كبسيبة
Date: 12-05-2004, 05:53 AM
Parent: #1
Quote: قل لهُ يا قلمي بأنني أبكيه هنا (وحيدة) ... اشكيه لحروفي العذراء (وحيدة) وأرسمه بين برواز أحلامي الجميلة حرفاً من نور ... وحرفاً من شعور. قل لهُ بأنني لازلتُ (هو) .. فهل ما زال (أنا) ؟!! .. أم أنه يا قلبي الحزين يأبى إلا أن يكون هو .. هو وأن أكون هو كما يريد هو.
|
سامية:آآآآآآه كم هو رائع حديثك
ليتني هو لأعيش أنا...
|
Post: #51
Title: Re: آآآآآآه.. كم أحبك..
Author: حبيب نورة
Date: 12-05-2004, 06:05 AM
Parent: #49
محرِّض علي المرور
كم جميلٌ هذا
واصلي أنسكابك فينا
|
Post: #61
Title: Re: آآآآآآه.. كم أحبك..
Author: سامية بكري
Date: 12-05-2004, 07:17 AM
Parent: #51
حبيب نورة
Quote: محرِّض علي المرور
كم جميلٌ هذا
واصلي أنسكابك فينا |
وانا في انتظارك منسكباً دائما بنورة
وبحبك لها،،،
لا زال وعدالدهشة بك يلوّن الأفق
فتعال..
|
Post: #60
Title: Re: آآآآآآه.. كم أحبك..
Author: سامية بكري
Date: 12-05-2004, 07:12 AM
Parent: #49
كبسيبة
Quote: سامية:آآآآآآه كم هو رائع حديثك
ليتني هو لأعيش أنا... |
انت ياتو فيهم يا كبسيبة؟
الفي اليمين والاّ الفي الشمال؟
عشان انا بموت في واحد فيهم 
|
Post: #56
Title: Re: آآآآآآه.. كم أحبك..
Author: Fadel Alhillo
Date: 12-05-2004, 06:47 AM
Parent: #1
ده كلام بالثلج ياسموية
|
Post: #62
Title: Re: آآآآآآه.. كم أحبك..
Author: سامية بكري
Date: 12-05-2004, 07:21 AM
Parent: #56
Fadel Alhillo
| Quote: ده كلام بالثلج ياسموية |
فاملآ الكأس وهات ،،،
زي ما بتقول ام كلثوم
|
Post: #63
Title: Re: آآآآآآه.. كم أحبك..
Author: طلال عفيفي
Date: 12-05-2004, 07:39 AM
Parent: #62
ساميه ..
سلامات ..
يبدو ان المكان سيحتشد بكتابات طيبه ..
ويبدو أن للكل حنينه ..
لا اعرف لو لم يكن هناك كتابه في هذا العالم ..
هل كان الخبز سيكفي لنعيش ؟
...
طلال
|
Post: #67
Title: Re: آآآآآآه.. كم أحبك..
Author: سامية بكري
Date: 12-05-2004, 10:17 AM
Parent: #63
أخي طلال عفيفي،
لك السلام طلة مقل
وبرق عبادي ساكن القش
يا رجل اللوحات وعاشق ليلى وبت حسني
زيارتك شرفتني
وبيتك هذا يبدو ثلجي الشكل دافئ الأحضان
ما أجمل ان تستقبلك ورود حمراء وانت تتسلق عتبات الدخول إليه
...
سامية
|
Post: #64
Title: Re: آآآآآآه.. كم أحبك..
Author: نصار
Date: 12-05-2004, 07:42 AM
Parent: #1
| Quote: قل لهُ يا قلمي بأنني أبكيه هنا (وحيدة) ... اشكيه لحروفي العذراء (وحيدة) وأرسمه بين برواز أحلامي الجميلة حرفاً من نور ... وحرفاً من شعور. قل لهُ بأنني لازلتُ (هو) .. فهل ما زال (أنا) ؟!! .. أم أنه يا قلبي الحزين يأبى إلا أن يكون هو .. هو وأن أكون هو كما يريد هو. |
سامية بكري
بعد ان خفت الزحمة القال عليها سجيمان
نقوم بواجب الترحيب بك و بحرفك الانيق
السلس
لكن الزول دا ما نصيح!!!
لا بعرف يقري و لا بعرف يشوف و لا بحس!!
و الله هو صخب الحروف فلا اظن في الواقع من يضرب صفحا علي هذا البهاء
موش؟
هنيئا لم بثت له هذه الاشواق في ظهر الغيب
و كأني اراه قادما في البعيد
و ضاربا موعده عند الشروق و بعدها لا تغيب شمس السعادة
و يرقص قلمك
و يرسم الحرف التاسع و العشرين
يعيدنا الي مقاعد الدراسة من جديد
لنتعلم اسراره
و نعلم كيف نقرأك
دام فضلك
|
Post: #65
Title: Re: آآآآآآه.. كم أحبك..
Author: Sidig Rahama Elnour
Date: 12-05-2004, 08:11 AM
Parent: #64
الكلمات جدول لوغريثم يتضاعف كلما أوغلت في مربعاته وتقاطعت مع أحداثياته
الكلمات جميلة والردود أجمل .... هنئياً لك
|
Post: #69
Title: Re: آآآآآآه.. كم أحبك..
Author: سامية بكري
Date: 12-05-2004, 10:38 AM
Parent: #65
Sidig Rahama Elnour
Quote: الكلمات جدول لوغريثم يتضاعف كلما أوغلت في مربعاته وتقاطعت مع أحداثياته
الكلمات جميلة والردود أجمل .... هنئياً لك |
يا الله يا مهندس الكلمات
هذه هي تكنولوجيا الحروف،،،
شكراً ليك يا صديق
سامية
|
Post: #68
Title: Re: آآآآآآه.. كم أحبك..
Author: سامية بكري
Date: 12-05-2004, 10:28 AM
Parent: #64
نصار
| Quote: بعد ان خفت الزحمة القال عليها سجيمان |
بيتي يا نصار مفتوح للناس
بيتي هو قلبي
Quote: الله هو صخب الحروف فلا اظن في الواقع من يضرب صفحا علي هذا البهاء
موش؟
هنيئا لم بثت له هذه الاشواق في ظهر الغيب
و كأني اراه قادما في البعيد
و ضاربا موعده عند الشروق و بعدها لا تغيب شمس السعادة
و يرقص قلمك
و يرسم الحرف التاسع و العشرين
يعيدنا الي مقاعد الدراسة من جديد
لنتعلم اسراره |
يا الله لو يتحقق هذا الوعد
تبقى كلماتك دعوة صالحة
ونجمة بتحجي القمر
سعيدة بيك يا نصار جداً،،،
وتاني ما تخاف من لسان سجيمان
هو حنين وقلبو ابيض ونضمو حلو وبخاف من اللوم،
شفت كشفت ليك سرو كيف؟!
|
Post: #66
Title: Re: آآآآآآه.. كم أحبك..
Author: samo
Date: 12-05-2004, 08:33 AM
Parent: #1
لاااااااااااا حول ولاقوة الا بالله ...
ياخى انتى زولة ... مدهشة بشكل ...!!وواضحة بشكل ..!! وعميقة بشكل ...!!
وكلك .. كلك ..كلك حلووووووو
الله يخليك .. ويخلى قلمك .. يااااا ... سامية ..
|
Post: #70
Title: Re: آآآآآآه.. كم أحبك..
Author: سامية بكري
Date: 12-05-2004, 11:00 AM
Parent: #66
samo
Quote: ياخى انتى زولة ... مدهشة بشكل ...!!وواضحة بشكل ..!! وعميقة بشكل ...!!
وكلك .. كلك ..كلك حلووووووو
الله يخليك .. ويخلى قلمك .. يااااا ... سامية .. |
ويخليك انت كمان يا سامو،،،
الدهشة والوضوح والعمق
معاني "سامية"
يا ريت اكون حققتها
عشان كده انا سعيده خالص بكلامك ده
ليك شكري الجزيل يا سامو
|
Post: #72
Title: Re: آآآآآآه.. كم أحبك..
Author: خضر عطا المنان
Date: 12-05-2004, 12:37 PM
Parent: #66
عفوا
خربطة في الجهاز
معذرة .
خضر عطا المنان
|
Post: #73
Title: Re: آآآآآآه.. كم أحبك..
Author: خضر عطا المنان
Date: 12-05-2004, 12:39 PM
Parent: #66
QUOTE]
وعظيمُ هو ذاك الجرح المولود من رحم الأحزان بعد معاناةٍ استنزف فيها الحبر والبكاء وتبعثرت من خلالها الصرخات عبر زوايا من ورق أبكت المساء حسرةً والنجوم والليل حزناً وألماً . . .
|
سامية :
تهويمة كم هي عميقة .. صادقة .. نازفة بالصدق .. مسافرة في مفاصل الأوجاع .. ملاحقة لسحب الأنين فينا .. ومادة لسانها في نسق نزيه لأحزان المساء وضياء النجوم .. ولاهثة خلف زمان ربما لن يعود يا سامية .. أنه زمن الفرح الآفل .
لك تحياتي بعمق حرفك وصدقه.
خضر عطا المنان
|
...