Post: #1
Title: الي بورداب القاهره والي كل من له علاقة بالامر.....
Author: فيصل عباس
Date: 09-19-2004, 10:05 PM
الاخوه الاعزاء
سلام
نماء الي علمنا ان هنالك ديوان شعر صدر حديثا
للشاعر الجميل جدا عفيفي اسماعيل
باسم رهان الصلصال
عليه ارجو شاكرا تكرمكم بمدنا به في هذا الوطن المتسع و(طبعا بعد مواقفة الباندوث والواقفون على امره)
* وليك العتبى ياعفيفي ان اثر ذلك في المبيعات ، بس قول لينا نعمل شنو دايرنك وما لاقينك
يلا ياشباب همتكم معانا
ولكم ما تشتهون
|
Post: #2
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-20-2004, 06:56 AM
Parent: #1
يااااااااااااااااااااااااااا
اهل مصر
والشعراء
والمهتمين بالشعر
افيدونا
|
Post: #3
Title: Re: الي بورداب القاهره والي كل من له علاقة بالامر.....
Author: abdalla BABIKER
Date: 09-20-2004, 07:03 AM
Parent: #1
غايتو انا من من القاهرة
موضوعك ده ما في زول بيحله ليك غي رجاء بت العباسي
يعني لو قلت يا رجاء كان جابت ليك الديوان وكل الغرف كمان
تسلم وان شاء الله ربنا يجمعك بالديوان ده
|
Post: #4
Title: Re: الي بورداب القاهره والي كل من له علاقة بالامر.....
Author: Raja
Date: 09-20-2004, 07:37 AM
Parent: #1
العزيز فيصل..
ســـلام..
لم أقرأ هذا البوست إلا الآن..
وحااااضر سابحث عن الديوان أو أطلب من أي زميل هنا القيام بذلك..
عن نفسي ساكون مشغولة حتى الخميس مساء..
العزيز عبدالله..
شكرا على العشم.. إن شاء الله أبقى قدرو..
دمتم..
|
Post: #5
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-20-2004, 08:42 AM
Parent: #1
العزيز
عبد الله
التحيه الوافره
شكرا لمرورك ولتبيهك لينا
رجاء
كيفك وانشاء الله طيبه من كترة الامتحانات الداخلاها كل يوم في البورد
والتي اظنها زي ما قال حميد (زادنك قوه )
رجاء
عارفك زوله نجده
وعبدالله ظنو ما خايب فيك ولا انا
وعموما مافي عجله شديده طالما اوعدتي وربنا يفك ضيقك
وشكرا كتيييييييييييييييييييييييييييير
|
Post: #6
Title: Re: الي بورداب القاهره والي كل من له علاقة بالامر.....
Author: zumrawi
Date: 09-20-2004, 08:53 AM
Parent: #1
العزيز فيصل عباس
الديوان كله منشور فى موقع جهات الشعر
واعتذر لانى لااعرف اللنك
|
Post: #7
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-20-2004, 09:01 AM
Parent: #1
زمراوي
يابهي
طلتك بالدنيا وكيسين رغيف في زمن ازمه
اللنك ده البلمنا فيهو منو ياربي
ويلا ياشباب معانا اهو زمراوي ادانا بداية درب
شكرا وفيرا يا زمر
|
Post: #8
Title: Re: الي بورداب القاهره والي كل من له علاقة بالامر.....
Author: abdalla BABIKER
Date: 09-20-2004, 09:04 AM
Parent: #1
الاخ
فيصل
شوية
شوية
الواحد
بيصل
وده اللينك
http://www.rezgar.com/m.asp?i=392
تحياتي وشكرا لبت العباس
انا جبت اللنك بنت العباسي بتجيب الديوان كامل
|
Post: #9
Title: Re: الي بورداب القاهره والي كل من له علاقة بالامر.....
Author: abdalla BABIKER
Date: 09-20-2004, 09:06 AM
Parent: #1
منقول من الموقع الفوووووووق داك
عفيف إسماعيل
[email protected]
الحوار المتمدن - العدد: 948 - 2004 / 9 / 6
ذات ضجر
سيخرج كل الشهداء من اطارات صورهم ويسألوننا:
ماذا فعلتم لدمائنا؟؟!!
سنخجل
سنخجل
حتي الأظافر!
"إلي الشهيد مكي عبد القادر"
النص
خارطة للظل
يدخلها الصباح من كل الفجوات في عام القرنفل ولا يستأذن
والشفق الشاحب سكير لا يقوي علي الثبات
اروي البحر ملء المحيط برماد مالح من دمي
واسابق الندي قبيل الاحتراق
ولا اصل إلا للمنفي وسيل الدماء
عُشٌّ في العاصفة إيامي
من بيني تتبعثر
والسماء تنأي كخرافة ظامئ قمرها
وبردان يترجف يشتهي الدفء في احلام العشاق
الأرض واهنة وقابلة للإنتحار
وللنهر نحيب هزيل
آيلة للسراب انوار المدائن الراكدة
وبين وارصفتها حفاة القري مذعورين يبيعون براعم سنواتهم للاسفلت
كالعمر مهترئة وممزقه ثياب المشردين
واحدي النوافذ في حلم الصبية مشرعة
للذين يعبرون العمر مرة
ويضيئون حتي زوايا الذات الغارقة في دوامات التجاعيد والكسل
فلابد للتجاعيد ان تكمل رقصتها بين المزامير والحنايا
ونحن ندق مسامير الاناشيد والصياح
علي بوابات الرياح
ونمسك بأفول النداء في المدي صديً عائداً خائر القوي كطائر ذبيح
ولن نستريح فمن يستبيح ويخون ضحكات الصباح غير الطاعون!
هل يعد الشهداء لنا في الصحف السرية اقصي طقوس الفجيعة
ام انهم بهدوء رتبوا ليلة الامس حقائب اللاعودة لرحلة سرابية
آه
لو كنا لا ننسى
كنا نأسى
ولا نشفى
ونغرق في يم الذكري بين كل همسة وزفرة
ولتراجعت كل الخيول العمياء عن جراحنا
واضاءت بوصلة في كل الإتجاهات
بالمتاهة حينها سنعترف
ونعرف بان الليل بلا شك إله غضوب
والماء كذلك
والاوكسجين
وامرأتي
أقسم بكِ
وبكل نيران الارض بأنك بشارة وعصفورة
ودفئك حقيقة ماكرة واسطورة
وانا نجم تائه ودخان
انام علي وسادة الاماني الفطيرة والخير
صباح الخيل حبيبتي
صباح الخيل حبيبتي
وجنوح صهيلي المؤدي لسهوبك وشذي الرغبة
هيئي لي من انفاسك زنجبيلاً وقهوة
شئ ما في عينيك ينعش سابع حواس ومرفأ لكل خيولي التعبي
يشحذ المغنين انهاراً طروبة بدمي
يشحذني لحد السلك المعدني الرهيف
ويصير ذوبي فيكِ تلاشياً إلي ما بعد الرحيق والهذيان
ومسامك تمطر
زخات خافتة لا تشبه المطر
رذاذ مزهر سرقته الفراشات الصغيرة من عرق الورود الصغيرة الندية
وهي نائمة
وخبأته بينكِ وانتِ نائمة
فراشة لا تخشي النار تحوم حولها تشعل رفيف عشقها اجراساً
انا فراشة
ونحن الفراشات حدائق واقواس قزح طائرة
نتوق لفضاء من قهقهات الرياح
ولسماوات مغزولة من احلام الصبايا
ووجهك ضاحية للاهازيج والهديل يسكن مني مدن الخطو البطئ
وليس لي سوي الرماد المر وانحدار كل الوقت بإتجاه الارق
واجنحة الحلم تأبي ان ترفرف بي بعيداً عن مجمرة الهواجس وكوابيس المنفي وهذا الرهق
ليس لي
سوي جرح طري وحنين النوارس للإياب وصهيل التعب
متزاحماً بي أضج
والمدينة الناعسة في رئتي تكتظ
أعطني حبيبتي بعض انفاسك ِ فالاوقات قاحلة إلا من دوامات التجاعيد والكسل
والعمر مداد يكتبنا علي صفحات الشوارع مشردين وجوعي
ملهاة للاقزام كل التاريخ المكتوب ودروب للقوافل العرجاء وشروخ
غرباء
غرباء
غرباء
تبنتا الشمس ابنائها الشرعيين
ولم نسألها التعليل والسبب
وجلسنا في الظل نحقن بعضنا بملامحكَ
ببعض الوهج
بقليل من التعب
بكثير من الالق
بكل اللهب
هو انت ذاك النجم الذي مات منذ ملايين السنين الضوئية
لكنه ما زال لؤلؤة الأفق بين كل نبضة واخري يبرق
سوف نهاجر عن دمنا معكَ لصحراء فينا
أو
لدم أخضر
الحصاحيصا
1994
|
Post: #10
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-20-2004, 09:39 AM
Parent: #1
عبد الله
كم هو جميل حينما يخاطبنا بكل هذا الوضوح
ودونه مفرداته وتناوله لمواضيع نتضارى من مواجهتها خوفا من التعري الفاضح لهزيمتنا
ونراه الآن وفي كل الاوقات عاريا ودنما خجل من ما نخاف منه وهكذا هو
اما انت
فجمالك من نوع تاني
ممكن تدينا منو شويه
ربنا يديك العافيه وما حنشكر تعبك معانا
ولا رايك شنو
وبرضو راجيين رجاء بالديوان
|
Post: #11
Title: Re: الي بورداب القاهره والي كل من له علاقة بالامر.....
Author: abdalla BABIKER
Date: 09-20-2004, 09:52 AM
Parent: #1
Quote: وما حنشكر تعبك معانا
ولا رايك شنو
|
ياخي انت غالي والطلب رخيص
|
Post: #12
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-20-2004, 09:36 PM
Parent: #11
الحبيب
عبدالله..
ياخي انت غلاتك في حلاتك
ونحن الرخصه
وبرضو من غير شكر
ويلالالالالالالالالالالالا معانا ياهمم ..
ومدونا بلنك جهات الشعر
وراجييييييييييييكم
|
Post: #13
Title: Re: الي بورداب القاهره والي كل من له علاقة بالامر.....
Author: أبو ساندرا
Date: 09-22-2004, 01:31 AM
Parent: #1
فيصل عباس:
{ ولكم ما تشتهون } شيل شيلتك ، أمانة ما إتورط زول ، أها أنا مشتهيها! حا تودي وعدك وين؟
الجندرية:
رفعت ليك البوست ده مخصوص عشان فيهو قصيدة تسعينية ، زائد اللنك اللذي حا يكفيك ويفيض ، والأجر على الله
|
Post: #14
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-22-2004, 10:38 PM
Parent: #13
عبدالرحمن بركات
ازيك
(أها أنا مشتهيها)
شكيتك علي الله
هي شنو
تشكر للطله ورفع البوست
|
Post: #15
Title: Re: الي بورداب القاهره والي كل من له علاقة بالامر.....
Author: الجندرية
Date: 09-22-2004, 10:56 PM
Parent: #1
شكراً فيصل
وشكراً ابو ساندرا
وشكراً لبابكر عبد الله ولموقع الحوار المتمدن
لولاكم لما وجدت طريق عفيف
|
Post: #16
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-22-2004, 11:02 PM
Parent: #1
الجندريه
مرحب بيك هنا
ونحن تحت امرك ومتآمرين تماما مع فكرتك
ويا ريتنا نقدر نمشي معاك اكتر
تخريمه: وقت اصلك لميتي في عفيفي ما كان تجيبي لينا طلبنا ده معاك وترحينا من التسؤل المنبري ده
الله يخليك وتسلمي
|
Post: #17
Title: Re: الي بورداب القاهره والي كل من له علاقة بالامر.....
Author: فيصل عباس
Date: 09-30-2004, 08:35 AM
Parent: #1
مدد
يا ناس المنبر
ويا رجاء الخميس التاني ما جاء انتي وينك
وتسلموا
|
Post: #18
Title: Re: الي بورداب القاهره والي كل من له علاقة بالامر.....
Author: عبير خيرى
Date: 09-30-2004, 10:23 AM
Parent: #1
سلام يا فيصل
دايما تهبش في الأماكن الـ...........
شكراً لمدنا بكل ما هو جميل
|
|