من النيل الأزرق، نجوم الغد... هذا الطفل أفضل الواعدين بلا منازع

... بعث لي صديق عزيز بوصلة لتسجيل فيديو كتب معلقاً عليها...
I guess this is the most talented kid I've ever seen in my life
نقرت على الوصلة متلهفاً لمحتواها فكان أن وقفت على صدق عبارة صديقي! أترككم للاستماع للطفل الموهبة سعد الحاج والاستمتاع بأداءه الطروب ولكم أن تلاحظوا الدهشة التي ارتسمت ابتسامة رضا على ثغر الفنان حمد الريّح الذي كان حاضراً.

اضغط هنا للحفظ

سعد الحاج وقمة الاندماج...


الطفل الموهوب يمتاز بأداء حيّ وحضور مسرحيّ لافت...


الفنان حمد الريح بادي الدهشة والإعجاب...




أحمد الريّح

Quote: هذا الطفل أفضل الواعدين بلا منازع

والله لا افضلهم ولاحاجة

Quote: ولكم أن تلاحظوا الدهشة التي ارتسمت ابتسامة رضا على ثغر الفنان حمد الريّح الذي كان حاضراً.

و بعدين حمد الريح دا .....من الله خلقنا شايفنو فاتح خشمو كدي




بس.... اها

العزيز / احمد الريح

الود فنان فنان مافي كلام

بس الوصلة ماشغالة

والله العظيم مافيه اي كلام بس مشكلتو الوحيد انو جادي كدا في الغناء يعني زي صاري وشو كدا وحتى في احد الحلقات الجماعة قاموا بشروا فيه والله غير رفع ايدو وكانو مجبور
لكن صوتو مافيه كلام

سلامات يااحمد الريح
سعد ده صوتو مميز .. قوي في نفس الحلقة اتلكمت عنو الاستاذة امال النور واستاذ محمد الصافي واستاذ حمد بصورة كويسه ..
ولي قدام بيكون احسن كتير من الان إذا انتبه لي وصية الاساتذة ديل ..وفي مشكلة تانية ما عارف شكلو كيف حيكون بالآوركسترا الكاملة لانو معظم الاعمال الاتقدمت ليهو قبل كده بي الاورغ .. والكلام ده طبعا بيشمل كل النجوم الكانو في حلقة السنة دي علي النيل الازرق .. وطبعاسعد الدين الطيب وعمر القصاص متمكنين .. بس الله يستر من الورطه لي قدام مع الاورغنات الحايمة في السودان دي ..
في نجوم الغد العام الماضي .. كان في مجموعة نبوية الملاك صوت مميز جدا جدا فنان اسمو محمد موسي كنت منتظر اسمع ليهو اي اعمال في الساحة .. اختفي.. بديت اشك في فكرة البرنامج نجوم الغد طيب وينهم ؟؟
لكن كويس طالما انو في تسليط ضوء من بدري علي النوعية دي .. مع المتابعة والارشاد لي قدام بنصلح الحال..


يعني ممكن يكون ده بداية اسبوع المزيكا حسب الاتفاق القديم؟؟

عزيزي سجيمان
كلّ عام وانت بخير
ضيق مساحة العنوان أوقعني في خطأ التعميم الشائع، كان لزاماً عليّ الإشارة لأنّ سعْداً أفضلُ الواعدين بحسب وِجهة نظري الخاصّة، هذا فضلاً عن أنّ البحث المشروع عن عنوان جذاب للمقال دفعني دفعاً لذلك، دعني أعتبر قولك (والله لا أفضلهم ولاحاجة) اعترافاً منك بكونه أحد الواعدين بمستقبلٍ جيّد في فنِّ التطريب، فهل ترضى بهذا الاعتبار حدّاً أدنى نتواضع عليه؟
احترامي وودّي،
أحمد الريّح

ياسى جى
كدى قول بسم الله
الرجل الصغير هذا اداؤه كمثل بلح (ود لقاى) حلاوته تصيبك بال( عشرقة )
صحى حوا والدة
منعم الجزولى

والله الولد غناى ..
لكن بى صراحة رماز مـــــا بتنصاقع .
غايتو انا اخير من سجيمان شوية .. ممكن اصوت ليك تانى افضل واعد
رايك شنو يا احمد الريح فى سعد الطيب و عمر القصاص ؟
الاتنين ديل عاملين الموسيقى المعاهم دى كلها !
تقول اوركسترا .. مش ؟

صوته حيكون جميل اكتر

لانه واضح انه بيمر بمرحله المراهقه وتغيير الصوت لما يخلص المرحله
دي حيبان على حقيقته ويقطع لسانك يا دكتور

اذكر هنا جورج وسوف الذي بدأ صغيرا

كذلك حكت لي صديقتي فاطمه الالمانيه انه في المانيا
كان هناك طفل بصوت جميل جدا وفي فتره مراهقته امتنع عن
الغناء نزولا عند رغبه استاذه في تدريس الموسيقى الى ان عدى تلك الفتره

انا حقيقه جذبني اكثر ايقاعه موزون لدرجه



دستور يا احمد الريح

يا دكتور اعصابك

Quote: و بعدين حمد الريح دا .....من الله خلقنا شايفنو فاتح خشمو كدي

ثغر السودان الفاتح يا سجيمان

Quote: بس.... اها

عزيزي ود المايقوما
أرجو أن تكون تمكـّنت من الاستماع (والاستمتاع) لصوت سعد الحاج، ربما كانت هناك مشكلة برابط الأغنية لكن يبدو أنّها زالت الآن.
احترامي ،
أحمد الريّح

عزيزيkeiga2000

Quote: مشكلتو الوحيدة انو جادي كدا في الغناء يعني زي صاري وشو كدا

لعلّ هذا ما لفت الأنظار نحوه يا كيجا، السامع لصوت سعد الجميل أوالمشاهِد لأداءه الجادّ يظنّان أنّهما يستمعان لفنان ذو خبرة ما عاد يهاب الأضواء والكاميرات (ما شاء الله)، وبالمناسبة فإنّ الفنانين السودانيين ذوي الحضور المسرحيّ الجذاب قليلون كما أرى، البون شاسع بين الراحل خضر بشير وعبد الله البعيو والباقين، وعلى أيّة حال فإنّ سعداً ب(صرّة وجهه) هذه أفضل من عوض الكريم عبد الله الذي كلما أراه أحاول -عبثاً- إقناع نفسي أنّه لا يغنّي مرغماً !!


احترامي،
أحمد الريّح

والله صدقت
مو جني نصاح
ربنا يخليه يا رب

نتمنى ان لا يتغير صوته كما تغير صوت عبدو الغير وحنان الصغيرة وازهري الأمين
والحكم سابق لأوانه.
جني

Real Outstanding performance.. is he that good on other songs??

هل توجد كلمات هذه القصيدة كاملة؟؟

عزيزي تمبس
تحيّة طيّبة
الأورغ سلاح ذو حدّين، إذا أجاد العازف به الأداء وأحسن اختيار النغمات بدا اللحن -ومن ثمّ الأغنية- في ثوب قشيب والعكس تماماً، أكثر ما يميّز سعد الدين الطيب وعمر القصاص الانسجام لدرجة تجعلك تشعر بأنّهما عازف واحد! ظهور خامات صوتيّة واعدة كسعد الحاج ورماز ميرغني وغيرهما يضع الكرة في ملعب شعراء الأغنية والملحنين لمدّهم بأعمال ملائمة جيّدة الصياغة واللحن، أّما اتفاقنا الذي أشرتَ إليه عن أسبوع للموسيقى وآخر للظلاميّة فأفضّل عليه اعتبار الموسيقى والرياضة أساساً للكتابة مع وضع أسلحة الجهاد في وضع الاستعداد ثمّ قدح الزناد في يوم المِعاد !!
أحمد الريّح

الإخوة Gazaloat ،esam gabralla ، حبيب نورة،وJini
سعيدٌ أنا بذوكم الذي وافق ذوقي الذي طالما وصفه أترابي بالكلاسيكيّة والميل للتقليديّة وكنت -ولا زلت- راضياً بهذه الصفات، راجعوا تعقيبي هذا...
Re: ما بين طالبات الطب وزيدان ابراهيم ..!!
احترامي،
أحمد الريّح

Salam Ahmed Elrayah and all

The kid is definitely good. His vocals are strong and he had a very confident performance but I think he needs to develop his own identity and stay away from trying to mimic somebody (I felt a little Magzoub Ounsa or something in his performance.. whose song is this anyway? ) Rimaz’ performance is definitely more entertaining.. she is a natural

Ba3dain into al7agat di betgiboha min wain?? Are these videos published on any website at all? Badal ma tabaowizo a3sabna kida wta7inno 3alina bai post kul isbou3

tmbis
fi shoghoul bita3 piano magnoun fi al background ma azino fat 3aleik.. Saad Altayib da ma aftakir fi zoul garrab mino.. except may be Waleed.. the guy who plays with him fi alsamandal now.. walla shno

khalid

الأخت/ راوية
تحيّة طيّبة
وكلّ عام وأنتِ بخير
قولك...

Quote: أنا حقيقة جذبني أكثر إيقاعه موزون لدرجة

... يدلّل على موهبة سعد الفطريّة، أتمنّى الاستماع له في عمل آخر يشكّل اختباراً ثانياً لقدراته الصوتيّة بعد أن اجتاز الاختبار الأوّل بنجاح -كما أرى-، أعتقد أنّ أغنية الحقيبة (لحظة الجراح) محكّ حقيقيّ له ولكلّ فنّان لطول جملتها الموسيقيّة،
وأخيراً فإنّي -بصراحة- لم أفهم المعنى المقصود من كلمة دستور هنا لكنّي أجزم أنّها لا تعني ال Constitution الواحد ده !!

احترامي،
أحمد الريّح

شكرا للأخ احمد على هذا البوست وللأ خوان المتداخلين فيه
فالشاب الصغير سعد الحاج لا يزال في الصف الأول او الثاني الثانوي وقد فاز بالمركز الاول في الدورة المدرسية على المستوى القومي في مجال الغناء وقد استمعت اليه مرارا من خلال برنامج اصوات وانامل وفي اغنيات لفنانين مختلفين وارى انه موفق الى حد كبير في ادائه بالنظر الى حداثة سنه.

كتب ود المايقوما

Quote: العزيز / احمد الريح الود فنان فنان مافي كلام بس الوصلة ماشغالة

وكتب Sudnawi

Quote: Ba3dain into al7agat di betgiboha min wain?? Are these videos published on any website at all? Badal ma tabaowizo a3sabna kida wta7inno 3alina bai post kul isbou3

وتعقيبا على ما كتباه اقول :

قمت بتحميل الاغنية في احد المواقع التي تتيح تحميل الموادالسمعبصرية- ووضعته في بوست الاخ طه - ولكن يبدو ان هناك مشكلة صغيرة هي التقطيع الحادث عند التشغيل ولا اعلم كيف يتم حلها ، فتشغيل الاغنية في الموقع نفسه لا يكون فيه تقطيع ولكن عند وضعها في المنتدى يحدث التقطيع احيانا .لكن شيء خير من لا شي فهناك ندرة في المواقع التي تتيح تحميل المواد السمعبصرية خاصة مواد الفيديو لأن حجمها كبير
واقول للأخ سوداني ان وضع الاغاني في المنتدى هو اجتهاد شخصي من بعض الاخوة الذين يحرصون على ان يشاركوا اخوانهم واخواتهم بنشر هذه الاغاني هنا ، فعملية وضع اغنية فيديو هنا ليست سهلة تبدأ بتسجيل الاغنية من التلفزيون ثم نقلها الى الكمبيوتر ان لم يكن يتوفر لديك برنامج للتسجيل على الكمبيوتر مباشرة ثم تأتي مرحلة ضغط الأغنية ببرنامج آخر ثم تليها مرحلة التحميل في موقع لتصبح جاهزة للنشر هنا .

بقي ان اقول ان لدي بعض التسجيلات القديمة للفنان الشاب سعد الحاج سأحاول وضعها هنا حتى يتمكن الناس من التعرف على تجربته وامكانيات صوته وأدائه وتقييمها .
مع كل الود

Sympatico
shokran 3ala al ifada... i know that uploading these files is a burden, i was just hoping that maybe somebody uploaded more of them somewhere. i really appreciate you doing this cause i don't have access to blue nile TV , and the only way i get this good stuff is through sudaneseonline and some other sites

the song is playing fine on DSL.. ma fi tagtee3

thanks again for the post

Khalid

Quote: وأخيراً فإنّي -بصراحة- لم أفهم المعنى المقصود من كلمة دستور هنا لكنّي أجزم أنّها لا تعني ال Constitution الواحد ده !!

الاخ احمد الريح

شكرا على الرد وياريت القى طريقه اسمع (لحظك الجراح) بصوت سعد

اما كلمه دستور فهي لاتعني (كونستيتوشن) زي ما قلت

وانما هي عباره منتشره في الاوساط الشعبيه المصريه وتقال حين اقتحامك خلوه احدهم او مكانه الخاص

ويمكنك احلالها باي عباره للتحيه تعجبك

ودمت

ودام الاحترام

راويه العباسي

الأخوة المشاركون

تحية طيبة

حسب طلب الأخ صفوت، اسمحوا لي أن أورد كلمات الأغنية كاملة ، ونبذة عن شاعرها، علما بأن الأغنية كما هو معروف سجلها المرحوم النعام آدم للإذاعة، وغناها أيضا عدد من فناني الطمبور.. وغناها كذلك بعض الفنانين الآخرين ، آخرهم على ما أذكر الفنان عامر الجوهري.

ولكم خالص التحية

مامان

لا شوفة تبل الشوق ولا ردا يطمّن
أريتك تبقى طيب إنت ، أنا البي كلو هين
قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن
بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن
ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن
بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن
قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن
قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن
وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن

نبذة عن شاعر الأغنية

هو الأستاذ محمد سعيد دفع الله، من مواليد القرير بالولاية الشمالية. تخرج في كلية الآداب بجامعة الخرطوم عام 1972م .. عمل بالاذاعة السودانية من عام 1972 الى عام 1983م .. ورأس قسم الثقافة وقدم العديد من البرامج.. يعمل الآن مصححا بمؤسسة الجزيرة الصحفية للطباعة والنشر بالرياض.. له عدة أغان بأصوات كبار فناني الطمبور وأغلبها من ألحانه وأشهرها أغنية الطيف التي غناها الفنان محمد كرم الله وأغنية الزول الوسيم التي غناها المرحوم الفنان النعام آدم. له ديوانين مطبوعين هما (أبو التي تي) و (الصدى).

أحمد الريح تحياتي
الأخ مامان
لا فُض فوك يا عزيزي عن النص الشعري و تعريف شاعره

مامان
شكرا على كلمات الاغنية وعلى المعلومات القيمةعن الشاعر الأستاذ محمد سعيد دفع الله، وياريت والله لوتتم جميلك وتلحقنى بكلمات أغنية الطيف، لى زمن بفتش ليها والله

تسلم

ابوبكر

البوست دا شكلو كمين ..

الأخ/برهان تاج الدين
من الصعوبة بمكان عليّ كمتلقٍّ هاوٍ مقارنة صوتي سعد ورماز وكلّ ما أقدر عليه إبداء الإعجاب بصوت هذا أو صوت تلك، وكما ذكرت لسجيمان فقد كان لزاماً عليّ الإشارة لأنّ سعْداً أفضلُ الواعدين بحسب وِجهة نظري الخاصّة، ولا يفوتني الثناء على صوت رماز وأداءها الجميل لأغنية أنا في شخصك بحترم أشخاص،
احترامي،
أحمد الريّح

الأخ/ Sudnawi

Quote: felt a little Magzoub Ounsa or something in his performance

أعتقد أنّ من يتعرّف على وجه الشبه بين سعدٍ ومجذوب أونسة يستحق جائزة لقوّة ملاحظته!! أنا عن نفسي فشلت في ذلك... الباب مفتوح للجميع.

Quote: Are these videos published on any website at all

السؤال محوّل للزميلين تمبس وراكوبة، فقد بعث لي صديق بهذا التسجيل كما أشرت.

احترامي،
أحمد الريّح

كلمة حق يجب ان تقال ..

وحقيقة اثبتتها الصحف الفنية ..وبدليل الكلام الكثير الذ ي يدور عن هذا الفتى الذهبي.. في كل مجالس السودانيين..
هذا الفتى لم يتفوق على اقرانه في نجوم الغد فقط ... لكنه تفوق على الكثير من الفنانين الموجودين الان في الساحة .. حتى من قبل مولده ..
انه اسطورة غنائية قادمة وبقوة .. انه اقرب للمعجزه ..

فليحفظه الله ... ويهيئ له الاشخاص المؤهلين لتنمية مواهبه الكبيرة ..

مامان... الف شكر علي المعلومات...

انا شخصيا عجبتنى الفكرة
واعجبني التحول في الايقاع من الدليب الى الريقى لايمانى التام بان الحركةوالرقص هما اساس التعبير والغه..لكن ياجماعة الدليب برضو ايقاع راقص..
الصبي الموهوب كان محاولة جادة.. الاان في هذا الزمان الذى ضاعت واندثرت فيه هويتنا السودانية والتى كنا نعتز بهااختفت الجلابية البيضاءوظهرت جلاليب لاعين رات ولا اذن سمعت.. الثوب السودانى صار حجوة تحكى.. المك نمر صار صيدلية كما قال د معز بخيت وما بين زيدان وطالبات الطب الذين لايعرفون الفرق مابين العندليب وقيقم... فنحن من لازمهم الخوف من المسخ وفقدان الهويه نسال موسيقينا بالله ان يحافظوا على ايقاعاتنا المتفردة والتى ليس لها مثيل كايقاع الدليب اللهم هل بلغت..

Ahmed Elrayah

algayza talga laina another performance for this guy

Sumah

salam.. i don't think i heard this song in daleib before, but i can imagine how would it be if played in daleib. if the original rythem was daleib, then whomever converted it to raggae is a good musician.. listen to the piano fill- ins at the background.. it gives the same daleib feeling

walla shno ya tmbis

Quote: نبذة عن شاعر الأغنية هو الأستاذ محمد سعيد دفع الله، من مواليد القرير بالولاية الشمالية. تخرج في كلية الآداب بجامعة الخرطوم عام 1972م .. عمل بالاذاعة السودانية من عام 1972 الى عام 1983م .. ورأس قسم الثقافة وقدم العديد من البرامج.. يعمل الآن مصححا بمؤسسة الجزيرة الصحفية للطباعة والنشر بالرياض.. له عدة أغان بأصوات كبار فناني الطمبور وأغلبها من ألحانه وأشهرها أغنية الطيف التي غناها الفنان محمد كرم الله وأغنية الزول الوسيم التي غناها المرحوم الفنان النعام آدم. له ديوانين مطبوعين هما (أبو التي تي) و (الصدى).

أنا بتعجبنى نوع الكتابه دي right to the point

طبعا كتاب آخرون عشان يوصلوا لينا دي لازم يكتبوا كتاب وزنه رطلين


Brother
maman

Please keep writing
Love u bro

Kostawi

Quote: وياريت والله لوتتم جميلك وتلحقنى بكلمات أغنية الطيف، لى زمن بفتش ليها والله

الأخ أبو بكر علي

حسب طلبك لكلمات أغنية الطيف

الطيف  محمد سعيد دفع الله

حتى   الطيف   رحل   خلاني   ما   طيّب  لي  iiخاطر أما   النوم   أبا   وجافاني   ..   وأصبح  داجّي  iiساهر قليل  يا  طيف  أقيف  وأرجاني  ..  وين  فايتني  iiعابر شن   حارس   وراك   أنا   تاني..  ياني  معاك  iiمسافر لا لا .. لا تقول لي .. كدي استناني.. أمشي وأجيك باكر يبقى   أنا   ما  ألم  فيك  تاني..  مين  عارف  المصاير هاك   اسمع   رنين   ألحاني   ..  وأبقى  معاي  iiسامر خفف   لي   قليل   أحزاني  ..  ياما  أنا  عشت  صابر شوف   كيفن   يسوي   زماني   ..   ديمة  علي  iiجاير آه   مر   العذاب   وراني   ..  سهمو  في  قلبي  iiغاير شوف  الليلة  كيف  بستاني  ..  دا  الكان  باشّي  ناضر من   حر   السموم   بيعاني   ..   طيرو   يفر   iiيهاجر جفّ   يبس   صبح   صناني   ..   لافح   حرو   iiكافر عدمان   الضليل   سواني   ..   مجنون   قالوا   iiشاعر كل   ما   تمر   تعدي   ثواني  ..  منو  اسراب  iiتغادر رحلوا   الفيهو   صر   وحداني  ..  نازل  ومرة  iiسادر أحوم  ..  أرجع  ..  أصد لبكاني .. مقطوع راسي حاير وين   أحبابي   وين   خلاني   ..   آه   يا   الله   iiقادر ما   عارف   العلي   تراني   ..   فوق   كرعي  iiساير وأسكت    أسوي   في   أوزاني..   أشعار   مالا   آخر وإت   ياطيف   عليك   أحزاني   ..   ليّ  شوية  iiكابر عشان   خاطر   قليبي  عشاني..  لحظات  بس  iiتخاطر

صورة حديثة للشاعر محمد سعيد دفع الله (اضغط الرابط)


http://www.arab7.com/up/file/1101932453598.jpg

ياسلااااام
بالله القصيدة دى فيها الكلام الحنين ده كلو ? طيب ليه الجماعة لما يغنوها بختصروها لينا كده!!!!

كتر خيرك يا مامان. لاعدمناك. و الله إديك العافية
وربنا يحفظ لينا مبدعينا أمثال الشاعر محمد سعيد دفع الله

أبوبكر

بحثت فى الانترنيت عن اغنية النعام ادم (لا شوفتن تبل الشوق) بصوته
فلم اعثر عليها، ولكننى وجدت بعض غناء النعام فى هذه الوصلات


http://scsnap.com/music/Nam_Adam_ruhiferadkum.mp3

http://www.anwarking.com/music/aln3am%20adam/n3am.html
وهاكم دى عيدية
http://scsnap.com/music/fargone_al3yoon.mp3

لقد لاحظ سودناوى ان صوت هذا الصبى ( سعد الحاج) يشبه مجذوب اونسة. ولكننى اعتقد ان فيه شبه من فنان توتى ابراهيم خوجلى، الذى كان يغنى بالماندولين فى الثمانينات. والله اعلم!

احمد الريح الجميل
...بالله شعب فيه زى الطفل الجميل ده مش حرام يحكموه الجماعة ديل

خلص يا مخلص!!!!!!!!!!