رجلى ودتنى البال تالك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالامس عندما غلبنى اعمل اى حاجه لقيت نفسى و(دبل كليك) على برنامج البال تالك فى سطح مكتب كمبيوترى المسكبن (وبطلق عليهو هذا الاسم لانو مستحملنى وكل ما املك من قلق .. واشيا اخرى ما كويسه) المهم مشيت بمحض اردتى الى هذا البال تالك مع العمل اننى لا اجيد التعامل معه وكان سبب تواجده على (المسكين) هو الاستاذ الجميل الموصلى ، لقد انزلته على الجهاز عندما علمت انو فى ندوة على البال تالك وسوف يتحدث فيها الموصلى عن تجربته ، طوالى قمت على (المسكبن) واضفته ليهو برنامج جديد .
المهم يا شباب قمته فتحته البال تالك وبديت افتش فى المديل ايست ومشيت المديل ايست ‘ (غرفة) كما يسمونها خبرا البال تالك اسمها sudan 4 sudanese طيب ما انا برضو سودانيز ما ادخل كده اشوف الحاصل شنو ممكن الواحد يعرف ليهو معلومة جديدة ، واكيد عرفته حاجات كتيره جدا . كان النقاش فى البداية عن الجامعات وكان كلام جميل جدا وفيهو من الوصف ما يحسسك انو انت حقيقه فى جامعة فى السودان وعايش مع الشباب معاناتهم وحقيقة كنت مستمتع جدا بالنقاش مع انو احيانا بيكون فى ناس ما جادين وبيقولوا كلام (خارم بارم) كان اخر واحد بيتكلم اسمه مسافر (ياريت يكون عنده عضوية هنا فى سودانيز اون لاين ) عشان حقيقة انا فى حاجات عايز افهمه والله بجد ، بعد كده المايك انتقل الى شابه اسمه رزان ، والاخت رزان كان كلامه جميل جدا (بس يخيل لى انها ما كانت جاده كانت عايزه تتكلم بس ) واخترحت رزان انو الموضوع (وبيسموهو التوبك بلغة البال تالك على ما اظن ) الشباب يغيروا الموضوع وطرحت موضوع مهم وشيق جدا وهو كالاتى (العلاقة بين الولد واخته) وكان الموضوع عبارة عن اسئئئئئئئلة بتزكر منها ( اذا كنت ولد وجيت لقيت اختك بتتكلم فى التلفون مع ولد ) حيكون تصرفك شنو ؟؟؟؟ واذا كنت ولد وعرفت انو اختك بتعرف زول ؟؟؟؟؟؟؟ شنو !!!!!!!!!!!!!!!!!!!!!!!!!!!!!!
الغرفة اخدت ليها صنه شويه كده ، كان فى الصف واحد رافع يده المهم لما رزان انتهت كم كلامه ( هى قالت كلام جبد جدا بس انا كنت حاسى انها بتقوله بس !!!) المايك انتقل الى (الشافع) كما كانو بينادوهوا الشباب وشكله كده زول حبوب وبدا يعلق على رزان وكان متردد جدا وكل الكلام ضحك وما كان فيهو كتير مفيد ، على حسب رايه انو ممكن يحاول يعرف الولد ويصاحبه واذا لقاهو زول كويس حيضغط عليهو عشان ما يستقل اخته ( على حسب ما فهمته منه ) وكان اغلب الاوقات بيضحك وبتخيل لى انو ما متخيل انو ممكن اخته تعرف ولد او بمعنى اصح انو ما فكر فى فكره زى ده قبل كده ، وكان رده التانى اذا كان الولد البتعرفه اخته طلع زول ما كويس ( حيكفته .. كبج .. كبج ) وكلمة (كبج) كانت اجمل مافى الموضوع بعد فترة حتى قدرته اعرف انو قاصد بيها شنو ، والطريف جدا انو قال اذا فى زول شاغل اخته فى الشارع (ده طوالى حيتكفت كبج كبج )، بعد كده انتقل المايك الى واحد اسمه (لجميل) بقى الجميل ده قصته لذيذه جدا ، ما تقدر تفهمه جادى ولا بيهزر ده اول حاجه ، السيد الجميل ترك الموضوع نهائى وبدا يتكلم عن رزان انو هى بت سكتتكم وكلام برضو (خارم بارم)وقام الجميل يتكلم عن الموضوع وعلق على كلام (الشافع ) وسخر منو تقول لى(بكل هدو تصاحبو) و هاهاهاهاهاهاهاهاها ضحك متواصل وقال تقلع الحزام وتديها قاشين !!!!!!!!!!!!)
وبعد كده الجميل واصل فى الكلام ( الخارم بارم) حتى انتقل المايك الى ( المسافر) هو زى ما بيقول انو رياضى جدا وكان محصل متش كاس وعارف انو حيغلب وحيجيب الكاس وكان مستعجل عشان مواعيد الماتش قربت
بدا يتكلم عن الموضوع ويرحب بالشباب على البال تلك ولما جاء موضوع المرأه فى اثنا كلامه قال مثل ( الحسنه تقطع شنب الاسد)،ولا تتعامل مع المراة بانها صديقة ، وبعد كده قال كلام جميل جدا فى حق المرأه انو المرأه انسانه حنينه بطبيعته ومسالمه
فى واحد ساله ما ممكن تشوفوا او تصاحبى ؟؟؟
كان رده قوى جدا وواضح ( انا ما عايز اشوفه ما عندى بيهو شغله)
اصاحبه (بصيغة استنكار ) اشيل طبنجه واطخ راسى !!!!!!!!!!!!!!1
بعد كده قال كلام كتير :
الحب كلمة وليسة ذا معنى ( وردد هذه الجملة اكتر من مرة)
المرأه من البيت للمدرسة - الجامعة - لراجله (شغل ممكن )
وفى مثل كده بس ما متزكره كويس (المره ............ للحجار)
والمرأة ضعيفه جدا
المهم فى نهايت كلامه انو فى البداية بيكون فى تحزير وبعد كده بالجزمة القديمة ( تنضرب طوالى )

حقيقى يا شباب انا ما قصدى اى حاجه ، بس عايز اعرف كم حاجة وياريت الاقى ايجابات
الشباب الذين تحدثوا فيهم كتير من مميزات الشباب المثقف الواعى ( المفردات البيستخدموها ، تعاملهم مع الكمبيوتر ، طريقة الكلام)
كل الاشيا بتدلى على انهم ناس كويسين
لكن لماذا بينظروا للمراه بالطريق ده
( بالمناسبه فى واحد منهم بيقول نحنا سودانيين ما عندنا كلام فارغ ذى ده )
ارجع تانى لاسئلتى ؟؟؟؟؟؟؟؟؟؟؟؟؟؟؟؟؟
هل من الكوارث انو البت تتعرف على شاب ؟؟؟؟؟؟؟؟؟؟؟؟؟؟؟؟
وليه حركة البت لحدى اليوم محدده وما عندها اى حرية
وليه فكرة الرجوله انو تتعامل مع المأه بعنف وتسلبه ابسط حقوقه

حقيقه ما عارف اقول شنو حاليا
لكن حارجع تانى

باين اسئلتى عن المرأة طلعت صعبه جدا ومافى زول عبرنى والناس اخدت ليها صنه ذى صنت غرفة البال تالك الزرتها !!!!!!!!!!!!!
وحقيقه محتاج ليها اجابات (انشا الله تجى رودا مرده وتدينى على راسى ) لكن عايز اعرف انو فكرتى وين من الاغلبية
لكن انا برضو مصر (بضم الميم وتشديد الصاد)عليها وبضيف ليها سؤال مهم جدا وهو
# اذا الواحد عرف انو اخته بتتكلم مع شاب او عندها علاقة ( مع العلم انو احنا فى المجتمع السودانى المحافظ جدا من الندر انو يكون فى صراحه بيت الاخ واخته او يكونوا اصدقاء لدرجة انو يتناولوا مواضيع مثل الحب او الجنس او كثير من المواضيع المحرمه )
ولكم الود