يا تماضر ست ابدابك

لنا بالقرية مدرسة ابتدائية للبنات, وفي احدي السنين شاء القدر ,ان تكون بالمدرسة معلمة من بنات امدرمان, ولقد استلمت الفصل الاول لغة عربية. بدات المسكينة بالحروف , وعندما وصلت الي الحرف ناء نمر,جابهت مشكلة كبيرة وهي بنات القرية بعد الحصص يتوجهن الي الحواشات بالزي المدرسي للقيط القطن, المسكينات بعد مغيب الشمس نوم بعد نهاية يوم حافل بالتعب,جن البنات الي المدرسة اليوم التالي , سألت المعلمة البنات يا بنات انا امس اديتكم ياتو حرف واحدة ردت مافي كتب ناء في السبورة يا بنات الحرف ده شنو واحدة ردت مافي , زهجت منهن قالت ليهن ناء نمر نمر يقطعكن , واحده صغيرة قالت ليها ست ابدابك, المدرسة ما فهمت شي .مشت المكتب بعد نهاية الحصة سالت المعلمات هي ست ابدابك يعني شنو قالن ليها كيف,قالت قلت لي البنات نمر يقطعكن فاطنة قالت لي ست ابدابك, قالن ليها يالعويرة قالت ليك النمر يبدا بيك انت اول شي

اتصل بى هذا الرجل فى هجعة الصباح ...حتى تحولت لرئيس مخلوع من الهجمة ...

ولو انه كتر خيرو ...داير يوصل لى معلومة ...من طرف ناس جميلين ...

وبدا "ربربة " لغاية ما النومة الويحيدة ومشيحيدة ....فرررررر طارت

له مقدرة على الاضحاك والحكى ...فحكى لى فيما حكى هذه ال" ست يبدابك" فقلت له تنفع عنوان بوست...

فشكرا يا سيف الله ...على هذه البادرة وزى ما قال المثل "دار ام بادر ياحليله بريد زولى)


والباقى ما بكلم بيهو ...لانو احتمال يحرجك وكده....هاهاهاها

....وان عدتم ...فتيناه

الاخت تماضر
تحيه عطرة
شوفتي جنس التلفون ده و قلت لي سجيمان تماضر دي تشكيني لي الله مدة الايام اربعة ونصف صباحا ,صليتي الصبح حاضر يا اختي وجزاني الله خير ناس الزمن ده خير تعمل شر تلقي هههههه. وتاني ما بكلمك بي حاجة