Post: #1
Title: على ـ كل سنه وانت طيب
Author: osly2
Date: 09-16-2004, 07:05 AM
Parent: #0
لم اتذكر اننى احتفلت بعيد ميلادى يوم ما
ولم احتفل بعيد ميلاد اى من ابنائى من قبل
سمونى كما تريدون
لفت انتباهى اجابة الاخ تاج السر عندما طالبته بالحرص على مسك
العصا من النص
قال انه مجتهد فى ان يطوع نفسه على ذلك ولكن حكاية اعياد
الميلاد دى ما اظنى اقدر عليها
ومن يومها نويت ان احتفل بعيد ميلاد ابنى الكبير على ومحل رهيفا تتقدا
اكمل على اليوم عامه السابع وبدات خطواته المسير فى الثامن قبل قليل
الصف الثالث ابتدائى
الاول على دفعته منذ الصف الاول
حريف جدا فى الشطرنج
ومع ذلك لا يخلو من نزعه ارهابيه فقد هدد بقتل هوبفل عندما سمع
انه على خلاف معى
كل سنه وانت طيب يا ابو علوه
ولا املك الا ان أهديك ما قاله الاستاذ محمد سعيد دفع الله لابنه على
.. بالمناسبه على هذا عضو بورد طال غيابه .
مليت من الغربه أ على
يا ولدى يا ايدى اليمين
داير الرجوع بس كيف يكون
تفكيرى فيه انا من سنين
يا السمحه سموك القرير
الناس يجوك من وين و وين
انا فتا منك شن اقول
غير دا المسطر فى الجبين
|
Post: #2
Title: Re: على ـ كل سنه وانت طيب
Author: Deng
Date: 09-16-2004, 07:09 AM
Parent: #1
كل سنة وأنت طيب يا علي.
وسلام وتحية لأبو علي.
دينق.
|
Post: #6
Title: Re: على ـ كل سنه وانت طيب
Author: saif massad ali
Date: 09-16-2004, 07:15 AM
Parent: #2
كل سنة وانت طيب وربنا يحفظك واتمني لك حياة سعيدة وربنا يحفظ ليك ماما وبابا
|
Post: #3
Title: Re: على ـ كل سنه وانت طيب
Author: عبد المنعم سيد احمد
Date: 09-16-2004, 07:13 AM
Parent: #1
صديقى وقريبى
اوسلى
فلتوقد الف شمعة وشمعة
لابننا النابغة
على
اتمنى لك التوفيق فى لم شمل الاسرة قريبا
ليواصل ابناءك تفوقهم الاكاديمى
نسعد حقيقة بهذه الاخبار المفرحة
وعقبال الشمعة المية ومية ومية
لك مودتى
|
Post: #9
Title: Re: على ـ كل سنه وانت طيب
Author: MUNA OBIED
Date: 09-16-2004, 07:20 AM
Parent: #3
الاخ العزيز كمال
كل سنة وعلي بالف خير
ومبروك ليه وليك التفوق الاكاديمي والشطرنجي
وارجوك واصل الاحتفالات ..ودع زمنهم يتسع لكل الافراح
|
Post: #11
Title: Re: على ـ كل سنه وانت طيب
Author: osly2
Date: 09-16-2004, 11:50 AM
Parent: #3
دينق
ونتمنى انو نسمع بيك عريس قريبا .. امنيه متاخره شديد لانو مفروض
تكون اتزوجت قبل 40 سنه مع اعمامنا النصرى وعووضه
سيف مساعد
ذكرتنى بقصة الذى نوى ان يؤجر بيته واهم شروطه الا يكون للاسره
اطفال
ومره طرق بابه طفلا ذو ثمانية اعوام مبديا رغبته فى ايجار البيت
مؤكدا لصاحبه ليس معه اى طفل فقط والداه
المرهف منعم
ساعة لم الشمل قد اقتربت وقد افرحك اكثر اذا اتصلت تلفونيا
تحياتى لكم جميعا ونتمنى ان تكون ايامكم كلها اعياد
|
Post: #4
Title: Re: على ـ كل سنه وانت طيب
Author: Elnasri Amin
Date: 09-16-2004, 07:13 AM
Parent: #1
الاخ كمال
ربنا يخليو ليك و تفرح بجديده انشالله
انا ايضا ابنى الكبير احمد سيكمل عامه السابع بعد 20 يوم.
انشالله ربنا يجمعهم مع اقرانهم لبناء سودان الحبيب
النصرى
|
Post: #12
Title: Re: على ـ كل سنه وانت طيب
Author: osly2
Date: 09-16-2004, 12:02 PM
Parent: #4
دكتوره منى
اخبارك مقطوعه .. نود ان نطمئن
اعتبرت قرية اوسلى منطقه اثريه والقادم من تحت الارض ينم عن
اشياء كثيره قد تكشف الكثير من المجهول
التحايا لمنتصر وزينب
النصرى
التحايا عبرك لاحمد وام احمد ولا اظنها ممن يقال لها دقى المحلب
فقد يكون تخصصها شئ اخر
عملت شنو فى الموضوع؟
الظلامى ابو حسين شايف دخلتك للنت بقت قليله الشئ الذى يشير
الى وصول حكومتكم اتمنى ان تجد المزيد من الحريه
لكم التحايا
|
Post: #5
Title: Re: على ـ كل سنه وانت طيب
Author: ABUHUSSEIN
Date: 09-16-2004, 07:13 AM
Parent: #1
كــل سـنـة و عـلـي بـألـــف خـــيــــــر
و عــقــبــال 100 شـمـعـة و إحـقـق كــل أمـانـيـه و أمــانــي أبـــوه و أمــه
و ربـنـا إحــفــظ لــيـــك عـــلـــي و أخــوانــــه
و تحـيـاتـنـا لـي عــلي و أم عـلـي و كــل الـعــائــلــة
لـكـن يا أبـوعـلـي ما إتـلومـت مـعـاي ....... يعني الـواحــد إغـيـب لـيـه أيــام و ما تـسـأل؟؟؟؟؟؟؟؟؟
أكــيـــد حـاســـــد و بـغـــران
|
Post: #7
Title: Re: على ـ كل سنه وانت طيب
Author: إيمان أحمد
Date: 09-16-2004, 07:16 AM
Parent: #1
الأخ أوسلي
كل سنة وعلي بخير، وفي حالة أعياد دائمة، عشان ما تضطر تحتفل بيوم واحد من أيام السنة.
وأتمني ليه دوام التوفيق، والبعد عن الإرهاب  (بس حكاية الصور من ماركة أبو هلال دي شنو؟ أها والفي البروفايل ده علي تاني؟  )
لك التحية والاحترام
وأتمني أن تتلم عليهم في الخير والسعادة
إيمان
|
Post: #15
Title: Re: على ـ كل سنه وانت طيب
Author: osly2
Date: 09-16-2004, 12:35 PM
Parent: #7
ايمان
اتابع ما تكتبين بمتعه وعيون مفتوحه بالدهشه
اكثر ما يؤلمنى ان ينشأ هذا الجيل وسط هذا الهوس
عشان ما تحتارى بين الهلالين هاك
النخله رجاء
قال نزار قبانى
بلقيس كانت اجمل النخلات فى تاريخ بابل
بلقيس كانت اطول النخلات فى ارض العراق
ونحن نقول
رجويه كانت امتن النخلات فى وجه الرياح
رجوبه كانت اصلب النخلات فى عز السموم
|
Post: #26
Title: Re: على ـ كل سنه وانت طيب
Author: إيمان أحمد
Date: 09-16-2004, 05:33 PM
Parent: #15
الأخ الكريم أوسلي
أولا شكرا ليك علي المتابعة، وأنا كمان بتابع كتاباتك، واقراها باهتمام وإعجاب، خصوصا حكاية الشعر الإرتجالي المدهش.
شكرا علي الصورة الحلوة، بعتبرها هدية وأسمح لي بالاحتفاظ بيها
ربنا يخليهم ليك العرسان الإتنين وأمهم، ويجمع شملكم في كل خير
ومافي عليهم خوف، بس فتحوا عيونهم للدنيا كويس في الزمن الصعب ده
لك تحياتي واحترامي
إيمان
|
Post: #8
Title: Re: على ـ كل سنه وانت طيب
Author: Raja
Date: 09-16-2004, 07:17 AM
Parent: #1
HAPPY BIRTHDAY ALI
تخريمة لأبو (أبي) علي وأم علي..
كل يوم وعلي بخير.. عقبال ما تهنوهو بفرحو وأولادو كمان..
|
Post: #10
Title: Re: على ـ كل سنه وانت طيب
Author: خضر عطا المنان
Date: 09-16-2004, 07:30 AM
Parent: #8
صديقي العزيز : اوسلي 2
اقيف فوق راسو وغني :
متين يا على تكبر تشيل حملي ..
بوسة من عمو ليك يا ود الناس السمحين .
بعدين شايفك يا اوسلي زغت من محكمة سجيمان عديل كدي !!!.
وكمان انا بشكي منك وليك : صورتي الصيوعة دي ما لاقيها
لحدي الآن ... عليك الله ان بقت ظهرت عليكم ادوني خبر ..
او كمان اديها لحبيبنا حميد سعيد ود دفع الله .. وقولو كفاك
غربة .. العمر ما فضل فيهو شي تب !!!.
خضر عطا المنان
|
Post: #14
Title: Re: على ـ كل سنه وانت طيب
Author: حبيب نورة
Date: 09-16-2004, 12:34 PM
Parent: #10
يا علي
القابلة عريس ياخ
و انا الشر برة و بعيد!!
|
Post: #13
Title: Re: على ـ كل سنه وانت طيب
Author: نصار
Date: 09-16-2004, 12:33 PM
Parent: #1
ود اخوي علي
متين تكبر تشيل بلدي
اياك علي للوطن دخري
كل لححظة و علي و ام علي و ابو علي و عمه بالف خير
و اسلي و ما جاورها احسن من نويورك زاتا
تعرف يا قريبي اني سبق لي أن احتفلت بعيد ميلادي لمدي
ثلاثة اعوام متكاملة.........الزمن كان مبتسم الليالي جميلة حامة
و تني عادت الكوابيس و عبس الزمن و قال لي المحتفل ليها شنو
اتمني لعلي ان تصفوا لهو و به الايام
|
Post: #18
Title: Re: على ـ كل سنه وانت طيب
Author: osly2
Date: 09-16-2004, 03:34 PM
Parent: #13
خضر
متين يكبر ويشيل هم الوطن
كنت اجلس مع صديقى وراق تحت ظلال نخيل اوســلى الوارفه
وكان مشغول بحلاقة ابنه محمد وبقدر ما بذل من مجهود لتقييف
راس الشافع كان للموس كلام اخر .اخيرا حلقه صلعه
ووسط احباط الشافع وفشل مشروعه ان يكون حلاق ما كان منه
الا ان يلتفت نوحى قائلا ويده على راس ابنه
بالله دا راس جنا يرسل لابوه ماهيه بعد ان يشتغل
بجيك لمحكمة سجيمان بعد ان اعرف موقعى شـنو
حبيب نوره
والعاقبه عندك برضو
قريبى نصـار
احتفالك دا الا بعد طفشت من البلد
ولما عبد الله محمد خير قال
طولت شايل الذكرى
فى عينيى للعيد المضى
طولت احسب فى نجوم الليل
واقدر فى مساحات الفضاء
لم يدر بخلدى ان هناك أعياد غير رمضان والضحيه
تحياتى وتحيات على
|
Post: #16
Title: Re: على ـ كل سنه وانت طيب
Author: Hadia Mohamed
Date: 09-16-2004, 01:38 PM
Parent: #1
كل سنه وعلى بخير يا اوسلى وانشاء الله دائما من الناجحين
|
Post: #17
Title: Re: على ـ كل سنه وانت طيب
Author: هشام مدنى
Date: 09-16-2004, 01:54 PM
Parent: #16
العزيز اوسلى
كل سنه شنو بارجل كل قرن وانت طيب انت المفروف تعيش قرون
مع تحياتى
هشام مدنى الاصلى
|
Post: #21
Title: Re: على ـ كل سنه وانت طيب
Author: osly2
Date: 09-16-2004, 04:15 PM
Parent: #17
هاديه
وكل سنه وانت اكثر ابداعا وأكثر الهاما
هشام مدنى
كل قرن ؟ السلحفاه ما بقولوا ليها كدا
كل سنه انت موجود
انت حقيقى
انت اصلى
تحياتى لك وللاسره الكريمه
|
Post: #19
Title: Re: على ـ كل سنه وانت طيب
Author: Elnasri Amin
Date: 09-16-2004, 03:56 PM
Parent: #1
[| Quote: عملت شنو فى الموضوع؟ |
اعمل شنو يعنى؟
عملت نايم
و الحفله بكره
قلت نعملها حفلة تعارف و نقرض على كده
حانذل بوست مخصوص لتعريف الاعضاء الجدد بانفسهم و شويه ميرندا و بس
|
Post: #20
Title: Re: على ـ كل سنه وانت طيب
Author: osly2
Date: 09-16-2004, 04:04 PM
Parent: #19
النصرى
معنوياتى اليوم فى السماء .. عندى مزاج عالى انو اغنى
نتعلم الحلاقه فى اضنين الجدد
عم عووضه شفتو حايم بى هنا ؟
|
Post: #22
Title: Re: على ـ كل سنه وانت طيب
Author: kamalabas
Date: 09-16-2004, 04:45 PM
Parent: #1
كل سنة وعلي طيب مع أحلي الأماني له بالتوفيق
والصحة والعافية ..وهو وبقية عقد أسرته الكريمة..
مع الأماني أن تنزاح تلال الرمال التي زحفت علي [U]أوسلــــــي .وتسلقت أعالي النخيل وتسورت أحواش المساكن...
ولكم ودي
كمال
|
Post: #23
Title: Re: على ـ كل سنه وانت طيب
Author: Ahmed Alrayah
Date: 09-16-2004, 05:17 PM
Parent: #22
... وأستغلّ المعنويات العالية في السماء للزميل/ أوسلي وأفاجئه بمباركة عيد ميلاد ابنه أبو علوة، وإن شاء الله عقبال مباركة النجاح والتفوّق، كما إنّها سانحة ذكّرتني أخي الأصغر منّي/ علي الذي أتمنّى أن تجمعه جلسة رياضيّة هلاليّة مع زعيم الهلالاب في المنبر تاج السر، والله يكونوا بس مدّاح ولاقوا دراويش!!
(هذا شأن وللأمور الأخرى شأنها يا أوسلي، ستجدني مختلفا معك كلما وجدت منك رأيا أختلف معه).
كل سنة وعلي طيّب وناجح ومتفوّق، آمين.
أحمد الريّح
|
Post: #24
Title: Re: على ـ كل سنه وانت طيب
Author: bayan
Date: 09-16-2004, 05:31 PM
Parent: #23
HAPPY BIRTH DAY
ALI
3MOR MADEED WA SA3EED
BEEN WALDEEK
FROM GRANDMAM ALZLAMYAH
BAYAN
|
Post: #25
Title: Re: على ـ كل سنه وانت طيب
Author: tabaldy
Date: 09-16-2004, 05:32 PM
Parent: #1
اها بس ما تقول التورتة فاتتنا ؟
يا زول كل سنة وهو والجميع بخير وعافية
ربنا يحفظو ويكون ذخراً لي والدينو انشاء الله
تحية لي ام علي ولعلي مشروع الارهابي
مختلف انت مع جمال ؟
ما قال لي
خلينا نفرح
اللحظة لحظة فرح وداك لي بعدين لو كان في بعدين انشاء الله
سلام
ابنوسي
|
Post: #28
Title: Re: على ـ كل سنه وانت طيب
Author: osly2
Date: 09-16-2004, 08:23 PM
Parent: #25
الحكيم كمال عباس
يبدو انك طويل عهد بالبلد فقد ابتدع انسان اوسلى نظام الحور الذى
لا يوجد مثيل له فى منطقه فى العالم حيث تحفر حفره فى الرمال
بعمق يتراوح بين المترين والثلاث وتغرس الشتله داخلها
وتثمر هذه الشتله بعد عامين من زراعتها فى حين تحتاج لثمانيه
اعوام حتى تخرج من هذا الحور
هل سمعت من قبل بنخله تثمر تحت الارض ؟
ويجرى الان تشطيب مشروع اوسـلى الزراعى الخلوى بمساحة
21 الف فدان مما يوفر حزام واقى من حرب الرمال
وتبقى معضلة اوسلى فى الهدام وفى النيل الذى يغير مجراه كل فتره
من الزمان
احمد الريح
تسللك الى هذا البوست اعده كتسلل مهاجم اهلى مدنى امس واحرازه لهدف فى مرمى المريخ . احييك على المحاوله الذكيه لاستكتاب تاج
السر فلو هرب منه بحجة عدم ولوجه لمناسبات اعياد الميلاد
فلاشك انه داخل للمغالطه الرياضيه كدأب اخوتنا الهلالاب
الابنه بيان
الدكتوره شبعتى منها.. الخاله حتى النصرى وعووضه قالوها ليك..
الاخت على قفا من يشيل .. الابنه دى حقتى براى
كل سنه وانت اكثر بعدا عن مواقع الظلام والسنه الجايه نشوفك
نورانيه مكتمله وما دام مميله على هاشم صديق وصلاح ابراهيم
مشوارك ما بعيد
الاصيل تبلدى
التورته دى شنو ؟
انا اقول ليك دا اول احتفال تسألنى من تورته
كل سنه وانتم غير ظلاميين .. امين ..كمال عباس بره من دى
|
Post: #27
Title: Re: على ـ كل سنه وانت طيب
Author: hasan_6
Date: 09-16-2004, 06:04 PM
Parent: #1
الصديق العزيز اوسلي
حينما رايت عليا بنظرته الثاقبه وذكائه المتقد ينظر الي المستقبل ببصيره نافذه ووعي يفوق سني عمره المديد
علي اكمل سبع سنوات خضر وانا اكملت سبع سنوات يابسات اكلن ما ادخرته من قوي ومن قوت
التمنايات لعلي بعمر عريض والعمر العريض بالمعرفه والعلم ومجالسة الاخيار لهو خير من الف سنة مما تعدون
اطل علي بهلاله كما تطل اوسلي بنيلها ونخيها وهي تحتضنك وتمنحك الامل بعد ان تكون هدتك رمال الصحراء وافقدتك الامل حتي ان تتعشم في ظل ظليل
ما بين علي واوسلي المتلهفه
يبقي الامل والحلم وما اضيق العيش لولا فسحة الامل
لا شك ان عليا وجيله سيكونون اسعد حالا حتي لو حاولوا بناء ما خربناه نحن
لك الود كله ولعي ومن معه
ووين راحل يا وسلي ؟
مفارق دربك الاخضر ومفارق تمرك الشايل
|
Post: #29
Title: Re: على ـ كل سنه وانت طيب
Author: Ahmed Al Bashir
Date: 09-16-2004, 08:32 PM
Parent: #1
كمال يا ابوعلى
مية شمعه لولدنا النابغه انشاء الله
و خمسين ليك انته
جاتنا الاخبار من فولتون ستريت انه الحفله ما فيها تورته
بس شريق و منين و قراصة تمر
غالبك تضرب تلفون تعزمنى؟
|
Post: #30
Title: Re: على ـ كل سنه وانت طيب
Author: Ahmed Alrayah
Date: 09-16-2004, 09:24 PM
Parent: #29
| Quote: تسللك الى هذا البوست اعده كتسلل مهاجم اهلى مدنى امس واحرازه لهدف فى مرمى المريخ |
وكمان مريخابي يا أوسلي!! يبدو أنّ ما بيننا ستظلّ كما هي عليه رغم محاولات رأب الصدع هذه، لم لا تقل أنّ تسللي هذا يشبه خفّة هيثم مصطفى (أمير الهلال) وتسلله بين المدافعين بمهارة يحسد عليها؟! برضو في الكورة كيل بمكيالين يا أوسلي؟!! 
أحمد الريّح - Just Kidding
|
Post: #31
Title: Re: على ـ كل سنه وانت طيب
Author: bayan
Date: 09-16-2004, 09:53 PM
Parent: #30
آسفة يا حبيبى يا على نقلب ليك بوستك دا لكلام ناس كبار(مش الناس الكبار ديل عورة خلاص بلاهى)
الوالد اوسلى
للرد على ما اسلفت نود ان نحيلكم الى ما قاله شيخى وعرابى محمد عبد الحى.. فى مقام الاستنارة والاستظلام اذ انه يعبر عنى تماما
Quote: "الأمر عندي هو أنني لست شاعراً من شعراء الجماعة فأنا أتكلم بصوتي الخاص بي الذي أعمقه وأثقفه حتى يتزاوج فيه الخاص بالعام والعام عندي هو تجربة الإنسان الواحدة المتكررة الباطنية الأعمق أو الأعلى من الزمن التي لا تتغير في جوهرها بل تتشكل في أشكال جديدة كل عصر".
كشاعر أعتقد أني أختلف عن شعراء العصر في السودان - وفي العالم العربي - بإيماني العميق بهذا الجوهر الديني للوجود الإنساني وبإيماني الأعمق منه بأن هذا الجوهر بلغ أقصى نقائه وجماله الشكلي في الإسلام وهذا الإيمان إيمان خلق لا تحجر". |
مع العلم اننى لا اكتب الشعر الا محاولاتى الخنفشارية تلك التى قرأها عدد كبير من الناس... 
كما نود ان نفيدكم علما اننى متبناة من شنتير وهو دائما يخاطبنى بابنتى ولكن لا مانع لدى ان تدفع له خلو رجل خاصة انه صار الان ملفت النظر..... وانا اريد ان ابعد من ناس المشاكل..
واكون فى حوى ابطال المنبر...
تانى يا على يا حبيبى معليش (قراندما) دى مرات بتجيها حالات خرف
تحاول تقنع الديك انها ما حبة
كل سنة وانت يا على ولد السرور
وامك تقوليك متين يا على تكبر تشيل حملى
|
Post: #37
Title: Re: على ـ كل سنه وانت طيب
Author: osly2
Date: 09-17-2004, 06:50 AM
Parent: #31
الابنه بيان
بينى وبينك خفت من حكاية شانتير دى وبالمناسبه فى عريضه
مرفوعه ضده مما قد يؤدى الى ايقافه وتصبحين كالخنساء
مع اختلاف الموقف ويقول الناس عليك شوف الشؤم دى قفلت ابوها
وابنها فى حراسة البورد وحايمه من بوست لى بوست
وبالرغم من كل هذا انا وافقت بكامل قوايا العقليه ان اغامر واتبناك
وحكاية خلو الرجل سأبدأ فيها بعد دخول شانتير السجن فقد يكون
وقتها محتاج لمبلغ الضمانه ولن يساوم
تحياتى
|
Post: #47
Title: Re: على ـ كل سنه وانت طيب
Author: bayan
Date: 09-17-2004, 07:40 PM
Parent: #37
كل سنة وانت طيب مرة اخرى يا علوب
|
Post: #32
Title: Re: على ـ كل سنه وانت طيب
Author: AL GURAIR
Date: 09-16-2004, 09:57 PM
Parent: #30
< الصامد " اوسلي " ولهذا الشبل .." علي " .الرويان ..بماء النيل ..والذي تجرى في دماءه ...طيبة أهلنا...الذين أختزلهم " ود النصري " برائعته " ..صبرية .. حيث قال:
حمت أطراف..... الفيافي
شلت صبحي وليلي حافي
***
زى طعم صبرية .....مافي
زى عشم صبرية..... مافي
لك التحية أخونا اوسلي ..ولهذا الهمام.. ألف شمعة وشمعة ..بديار تسقفها السعادة ..والمحبة..
>
|
Post: #42
Title: Re: على ـ كل سنه وانت طيب
Author: osly2
Date: 09-17-2004, 12:06 PM
Parent: #32
القرير .. الرجل القادم من جنة الله فى الارض
من شفع صغار يا دوبنا
ماسكين الشطر نتربا
ما فتنا البلد بالمره
حبها قام معانا وشبا
فارقنا القـرير نتباكى
احكام الزمان صح صعبه
التحايا لك ولاهل القرير من الكنيسه حتى الكرى
|
Post: #36
Title: Re: على ـ كل سنه وانت طيب
Author: osly2
Date: 09-17-2004, 06:37 AM
Parent: #30
احمد الريح
برضو فيك الخير فلم تصف الذى بيننا بما صنع الحداد
اكثر من كده يا ابوحميد اتوقعت بت الاحفاد تدخل لتبارك ثم ترجع
لمخباها
عارف الرياضه دى عندها احكاما براها تلقى الشيوعى والكوز على
مسطبه واحده وهاك يا عرضه ومعانقه عندما يحرز فريقهما هدف
ولكن بعد ركوبهما للحافله المتجهه للحى تبدأ المناقره ويبدأ الشيوعى
مع اول مطب للسياره باللهى دىحكومة شنو دى المقادره تعمل شوارع
زى الناس فيرد الكوز حتى الشوارع عاوزين تعملها ليكم الحكومه ؟
وهاك يا مناقره حتى موعد مبأراة قادمه
مرحب باطلالتك الثانيه
|
Post: #33
Title: Re: على ـ كل سنه وانت طيب
Author: osly2
Date: 09-17-2004, 06:20 AM
Parent: #29
Quote: ووين راحل يا وسلي ؟
مفارق دربك الاخضر ومفارق تمرك الشايل |
مفارق المويه فى الجدول
مفارق نيلك السايل
عمو حسن
مشتاقين والله .. لا بنلقاك هنا ولا بنسعد بصحبتك هناك
اكيد انت ذاتك ما لاقى روحك ولسان حالك يقول
قلبى فى حبك حاكى قيس
فى ظلام ليلاتك يصـــيح
فى دروبك قاسى الرياح
وانطفت منو المصـــابيح
لا لقاك يا غالى استراح
ولا نسـاك عشان يسـتريح
لك التحايا ونتمنى ان نحتفى بك قريبا
|
Post: #35
Title: Re: على ـ كل سنه وانت طيب
Author: معتز تروتسكى
Date: 09-17-2004, 06:32 AM
Parent: #33
متين ياعلى تكبر تشيل حملى..
ياكا على الخلاهو ابو دخرى..
من كل القلب ربنا يخليهو ليك..
هو اخواتو والمدام..
والاسره..وكل من بحاضرتكم..
معتز تروتسكى
|
Post: #39
Title: Re: على ـ كل سنه وانت طيب
Author: osly2
Date: 09-17-2004, 06:57 AM
Parent: #29
احمد البشير
اتصلت عليك ولقيت ناس ال T-mobile
خاتين اعلان يقول نصه
هذا المشترك لم يسدد فواتير الشركه لمدة ثلاث اعوام
نحذر زبائننا الكرام من التعامل معه كما نرجو من اهل
الخير المساهمة فى حل ديونه فقمت بالواجب على حساب التورته
|
Post: #34
Title: Re: على ـ كل سنه وانت طيب
Author: عبدالله
Date: 09-17-2004, 06:26 AM
Parent: #1
كل سنه وعلي طيب000
وانت طيب 00
وكلكم طيبين
تحياتي0000000 وندعو الله ان يرد غربتنا جميعا
|
Post: #43
Title: Re: على ـ كل سنه وانت طيب
Author: osly2
Date: 09-17-2004, 12:11 PM
Parent: #34
تروتسكى
التحيه لك ايها المناضل الذى لم ولن تفتر له عزيمه
عبد الله
تحياتى وتحيات ود خالتك العريس عبد الله الذى تم عقد قرانه قبل
فتره على احدى حسـان اوســـلى
|
Post: #38
Title: Re: على ـ كل سنه وانت طيب
Author: محمد الامين احمد
Date: 09-17-2004, 06:51 AM
Parent: #1
الف مبروك و عقبال ما تفرح باولادو ان شاء الله
و يا ابوعلى نحن محتاجيين بطل شطرنج عالمى سودانى
و مادام ابنك عندو الشرارة، نتمى منك ان تنمى لديه هذة الهواية
|
Post: #40
Title: Re: على ـ كل سنه وانت طيب
Author: Tumadir
Date: 09-17-2004, 06:59 AM
Parent: #38
متين يا على.....تكبر تشيل حملى
"اقصد صعب صعب يا على"
دايره اجيب ليه كلام لذيد باسمو لكن يبدو انه ده الموجود...
ههههههه
المهم:
يا سلام يا اوسلى ...الف شمعه من اجل علاوى الصغير
وما اجمل الاطفال...حين نراهم يكبرون وننفتق زهرات شبابهم امام اعيننا يتعلمون منا ومن مجهول اخريفاجئوننا به ..عله الحياه او الجيل فيصيرون لنا حبات اعين وفلذات اكباد
(فلزات اكباد ولا فلزات مصارين)
جعله الله لوالديه قرة اعين ولوطنه بطلا وللانسانية لواء
وكل عام وهو بخير
|
Post: #41
Title: Re: على ـ كل سنه وانت طيب
Author: تاج السر حسن
Date: 09-17-2004, 07:55 AM
Parent: #40
أوسلى الحبيب
لمقام (على) ، لا شئ اسمه (مسك العصايه من النص)، وانما ناتى اليه محتفلين مبتهجين، متوسلين بسميه أن تنتهى هذه الغربه بكل صورها.
وقريبا سوف احتفل (بأبنه) أبنى (الحسين).
وأهديك هذه الكلمات عن الغربه التى وجد فيها أخى وصديقى الفنان المرهف الأحاسيس أبن البلد/ مجذوب أونسه، ما يمكن ان يطرب الأخرين، فتغنى بها باكيا خلال عيد كئيب، بعيدا عن الأهل والوطن.
دموع الغربه
ياالقضيت عمرك فى غربه وكل زماناتك غريبه
ما النسائم الحلوه عدت كيف نعيده وكيف نجيبه
ما تكتر الطله وماتطول الغيبه
الغربه نار حرمان ياربنا نسيبه
________________________________
ناس بتفرح بى حبيبه وقصة افراحم عجيبه
وناس بتقبل بالبصيبه وترضى بالقسمه ونصيبه
مر عيدى وفات وروح والفراق أكبر مصيبه
|
Post: #46
Title: Re: على ـ كل سنه وانت طيب
Author: osly2
Date: 09-17-2004, 02:01 PM
Parent: #41
Quote: ناس بتفرح بى حبيبه وقصة افراحم عجيبه
وناس بتقبل بالبصيبه وترضى بالقسمه ونصيبه
مر عيدى وفات وروح والفراق أكبر مصيبه |
وناس بتمسك فى العصايه بى اصابع جد غريبه
يبكوا فى الاعياد براهم بى عيونا طال نحيبا
وفى الترح دايما تراهم بى بسيمه غطاها ريبه
شكرا لك يا اصيل على هذا التنازل من أجل على
وعيد ميلادك متين يا ابو الساره ؟
|
Post: #45
Title: Re: على ـ كل سنه وانت طيب
Author: osly2
Date: 09-17-2004, 01:52 PM
Parent: #40
تماضر
يا من شكلتى الكثير من دواخلنا هل نحلم بعمل يخاطب جيل على ؟
اخوك مصيبته مصيبه واقع بين المطرقه والسندان وبين اعتى ديكتاتوريتين ام على والقادم من جبل ام على
اهديك هذه اللوحه من عمق قرية اوسـلى وهذا الفنان الذي يهوى اللعب
مع الحجر
|
Post: #44
Title: Re: على ـ كل سنه وانت طيب
Author: osly2
Date: 09-17-2004, 12:22 PM
Parent: #38
محمد الامين
الشطرنج من امتع الالعاب وهى من اللعبات النادره التى ينعدم فيها عامل الحظ
افكر بصوره جاده فى اقامة بطولة سودانيزاونلاين للشطرنج
البركه فى النت الذى وفر لنا كل شئ
انا حريص جدا على تنمية قدراته الشطرنجيه وأكثر ما افرحنى
انه صار يتغلب على امه بكل سهوله ..بينى وبينك دى فيها شماته ..
شكرا على الاطلاله
|
Post: #48
Title: Re: على ـ كل سنه وانت طيب
Author: osly2
Date: 09-18-2004, 07:58 AM
Parent: #44
الشكر لكل من خط حرفا هنا الشكر لكل من عبر من هنا
واتمنى ان تكون كل ايامكم اعياد
ولعلى كل سنه وانت كما اتمنى لك
(¯`'•.¸(¯`'•.¸ \ qjjjl/ ¸.•'´¯)¸.•'´¯)¨° ©qjjjl;*;* qjjjl'·.¸(¯`'·.¸ _ ~* * *~=- _ ¸.·'´¯)allah¸.·'´¯) * (_¸.·'´(_¸.·'´ ¯ -=~* (¯`'•.¸(¯`'•.¸ \ qjjjl/ ¸.•'´¯)¸.•'´¯)¨° ©qjjjl;*;* qjjjl'·.¸(¯`'·.¸ _ ~* * *~=- _ ¸.·'´¯)allah¸.·'´¯) * (_¸.·'´(_¸.·'´ ¯ -=~*
(¯`'•.¸(¯`'•.¸ \ qjjjl/ ¸.•'´¯)¸.•'´¯)¨° ©qjjjl;*;* qjjjl'·.¸(¯`'·.¸ _ ~* * *~=- _ ¸.·'´¯)allah¸.·'´¯) * (_¸.·'´(_¸.·'´ ¯ -=~* (¯`'•.¸(¯`'•.¸ \ qjjjl/ ¸.•'´¯)¸.•'´¯)¨° ©qjjjl;*;* qjjjl'·.¸(¯`'·.¸ _ ~* * *~=- _ ¸.·'´¯)allah¸.·'´¯) * (_¸.·'´(_¸.·'´ ¯ -=~*
|
Post: #49
Title: Re: على ـ كل سنه وانت طيب
Author: Ana Zaty Omdur
Date: 09-20-2004, 01:16 PM
Parent: #1
كل سنــــــه وأنت طيـــــب يا على وأمنياتى لك بدوام النجاح
حبوبتك أمدر
|
Post: #50
Title: Re: على ـ كل سنه وانت طيب
Author: osly2
Date: 09-20-2004, 03:18 PM
Parent: #49
على الجابك انت وتاج السر ابدا ما ساهل
شكرا على المرور يا حبوبة ابو على
وحمد الله بسلامة الكمبيوتر
|
Post: #51
Title: Re: على ـ كل سنه وانت طيب
Author: Rawia
Date: 09-20-2004, 05:55 PM
Parent: #50
ادخل ولا لا
كل سنه وعلى بخير
يخليهم ليك وتشوف جديدهم
وتحضر نجاحهم
معليش للتاخير
كان فى حادث فى السكه
|
Post: #52
Title: Re: على ـ كل سنه وانت طيب
Author: Rawia
Date: 09-20-2004, 05:59 PM
Parent: #51
نسيت اسالك
تاج السر ما جاك لى عيد ميلاد على؟
|
Post: #53
Title: Re: على ـ كل سنه وانت طيب
Author: omar ali
Date: 09-20-2004, 06:54 PM
Parent: #1
متين يا علي تكبر تشيل حملي
تضم الاهل وتجمع معاك شملي
اسدا تصير وهسع في العرين شبلي
هاك النجوم.. سجلت اسمك في الخلود برضي
عيد ميلاد سعيد يا عليوه ..وعفبال مئة شمعة تضوي
في طريف ملئ بالخير والمسرات
|
Post: #54
Title: Re: على ـ كل سنه وانت طيب
Author: osly2
Date: 09-20-2004, 07:51 PM
Parent: #53
راويه
الله يبعد الحوادث من طريقه وزى ما بقولوا السايقه واصله
شكرا على الطله وعلى الهديه بس السنه الجايه لازم يكونو هديتين
عيد ميلاد على ومرور عام على دخول تاج السـر فى قامة المهنيئن
عمر على
الرجل الذى لا تكل خطاه من السير فى مسـالك المنطق الف شكر
على الطله ومن غرائب الصدف ان تأتى الموافقه لعلى بدخول
الولايات المتحده متزامنه مع عيد ميلاده
لكما التحايا والياسمين
|
Post: #55
Title: Re: على ـ كل سنه وانت طيب
Author: Ana Zaty Omdur
Date: 09-21-2004, 01:32 AM
Parent: #1
ده شنو يا osly2 أنتو يتنحتو أصنام فى أوسلى 
|
Post: #56
Title: Re: على ـ كل سنه وانت طيب
Author: osly2
Date: 09-21-2004, 02:12 AM
Parent: #55
امدر .. كلامك الفوق دا انا اعتبرته تحريض لطالبان البورد ضدى
اذا حدث لى اى شئ خلال ال 50 سنه القادمه شيلى شيلتك
*هذا الفنان اسمه خلف الله على ..يعشق الاحجار ويهيم فى الصخور
|
|