الطاهر حسين دفع الله مأساة وملهاة معهد الموسيقي والمسرح

أولاً اتوجه بالشكر للزميل منعم شوف علي اثارته للموضوع واعتذر له عن عدم تلبية مناشدته بالسرعه المطلوبه.وكذلك عدم قدرتي علي اضافة رد في البوست المفتوح لهذا الموضوع الشئ الذي اضطرني الي فتح بوست اضافي.

كتب الزميل عبد المنعم ابراهيم في المنبر الحر قبل فترة ليست بالقصيره تقريبا اكثر من شهرين موضوعا تناول فيه قصة الرجل الذي قام بفصل 61 طالبا من المعهد العالي للموسيقي والمسرح تحت عنوان
( اضبط الذي فصل 61 طالبا من المعهد العالي للموسيقي والمسرح يقدم طلبا للجوء في المانيا) وكان يعني العميد الاسبق للمعهد العالي للموسيقي والمسرح الطاهر حسين دفع الله. وحينها تعرض الزميل منعم شوف الي هذا الموضوع بتعميم واسع علي أمل أن نقوم نحن المقيمين في المانيا بايراد التفاصيل اللازمه لفضح هذا الرجل عبر الموقف المذكور ولكن للأسف لم اتمكن من قراءة هذا الموضوع نسبة لغيابي الطويل عن المنبر الحر لاسباب لايتسع المجال لايرادها .علي العموم اليوم بالصدفه قمت بفتح صفحة سودانيز اون لاين(المنبر الحر) لأجد موضوعا كتبه الزميل خدر ومن ثم يتفرع منه لينك يربط بالموضوع المعني بهذا.
اأحاول الآن ايراد التفاصيل اللازمه حول هذا الموقف حيث انني كنت انا الطالب المفصول الذي اكتشف ذلك المندس الخائن المخادع الذي قام بالفعل بخداع بعض السودانيين المقيمين في المانيا منذ فترات طويله مستقلا بعدهم عن الشأن السياسي اليومي السوداني ليقوم بطرح نفسه كأحد المناضلين الشرفاء او احد ضحايا نظام كان هو احد الادوات المنفذه لسياساته القمعيه التطهيريه التعسفيه.وسأروي لكم القصه من طأطأ للسلام عليكم حتي يعرف الكل مدي البجاحه وعدم الاختشاء التي تتمتع بها هذا الفئه الانتهازيه
( كان الوقت مساءً حينها كنت مارا بالقرب من منزل احد الاصدقاْ المقيمين معنا في مدينة برلين.فقررت أن اطرق بابه لزيارته وتجاذب اطراف الحديث معه وقد حدث هذا بالفعل.حين طرقت جرس الباب الخارجي للمبني جائني صوت لم اتبين فيه صوت صديقي الذي اعرفه لكنني لم اكترث لهذا الامر فربما كان معه بعض الزوار. عبرت بعد ذلك باحة المبني المؤديه الي شقة صديقي وعندما قرعت باب الشقه الداخلي ليفتح لي الباب شخص اعرفه حق المعرفه غير انه علي كل حال ليس صديقي المقصود بالزياره .للوهله الاولي لم استطع تجميع افكاري لاحدد اين ومتي لاقيت هذا الوجه .مرت لحظات سريعه فاصله بين هذا الاندهاش وبين كلمة السلام عليكم التي جأت متلعثمه ومتأتأه من هول المفاجاه وعدم التوقع نعم هو بشحمه ولحمه وابتسامته البلهاء الما بتغباني مرتديا جلبابا ابيض اللون ويحمل في يده اليمني مسبحه طويله وكأنه قام للتوء من اداء فريضة صلاة العشاء وبسرعه شديده وقبل أن يتمكن من رد التحيه قلت الطاهر حسين دفع الله شخصيا؟ فرد علي والابتسامه البلهاء ما زالت ترتسم علي وجهه: نعم الله يبارك فيك انت منو؟ أنا سألت متهكما ؟ انا واحد من ال61 طالبا الذين قمت أنت بفصلهم من المعهد العالي للموسيقي والمسرح عندما كنت عميدا له عام 1991 هكذا قلت له. الغريبه أنه ولا ادري ربما من صدمة المفاجاة .قال وبرضو الابتسامه البلهاء ما زالت مرتسمه علي وجهه:ماشاء الله وهسي بتعمل هنا شنو في المانيا .فقلت له ما شاء الله علي شنو؟ علي انك فصلته هذا العدد الكبير من الطلبه أم ماذا.حينهازاد الارتباك الذي بداء واضحاً علي وجهه ليفاجئني بالسؤال الغبي الثاني : هل انت احمد امفريب؟ هكذا قال. فرديت عليه لا انا الوليد يوسف محمد يبدو انك لا تتذكر من قمت بفصلهم جيدا لانه احمد امفريب كان خريجا حين قمت بفصلنا وقفل المعهد الي اجل غير مسمي ولا شنو .

بعد ذلك لاحظت أن صديقي المعني بالزياره غير موجود اصلاً بمنزله اضافة الي وجود شخص آخر يرافق السيد العميد الاسبق. وعند ذلك قررت عدم الخوض في اي تفاصيل معه نسبة لعدم وجود سيد المنزل وهذا بالطبع لايجوز لكن وفي اليوم الثاني تمكنت من مقابلة صديقي صاحب المنزل وشرحت له الموقف بكل تفاصيله وطلبت منه أن يقوم بطرد ذلك الشخص الذي يمثل احد اعداء الشعب السوداني كأقل شئ يسمح به وعينا العصري حيث لا نستطيع المضئ اكثر من ذلك كما يفعلوا هم.وبالطبع جئنا الي المنزل وقمت بمواجهته بكل ماضيه معرياً اياه امام الجميع في نفس الوقت الذي كان يقوم فيه بكتابة قصته الملفقه التي يجب أن يقدمها للسلطات الالمانيه للحصول علي اللجوء.فما كان منه الا أن اعترف بأن لايوجد شخص في هذه الدنيا بدون ماضي وهو آسف ونادم علي تورطه مع نظام الجبهه الذي اصبح اليوم عدوه الاول اما مسألة فصله ال61 طالبا فهو امر لم يقم به بل جاء من فوق.
علمت فيما بعد أن صديقي قام بترك منزله بناءاً علي رغبة صديق له مقيم في مدينة نورنبيرق(بجنوب المانيا) ليستضيف فيه بعض الاقرباء الي حين ترتيب امورهم وتحضير انفسهم للقيام بتقديم طلب لجوء سياسي في دولة المانيا الاتحاديه .نسبة للملاحقه والمطارده والاضهاد السياسي وربما العرقي الذي يتعرضون له من قبل نظام الجبهه الاسلاميه الحاكم في السودان ويجدر الاشاره هنا الي أن الصراع حول السلطه بين الترابي وحكومة البشير آنذاك كان في بداية احتدامه وكان بالطبع يمثل المناخ العام الذي من خلاله يتسرب هذا الانتهازي الي خداع السودانيين هنا. وكان المطلوب من صديقي الذي يبدو انه لايعرف الرجل الموصي عليه ليس فقط الاستضافه وحسب بل تقديم كل المساعدات اللازمه للسيد الطاهر حسين ورفيقه حتي يتمكنوا من الحصول علي اللجوء للاسباب المذكوره مع العلم أن صديقي هذا شيوعي عدييل. اما الاسباب الحقيقه لطلب الجوء فهي كالآتي بالنسبه للسيد الطاهر حسين هي اسباب اكاديميه بحته حيث انه سبق له أن قام بالدراسه في جمهوريه المانيا الديمقراطيه السابقه أبان تحضيره لرسالة الدكتوراه في الأدب الألماني وكانت اطروحته حول مسرح( برتولد برشت) علي ما اعتقد وهو يريد ألآن العمل علي نيل درجة الاستاذيه(بروفيسرشيب) في نفس المكان الذي حصل فيه علي الدكتوراه وهذا بالطبع يكلف الكثير من الاموال أما في حال حصوله علي اللجوء السياسي كل هذه التكاليف يمكن تجاوزها من الاستفاده من الأمكانيات التي يتمتع بها اللاجئ السياسي.اما صديقه الذي يرافقه وهو بالطبع من نفس العينه فكانت له ظروف نوعا ما انسانيه حيث عرفنا انه تاجر ادويه علي ما اذكر وكان يعاني من فشل كلوي ويريد ايضا الاستفاده من الامتيازات التي يتمتع بها اللأجئ السياسي في العلاج وهذا ما وضحه هو بعضمة لسانه.وعرفنت في ما بعد اي بعدفضح امرهم انه غادر الي هولندا .
بعد ذلك قلت له اذا قام بتقديم طلب لجوءه هذا سأكون لك بالمرصاد في أي مكان لفضح شخصك وخلفيتك السياسيه التي بسببها تشرد الآلاف من أبناء السودان الشرفاء في كل اصقاع الارض.
بعد خروجه لم اعلم منه شئ او اعرف الي اين ذهب.ولكن بعد مدة طويله قابلته في مكان لبيع المعدات المستعمله في برلين (الدلاله) وكان يعرض امامه مجموعه من قطع الغيار المستعمله لاجهزة الكمبيوتر .وهو الآن يعمل في السفاره السودانيه في برلين كمترجم لكنني لا اعرف أن كان فعلاً قد قام بتقديم طلب اللجوء أم لم يقم وهل يعمل الآن في السفاره السودانيه بعلم من السلطات الالمانيه ام بغير علمها لانه اذا كان يعمل في السفاره وفي نفس الوقت مقدم طلب للجوء السياسي فهذا امر غريب ومريب ويتعارض مع قوانين اللجوء بشكل جذري.وكذلك نما الي علمي انه اي الطاهر حسين بصدد بناء فندق وطرمبه بنزين في شارع مدني بالقرب من قريته الكائنه في الجزيره بالسودان. فمن أين له تلك الاموال وهو الذي كان يعمل في الدلاله ومن ثم مترجما في السفاره السودانيه الذي ربما كان عمل غير قانوني.

نواصل

وليد يوسف

الطاهر حسين كابوس المسرح !! تعرف يا وليد دا كان بدرسنا نظريات اخراج وعامل انو عامل نظرية وهي اساسا ضد المسرح ومصر اغرغرنا ليها وبما اننا جينا للمسرح لدراسة المسرح وليس لمسحه واقامة مسرح طالباني يمثل فيه الرجال دون النساء يعني مسرح شاذ ، وطبعا كان يطرد جميع الطلبة بعد حليفة الطلاق -اطلق منو ما عارفه فقد كان رجل مزواج ومهزار - بالله واصل فضحك لهذا الكارثة ، وبدون خجلة قال لاجئ فعلا الجماعة ديل اخطبوط يشتمون امريكا والغرب ولا يستحوا باختبائهم في نفس البلاد التى يتشدقون بكراهيتها حين لا يتفقوا في اقتسام ماسي الوطن ..

العزيز جداً وليد يوسف، تحيات طيبات يا صديقى، تشكر يا صديق على كل المعلومات الواردة فى بوستك المجيد، وقد أضفته ببوست خدر المذكور

العزيزة عشة بت فاطمة تحيات زاكيات لك ولبيرق والوليدات، مت أنا من الضحك بعد قراءة تعليقك الآتى

Quote: وعامل انو عامل نظرية وهي اساسا ضد المسرح ومصر اغرغرنا ليها

تعرفى دا جاب ليهو زول معاهو ملتحى وعينوا فى شئون الطلاب، هذا الملتحى أصدر قرار بتخصيص مقاعد النصف الأمامى من بص التاتا للبنات والنصف الخلفى للأولاد وجاء فى معرض قراره المثبَّت ببورد الإعلانات أنة إتخذ هذا القرار تفادياً ومنعاً للمفاخذة على حد تعبيره العاجز. وأذكر أن وليد هذا قد رسم كاريكاتيراً بجريدة فلق الصباح الحائطية مشهداً لهذا الملتحى وهو يهم بقطع بص التاتا الى نصفين بمنشار ضخم .. تذكر حتماً ذلك يا وليد. والله شر البلية ما يضحك .. عليكى الله يا عشة شوفى الزول الوهم دا.

أضبط ! من فصل 61 طالباً يطلب اللجوء بألمانيا

الزميله عشه بت فاطنه
لك التحيات التجلات.المزيد من سرد التفاصيل والحكايات التي من شأنها فضح وتعريه هذا الشخص هي المقصد.فالتاريخ فيما يبدو يسير بسرعة شديده ويوجه بسوء نية بالغه وحاذقه مما يجدر بنا دائما التذكير والضرب علي طبل الصفيح وذلك اضعف الايمان.عليك الله يابت فاطنه المزيد من المآثر لهذا الانتهازي الفريد من نوعه .أنه فعل ضد النسيان ليوم حتما قريبٍِ دآن.
الزميل الصديق منعم
مرة اخري اتأسف لعدم تمكني من متابعة بوستك بنفس الموضوع في الوقت المناسب,لكن علي العموم يمكن استئنافه الآن .الموقف عموما حصل قبل مده تقريبا اكثر من ثلاث سنوات علي الاقل.وسأقوم بمتابعة اخبار السيد العميد اولا بأول حتي يتم فضحه تماما.لك الشكر.
وليد يوسف

ايوه نواصل .طبعاثبت لينا تمام انو السيد العميد الاسبق ألان بيعمل في حاجه اسمها (هابيل) وهي مجموعه من البحوث التي من شأنها تأهيله لنيل درجة الاستاذيه من جامعة همبولدت في برلين.فضل لينا نعرف وسنعرف هل قدم اللجوء ام لم يقم بالتقديم عشان بعد داك نشوف مسألة عمله في السفاره كمترجم للغه الالمانيه.وكمان عرفنا انو داير يبني الفندق بتاعه ومحطة الخدمه علي مشارف قريته كاب الجداد بالقرب من الطريق السريع شارع مدني فمن أين له هذا؟

نواصل

وليد يوسف

يرفع لمزيد من المساهمات ياناس المعهد

وليد يوسف

يرفع

وليد مساء الخير وسلامات ورمضان كريم
وحاجات وحاجات
ياخى ده زوول مشهوه نفسيا وفكريا
وانا واحد من الناس مستعد انى اواحهه متحديا فكرا ومنطقا وتعال ندعوهو نتكلم معاهو ونناقشه فكرا بفكر وما نثور حتى لا تحسب علينا سقطه والله شنو؟؟
انور
واذا قلتو نفتو نفتو هو قال ليك نحن خايفين ؟ لكن محترمين انفسنا؟
ليك الود يا ابو منتصر
ابو يس

b
منعمشوف سلام بالله هو الراجل دا كان بغرغركم برضو غايتو حكاية قطعة البص دي فعلا نكتة ، توري اي مهزلة نعيشها مع هؤلاء الظلاميين ، ويا استاذ وليد تعرف معظم ناس المسرح عندهم حكاوي زي حكايتة البص دي ويحي فضل الله يا ريت اجي احكي لينا شوية من مهازل الهازل حسين هذا ، وعليك الله يا انور فتو !!

افتو؟؟؟
انور

آى فتو ؟ يفتت ... كمَّل سُكَّرنا

ده اكبر مزور فى التاريخ
طبعا نحن اولاد جزيره اتغابا فينا العرفه؟ هو من ابو عشر ونحن من المحيريبا؟
وبعدين كان عندو دكان اسبيرات مرسيدس( المانيا) فى الحصاحيصا ابان توليه العماده؟
ونزل انتخابات فى دائرتنا ممثل للجبهه الاسلاميه؟
وبعيدن معروف تاريخيا دى دائرة حلاوين يعنى حزب امه بالبورى؟
اها قوم يا شليق على لخبتك وعامل فيها دنجوان وجيب ليك كوزات معاك؟
والله اظنو الطيش ما جاء؟
اها بعدها طوالى ومسلسل فشله ده شالو حقد ؟ اها بعد تخرجنا 88 عينونا نحن وزملا متعاونين لحين فترة؟ اها قوم ارفدنا بلا سبب؟؟
سالنا نفيسه الكاتبه قالت لينا قال ديل شيوعيين؟؟
انا بحكى براحه براحه لحدى ما اوصل الى ........؟؟؟
ونواصل؟
انور

اضـــبط

Quote: اها بعد تخرجنا 88

برضو تقول لي دفعه

ات قايل الكمبيوتر ده ما بغلط؟؟
هو فى الانتخابات الامريكيه قطع سير مروحه؟؟قال 88؟؟
هو انا الجابنى هنا شنو؟ ما الخدمه الالزاميه وانا وحيد ؟
شوف تانى مره ما تعاين فى الارقام؟
بجيب ليك انكاسسو؟؟
انور

في انتظار باقي الفتة يا ابو غيداء

Quote: بجيب ليك انكاسسو؟؟

لووووووووووووووووووووول
كنت عارف ردي بجيبك سريع

Quote: هو انا الجابنى هنا شنو؟ ما الخدمه الالزاميه وانا وحيد ؟

الوحيد خلاني وحيد
الفراقو حا شديد
حبيب ليك وحشه .. اها بعد رمضان لازم نتلاقي عشان نتفاكر في كيفيه التصدي للشياطين الكانت مربوطه لانو لو خلينا ســــاكت بتبقي 2 و احتمال تسقط

up

وليد يوسف ورفاقه الميامين
لكم التحية والتقدير
العميد السابق للمعهد وسبب مصيبتنا ومضيع ثلاثة سنوات ونصف من عمرنا بدون زنب جنيناه سوى خزعبلاته وتنفيذ سياسات هوجاء مسته هو أخيرا..
آخر عهدى به قابلته فى وزارة الخارجية فى العام 95 وقال لى بأنه مقدم لوظيفة سكرتير ثالث وقلت له أكاديميا وعمرا وظيفة سكرتير ثالث لا تناسبك فقال لى أهى مدخل وبعدها نشوف ومن يوم داك تانى ماشفته .. بالله هو قريب مننا فى المانيا .. حكمتك يارب
أنا لا أنسى يوم ذهبت لمبنى الادارة بالخرطوم 2 ووجدت الباب مقفل أمام الاستاذة ولم يسمحوا لأستاذ هاشم صديق بالدخول وبعد كثير من الاحتجاج سمح له بالدخول وقدم استقالته وكنت شاهد عيان لهذا الموقف ..
تخيل ياوليد كنا بالسنة الخامسة ونتخرج يعنى اقل من خمسة أشهر على التخرج نتخرج بعد أربع سنوات وبعد ده يكتبون فى شهاداتنا العام الدراسى 90\91 الممتد الى 93\94 علما بأن المعهد فتح فى أكتوبر 94 واتخرجنا يوم 30 ابريل 95 يعنى ليس هناك مصداقية فى التعليم العالى ولا حتى فى الجامعة التى ختم لنا بأختامها على شهاداتنا وممكن أن اصور لكم شهادة التخرج لو أحببتم
تقبلوا مودتى
عبدالعزيز خطاب

الزملاء الأعزاء
عشه بت فاطنه انور ابوغيدا او ابوبس طارق ابو عبيده اة كما يحلو له خدر السينير عبد العزيز خطاب لكم جميعا التحيات والأشواق كتر خير الطاهر حسين اللمانا تاني اهو برضو حسنه انشاء الله تخفف ليهو شويه من سيأته الماليها حد واصلو عليكم الله في الدق علي طبل الصفيح وما تنسو كمان احمد عبد العال جايهو .

وليد يوسف

أرفع
وليد يوسف

up

متابعين
فوق
لكم حبييييي

اصدقاء الوجعه
تم فصلكم من المعهد وكنته حاضرين بس الفضيحه فى فصلى انا الكنت فى مستفى الدايات فى حاله ولاده ولم اشارك فى الاضراب وبعد ان اصبح الامر مضحك تم الغاء اسمى وعندما فتح المعهد ابوابه كانت ابنتى داليا تكتب حروف الهجاء
وفقدنا عدد كبير من الزملاء الفنانين منهم سافر ومنهم من اطر للعمل .

الاخ الوليد ليك مدة ما بنت لعلك طيب والاسرة تحياتى لهم

تعرف امتحنا الشهادة السودانية فى عام 85 ودخلنا المعهد سنه 86 نسبة لوجود اولى قدامنا ما بدأت الدراسة وتخرجنا عام 95 السنه الممتدة
90 /91 الممتدة 92 / 93 / 94 / المتخرجيييييييين فى 95 شفت كيف السنه دى التقول ملاح روب ( ههههههههههههههههه )


تحياتى للجميع