Post: #1
Title: ما بين بافاروتى و سيلين ديون .. كلام كبيييــــــــــــــــر ..!
Author: برهان تاج الدين
Date: 09-23-2004, 06:18 AM
اغنية : I hate you then I love you
و المنبر واقف سلك .. احببت ان اشرككم معى فيها... من العنوان و حتى اخر نغمة ..
تجربة اوبرالية رائعة ..
بداية احب ان او ضح : علاقتى بفن الاوبرا كانت على الدوام مثل علاقة زميلنا فى الثانوية .. ودالحاج .. بمادة الفيزياء .. اذ كان يصف نفسه بانه ( تانى ابلد زول فى العالم فى الفيزياء ) و المرتبة الاولى محفوظة من باب ( حوا والدة ) . و استمرت علاقتى بالاوبر كذلك فترة من الزمان ليست بالقصيرة ... اتخيلها نوع من (الكواريك) الغريبة .. و يلتف حولها جمهور من مدعى النخبوية .
لكن .. الايطالى البدين .. لوشيانو بافاروتى .. نجح تماما فى تغيير علاقتى بذلك الفن .. مثلما نجح فى جذب جمهور كبير لم تكن الاوبرا ضمن قائمة اهتماماته
بافاروتى .. المولود فى ايطاليا عام 1935 .. و لذى حفلت مسيرته الفنية بكمية من الجوائز لا تحصى و لا تعد .. اهمها جائزة الامم المتحدة (UNHCR) كاكبر داعم و مشارك فى حملاتها لجمع التبرعات ..
سيلين ديون .. مغنية الاوبرا الكندية و التى تنتمى الى احد مقاطعات كندا الفرنسية .. غنية عن التعريف .. معظمنا قد التقى بها عبر احد اغنياتها .. و الكثير منا و قف مذهولا ام اداءها المتفرد فى I
am your lady .. او ادخلته اغنيتها فى فيلم التايتانك الى خضم ذلك الحب الماساوى .. ديون استحقت لقب ( ملكة السوفت ) بعد فترة ليست بالطويلة من دخولها عالم الغناء غير الاكاديمى ..
دعمها فى ذلك سند و اسع من تكنيكات الغناء الاوبرالى ... و موهبة صقلت كأحسن ما يكون الصقل .
لن اتحدث عن تلك التحفة التى جمعت بينهم .. فهى اغنية مدرسة ... فى الصوت .. و الموسيقى .. و التنفيذ ... اترك لكم الحكم ..
لنك الجندرية
العزيز لؤى : ارجو اضافة رابط (ريل بلير) نسبة لتعطل البرنامج عندى..مع شكرى مقدما .
|
Post: #2
Title: Re: ما بين بافاروتى و سيلين ديون .. كلام كبيييــــــــــــــــر ..!
Author: شمهروش
Date: 09-23-2004, 09:04 AM
Parent: #1
اخووووووووووووووووي برهان انا مع انو مابفهم في الموسيقى ولا الواو الضكر لكن لقيتك برااااااك زوووول هببوا ليك مافي قلتا اخش مابدور اقمحك ياود اعمي وعلي الحرام سكين ديون ولا فاطنة الحاج ماعارف الفرق بينهم شنوا
اعتبر المقدمة دي مافي
(والله يابرهووووووم لكن رائع وبديع واوبرااااا مدنكلة
|
Post: #3
Title: Re: ما بين بافاروتى و سيلين ديون .. كلام كبيييــــــــــــــــر ..!
Author: برهان تاج الدين
Date: 09-23-2004, 02:13 PM
Parent: #1
البوست ده يا حبيبنا للاستماع فقط .
بعدين سيلين ديون تعرفا بى وين بس .. و متين ؟ انت فاضى من جنس دا
غايتو يومك التعرفا انت تبقى لى زاد تانى .
بس قول واجعك بوست هوبفول .. قعدت تكورك لمن حلقك اتقرش .. بالمناسبة .. ما جاك راجع ؟
|
Post: #4
Title: Re: ما بين بافاروتى و سيلين ديون .. كلام كبيييــــــــــــــــر ..!
Author: الجندرية
Date: 09-24-2004, 00:57 AM
Parent: #1
شكراً برهان على اللنك
|
Post: #5
Title: Re: ما بين بافاروتى و سيلين ديون .. كلام كبيييــــــــــــــــر ..!
Author: شمهروش
Date: 09-24-2004, 08:18 AM
Parent: #4
برهوووووووووم اخوي انا الواجعني كتير مادا برااااه
كتر خير الجندريةشكرت ليك اللنك
لكن برضوا معاك ومجاني برفع ليك البوست
مع انو الرفع بقى بالتلفون
فوووووووق
|
|