Post: #1
Title: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-05-2004, 07:51 PM
كان يردد قول ما ..
’خلقت من ضلع اعوج وهأنذا استمتع باعوجاجك الجميل
لم تعره اي اهتمام
واصلت رقدتها المريحه بتقوس الجسد مع انثناء (الضلعه) المعنيه
والتفاف ثوب ال..
منذ بدء الطين والعلاقه متوتره الي حد كبير بين الرجل والمخلوق الذي يليه المدعو المرأه ..ويتصاعد التوتر بكثره التوالد واختراع المذياع وتوليد الطاقه الكهربيه ..واكتشاف العلاقه ما بين الايدز واللون الاسود..ومن ثم
اكتشاف الطاقه الكامنه في المرأه ومنع صدور الصحف السياسيه ثم الحزبيه
ثم اليوميه ..
عموما
ما يخصني في توتر العلاقه هنا هو التوتر الحاد لعلاقتي المباشره بضلعي الاعوج
ومحاوله اثبات التقوس الجميل له بدل الاعوجاج المنسوب
اما بعد
اعلم ان الله كريم جداا
اعلم ان المرأه كائن طيب ومزاجي ايضا
اعلم ان الرجل محتمل الي حد العشق
ويصعب احتماله احيانا
المساله هنا لا تعدو سقوط الحلم من علو شاهق جداااا
نعود لمساله الطاعه
واقول هنا قولي واستغفر الله ايضا
اني اطيع الله
واطيع الرجل متي ما اطاع الحب
يقول
ان للحب واجبات و حقوق
واقول نعم
يقول اولها الطاعه
فيجب..
تزعجني جدا( يجب)
لا يجب الا ما يجب’ الحزن عن قلبي وعني
يجب ان ..
نعم يجب ان نحب بعضنا كثيرا
يجب ان تفعلي ..
ولماذا يجب علي ان افعل
لماذا لا احب ما افعل
ببساطه
احبك
احب ما تحب
احب ما تفعل
وافعل ما تحب
** محور( لن ) يتم نقاشه بعد..
اقول.. ان الحب (والزواج) مبني علي الاخلاق
يقول ..وما الاخلاق ..الاخلاق مبنيه علي الدين
اقول ..وما الدين
الدين كما اراه هو تنظيم للاخلاق الحميده و تكثيف الدعوه اليها بذكرها بصوره مقدسه فالاسلام حينما اتي ابقي علي الطيب من الاعراف والتقاليد..
خلاصه الامر عندي
اذا كنت ذو خلق بالتالي الوازع الاخلاقي والديني يمتلك زمام امرك
المحير جدا في الامر اني اعتقد ان الامر سيان
كيف
لا ادري
الدين يحتوينا ولا يضيق بنا ..
المشكله في ضيق احدنا بالاخر
اما بعد
واصلت رقدتها المريحه بتقوس الجسد مع انحناء (الضلعه) المعنيه
والتفاف ثوب النوم العميق وهي تتمتم باسي..
الليل اعوج من دروب الامنيات
وغدا درب عديل ..
|
Post: #2
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: بدرالدين شنا
Date: 11-05-2004, 09:31 PM
Parent: #1
المتفردة توما
سلامي وإحترامي وإشتياقي وإنزعاجي لغيابك
Quote: اما بعد
واصلت رقدتها المريحه بتقوس الجسد مع انحناء (الضلعه) المعنيه
والتفاف ثوب النوم العميق وهي تتمتم باسي.. |
هسع ياجماعة كان مو عوج ضلع ساكت في بعد هنا؟؟؟
كتابة عدييييييييييييييل كدا
الله يخضر ضراعك ويحبِّر يراعك ويعدِّك ضلاعك
|
Post: #3
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: ABU QUSAI
Date: 11-06-2004, 00:39 AM
Parent: #2
|
Post: #4
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-06-2004, 11:44 AM
Parent: #1
بدر الدين نشاه
سلام واحترام
وكم طولناكم طولنا
عساك طيب
وكيف رمضان معاك
انت يا بدر الدين دحين النسعلك خبارك بتقول لي تعالو نسوي البوست
اليومي داك وتفوت ولا حتي تودع ساي
مالك كده فجاه بقيت نسااي؟
تر تا تيرا را
|
Post: #5
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-06-2004, 11:47 AM
Parent: #4
وغدا درب عديل باذن المولي
شكرا يا ابو قصي
|
Post: #7
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-06-2004, 12:23 PM
Parent: #5
حدثتني حلوم كثيرا قصيد وغناء عن زيدان
وغنينا في كثير من الامسيات مع انقطاع الكهرباء وبمعيه جردل او باقه
يا قصر الشوق لو هداك حبيبك ومره ليك صد
ونردف بلهفه محبه انو دي ما النهايه
وببنيك بغلاوه الريد محال انــــــا قصري يتهد
اي يي يــــأ
لا لا
لا لا لا لا
ونسكت حبه في الضلمه وكل يبكي علي حبيبه الغائب
وفجاه تدندن هي وكانما يغنيها الحبيب
يا غاليه يا زينه حياتي
واردد مشتاق لشوفتك لي زمن
وبس.. نسكت كمن اصابه الزمن
يكمل الاغنيه بعدها زيدان في الخيال
بعد قليل نحكي عن الحفله الكانت في القاعه
ونحن لا نبالي بالحر البسلخ ولا بالكم المهول للاولاد
المدفوسين في شباك التذاكر ..اقصي ما يحركنا هو ان خلف هذا السور للقاعه
سيغنيا زيدان العندليب الاسمر ..فئه التذكره ثلاثه الاف جنيه
احب جدا شترتي ل..بالي مشغوول يا حبيبي
ليك اعود والقاك متين
وحلوم تكورك وووب ..حرام عليك
واواصل غير مباليه
وقلبي زايد في حنينو
اصلو قلبي عليك حنين
واستعدل اللحن قليلا هنا في المقطع المفضل
وقلبي يتعود ودادك
وين يلاقي سواك وداد
وكيف يطيق طوووووول الليالي
لما يغشاني السهاد
لما يتذكر لقانا
في ربوع ام در هناك
اها بعد ده بخليها لحلوم عن طيب خاطر لانو فعلا بتغلبني
زهره الاغاني زمان كانت اهم مقتنياتي بالاضافه لثروتي
المدسوسه في علبه الماكنتوش الفاضيه المليانه حلقان وبلابل وتوك
والقروش المختوته تحت الرف في الدولاب
من اقسي الاحداث في ذاكرتي الطفوليه
شكله مع اختي وشرطت لي فيها زهره الاغاني نكايه فيني
طبعا انا ما عارفه لي موقف احر من ده الا موقف واحد اخونا
كان داسي نصيبو من الباسطه في التلاجه للصباح وجهز الشاي
وخت جنبو الباسطه ولسه بتمطق جا ود عما ليهو ماري مد
يدو وشال الباسطه ببساطه شديده ودخلها في خشمو وقال الله
باسطه جميله وذاك الطفل البائس الجمته الصدمه
كل المعني هنا انو اليوم وبدون سابق معرفه
فتحت التلفزيون واذا بزيدان حبيب حلوم يصدح
مشتاق لشوفتك لي زمن
قلت ليهو وانا كمان والله يا زيدان
ويا سلاااااام علي زيدان
في معيه السر دوليب
وشاعر الدرب الاخضر وعذبني وزيد عذابك اللهو
بعد فلهمتي دي نسيت اسمو
لكن طبزها ناجي الالم ده بحضوره الزي التونه ده
طبعا ناجي ده براه كده ما بتقدر تحضرو
ياهو الا ربنا يرزقك بزيدان الجميل يغني
اكتر حاجه بايخه انو التلاته الحضور كانو قامات
ومافي ولا واحد منهم لقا فرصه يعبر عن نفسه بصوره جيده
واسئله المذيع بياخه شديده
وناجي ده بسال بسرعه وكمان يستعجلك في الاجابه ويقاطعك
طيب هو عازمك تجي ليه
ما علينا منو لانو كنت مركزه مع زيدان جدا
وهو بغني لاسماعيل حسن اللطيف ربنا يرحمه
قول لي ليه ماخد في خاطرك
انت ليه ماخد في خاطرك
من كليمه
وبالغلط جات في لساني
كبروها الناس عشان تزعل تفوتني
ويوم تفوتني
مين بيسال عني تاني
وزيدان بالجد بحسسك انو الكليمه جات بالغلط
قال جمله كده انو هو يهتم بلحن الكلمه وليس الاغنيه ككل
وفعلا زيدان يوصل ليك القاصده جد جد بالغنا
اسع بالمناسبه دي اهدي قولي ليه ماخد بخاطرك ل الفي خاطري
عشان ما ياخد في خاطرو ويكسر بخاطرنا
وختم زيدان الغنا الجميل ده
وبالله ليه يا فراش
خلاك وراح القاش
تا ريرا را
قال ليه
باكر يعود القاش
ترجع عيونو حنان
وتطير تداعب الموج
بجناح رهيف ريان
لكني لو زيك
لو جار حبيبي زمان
ما اظن اعود يا فراش
لزول نساني وخان
ما اظن ؟
والسؤال الممتد من زمن طويل جدا
بالله ليه يا فراش
خلاك وراح القاش ؟؟؟!!
|
Post: #6
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: jini
Date: 11-06-2004, 11:56 AM
Parent: #1
توما
نان ناس أبعد البيضة عن الحجر والأنثى عن الذكر
وناس نعم الصهر القبر
بيفهمولك جنس نضمك دا
ديل ناس سراري وجواري وسبايا ومما ملكت أيمانهم
جني
|
Post: #8
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: عبدالماجد فرح يوسف
Date: 11-06-2004, 01:31 PM
Parent: #1
توما الخلقوها زي ماتريد
هي طبعا مرة واحده المرأة طلعت من الرجل (أدم و حواْء)..
ولكن منذ الوقت داك الرجال والنسوان بطلعو من المرأة وربنا عزَ وجلَ كرَم حواء وكل نسوان الدنيا بالأمومة..
لكن متي بدأت قصة الحب بين حواء وآدم هل في الجنه ولا في الأرض .. طبعا دي بتفرق كتير وبعدين حواء ماكان عندها خيار غير آدم والعكس ياهو ذاتو...
المهم الحب هو محرك ومكمن إستمرارية الإتنين إتنين ولكن أنا حسيت إنو آدمــ(ك) بقول إنو الناس (يجب) تعرف كل حاجة عن حياة الحب وزي ماقالت صديقة الحميمة نقلا عن مظفر النواب إنو فيمامعناه الحب عايز حماية وعشان الناس يفضلو يحبو بعض لازم يعرفو أدوارهم وحتي لو كانت ادوارهم دي معلومة ليهم وإنسيابية بصورة فطرية دا مابمنع الناس تحاول تتفقه فيها وتزيد معرفتها لأنو الحياة الزوجية زي مابقولو محتاجة لي معرفة شاملة ودقيقة بي كل تفاصيلها والإستعداد بكون بي الحصول علي المعرفة دي وهي البتخلي الحب مرتاح ومافيهو نزاع وبتنظم حركة الصراع التاريخي مابين إعوجاجك الجميل وإستقامته الرعناء...
أخيرا الحب هو كل المطلوب وإعوجاجك هو صانع الإعجاب والجّذب والحب الكبير فتمرقي ياحواء في إعوجاجك وأبقي حواء كما تشائين ودعي جلباب آدم لآدم...
سينتصر الحب الصادق أينما وجد
شكرا توما علي هذا الإبداع
|
Post: #9
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: حبيب نورة
Date: 11-06-2004, 04:47 PM
Parent: #8
توما
لا حولاااااااااا
|
Post: #10
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: Amani Alsunni
Date: 11-06-2004, 08:19 PM
Parent: #9
توما تعظيم سلام علي هذا القلم الرشيق والكتابة الغريقة
وكل سنة وانت بخير
أماني
|
Post: #11
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: بدرالدين شنا
Date: 11-06-2004, 10:33 PM
Parent: #1
Quote: طبعا ناجي ده براه كده ما بتقدر تحضرو
ياهو الا ربنا يرزقك بزيدان الجميل يغني |
إنتي عارفة أنا مضطر أستمتع معاك بي إعوجاجك الجميل
Quote: انت يا بدر الدين دحين النسعلك خبارك بتقول لي تعالو نسوي البوست
اليومي داك وتفوت ولا حتي تودع ساي |
وأنا حالتي دي قايلك إنتي السبب
بي صراحة كدا أهلي قالوا لي توما دي مبدعة أبعد منها
تحياتي لي صديقتك (أم بلينا) أقصد حلوم
|
Post: #12
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-07-2004, 08:33 AM
Parent: #1
جني
شكرا لجيتك دي ..
ممكن بعد اذنك اسالك (دي طبعا زي تمشي لناس زياره يرسلوك الدكان معليش لكن)
هل تعتقد انه المرأه فعلا ذات اعوجاج ما.. بغض النظر عن جماله او قبحه؟؟
يا ريت ما اكون ازعجتك
وان امتنعت فلا حرج
شكرا تاني
|
Post: #13
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-07-2004, 08:40 AM
Parent: #12
عبد الماجد
وكما قالت صديقه حميمه ايضا نقلا عن (ما متأكده منو )
لا تترك الحلم يرجف بردا بهذا العراء فيفني
اذا ما استطعت
اذا ما استطعنا
وكما قلت سينتصر الحب الصادق (أينما) وجد
شكرا كثيرا
|
Post: #14
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-07-2004, 08:42 AM
Parent: #13
حبيب نورا
لا حول ولا قوه الا بالله العلي العظيم
كل سنه وانت طيب وعاقل
|
Post: #15
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-07-2004, 08:45 AM
Parent: #14
اماني السني
تصدقي انا سعيده بجيتك دي لسببين
اولا اول مره نتلاقي
ثانيا( وبصراحه ده الاول) احتاج الي امراه ما ترتب معي بضع افكار مبعثره
ممكن تكونيها ؟
شكرا ليك وكل سنه وانتي بالف خير
|
Post: #16
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-07-2004, 08:49 AM
Parent: #15
بدر الدين نشاه
مس كده بلاي ؟
بعدين انا السبب تاليف حسن امين ..تمثيل عبد الله جكنون ..عبد الحكيم الطاهر
ومره سمحه كده ما بتذكرها ..واخراج عبد الحفيظ منو كده ما عارفه
|
Post: #17
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-07-2004, 02:24 PM
Parent: #1
في عوجه ذهنيه تراصت جميع الافكار انتباه
وشققت صفوفها لاتفحصها جميعا
انتبهت علي فكره ما لا تقوي علي الوقوف بصوره مستقيمه
فتستند علي اخري
وقفت في مواجهتها
ماذا جري؟
قالت ان الوهن اصابها بعد غياب النبض
وما النبض؟
اجابت ان النبض سليل الروح
والروح غائبه
وانا لا اقوي علي ال..
و
سقطت..
سهوا..
|
Post: #18
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: jini
Date: 11-07-2004, 02:37 PM
Parent: #1
Quote: شكرا لجيتك دي ..
ممكن بعد اذنك اسالك (دي طبعا زي تمشي لناس زياره يرسلوك الدكان معليش لكن)
هل تعتقد انه المرأه فعلا ذات اعوجاج ما.. بغض النظر عن جماله او قبحه؟؟
|
وهل رأيت ضلعا غير معووج يا قارورة!
جني
|
Post: #19
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: bayan
Date: 11-07-2004, 05:42 PM
Parent: #18
يا توما
لكن ما ابهار مليان شمار
الشاكوش جا لى حلوم ولا ليك
شوفى فى اشاعة
انه الضلع الاعوج هو الراجل
لكن عشان فقرى وسقيل قالو ياخدو على قد عقلو ويقولو ليه
المرأة هى الضلع الاعوج.
عشان كدى اتبسطى ساكت واعترفى انك ضلع اعوج
واخديه على قدر عقلو..
|
Post: #20
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: Amani Alsunni
Date: 11-07-2004, 09:22 PM
Parent: #19
الحبيبة/توما
هل أستأمنك علي أهة حتي يوماً ما
العالم حولي بعّاتي
لا أملك إلا أن أحلم
لو كان أمري بيداي
لعدت بأيامي للماضي
لأصوغ جديد خياراتي
لكن كيف نمزق ثوب الحاضر والخاطر
واللولاي
أصرخ في أولاد الأحلام
ترجع أصداء مناي
حتي لو مرّوا في حلمي
حتي لو سمعوا كلماتي
حتي لو لمسوا خيط الظرف الفاصل
قد قال النسيان الآتي
لا أحد اليوم إليك سواي
|
Post: #21
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: عبدالماجد فرح يوسف
Date: 11-08-2004, 06:12 AM
Parent: #1
عاجل: كنا قراب press
حلوم محفوفة بــالـ(رضا)
الآن نعم الآن يعدون مرطبات عقد قران أمونة شقيقة الأولي
وضجة فرح تزين زقاق المدق
توأمنا بخير يدعو لنا بالخير
|
Post: #22
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: إيمان أحمد
Date: 11-08-2004, 07:57 AM
Parent: #1
توما
لو كانت آلهة الهندسة رحيمة قليلا بأضلاع المثلث
لارتخت زواياه قليلا
حد الاعوجاج.
فاستمتعي بعوجك الجميل
لك تحياتي وحبي
إيمان
|
Post: #23
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: Sidig Rahama Elnour
Date: 11-08-2004, 12:08 PM
Parent: #22
وصلني دعاش همبريب إبداعي في هذا الباب حتى تحركت متعتي فارضة وجودها كالحيرقان ، تحسست ضلوعي ووجدتها شارفت على الإعوجاج ثم أستقامت على ايقاع زيدان المشروخ بسطحية ناجي ( فشيت لي غليلي والله يا توما ) لكن ناس التلفزيون تخصص في الأزية لدرجة تدفعنا لممارسة أنتقاء الأستماع مصحوب بوجع مصارين وتحسر على عدم المقدرة على فط هذه السهرة والبركة في زيدان الذي ختمها بمعشوقتي كسلا وابنها العاق القاش وفراشه المخلص والحلنقي الجميل.
أختم بسؤال كيف تستقيم الضلوع والكيلو ب 12 الف؟
|
Post: #24
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-09-2004, 03:14 PM
Parent: #1
جني
تاني شكرا للجيه
لكن تصدق انا كنت جاده
بين قوسين غايتو جنس مساخه
|
Post: #25
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-09-2004, 03:18 PM
Parent: #1
يا بيان تحياتي الشماريه جدا
طبعا شكلو كده بقت
كضبه تفوت ولا حلم يموت
|
Post: #26
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-09-2004, 03:22 PM
Parent: #25
اماني السني
الامانه محفوظه
وعجبتني جدا لاصوغ جديد خياراتي دي
لكن تعرفي برضو والله النسيان ما قصر معاك بالحضور
فكثيرا ما ينساني
|
Post: #27
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-09-2004, 03:24 PM
Parent: #26
فرح بن عمي
يا صاحب الفرح الشجاع
حضورك
والخبر
كلاهما مفرح
|
Post: #28
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-09-2004, 03:26 PM
Parent: #27
ايمان
لكي تحياتي
وحبي
وعوجي
|
Post: #29
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-09-2004, 03:33 PM
Parent: #28
صديق رحمه النور
سعيده جدا بجيتك واتفاقنا علي زيدان وفشتك في ناجي واختلافنا علي سعر اللحمه..
ويا سلاام علي زيدان
لكن انت يا صديق بما انك بتعشق كسلا وعارفها
تفتكر بالله ليه خلاه وراح القاش؟
|
Post: #30
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: Nada Amin
Date: 11-09-2004, 04:22 PM
Parent: #1
العزيزة توما
| Quote: واصلت رقدتها المريحه بتقوس الجسد مع انثناء (الضلعه) المعنيه |
منذ أن رأيت عنوان موضوعك هذا و أنا لا أستطيع أن أمنع نفسي من الإبتسام بمرح .. و رضا لأني مثلك أيضاً أستمتع بإعوجاجي الجميل!
تعرفي يا توما إنك "نبشتي" أكوام سنابل حنيني المحروقة و أنتي تجترين كل هذه الذكريات مع أغاني العندليب الأسمر زيدان
أغنية بالي مشغول يا حبيبي أحبّ أغنياته لدي.
بالي مشغول يا حبيبي ليك أعود و ألقاك بتين
و قلبي زايد في حنين أصلو قلبي عليك حنين
توما....شكرا.
|
Post: #31
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: ناجى الزبير الملك
Date: 11-09-2004, 05:39 PM
Parent: #30
تومــــــا
شكرا .....
لو لم يسبقنى حبيب نورة لقلتها .....لا حولااااااا ولا قوة بالله العلى العظيم
.....
|
Post: #32
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: ناجى الزبير الملك
Date: 11-10-2004, 00:33 AM
Parent: #31
|
Post: #33
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-10-2004, 03:14 PM
Parent: #1
ندي امين
تحياتي وسعادتي بتلاقينا في البوست وفي زيدان وفي (العوج) ..
تعرفي البوست ده مفرحني لانو لاقيت فيه ناس اول مره الاقيهم ..
وزيدان جميل وفعلا بلم الكثيرين
اظن كان ونيس لمحبين كتار خلاص
شكرا ليك جدااا
افرحتني الابتسامه (والمعني واضح)
|
Post: #34
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: حبيب نورة
Date: 11-10-2004, 03:18 PM
Parent: #33
توما
منو القال ليك انتي مخلوقة من ضلع أعوج!!!
مش ممكن تكون الضلوع دي عشان نشيّد فوقها كمنجة
او يمرق منها ضجيج النـاي!!
|
Post: #35
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-10-2004, 03:24 PM
Parent: #33
ناجي الزبير الملك
صاحب (امانه عليكم تحكو القصه)
تحياتي وامتناني المبالغه لفراش القاش
واجمل ما فيها انها( حفله)
يا سلااااام ..يعني كمان لو معاها عدد واحد save at pc
ما حتخلص
وامانه علينا بنحكي القصه
لكن يا ناجي حقيقي انا لسه مندهشه من القصيده ديك
ومتوقعه باقي شعر ما جا لسه
شكرا ليك كتير جداااا
|
Post: #36
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: Ishraga Mustafa
Date: 11-10-2004, 03:38 PM
Parent: #35
توما
هل احزن انى اكتشفتك الآن، مؤخرا؟
ام افرح لمتعة اكتشافى قلم واعى وسنين ومنساب
انتى بصراحة زولة وجعة
وبجيك تانى
|
Post: #37
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: ناجى الزبير الملك
Date: 11-10-2004, 04:26 PM
Parent: #36
Save @ PC
كود الحفظ .....
|
Post: #38
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-12-2004, 11:08 AM
Parent: #1
اشراقه
شكرا كتير جدا وممتنه لحضورك المؤكد.. والمرتقب ..
|
Post: #39
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-12-2004, 11:10 AM
Parent: #38
ناجي
شكرا شديد
فعلا اسعدتني جدا بزيدان
|
Post: #40
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: khider
Date: 11-12-2004, 01:37 PM
Parent: #39
بلاهي يا توما انت خطيره قدر ده !!
بلاهي سجليني في رابطه معجبينك
انا جادي .. بالمناسبه
|
Post: #41
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: Adil Isaac
Date: 11-12-2004, 04:56 PM
Parent: #40
| Quote: واطيع الرجل متي ما اطاع الحب |
!! Beutiful piece of writing, real pleasure to read and a few smiles here too
Thanks Toma
Adil
|
Post: #42
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: معتز تروتسكى
Date: 11-13-2004, 03:57 AM
Parent: #1
صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 توما 00
|
Post: #43
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: محمد سر الختم
Date: 11-16-2004, 02:07 AM
Parent: #1
توما
كل سنة انتِ وضيوفك طيبين
|
Post: #44
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: اسامة الخاتم
Date: 11-16-2004, 04:12 AM
Parent: #1
هو الليلة يوم كم
الكلام السمح بجى بتاريخ معين و لا هو اندلاع لعواطف كانت مكتومة و لا لى ناس مبدعة اساسا و كانت لابدة
توما: واصلى رقدتك المريحة هنا
|
Post: #45
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: Tumadir
Date: 11-16-2004, 04:48 AM
Parent: #44
ياتوما يا مفرحة..
اعوجاجك ولا استقامة عدوك...
ومتى يستقيم العدو والمتلك اعوج؟
(الاعوجاج ده بالسودانى اسمو الانفزارة...)
|
Post: #46
Title: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-17-2004, 02:57 PM
Parent: #1
خدر
شان تيئمنو (انا ما جاده طبعا )
كل سنه وانت طيب ومترسل
شكرا ليك جدااا وانت جادي
|
Post: #47
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-17-2004, 03:00 PM
Parent: #46
Adil Isaac
شكرا ليك انت
وسعيده بجيتك وقرايتك وتعليقك
|
Post: #48
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-17-2004, 03:02 PM
Parent: #47
معتز
كل سنه وانت طيب ومبسوط ان شاء الله وربنا يحقق امانيك
شكرا
|
Post: #49
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-17-2004, 03:03 PM
Parent: #48
محمد السر
تحياتي وامنياتي الطيبه ليك
شكرا
|
Post: #50
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-17-2004, 03:05 PM
Parent: #49
اسامه الخاتم
تحياتي
وكل سنه وانت طيب
شكرا للجيه والتعليق الياسميني
|
Post: #51
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-17-2004, 03:13 PM
Parent: #50
اهلااااان يا ام قلبا حاضر
تحياتي وودي الكتار جدا
وكل سنه وانتي طيبه
اما بخصوص الانفزاره فغلبتني تماما وحولت اوراقها الي فضيله السيده الوالده
شكرا يا حاضره
|
Post: #52
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: khider
Date: 11-18-2004, 06:51 AM
Parent: #51
|
Post: #53
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: عبدالماجد فرح يوسف
Date: 11-18-2004, 12:07 PM
Parent: #52
خضر
إختيارك جميل
وتوما فعلا رقة وأدب وفنون
تسلم
|
Post: #54
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: abuguta
Date: 11-20-2004, 06:20 AM
Parent: #53
ياذات
الضلع
...الاعوج...
اسمى
فى
قوائمك
....مدرج...
علمينى
العب
....صفرج...
فانا
بدونك
كيف
امشى
وكيف اصعد
ذاك
الدرج...
انا
فاقد
طريقى
وانتى
دليلى و
المخرج...
بقولك
كلام
مسموع
من غير
خجل
وحرج....
خدى منى
الاستقامة
واهدينى
الضلع
......الاعوج.....
|
Post: #58
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: عبدالماجد فرح يوسف
Date: 11-30-2004, 03:02 PM
Parent: #53
أين أنت
ياصاحبة الأعوجاج القلق
|
Post: #55
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-20-2004, 10:01 AM
Parent: #1
يا خدررر
بالجد امال النور والغنيه دي تحديدا عاجباني
تحياتي وشكري الشديد جداا جداااا
|
Post: #56
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-20-2004, 10:03 AM
Parent: #55
فرح بن عمي
دايما جياتك معاهن حاجه سمحه
تسلم انتي ذاتك ع...
|
Post: #57
Title: Re: ’خلقت من ضلع اعوج ..وهأنذا استمتع ب اعوجاجي الجميل
Author: توما
Date: 11-20-2004, 10:06 AM
Parent: #56
اب قوته حبابك
كالعاده تكتب تكتب وفجأه تجي حاجه زي صفرج كده او قائدنا الالمع الاشتر ديك
تخلعني لوول
لكن القفله جميله
شكرا للمشاركه المقدره
|
|