Post: #1
Title: لكم محبي مصطفى....مرثيه من السودان...شعر: الأستاذه.نايله فزع
Author: mahdy alamin
Date: 10-07-2004, 07:16 AM
Parent: #0
اليكم...
محبي وأصدقاء الراحل المقيم: مصطفى سيد أحمد...
كرنفالات حزن
مرثيه لسان حال السودان
لأبنها البار
الراحل المقيم : مصطفى سيد أحمد
شعر الأستاذه : نايله فزع
بعد الفقد صابني الوهن
ربوعي غطاها الحزن
حواسي أعياها التعب
غنيت وكان صوتك رقيق
دفقه رحيق
يغرس أمل
أحيان يكون ممزوج غضب
وفنك عجب
اشعلت نيران الحماس
أحييت التراث
الفي حاضرنا وماضينا أنكتب
ونسيت كمان انك مغني
سقيت عمرنا بهجه وطرب
من يوم فارق ديارنا ورحل
غطاها الحزن صابها المحل
بس حبي كان ليهو زاد
وكان دوام حافظ الوداد
قال غناوي..
ردد حكاوي..
خلد تاريخآ ما قالو راوي
سجل مشاهد
الزمن كان ليهو شاهد
عدد لي مآثر
بي حبي كان دايمآ بفاخر
حبه لي ترابي فاق الوصف
ما بنحكي ما بنوصف
بعدك خلاص جف المداد
شاخ الحرف
والمغنى ذاتو قبل رحيلو
خش وعرف
أداه من نبعو الغزيز
قال ليهو بس أغرف........غرف
بعدك خلاص
مسخ الغنى
مسخ العزف
حباك جيل...
حباك جيل..
يا الأنت شامخ كالنخيل
والنيل انسكب ليك سلسبيل
ما أنت يا نغمي الجميل
قدرك جليل
وفنك أصيل
من بدري ....لازم تنخطف
أشتقت ليك..
أشتقت ليك..
شوق أم لى صغيرها
شوق غريبآ فارق دياره
وقاسى من الغربه وهجيرها
شوق عريسآ للفال
ورشه ضريره
شوق عروسآ لي حبيب
يلمع هلالو
ورابط الحريره
شوق فريقآ للسيره
وغنوات العديله
شوق بنيتآ زايد حياها
يترقص في الدايره
بخطواتها مهيله
ما أنت كنت غناها كنت نورها
يا عاشق الحرف
يا مطوع لي كلماتو التقيله
يا صاحب اللحن المجلجل
في بواديها ونيلها
ما أنت شمس عزتها
في حاضرها وقبيلها
ما أنت فارس حوبتها
يا ضو القبيله
غنيت كلامآ زي الحجا
تقول الغنى بيك انتهى
وبيك ابتدا
بس ريدتك لي
كانت فريده مؤكده
وعلت رايتي بي غناك
كل العالم شافها وأكدها
وقت الغيبه طالت
وبفى ماليها حد
وقت مرضك طال
طال شوق السواقي
انسكب دموع
كاويات لخد
سالني منك الجروف
وينو عاشقنا
عاشق الحروف
جالب السعد
يمه.......وينو بلبلنا المغرد
حيعيش بعيد عننا للأبد..؟؟؟
قلت ليهم .لا.لا.لآ
\دا عاشق ترابي
اختار غناي وأصطفى
عانى وقاسى كثير علشانا
ما قال شبع ....ما قال كفى
دندن عوده ونايه الحزين
على آلمه وجرحو انكفى
ملأ الكون بي روايع
ما قالها زول
ما بقدر أوصفها
بس جانا هادم اللذات
سكت النغم بريقو اختفى
يوم جابو النعش
شفت كرنفالات حزن
والفرح من ربوعنا أختفى
حزنوا النيل والقمر
قالوا أخبار
كئيبه ومؤسفه
كل الخلوق كانت لرجوعك
مشتاقه ومتلهفه
ما عشانهم فارقت الحياه
اللينه ........المترفه
وغنيت كلام مليان صدق
مليان وفا
انسكب في وجدانا مشاعر جميله ومرهفه
بعدك خلاص ...عقرت
وعقر النغم
عشيه رحيلك
يا مصطفى.........
|
Post: #2
Title: Re: لكم محبي مصطفى....مرثيه من السودان...شعر: الأستاذه.نايله فزع
Author: mahdy alamin
Date: 10-08-2004, 00:21 AM
Parent: #1
الأعزاء ...
الأستاذه: نايل فزع..
من منطقه شندي ومن قريه مويس
كانت زميله الراحل مصطفى سيد أحمد في أحد مراحله الدراسيه
ولها من الذكريات والأحداث الكثير مع الراحل مصطفى
شاعره وكاتبه وروائيه
وهي مقيمه هنا في دوله الأمارات
هذه نبذه بسيطه عن الأستاذه المرهفه : نايله فزع
وترقبوا المزيد من المشاركات قريبآ
مع تحياتي
مهدي الأمين
|
Post: #3
Title: Re: لكم محبي مصطفى....مرثيه من السودان...شعر: الأستاذه.نايله فزع
Author: معتز تروتسكى
Date: 10-08-2004, 08:40 PM
Parent: #1
التحايا النواضر..
الصديق العزيز مهدى..
مره وكانت حلم..
وجدتها معك وكان لقاء على هامات السحاب..
كيف وهى الاستاذه نايله..
تحمل فى جنباتها بذرة الوفاء فى هذا الزمن الردى..
تحياتى لها..
ولك..
وكم نموت فيك ونحيى يامصطفى..
|
Post: #4
Title: Re: لكم محبي مصطفى....مرثيه من السودان...شعر: الأستاذه.نايله فزع
Author: mahdy alamin
Date: 10-10-2004, 05:33 AM
Parent: #3
الزميل الرائع ....معتز تروتسكي
ايها القابض جمر التوق
آلالم الشبابيك تناديك
فلا ترحل
تاتيك المناديل الوضيئة
وعلى كل العيون
فى الليل تمدد ( محمد محي الدين)
|
Post: #5
Title: Re: لكم محبي مصطفى....مرثيه من السودان...شعر: الأستاذه.نايله فزع
Author: mahdy alamin
Date: 10-13-2004, 06:28 AM
Parent: #4
up
|
Post: #6
Title: Re: لكم محبي مصطفى....مرثيه من السودان...شعر: الأستاذه.نايله فزع
Author: معتز تروتسكى
Date: 10-14-2004, 07:40 AM
Parent: #5
صديقى الزميل..
مهدى..
الاستاذه الرائعه
نايله..
*مصطفى..
قل لى بربك مصطفى هل يحمل الجوعى بخبز جاهز ؟ ام يحلمون بك تعلمهم كيف نفلحها المؤائد؟..
*ونعود نبكـــــــــــــــــى...
|
Post: #9
Title: Re: لكم محبي مصطفى....مرثيه من السودان...شعر: الأستاذه.نايله فزع
Author: mahdy alamin
Date: 10-18-2004, 05:48 AM
Parent: #8
Quote: نادوس أه ... نادوس يا.........
أمسينا يا نادوس وأصبحنا بيك يا أم
يا سوسه ضد السوس قلبآ بلاك يضم
ليل الضياع مهووس يحلم هواك يؤم
بعض الحصاد الروس عالم نداهو بعم
ختيت هواك فانوس بقالي شلتو وحم
جيت المدن باخوس لاقيتو جالب السم
راشح هجير البوس وكل الوجود دم دم
كوركت يا نادوس أم الغبش يا أم
يا نخل يا أبنوس يا سامبا يا تم تم |
|
|