يحلنا الله من دي اتهامات انت شويعي انت كوز انت ضد السيد انت عميل امريكي

الاحبه الكرام
في بلدنا الفاق التهمة الي الانسان امر ساهل, بس تفتح خشمك الكلمة البتجي طالعه خلاص دا حكم صحيح100%
يعني في السابق , اي مظاهرة في السودان ديل الشويعية المتربصين, تقول يا اخوانا الدين ما كدي, دا طابور خامس, يا اخوانا حقوق المواطن قبل واجباتو , حقوق الانسان ,الزول ده عميل امريكي.
ربنا قلع النميري, التهمة اصبحت سادن او كان مغفل نافع وغواصة جبهة.
جوا الجماعة ديل ناس الجبهة , التهمة اصبحت شويعي , طابور خامس , ضد تقدم الدولة والمشروع الحضاري ويجيركم الله كمان سمونا السواد الاعظم الجاهل.
طلعنا بره السودان اها المحك تاني جاء راجع, التهمة اذا سالت قلت ليش او غلط علي طول انت ضد التجمع , ده كوز غواصة , او مصطلح جديد هنا سمعتو بقولوه الي الاخ عادل عبد العاطي متربي وسط الكيزان.
في منظمة حفوف الانسان السودانية, تسمع عميل امريكي, ده يازول خاميها كلها, ده بدفعوا ليهو بالدولار.
اها احزابنا السمحة الله اديها العافيه
في الحزب الشويعي التهم الله لاوراك ليها فيها كمان لو ا ط او طفيلي او حاجة تانيه خرج من مسار الحزب واشياء ليس لها اول او اخر , رفد الحزب الشويعي خيرة كوادرو بالتهم الفارغة.
اها حزب الامة والاتحادي , هنا الصراع بين دعاة الديمقراطية والطاعة العمياء الدينية, اول كلمة انت ضد السيد السيد ديمقراطي وكل شي يباركو بدون مشاكل , يازول انت حزب امه اذا كنت في الاتحادي ,او اتحادي اذا كنت في حزب الامة , او قومي عربي .
ومازالت التهم جاريه نامل ان نسمع انواع التهم الاخري. طبعا هنا في ناس اسمهم الهكر تهمة حديثة