Post: #1
Title: مـلــعوبة يا بكــرى ....و مرحــب بالـجـمـيع .
Author: برهان تاج الدين
Date: 11-27-2004, 08:59 AM
اولا الحمد لله حمدا كثيرا باننا قد صرنا سناير فى هذا الحوش .
و هاهى جحافل البرالمة بعدنا تترى زرافات ووحدانا على الحوش .. الذى ضُربت حيطه بوهية و غيروا لمباته و رجعوا المسنجر .
دة من ناحية ..
الناحية التانية شايف التشكيلة ماشاءالله .. طاااعمة و ناعمة ..
بصراحة جندرياتنا هنا صعبات شوية ..
يعنى الواحدة تخش معاك شكلة ... تختوا معاك قرض .. لمن تامن .
ما فى حاجة اسمها دمعتين تلاتة .. و ما متخيلاك تقول لى حاجة زى دى .. اهى .. اهى .
و تقوم انت تكره نفسك و تعتذر و تحنس اكان غلطان و كان ما غلطان .
ما فى كلام زى دة .. دواس لمن تقول البت دى جنت ولا شنو .
لا .. و كمان يجوك اتنين تلاتة طايرين من ناس ( غرائب الابل ) و ما تعرف نفسك زاتو شاكلت منو ولا صالحت منو
اح ح ح ح ح ..... استغفرتك يا مالك روحى ..
الناحية التالتة والاخيرة .. مرحب بيكم كلكم .. أو .. جت .. من دون فرز .
عارفين كلها شهرين تلاتة و بعداك عضلات تبش .
.. برضكم حللتم سهلا .. اثناء خطوات التنظيم .. و بعد ما تنفرزوا 
الناحية الاخيرة :
رودا .. دينق .. دكين .. طال غيابكم
غايتو لغاية شهر 12 .. كان ما جايين تعالو دربوا ليكم اتنين تلاتة من هنا و بعداك شتتوا وين ما دايرين
|
Post: #2
Title: Re: مـلــعوبة يا بكــرى ....و مرحــب بالـجـمـيع .
Author: شمهروش
Date: 11-27-2004, 09:40 AM
Parent: #1
برهااااااااااااااااااااااااااان
انا زاتي جيت ارحب معاك بالجماعة الجداد
ونشوف الشاعر فيهم والموهبة وين؟؟؟
الخووووووف يطلعوا خوازيق زي العندنا
ونكون فسرنا الماء بالماء بالجهد بالبلل
|
Post: #4
Title: Re: مـلــعوبة يا بكــرى ....و مرحــب بالـجـمـيع .
Author: برهان تاج الدين
Date: 11-28-2004, 06:12 AM
Parent: #2
شمهروش ازيك
غايتو شكلهم حلوين و ظريفين .
خصوصا بعضهم من ذوى الخبرة .
و لى قدام .. على قول بكرى .
|
Post: #3
Title: Re: مـلــعوبة يا بكــرى ....و مرحــب بالـجـمـيع .
Author: محمد الامين احمد
Date: 11-27-2004, 11:15 AM
Parent: #1
تحية طيبة للجميع
طبعا يا برهان نحن دفعه
اسمع بعد كده مفروض نعمل رابطة ، نحنا بقينا سناير كده
اهه رأيك شنو ؟
بس ناس دفعتنا وين ؟
و مرحب بالقادمون الجدد مرة آخرى
تحياتى
|
Post: #5
Title: Re: مـلــعوبة يا بكــرى ....و مرحــب بالـجـمـيع .
Author: برهان تاج الدين
Date: 11-28-2004, 06:17 AM
Parent: #3
محمد الامين
ازيك يا دفعة .
ناس دفعتنا تفرق دمهم بين القبايل .
و معاك للطيش . .. نعمل لينا رابطة
اهو برضو كوم جديد
|
Post: #6
Title: Re: مـلــعوبة يا بكــرى ....و مرحــب بالـجـمـيع .
Author: Sidig Rahama Elnour
Date: 11-28-2004, 07:03 AM
Parent: #5
رابطة جيل ماقبل الحداثة
برهان
شمهروش
محمد الامين
من دفعتكم ، ويرحب معكم بالجدد .... أسم الرابطة كيف بالله ؟
|
Post: #7
Title: Re: مـلــعوبة يا بكــرى ....و مرحــب بالـجـمـيع .
Author: برهان تاج الدين
Date: 11-28-2004, 07:25 AM
Parent: #6
اهلين صديق
منور البوست
| Quote: رابطة جيل ماقبل الحداثة |
الاسم عندك لاكين .
الجماعة تحت تحت مسمننا دفعة الواسطات ...
عشان كدة نقرط عى بتاعت الحداسة دى
بعدين شمهروش دة رانكر يا دفعة ..
مااااا تكبرنا ساكت .
|
Post: #8
Title: Re: مـلــعوبة يا بكــرى ....و مرحــب بالـجـمـيع .
Author: شمهروش
Date: 11-28-2004, 08:13 AM
Parent: #7
برهاااااااااااان
اخوي عليك حنس حسادة
ماتخليني اتهناء بجيل ماقبل الحداثة دي
في داعى لي كشف الحال.........
اي عارف روحي كبير اها ارتحتا
لووووووووووووووووووووووووووول
|
Post: #11
Title: Re: مـلــعوبة يا بكــرى ....و مرحــب بالـجـمـيع .
Author: معتز تروتسكى
Date: 11-28-2004, 09:59 AM
Parent: #7
برهان عزيزنا ازيك يارفيق000
اخبارك وصحتك 00
اولا زكرتنى بى حكاية الحداثه دى ايام الجامعه والحزب (x) الحداثه والتنوير والعقلانيه كانت عجبانى مشيت كتبتها لى واحد صاحبنا فى باب صالوننهم بى جوه هو شويه ابوه صعب شاف الكلام قال ليهو ده شنو صاحبى قال ليهو ماعارف قال ليهو طيب كلام الشوعين ده الجاب شنو هنا00
كل ما يلقانى يقوم يسب لى يقول لى يامان نحن شوعين من منازلهم او (تحت الارض) ماداير حكومتنا دى تعرف (يقصد الوالد) وانا اضحك0000
ثانيا00
بعدين شمهروش دة رانكر يا دفعة ..
مااااا تكبرنا ساكت .
رانكر دى جبتها من وين ؟ يازميل المصطلحات دى عندى بالكوم (رانكر- دلقنجى- مسبتاتى-ووالخ) اسمع انت كنت فى الديش هههههههه00 عارف انا ممكن اتكلم معاى بالمصطلحات دى والشباب ديل مايعرفو شى (ياخرته) لووووول000
ثالتا رابطتك دى اتجاه يسار ولا يمين عشان نحدد وجهتنا وبعدين من دخلتو فيها شمهروش دى الدم بجى الركب (امنجى سابق وكوز وظلامى لووووووووووول) ماداير معاكم انا لليوم ساكيهو يورنى شمهروش دى شنو ما داير يقر يمكن يكون مصطلح امنجى مالو نسخف شويه00
رابعا00 محمد الامين ده من معاكم ماداير محل ما امشى بوست القى الجنى ده فى وشى احىىىىىى منو بس الم فيهو 0000
خامسا 00اعملو ليكم رابطه واعملو ليها موقع عشان نجى نهكرها ليكم0000
|
Post: #9
Title: Re: مـلــعوبة يا بكــرى ....و مرحــب بالـجـمـيع .
Author: محمد الامين احمد
Date: 11-28-2004, 08:37 AM
Parent: #1
تحية طيبة للجميع
اخونا برهان
كلام جميل ، نحن نعمل رابطة سرية
اول حاجة نعمل الرابطة و بعد داك نتبنى موضوع
مكسب معاك الكلام ده ؟
و بعدين شمهروش ده نخليهو المستشار بتاعنا (خبرة)
صديق رحمة النور
اسم (تقيل) و جميل نختصرها بـ (رجمقا) او RJMGA
تحياتى ، و مرحبا بالقادمون الجدد
|
Post: #10
Title: Re: مـلــعوبة يا بكــرى ....و مرحــب بالـجـمـيع .
Author: شمهروش
Date: 11-28-2004, 08:44 AM
Parent: #9
| Quote: و بعدين شمهروش ده نخليهو المستشار بتاعنا (خبرة) |
يادوبكم الرحتوا شمار في مرقة........
المستشار دا مشبوه... وامنجي سابق وكوز وظلامي بتقدروا على اللعب التقيل دا
|
Post: #12
Title: Re: مـلــعوبة يا بكــرى ....و مرحــب بالـجـمـيع .
Author: محمد الامين احمد
Date: 11-28-2004, 12:03 PM
Parent: #1
سلااااااااااااام
Quote:
المستشار دا مشبوه... وامنجي سابق وكوز وظلامي بتقدروا على اللعب التقيل دا
|
بالعكس كده مكسب، كان اتزنقنا نقول كولو منك و نديها جكه واسعة
اخونا معتز
يا اخى انا صاحب الفكرة، انت شكلك كده معارضة
معارضة قبل ما نعمل الرابطة غايتو جنس حاله
|
Post: #13
Title: Re: مـلــعوبة يا بكــرى ....و مرحــب بالـجـمـيع .
Author: برهان تاج الدين
Date: 11-29-2004, 01:08 PM
Parent: #12
تروتسكى .. مشتاقين ياخى .
انت و شمهروش سجلناكم معانا
واحد نلعبو فردة يمين و التانى فردة يسار
-----------------------------------------------
نهلة رسلت لى مسج فى الموبايل
( كدة برضو يا نغمة* ) ...!
قدر ما حكيت راسى ما فهمتها .. ضريت ليها قالت لى ( ابدا ولا حاجة .. فاتحة سودانيز شايفة تروتسكى شابكك يا رفيق .. جاب اخرك )
لوووووووووووووووووووووول
شكيتك على الله يا معتز
-------------------------------
*نغمة دى احسن مرتبة من (جو)
.. فالنغمة لا تتغير الا بعد فترة
شفت المحن دى ...!
|
Post: #14
Title: Re: مـلــعوبة يا بكــرى ....و مرحــب بالـجـمـيع .
Author: برهان تاج الدين
Date: 11-29-2004, 01:13 PM
Parent: #13
اسمعوا يا دفعة
موضوع الرابطة ده ابتدا خلاص ما فى مشكلة ..
اهم لكن اهم خمسة حاجات فى الرابطة ..تلاتة .. اللى هم :-
- الاشتراكات
-التبرعات
حسة ح ارسل ليكم رقم الحساب . شيكات ما معانا و كريدت كارد و فلهمة برضو ما معانا .
|
Post: #15
Title: Re: مـلــعوبة يا بكــرى ....و مرحــب بالـجـمـيع .
Author: معتز تروتسكى
Date: 11-29-2004, 01:43 PM
Parent: #13
الريس ابو حميد 00
وحاتك ابقى ليكم معارضه تتطلع د…. 00الا كان تصفونى 00ووكان صفيتونى الكوادرا السريه مابتريحك حنشتغل تفجيرات قايتو تشيلوا شيلاتكم وما تقول انت الرئيس اى شى معارض 000
رفيقنا برهان000
لووووووووووووووووووووووول00 
وحاتك الاستاذه نهله عرفتك ليك كيف نحيها من هنا المناضله (الرفيقه هى كمان) الزميله 00
شفته بنجيب اخرك كيف والكلام ايضا موجه للسيد الرئيس (حماده)000
وكمان لحدى ما اخت يدى فى يدكم ونعمل وائتلاف دايركم تجرجو شمهروش ده وتورنى شمهروش دى شنو معناها شنو؟
يلا يازميل فتك بعافيه
|
|