مسابقة تانية.....خمن عملة السودان الجديدة !

Post: #1
Title: مسابقة تانية.....خمن عملة السودان الجديدة !
Author: zola123
Date: 11-30-2004, 12:07 PM
Parent: #0

ورد في قسم الاخبار بالموقع التالي

Quote: وزير المالية: السودان يصدر عملة جديدة
سودانيزاونلاين
11/30 7:58ص
القاهرة - ا ف ب
اعلن وزير المالية الزبير محمد الحسن اليوم الثلاثاء انه سيتم احلال عملة جديدة تجسد الوحدة والتنوع في السودان محل العملية الحالية وهي الدينار.
ونقلت اذاعة ام درمان الرسمية عن الحسن قوله ان الحكومة والحركة الشعبية لتحرير السودان اتفقتا على اصدار عملة جديدة "تعبر بشكل افضل عن وحدة السودان وتنوعه" من دون ان يذكر اسمها.
يذكر ان الحكومة والحركة الشعبية لتحرير السودان تعهدتا في منتصف نوفمبر الجاري على ان توقعا قبل نهاية العام اتفاق سلام شاملا يضع حدا لحرب اهلية مستمرة منذ 21 عاما.
وقال وزير المالية ان استبدال العملة سيتكلف 80 مليون دولار ستدرج في موازنة 2005 التي تبدا في يوليو المقبل.
وتوقع ان تتدفق على السودان رؤوس اموال اجنبية بعد توقيع اتفاق السلام مما يتيح له تحقيق الاستقرار الاقتصادي "سيساهم بدوره في ارساء الاستقرار السياسي والامني".

ومشاركة منا في هذا المشروع الكبير ننشيء هذه المسابقة
الجوائز غير قيمة (معنوية), ونقبل الاجابات والتخمينات وحتى التعليقات
موعد اعلان النتيجة غير معروف حتى يصدر خبر آخر يسمي العملة الجديدة
نقول بسم الله

أنا اقول: فرنك سوداني

أها شن قولكم؟؟؟؟؟

Post: #2
Title: Re: مسابقة تانية.....خمن عملة السودان الجديدة !
Author: Frankly
Date: 11-30-2004, 12:18 PM
Parent: #1

زولا123
بما أنو العملة الجديد ستمثل السودان بكل تنوعاته العرقية والفولكلورية
فأعتقد أنو العملة الجديد ح تكون
ســــونار سوداني

وهي مأخوذة من سود دينار على وزن دولار

على ان يكون
1 سونار سوداني = 3دولار أمريكي

فرانك سوداني دي حقت فرانكلي ياربي

_____

أتق الله حيث ما كنت واتبع السيئة الحسنة تمحها وخالق الناس بخلق حسن

Post: #4
Title: Re: مسابقة تانية.....خمن عملة السودان الجديدة !
Author: zola123
Date: 11-30-2004, 12:54 PM
Parent: #2

فرانكلي

فكرتك منطقية, لاكن للاسف وقع سونار على الاذن ما جميل جدا
يعني الحاجة دي بكم,3 سونار
ودي بكم, : سونارين ونص؟

فرانكلي من فرنك ولا فرنك من فرانكليو تلك هي المسألة
شكرا على المشاركة القيمة

Post: #3
Title: Re: مسابقة تانية.....خمن عملة السودان الجديدة !
Author: Adil Osman
Date: 11-30-2004, 12:29 PM
Parent: #1

الاخت زولا123

ارجو ان يعود الجنيه السودانى المعروف والذى ما زال السودانيون يستعملون اسمه رغم تغيير الاسم الى دينار.

جنيه
جنيه
جنيه
جنيه
جنيه
جنيه
جنيهجنيهجنيهجنيهجنيهجنيهجنيهجنيهجنيهجنيهجنيهجنيهجنيهجنيه
حنيهجنيهجنيهجنيهجنيهجنيهجنيهجنيه
جنيهجنيهجنيهجنيهجنيهجنيه
جنيهجنيهجنيهجنيهجنيه
جنيهجنيهجنيهجنيه
حنيهجنيهجنيه
جنيهجنيه
جنيه

Post: #5
Title: Re: مسابقة تانية.....خمن عملة السودان الجديدة !
Author: zola123
Date: 11-30-2004, 12:57 PM
Parent: #3

عادل عثمان
أحيي ولائك للجنيه السواني
وفعلا فكرت في اول اختيار اعادة اسم العملة الى جنيه
لاكن اللي بيروح ما بيرجعش
وشكلهم حيختاروا اسم جديد
ويا ريت يكون حاجة حديثة وقيافة
دينار لم يكن يوما بيشبهنا
والله يسامح اللي كان السبب
بركة الما غيروا اسم السودان !

Post: #6
Title: Re: مسابقة تانية.....خمن عملة السودان الجديدة !
Author: أحمد الشايقي
Date: 11-30-2004, 01:07 PM
Parent: #1

د زولا 123

أنا اقبل بالجائزة المعنوية

والعملة هي الجنية السوداني

سيكون أشبه بالجنيهات التي طبعتها الحكومة الانتقالية بعد الانتفاضة

وستساوي قيمته 10 دينارات من العملة الحالية

لامتصاص التضخم

مع بعض الرسومات من الجنوب

(بقر المجوك وحراب الشلك وربما منظر للغابة)

المهم

نرجو ان تلحقنا الجائزة

ونرجو ان يجف التضخم كذلك

تحياتي

Post: #22
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 02:54 AM
Parent: #6

أحمد الشايقي
تعرف مسألة يرجعوه جنيه سوداني مع رفع قيمته حتخلق لخبطة شديدة
ويلزمها تعريف, يعني البياعين يلزمهم تحديد القيمة بالجنيه القديم او الجديد
وحقيقة التعامل في الاسواق كان مزعج لي كثيرا في السودان, والله يكون في عونهم حيحلوها كيف
Quote: ونرجو ان يجف التضخم كذلك

نرجو معك ذالك , لاكن ما الجوائز

Post: #7
Title: Re: مسابقة تانية.....خمن عملة السودان الجديدة !
Author: abdalla BABIKER
Date: 11-30-2004, 01:07 PM
Parent: #1

الدكتورة زولا ا 2 3

اقترح ان تكوون العمله الجديده

دولار سوداني

عشان نكون زي الدول الكبار

Post: #8
Title: Re: مسابقة تانية.....خمن عملة السودان الجديدة !
Author: bamseka
Date: 11-30-2004, 01:44 PM
Parent: #7

درهم سوداني

Post: #24
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 02:56 AM
Parent: #8

بامسيكا
دخلنا اجابتك السحب
مع انها ما داخلة راسي
الدرهم ما بيشبهنا برضو

Post: #23
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 02:55 AM
Parent: #7

عبد الله بابكر
Quote: دولار سوداني

عشان نكون زي الدول الكبار

ده كلام نقبله من حد تاني ما منك!!!!
وين الوطنية؟

Post: #9
Title: Re: مسابقة تانية.....خمن عملة السودان الجديدة !
Author: Maksab
Date: 11-30-2004, 02:10 PM
Parent: #1

loooooooooooooooooooooool
سلام يا شباببب

والله قنبتا اعاين في الردود و الضحكة كاتلاني......شكرا زولا موضوع لذيذ....

انا لسا ما قادر اشووف شي يمت للسودان غير الجنيه

مع تحياتي

Post: #25
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 02:57 AM
Parent: #9

مكسب
انشاء الله دايما مبسوط
حنعتبر اجابتك الجنيه

Post: #10
Title: Re: مسابقة تانية.....خمن عملة السودان الجديدة !
Author: Hisham Amin
Date: 11-30-2004, 02:25 PM
Parent: #1

هممممممممممممممممممممم زولا 123
مع انى ما اخدتا جايزتى المرة الفاتت
وسكيتك لامن حفيت الا انو الاجابة
هى العملة الجديدة اسماها( زولار) على وزن زولة وعلى وزن الدولار
اها كيف كدة موش استاهل جايزة تشجيعية على الاقل؟؟؟؟؟

Post: #12
Title: Re: مسابقة تانية.....خمن عملة السودان الجديدة !
Author: Elhadi
Date: 11-30-2004, 02:41 PM
Parent: #10

مقترح لعملة السودان الجديد ـ برعاية جون دانفورث ( 1 )

Post: #16
Title: Re: مسابقة تانية.....خمن عملة السودان الجديدة !
Author: Elhadi
Date: 11-30-2004, 03:34 PM
Parent: #12

ربيكا والبنك المركزي !

Post: #29
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:13 AM
Parent: #16

Elhadi

حنحتفظ بالامثلة التي قدمت لتعزيز موقفك في المسابقة
مجهود ما بطال
فيها ايه لو وضعنا صورة قرنق على العملة؟؟

Post: #26
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 02:59 AM
Parent: #10

هشام امين غير مقتنع بالجائزة
نرسل كباب في البريد كيف طيب ورونا
اقترح تعديل اسم العملة ل(زول) بس
زول واحد, زولين ونص, عشرة الف زول...ما بطال الاسم
وسودانيته اشهر من نار على علم

Post: #11
Title: Re: مسابقة تانية.....خمن عملة السودان الجديدة !
Author: sumah
Date: 11-30-2004, 02:38 PM
Parent: #1

الاسم مامهم مهمة الصوره عند الجماعة ديل انا خايف ليكم تانى من صورة واحد عر وجضومو منفخات نصرف قيها تانى ثمانون مليونا من الدولارات علشان نحرقها تانى ذى ماحرقنا القبلها لزوموا شنو..من الاول الجنية مالوا.. وعلشان ننسى انو انحنا ما جينا لانقاذكم كان الدولار بقى بيه ستاشر جنية ارحمونا ياهوى ووفروا والمبلغ الذى رصد لتغيير العملة ان يرصد لاطفال اهل دارفور...
(وقال وزير المالية ان استبدال العملة سيتكلف 80 مليون دولار ستدرج في موازنة 2005 التي تبدا في يوليو المقبل.)

Post: #28
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:13 AM
Parent: #11

sumah

والله خسارة 80 مليون دولار في حبة ورق
واكمان سنة ولا اتنين يحتاجوا يغيروها
ايه رأيك بالمناسبة دي في أسم معبر عن المرحلة دي
(كوز سوداني)
مافي زول غير السودانيين حيعرف للاسم
كوزين, تلاتة كيزان, اربعة الف كيوز..الخ
ويشدد على استخدام صيغة الجمع

Post: #13
Title: Re: مسابقة تانية.....خمن عملة السودان الجديدة !
Author: tabaldy
Date: 11-30-2004, 02:55 PM
Parent: #1

لامن جات ترخصيات العربات في الخرطوم البادية بي حرف الخاء
خ ا
خ ب
خ ت
قال عم احمد عبد الفتاح :
بكرة تصل
خ ر
وشال الأسبايس بين الخاء والراء وصدق فيما قال

مليم
تعريفة ام قد
تعريفة سادة
قرش
أب قرشين الفريني
الشلن الكان زمان بشن ويرن
الريال
طرررررااااادة
ومتحف وزارة المالية فيهو لسة تلاتة رفوف سعة كل منها تلاتة حكومات وكل حكومة عندها حق تغيير العملة تلاتة مرات لو كانت قصيرة النفس وديمقراطية أو مرتين لو كانت عسكرية ومكنكشة في الحكم زي كمساري الدفار في السلم .

بتوقع تجيب العملة الجديدة واحد موية فول بي موية جبنة تملى بطن محمد احمد وبرضو طفرة إنو شبع موية فول بدل موية الويكة وماجي .

خليهم يسموها أي إسم بس حق السماية تقسيط من ماهية تسعة شهور وتسعة أيام وبعدها يحلها الحل بلة

أبنوسي

Post: #17
Title: Re: مسابقة تانية.....خمن عملة السودان الجديدة !
Author: ناجى الزبير الملك
Date: 11-30-2004, 03:44 PM
Parent: #13

قلنا الزمن يغير الحكومة .....

قامت الحكومة غيرتو .....

.....

تاااااااانى هو الناس دى ما بتفتر؟؟؟؟ ....
.....

ارشح الجنيه السودامريكى..... ياهو الفضل لينا ....
....
....

Post: #31
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:18 AM
Parent: #17

ناجي
مشتاقييين

Quote: تاااااااانى هو الناس دى ما بتفتر؟؟؟؟

ما بتفتر, ما بتفتر, ما بتفتر,ما بتفتر, ما بتفتر, ما بتفتر
ما بتفتر, ما بتفتر, ما بتفتر,ما بتفتر, ما بتفتر, ما بتفتر
ما بتفتر, ما بتفتر, ما بتفتر,ما بتفتر, ما بتفتر, ما بتفتر

Post: #30
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:17 AM
Parent: #13

tabaldy

ما لاقية تعليق على كلامك
الله يفش خلقنا في اللي كان السبب

بالمناسبة طرادة دي انا حاضراها, كانت بتجيب لبان

تحياتي ولمن يعملوا السماية ما تنسى تكلمني

Post: #14
Title: Re: مسابقة تانية.....خمن عملة السودان الجديدة !
Author: عبدالماجد فرح يوسف
Date: 11-30-2004, 03:13 PM
Parent: #1

سودو علي وزن يورو

Post: #32
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:20 AM
Parent: #14

عبد الماجد فرح

سودو

ده أظرف اسم في رأيي حتى الآن
حظا سعيدا

Post: #15
Title: Re: مسابقة تانية.....خمن عملة السودان الجديدة !
Author: Mohamed A. Salih
Date: 11-30-2004, 03:27 PM
Parent: #1

سلام زولا
بما ان الخبر يقول
الحكومة والحركة الشعبية لتحرير السودان اتفقتا على اصدار عملة جديدة
فانا اقترح ان يكون اسم العمله مشتقا من اسمي بشير وقرنق ـ باتحديد يكون اسم العمله الجديدة بشقر. وبما ان اسم العملة الجديدة الذي اقترحه يتشكل ايضا من اسم بش ـ الريس الامريكي - تكون الصورة قد اكتملت.

Post: #33
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:21 AM
Parent: #15

mohamed Salih

Quote: فانا اقترح ان يكون اسم العمله مشتقا من اسمي بشير وقرنق

ليه لاكن؟؟؟؟؟؟؟؟؟؟؟ كانوا أبو السودان ولا أمه؟

Post: #18
Title: Re: مسابقة تانية.....خمن عملة السودان الجديدة !
Author: محمد سر الختم
Date: 11-30-2004, 07:01 PM
Parent: #1

ناخد حرف الميم من أول (مؤتمر وطني)
وناخد كلمة حركة من (حركة شعبية)
وندمجهم في بعض يطلع إسم العملة:
محركة
وعشان يفوتوا الفرصة على أعداء السلام والتوجه الحضاري والعملاء
يكتبوا تحذير تحت السطر بتاع (أدفعوا لحامل هذا السند)
يكتبوا: ممنوع منعاً باتاً نطق إسم العملة الجديدة كنطق كلمة محركة العامية
وكل من يخالف ذلك يعرض نفسه للمساءلة القانونية.
مكان الصورة ممكن يختوا صورة بنت وهي ممسكة بمحراكة
على أن تكون محجبة (البت ما المحراكة)
إذا فزت بجائزة أتبرع بها لصندوق دعم العملة الجديدة

Post: #19
Title: Re: مسابقة تانية.....خمن عملة السودان الجديدة !
Author: garjah
Date: 11-30-2004, 10:17 PM
Parent: #18

الدكتورة الانسانة

اينـــــــــــــــــاس

اهلنا الدناقلة بيسمو القروش ( دونقي )

واحسن اسم للعملة السودانية هي :-

الدونقي السوداني

Post: #20
Title: Re: مسابقة تانية.....خمن عملة السودان الجديدة !
Author: Sidig Rahama Elnour
Date: 11-30-2004, 10:41 PM
Parent: #19

Quote: وقال وزير المالية ان استبدال العملة سيتكلف 80 مليون دولار ستدرج في موازنة 2005 التي تبدا في يوليو المقبل.

طيب سيبوه زي ماهو وأستفيدو من ال80 مليون $ في الجوائز

Post: #36
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:28 AM
Parent: #20

Quote: طيب سيبوه زي ماهو وأستفيدو من ال80 مليون $ في الجوائز

اقتراح جدير بالبحث, نعد بعرضه على اللجنة

Post: #35
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:27 AM
Parent: #19

قرجة
سلامات

دونقي

ومالو, بس ما تعمل صراعات قبلية

Post: #34
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:26 AM
Parent: #18

محمد سر الختم
عندي ليك اسم أظرف

جبهون
دي العملة الرئيسية
للفئات الاصغر زي الفلس والمليم اقترح :

حركون

مثال: عشرة جبهون وحركونين ( او حركتين)

سؤال: معليش ممكن تشترح معنى كلمة محراكة للاخوة الحناكيش؟

( ما أنا طبعا)

Post: #21
Title: Re: مسابقة تانية.....خمن عملة السودان الجديدة !
Author: Mahathir
Date: 11-30-2004, 10:42 PM
Parent: #1

i second abdulmajid .. let's name it Suro = Euro
و يربي فى عزكم

Post: #27
Title: Re: مسابقة تانية.....خمن عملة السودان الجديدة !
Author: shammashi
Date: 12-01-2004, 03:06 AM
Parent: #21

انا اعتقد انو حتكون هي الدينار نفسه لكن عليه صورة عوض أحمد الجاز بالصفحتين

Post: #39
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:31 AM
Parent: #27

shammashi

اقترح وضع صورة مصفاة تكرير للتمويه,
عشان لو زول سألهم يقولوا نحن قاصدين زول تاني

Post: #38
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 03:29 AM
Parent: #21

Mahathir
قالوا Sudo وليس سورو
نحن ما عندنا راء في السودان

ترشيحك دخل السحب

Post: #37
Title: Re: مسابقة تانية.....خمن عملة السودان الجديدة !
Author: خال فاطمة
Date: 12-01-2004, 03:28 AM
Parent: #1

يا دكتووووووورة .. عاطر التحايا
مافي عملــــة .. في عمائل !!!!!!!!
كل الشعب السوداني .. حيحمل ( بطاقة صرف الآلي .. زي الفيزا كارد) ..

الود من جسر المقطع للكورنيش ...

Post: #46
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 11:14 AM
Parent: #37

خال فاطمة
سلام من النادي السياحي

بطاقة الصرف الالي دي اختراع ما نافع مع السودان
وما افتكر حينفع في القريب العاجل
سمعت نكتة الحبوبة المستغربة في الراجل وهو بيسحب قروش من الكاش مشين
طبعا فاكراه ساحر وبيطلع قروش من الحيطة

حاول مرة أخرى

Post: #61
Title: Re: مسابقة تانية.....خمن عملة السودان الجديدة !
Author: خال فاطمة
Date: 12-03-2004, 06:26 AM
Parent: #46

Quote: خال فاطمة
سلام من النادي السياحي . بطاقة الصرف الالي دي اختراع ما نافع مع السودان
وما افتكر حينفع في القريب العاجل . سمعت نكتة الحبوبة المستغربة في الراجل وهو بيسحب قروش من الكاش مشين . طبعا فاكراه ساحر وبيطلع قروش من الحيطة . حاول مرة أخرى
زولا23 .. سلام من قلب حمدان ..
عسي الجاب سيرة نافع منو .. هو ذاتو وزير زراعة .. وحكومات اتحادية .. ماشاف المالية ..
النكتة .. حلوة

Post: #40
Title: Re: مسابقة تانية.....خمن عملة السودان الجديدة !
Author: abas
Date: 12-01-2004, 03:34 AM
Parent: #1

البيزا

عشان نجمعها مع الوضع الجديد والبترول ونقول

[ بيزاااااااااااااااات ]

Post: #47
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 11:15 AM
Parent: #40

عباس
ماشاء الله تبارك الله, شغل نضيف
بيزات دي عجبتني شديد
فضل بس نبدل العمة بالغترة والعقال
واصلوا نسوانا بدوها وبدلوا التوب بالعبايات السودا

Post: #41
Title: Re: مسابقة تانية.....خمن عملة السودان الجديدة !
Author: محمد الامين احمد
Date: 12-01-2004, 03:59 AM
Parent: #1

تحية طيبة للجميع

يايى

Post: #48
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 11:16 AM
Parent: #41

محمد الامين
ياي دي محاولتك ولا بس مبسوط من البوست؟

Post: #42
Title: Re: مسابقة تانية.....خمن عملة السودان الجديدة !
Author: أبوالزفت
Date: 12-01-2004, 05:00 AM
Parent: #1

الجنيه
الدينار
لو اخذنا الحروف المتشابه اليا والنون

الين ده تبع اليابان
الني ده طبعا مرفوض من الكل لانو لازم يكون مستوى

باخذ الحروف عير المتشابه الجيم والها والدال والالف والراء
الجهدار
الحهراد
الجراده
الهجراد
الهجدار
الدرهاج
الدراجه
الدراهج غير مقبول لانه جمع
الهدراج
الاجرده
...
...
...

Post: #49
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 11:17 AM
Parent: #42

أبو الزفت
والله مجهود مقدر جدا
بس ما فاهمة اي حاجة

اختار محاولة واحدة شارك بيها

Post: #43
Title: Re: مسابقة تانية.....خمن عملة السودان الجديدة !
Author: كبسيبة
Date: 12-01-2004, 06:15 AM
Parent: #1

يا زولا
العملة الجديدة : زولــــــــو سوداني

Post: #44
Title: Re: مسابقة تانية.....خمن عملة السودان الجديدة !
Author: ebrahim_ali
Date: 12-01-2004, 06:36 AM
Parent: #43

الدكتورة يازولا سلام واحترام
العملة السودانية الجديدة هي الجنية ولابديل للجنيه إلا الجنية
الجنيه
الجنيه
الجنيه
الجنيه
الجنيه
الجنيه
الجنيه

الجنيه وبس

Post: #51
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 11:22 AM
Parent: #44

ابراهيم علي
ناس الجنية يقيفوا في الصف العلى اليمين داك
شكرا على المشاركة والحماس

Post: #50
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 11:18 AM
Parent: #43

كبسيبة

زولو سوداني
يا سلام
حاجة جميلة خالص وتعديل مقبول

Post: #45
Title: Re: مسابقة تانية.....خمن عملة السودان الجديدة !
Author: محمد سر الختم
Date: 12-01-2004, 10:25 AM
Parent: #1

Quote: جبهون
دي العملة الرئيسية
للفئات الاصغر زي الفلس والمليم اقترح :

حركون

زولة123
ليييييييييييه الجبهون أكبر من الحركون؟
إقتراحك دا لو نفذوه حا يعمل حرب أهلية لمدة 20 سنة وحا تحتاج لأربعين سنة لاتفاقيات السلام
وحا تكلف مليارات الجبهونات وتاني حا يغيروها وللوقت داك أسامي العملات حا تكون كملت
نقوم ما نلقى لينا إسم سمح
أما عن المحراكة (طبعاً إنتي عارفاها، الكلام دا للحناكيش)
هي (يتخيل لي) مقصود بها الآلة البدائية المرحاة
المكونة من قرصين من الحجر الثقيل يوضعان فوق بعضهماوتوضع بينهما الحبوب
ويدار القرص الأعلى (بمقبض مثبت عليه) لفترة من الزمن حتي تصير الحبوب طحينا
وكانت تستخدم في البيوت لطحن الحبوب (مثل القمح)
والكلام بين القوسين الأخيرين ليك إنتي عشان تفكيرك ما يمشي للأدوية
طبعاً الكلام دا قبل ما عبد القادر يفتح الطاحونة
المهم في الموضوع إن مصطلح محركة وجد مكانه في المفردات اليومية المستعملة
ويقصد به التسويف، يعني لما يقولوا ليك بطلي محركة يعني ما تلفي وتدوري لكسب الزمن
أو يقولوا ليك خلي المحركة يعني أنجزي الأمر بسرعة من غير لف كتير
والله أعلم
كما يقول بروفسور عبد الله الطيب، طيَّب الله ثراه
بالمناسبة عرفتي رقم الحساب بتاع دعم العملة الجديدة وعلى ياتو بنك؟

Post: #52
Title: Re: مسابقة تانية.....خمن عملة السودان الجديدة !
Author: zola123
Date: 12-01-2004, 11:26 AM
Parent: #45

محمد سر الختم

جبهون أكبر طبعا , عندك كلام في دي
شكرا على الشرح الكافي الوافي (طبعا كل ده كنت عارفاه)
لاكن الواحد لازم يعمل حساب أخوانه الماعارفين

Post: #53
Title: Re: مسابقة تانية.....خمن عملة السودان الجديدة !
Author: Rawia
Date: 12-01-2004, 11:51 AM
Parent: #52

تــعلــــــــــــــــيفه
او

دلش

Post: #56
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 04:54 AM
Parent: #53

راوية
نورتينا
دخلناكي السحب
بس يوم كدة وريني الكتبتيه ده بيتنطق كيف؟

Post: #66
Title: Re: مسابقة تانية.....خمن عملة السودان الجديدة !
Author: Rawia
Date: 12-03-2004, 07:52 AM
Parent: #56

Quote: بس يوم كدة وريني الكتبتيه ده بيتنطق كيف؟

تعريفه

او قرش

يانوسه زي مابينطقوها الاطفال

لانها الاكتر تداول بينهم

انا ورجاء وساره كان عندنا مكالمه مهمه بنعملها كل يوم الساعه اربعه العصر لي منزل استاذ حيدر طه وزوجته اماني لقمان عشان نسأل امل (سنتين) اتغدت بي شنو

كل يوم امل بتتغدي بي
طباطس
ولبان
وبيبسي

وياويلك وسواد ليلك لو رددتي طباطس زي ما هي بتقولها تتشنج عليك وتقعد تقول ليك طباطس

لغايه ماتنطقيها بطاطس حتى هي ترتاح

وواحشانا اموله شديد

Post: #54
Title: Re: مسابقة تانية.....خمن عملة السودان الجديدة !
Author: محمد الامين احمد
Date: 12-01-2004, 01:21 PM
Parent: #1

Quote:
ياي دي محاولتك ولا بس مبسوط من البوست؟

دى مشاركتى ، و برضو مبسوط من البوست

غايتو كان طلعت صاح

Post: #57
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 04:55 AM
Parent: #54

محمد الامين
تمام , دخلناك السحب

Post: #55
Title: Re: مسابقة تانية.....خمن عملة السودان الجديدة !
Author: Maksab
Date: 12-01-2004, 02:56 PM
Parent: #1

LOOOOOOOOOOOOOOOOOOOOOOOOOOOOOOOOOOOl

مبااااااااااااااااااااالغة يا كبسيييبة زولوووووو؟؟؟ عاد ما بالغتة
ٍ
لووووووووووووووووووووووول @عوض الجاز و صورة محطة البترول

هاهاهاهاهاها

يديييكم العافية يا شباب والله من اجمل البوستات...يلا المرة دي انا داير اغير ٍرأيي

ارشششششح اسسسسسسسسسم.......................

كووووووش........

على وزن شاكوووووووووش .. و دي حاجة متاكد انها مشتركة بين كل اهل السودان D: المعاي يرفع يدو........

Post: #58
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 04:56 AM
Parent: #55

مكسب
شكرا على المشاركة مرة تانية
واسم منطقي برضو

Post: #59
Title: Re: مسابقة تانية.....خمن عملة السودان الجديدة !
Author: Tumadir
Date: 12-03-2004, 05:13 AM
Parent: #58

نفطاط
ماخوذه من مصدريها المادى والمعنوى
النفط راجع للنفط "الجديد شديد"..وما ترتبت عليه من قرضمة وما بدا من مظاهر غز الكوع الفى الجوع ..ونطاط ...اى النط المتواصل من الالتزامات الاخلاقية تجاه الشعب..

نفطااااااط

نفطاطين تلاته نفاطيط..الف نفطاط وهكذا

او فالوس..فكل من يحمله يظل مفلسا..

اذا فزت بالله يا زولا رسلى لى نفاطيطى او فلايسى بالمنى اوردر..وجائزة المره الفاتت دى تانى ما بتنفع معاى..

برانا زهجانين

حسى الملايين دى كان عملوا بيها خطين سكة حديد طوااااال واحد بالطول واحد بالعرض ..ما كان القروش الفاضلة..كفت الناس لى جنا الجنا؟؟

Post: #60
Title: Re: مسابقة تانية.....خمن عملة السودان الجديدة !
Author: المسافر
Date: 12-03-2004, 06:25 AM
Parent: #59

أقترح

قيراط
عشان انتو زي الدهب بتتوزنو بالدهب

عشان الموضوع كله موضوع قليلة ما جايبة ثمنها
وهو كمان مسمى قياس يستخدمه الشرق والغرب

والجنوبيين يمكن يستخدمو اسمه الإنجليزي كيرات

والجماعة البخلاء بيعجبهم قولة ولا قيراط واحد ان طار عليك أقبضو
وجماعة الأموال يمكن تسميتهم القيراطيين أو المقرطين لأنهم بكونو مقرطنها فايتة الحد

والجماعة المفلسين يمكنهم أن يقولوا مكرتين أو مكرتتين أو مكرتبين

القيراط = 100 تولا
الدولار = 100 قيراط

عشان الجماعة المليارديرات ما يجنو لما ملياراتهم تتحول إلى قراريط

يعنى العنو 100 دولار يكون عندو 10000 قيراط عندو 1000000مليون تولا
وهلم جراء الملايين والمليارات والتريليونات وكدا تعيشو في تبات ونبات وتخلفو صبيان وبنات وانتهت في خيرين اتنين

Post: #63
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 07:16 AM
Parent: #60

المسافر

قيراط...همممم والله ما بطالة

حظا سعيدا في السحب

Post: #62
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 07:14 AM
Parent: #59

تماضر العزيزة

نفطاط دي قابلة للخبطة
واتخيلي حبوباتنا وهم بينطقوها؟

Quote: اذا فزت بالله يا زولا رسلى لى نفاطيطى او فلايسى بالمنى اوردر..وجائزة المره الفاتت دى تانى ما بتنفع معاى..

برانا زهجانين

حاااااااااااااضر
بس خليهم الاول يورونا اختاروا ياتوا اسم

تحياتي وحبي

Post: #64
Title: Re: مسابقة تانية.....خمن عملة السودان الجديدة !
Author: alfatih
Date: 12-03-2004, 07:33 AM
Parent: #1

زولة
اقترح كلمة
لالوب ... لالوب بلدنا ولا تمر الناس

Post: #65
Title: Re: مسابقة تانية.....خمن عملة السودان الجديدة !
Author: المسافر
Date: 12-03-2004, 07:38 AM
Parent: #64

زولة

يعني أصدق

حاتشوفوني في بيروت؟؟؟

Post: #67
Title: Re: مسابقة تانية.....خمن عملة السودان الجديدة !
Author: ابو جهينة
Date: 12-03-2004, 08:33 AM
Parent: #65

زولا
سلامات و تحايا

طبعا أكيد من الآن التشكيليين حيتسعدوا لمسابقة التغيير ..

و مع تقديري لمقترحات الزملاء و الزميلات فإنني أقترح :

أن يؤخذ في الإعتبار الآتي :
قطن الجزيرة ( الذي سند ظهر الخزينة العامة و لا زال ردحا من الزمن و له اليد الطولى في إقتصادنا )
صمغ الهشاب أو الصمغ العربي بالغرب الحبيب ..
ثروتنا الحيوانية بكل مناطقنا التي تنافس بكل جدارة الآن كما و كيفا
بلح الشمالية الذي ظل و لا زال سندا لكثير من الأسر و قام بتعليم آلاف الأبناء و البنات .
ثم هذا النيل الذي أرضعنا..
و تراب هذا البلد المعطاء ..
و إنسان هذا السودان ..

لو كنت رساما لرسمت لوحة تعبر عن كل هذه الإعتبارات ..
أما الإسم .. فأظن الجنيه سيظل ملتصقا بنا .. لأنه ثبت بالتجربة أن الدينار لم يستطع تحويل أنظارنا أو لفت إنتباهنا رغم كل هذه السنوات .. فظل الجنيه راسخا بإسمه تمتد الأصفار أمامه أو دونه ..

أرقدي عافية

Post: #73
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 11:33 AM
Parent: #67

ابو جهينة
يديك العافية على المجهود الكبير
وفعلا ممكن الملاحظات التي ذكرتها لشكل العملة تكون اهم من اسمها
لاكن زغت من السؤال الصعب, تفتكر حيختوا فيها صورة منو؟ البشير وقرنق؟

Post: #76
Title: Re: مسابقة تانية.....خمن عملة السودان الجديدة !
Author: ابو جهينة
Date: 12-03-2004, 10:01 PM
Parent: #73

زولا

معليش .. ما زوغة .. و لكن ما أخدت بالي كويس ..

و أظنهم ما حيضعوا أي صورة لأي مسئول .. حيكتفوا بوضع حاجات أثرية أو الحاجات التي ذكرتها أعلاه ..

تسلمي

Post: #71
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 11:30 AM
Parent: #65

المسافر العزيز
والله ضحكتني من جوه قلبي
دي جبتها كيف؟

طبعا نشوفك ببيروت ولازم من هلا تشتغل على حالك وتبدا دايت
على قولة تونيا مرعب
اما الصوت فماشاء الله ما محتاج شغل

Post: #70
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 11:28 AM
Parent: #64

الفاتح
نشوفك ببيروت على قولة المسافر

Post: #68
Title: Re: مسابقة تانية.....خمن عملة السودان الجديدة !
Author: عبدالماجد فرح يوسف
Date: 12-03-2004, 09:24 AM
Parent: #1

شنو يازولة النتائج متين عشان أنا حا أجي الأول
كان النتائج بعد العيد الكبير , نجيب معانا جلد الخروف؟
سودو

Post: #69
Title: Re: مسابقة تانية.....خمن عملة السودان الجديدة !
Author: ودالعباسية
Date: 12-03-2004, 10:28 AM
Parent: #68

الشلنار السودانى

الشل : دي جاية من الشلن بتاعنا زمان

نار : دي جاية لانو العملة بتاعتنا مع البترول دا ح تكون

مولعة نار

احتمال ولا شنوا ؟؟

Post: #74
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 11:35 AM
Parent: #69

ود العباسية
احتمال جدا !!
الشل لوحدها ممكن تكون كافية
مش اسم شركة منتجات نفطية عالمية؟

Post: #72
Title: Re: مسابقة تانية.....خمن عملة السودان الجديدة !
Author: zola123
Date: 12-03-2004, 11:33 AM
Parent: #68

عبد الماجد فرح
سودو والله لا تقل ابتكارا عن زولو
علينا انتظر قرار لجنة التحكيم
وفي انتظار اي خبر جديد

Post: #75
Title: Re: مسابقة تانية.....خمن عملة السودان الجديدة !
Author: Elhadi
Date: 12-03-2004, 07:08 PM

أهااااا يازولة فئة مهمة جداً كنتا حا أنساها ...

بـوش وأذياله !!

Post: #77
Title: Re: مسابقة تانية.....خمن عملة السودان الجديدة !
Author: waleedi399
Date: 12-05-2004, 08:56 AM
Parent: #1

زوله سلام ... جيت جاري ونفسي قايم كأنو اكتشفت الذرة

جريت ولفيت كثير ما خليت حته افتش لي في اسم لمن تعبت ... وفي النهاية لقيت لي ضل شجرة قلت اخد لي فيه تكيه كدا واقوم اواصل المسير ... وهاك يا نومه الحكاية جرت ... بس بعد شويه اشوف ليك وزير المالية ومعاهو جماعة كدا سألتو قلت ليهو ديل منو قال لي اول شئ الناس المشوا قبيل ديل ناس صندوق النقد الدولي وكان معاهم ناس منظمة العفو الدولية والامين العام للامم المتحدة والبوليس الدولي جايبين معاهم مصنع جديد لصك العملة الجديدة قلت ليه صندوق النقد الدولي عرفناهو، الباقين مالهم كمان دخلهم شنو قال لي ناس العفو جايين يقولوا للعملة القديمة شكراً ما قصرتي وعفى الله عن ما سلف، والامين العام شاهد عيان وناس البوليس الدولي ديل قالوا مصرين الا يحرسوا المصنع الجديد بتاع صك العملة لانو خلاص ما لقوا في الدولار الامريكي خير، وتاني وين الدولارات تشتغل مع العملة السودانية.

خلاصة القول قال لي وليد نحن في محل تشاور في اصدار عملة سودانية جديدة زي ما قريت الاخبار وعرفت كل التفاصيل المطلوبة، أها يا سيدي رأيك شنو أنا غايتو ما اترددت لحظة طوالي وفي الحال اديتو اسمين كمان بدل واحد نطط وفرح فرح وقال وجدتها.

بس كلمة شرتيت سوداني أو كنجالات سودانية رمز الاصالة عشان ما نجيب حاجة من بره شفتو دي أقامت الدنيا ولم تقعدها وامشوا شوفوا الحاصل قبل ما يفوتكم المولد يا جماعة، بس هو طماع شويه قال لي طيب الفكة نطلق عليها ياتو اسم قلت له قلت ليه ضحاكات وبعدين قلت ليه دي نخليها للناس الما شالو جائزة مشتقات العملة السودانية دي اخلي جائزتها ليكم يا جماعة ... السؤال تقترحوا علينا شنو يا زولا؟ والناس الذي لم يسبق لهم المشاركة فقـط !!!