عبد العاطي - الادارة - دينق - هوبفل - و بالعكس

Quote: العزيزة/ رجاء. ألف سلام لكي. بالمناسبة أعملي حسابك, سميرة = هوبلس أنهم نفس الشخصية الغريبة دييك. دينق.

الاخ عادل
1-في مداخلته في بوست الاستاذة رجاء العباسي ( هل نحن امنون الكترونيا ) وردت العبارة اعلاه من الاستاذ دينق

2-ما فهمته ان الاستاذ دينق يشير الى ان الاستاذ هوبفل الموقوف تمكن من الدخول الى المنبر باستخدام حساب مجمد وهو -ان كان صحيحا - يعزز ما اوردته الاستاذة راوية العباسي من قبل والمعروف نفاصيله للجميع
3- اذا كان ما اشار اليه الاستاذ دينق صحيحا فبالتالي يجب تطبيق قوانين المنبر على الاستاذ هوبفل باعتبار ان ماقام به نوع من الهكر
4-واذا كان ما اشار اليه الاستاذ دينق غير صحيح - اطالب بتطبيق قوانين المنبر عليه باعتبار ان اتهام مثل هذا ليس بالسهل وفيه اساءة بالغة- اذا لم يكن هنالك دليل
5-واذا كان الكلام بتاعي دا نوع من الهرطقة و البحث عن المشاكل اكالب بتطبيق قوانين المنبر علي باعتباري مثيرا للمشاكل
6-اخيرا:

ورد في مداخلة الاستاذ دينق في بوست الاستاذ عبد العاطي المعنون (ايقاف حساب العضوة سميرة الى اجل غير مسمى ) الاتي:

Quote: الأخ/ عادل شكراً للاستجابة السريعة دينق.

استجابة سريعة لي شنو ؟؟
هل دار حوار بين الاستاذين في هذا الاتجاه و تمكن خلاله الاستاذ دينق من اقناع الاستاذ عبد العاطي حول حقيقة عضوية الاستاذ/ الاستاذة سميرة

Quote: هل دار حوار بين الاستاذين في هذا الاتجاه و تمكن خلاله الاستاذ دينق من اقناع الاستاذ عبد العاطي حول حقيقة عضوية الاستاذ/ الاستاذة سميرة

لم يدور

عادل

اخ عادل صباح الخير
شكرا للرد على هذا الجزء من الرسالة وسيكون الشكر مضاعفا اذا تم توضيح الجزء الاول و الاكثر اهمية

السيد / عثمان عووضة

ما تفضلت به منطقى جدا

عثمان عووضة
أول يوم تكون تكون عثمان عووضة ، وين كنت من زمان ؟؟

محمد الامين
اشكرك--بس يتخيل لي دا ما زمان منطق

ابوطلال
برد عليك تلفونيا اليومين الجايات كان بقينا حيين

عثمان عووضة

انا اطالب الادارة.... بايضاح كل ما ورد في تساؤلاتك.....والله دا كلام يستحق الوقفة......ويستحق انو نحن نعرف الحاصل شنو؟.....



وعليك الله يا عثمان....عمتك دي لفيتا في ياتو كوفير؟

دكتور عادل
انا من عائلة محافظة ما قاعد امشي كوافير -- العمة دي باروكة

عثمان عووضه
افتش لاقرب طريق يوصلنى لهوبفل منذ امد بعيد
لما لقيت عنوانك دا لم تسعنى الفرحه وبينى وبين نفسى قلت قرأ
صديقى عووضه ما يجول بخاطرى وافتتح خط مواصلات جديد
نختصر به المسافه والزمن وباب رجعتى مفتوح بعبارة وبالعكس
واذا بى افاجأ بانك اصبحت مدعى عام واخر عهدى بك محاسب
فى محكمه شرعيه
انا افضل خيارك الثالث . هنا تبدو العداله اباذرية السمات

اوسلي
انا قبلان بالخيار الثالث على شرط تكون معاهو مائة دينار وجارية حسناء--ساعتها سانصرف

الأستاذ عثمان عووضة..

سلام وتحية..

والغريبة اني لقيت البوست ده في الصفحة التانية ايقاف حساب العضوة سميرة الي أجل غير مسمي !..


وتبرز أسئلة منطقية مثل:

إذا كان/ت العضو/ة سميرة قد أبلغت عن فقدان باسووردها.. إذن كيف كتبت مداخلاتها السابقة وهي دعوة (جريئة) لجلسة صلح بيني وشقيقتي وهوبلس..

الأمر بالفعل يحتاج لإحترام لعقولنا وتوضيح: ماذا يحدث..؟


شكرا للإنتباه..

استاذة رجاء

كنت اناقش هذا الامر امس مع واحد صاحبي شديد قال لي ياخوي دا شعرا ماعندك ليهو رقبة واحسن ليك تبعد دمك -- الغريبة كل كلمة قالها صحيحة تماما وفي محلها--انتي رأيك شنو ؟؟ ازوغ؟؟
==
انتي ماكنتي مرتاحة --الرجعك تاني شنو للهم(الكلام دا جد وكان اتزنقت بقول كنت بهزر ساكت -- وماحدش حوش)

الفاضل عثمان عووضة..

تحية وسلام..

أبدا ما غلطان.. ولا في داعي للزوغة بالهزار..

راحتي في أن أعرف: هل نحن آمنون..؟

تصدق وانا بعيدة برضو ما كنت آمنة من شرور من يتتبعني.. فما العمل..؟

تسلم..

عووضه

يا صاحبى هنا لا احد يستمع لما هو منطقى

كلامك 1+1=2

لم التجاهل ؟ لست ادرى لكننى اعلم ان الصوت العالى واللغه الخشنه هما وحدهما اللذان يجدان اذانآ صاغيه فى هذا المكان

Quote: دا اتهام مش سؤال يا اداره يا نايمه من اول يوم يا انو يكون الاسم ليه واستحق اي عقوبه او يكون لغيري ويستحق هذا الدينق العقوبه والنوم ما بيحل مشكله اصحوا معانا شويه الملفات كتيره

من هي العضوة سميرة؟ هل هي أحد الأسماء المضروبة لجمال هوبلس؟

Quote: 3- اذا كان ما اشار اليه الاستاذ دينق صحيحا فبالتالي يجب تطبيق قوانين المنبر على الاستاذ هوبفل باعتبار ان ماقام به نوع من الهكر 4-واذا كان ما اشار اليه الاستاذ دينق غير صحيح - اطالب بتطبيق قوانين المنبر عليه باعتبار ان اتهام مثل هذا ليس بالسهل وفيه اساءة بالغة- اذا لم يكن هنالك دليل

الأخ عادل عبد العاطي ( أمين المنبر ) ...
أضم صوتي لصوت الأخ عثمان عووضة في مطالبتك بالتحقيق والتحقق من أمر الاتهامات التي يطلقها المدعو ( دينق ) على الأخ جمال هوبفول ( الموقوف ) خصوصاً وأنت تملك المقارنة بين رقم الآي بي الخاص بالأخ جمال ورقم آي بي العضوة ( سميرة )
فإما أن تثبت التهمة على الأخ جمال (هوبفول) ويتم فصله ـ وإما أن تتم معاقبة العضو ( دينق ) عقوبة تتناسب مع حجم التهمة الخطيرة والمسيئة للأخ جمال ( هوبفول )

صديقي طلحة

ياخي انت لسه قلة ادبك دي ماداير تخليها -- القال ليك منو 1+1=2؟؟
وكمان بتاع رياضيات !!

شنو ياخي انت وخالد الفضل عفصتو لينا من ديك وعيك

يا أخوأنا بعد ما (مسكنا العصايه من النص)، من وين ظهروا الناس البقولو الكلام الدوغرى شددددددديد ديل؟؟؟

العزيز تاج السر
احسن ليك تبقى عاقل وتخليك ماسكها من النص-- انا زاتي هسع كايس لي طريقة ارجع امسكها من النص وما لاقي
( لكين ما اظنك انت تقدر -- انا متابع بوستاتك وردودك)

الحبيب / عووضه
تعرف فى حاله ذى دى أحسن نجيب العصايه وكل واحد أمسكها من طرف، على الأقل الضربه تتقسم على أتنين بتكون أخف من أنها تكون فى طرف واحد.
سلمت يأ ايها الرجل الفاضل الذى يكتب بقلب ونبض سودانى ، صميم.
السودان القديم ... ولا اله الا الله (القديمه).

خلاس انا موافق
انت امسك الطرف من عندك وانا من عندي و نوقف لينا زول قريب من المفرق عشان لو دخلت سريحة نكون قريبين من المستشفى

الاخ الهادي
في الانتظار معك
شكرا

اتعهد برفع هذا البوست الى ان ياتى السيد عبد العاطى

البيروقراطى

السد العالى *

العنده دوسيه

مين بيقدر عليه

*(بالمناسبه ده كان اسم الموظف فى الماليه الذى كان يصدق على استحقاقات البشر ولقد كان صعبآ على من عاصروه)

جاء في عريضة الاخ / العم عثمان عووضة الاتي :

Quote: العزيزة/ رجاء.

ألف سلام لكي.

بالمناسبة أعملي حسابك, سميرة = هوبلس أنهم نفس الشخصية الغريبة دييك.

دينق.



الاخ عادل
1-في مداخلته في بوست الاستاذة رجاء العباسي ( هل نحن امنون الكترونيا ) وردت العبارة اعلاه من الاستاذ دينق

2-ما فهمته ان الاستاذ دينق يشير الى ان الاستاذ هوبفل الموقوف تمكن من الدخول الى المنبر باستخدام حساب مجمد وهو -ان كان صحيحا - يعزز ما اوردته الاستاذة راوية العباسي من قبل والمعروف نفاصيله للجميع
3- اذا كان ما اشار اليه الاستاذ دينق صحيحا فبالتالي يجب تطبيق قوانين المنبر على الاستاذ هوبفل باعتبار ان ماقام به نوع من الهكر
4-واذا كان ما اشار اليه الاستاذ دينق غير صحيح - اطالب بتطبيق قوانين المنبر عليه باعتبار ان اتهام مثل هذا ليس بالسهل وفيه اساءة بالغة- اذا لم يكن هنالك دليل5-واذا كان الكلام بتاعي دا نوع من الهرطقة و البحث عن المشاكل اكالب بتطبيق قوانين المنبر علي باعتباري مثيرا للمشاكل
6-اخيرا:

ورد في مداخلة الاستاذ دينق في بوست الاستاذ عبد العاطي المعنون (ايقاف حساب العضوة سميرة الى اجل غير مسمى ) الاتي:


Quote: الأخ/ عادل

شكراً للاستجابة السريعةدينق.



استجابة سريعة لي شنو ؟؟
هل دار حوار بين الاستاذين في هذا الاتجاه و تمكن خلاله الاستاذ دينق من اقناع الاستاذ عبد العاطي حول حقيقة عضوية الاستاذ/ الاستاذة سميرة


انتهى


الاخ عادل تكرم بالمرور واكتفى دون اي ايضاحات

الاخ دينق اكتفى بوجود محامي درجة تالتة ولا سنترليق

اها ودي خيمة تانية دقيناها هنا ومصنقرين لحدي ما نعرف الحقيقة

تسأولات مهمه قد تسهم في ايضاح الكثير .

سلامات يا عووضة و طلحة,

اما سدنا العالي نحن فقد كان في ديوان شؤون الخدمة
عندما كان - الديوان - تابعاً للمالية.

ياحسين ملاسى (رحت خليتنا وتانى ما جيتنا) ... للثور الأبيض
حمدالله على السلامه بعد هذا الغياب الطويل.
تخريمه:=
الجا ده منو أنت ولا ابوك ؟؟؟ يعنى لو غيت شهرين أجى جدك؟؟

!!!!!!!!!!!!!?????????????????????

السادة الكرام والسيدات:

جساب العضوة سميرة اوقف من طرفي للاسباب التي ذكرتها في البوست المخصص لذلك - الخطأ في ارسال باسوورد لعنوان آخر غير العنوان المسجل في البروقايل -

لم يتصل بي الاخ دينق ولا اي شخص آخر في هذا الصدد؛ وانا لا انفذ مهامي الادارية بناء علي طلبات الاخ دينق او غيره؛ وانما بما تمليه علي اللوائح ومبادئ تأمين البورد .

حديث الاخ دينق عن ان جمال هوبفول = سميرة هو مسؤول عنه؛ واذا كان للعضو جمال بعد رجوعه تظلم او ايا من الاعضاء فليتفضل بعرضه.

عادل

ابوي طبعاً يا تاج السر .....
هو معقول ياخي يخليني ادخل بوستات عووضة دي براي

ياملاسى اول مرة اشوف لى زول (ابوهو اقيف منو)!!! لووووول

ملاسي
والله انا كنت قررت الاعتكاف الاختياري لكين ماهان علي ما ارد عليك بعد عودتك -- حمدا لله على السلامة
هو كان هسي في زي ناس ملاسي الكبير ديل -- الله يرحمو-- كان دا كلو حصل؟؟ الله يرحمو ويرحم الجميع-- مع السلانة
==