Post: #1
Title: شاهدوا الحكيم البشير الان علي الفضائية
Author: نصار
Date: 08-11-2004, 09:42 AM
Parent: #0
لمن يستطيع عليه صبراً
|
Post: #2
Title: Re: شاهدوا الحكيم البشير الان علي الفضائية
Author: osly2
Date: 08-11-2004, 09:43 AM
Parent: #1
ربنا يقدرنا على الصبر
|
Post: #3
Title: Re: شاهدوا الحكيم البشير الان علي الفضائية
Author: نصار
Date: 08-11-2004, 10:06 AM
Parent: #1
بدأ كلامة بصورة مبهمة عن وضع السود في جنوب افريقيا زمن الابارتيد و انه التمييز كان بالقانون ضد الانسان الاسود هل اراد بذلك ان يقول أن اهل دارفور ما عانون ظلماً كافياً و ان ما لحق بهم لا يبرر ثورتهم؟ و انتقل الي انه الحرب لا تخلف سوي الخراب و حتي لو تحقق نصر ساحق لن يعيد للارامل ازواجهن معقوله بعرف الحقيقة دي و هو بحارب في الشعب السوداني 15 سنة؟ ثورت الانقاذ اقامت منشآت دي حلوة قال الدول الغربية قالت ح تدفع لدارفور وين القروش دي و ليه ما دفعوها قبل المشكلة كان يدونا ربعا و الله كنا نسوي حاجات كتير؟ يا اخي الناس ديل دنا عزابهم علي اياديك كيف كيف يدوك قروش؟ جاب سيرة الرزيقات و المعاليا و قال انه لو زول انظلم ما يحاول ياخد حقه بيده و دا واقع دارفور يا جماعة انا كنت في دارفور و بعرف انه في مزارعين و في رحل!!! و يبدوا في ذلك اقرار مبطن بحقيقة المذبحة التي اورد تفاصيلها الاخ محمد حلا و حماية السلطة للمعتدين!!!ربنا بيجري الحق علي السنتهم لتخرج من وسط الاكاذيب و المغالطات.
في فقرة من خطابه الاشتر حاول تبرير خضوعهم للتهديدات الدولية علي استحاء حين قال و الله البنعمل فيه دا ما عشان الامم المتحدة و لا اي دولة نعمله لانه واجبنا!!!طبعاً دا اسلوب خطابهم الموجه لغرض الاستهلاك المحلي و محاولة الانبطاح وقوفاً. و هم من ادخلوا انفسهم في هذه الورطة بأدارتهم للبلاد بصلف متعجرف قائم علي حسابات اثبتت الاحداث خطأها القاتل و لكنه تمكن في نفوس قاعدتهم و يستحون الان من التنصل عنه لانه استقر في نفوسهم و خوفاً من ردت فعل قواعدهم.
و الله مهازل
|
Post: #4
Title: Re: شاهدوا الحكيم البشير الان علي الفضائية
Author: نصار
Date: 08-11-2004, 10:09 AM
Parent: #1
اللهم امن قريبي
ننصحك بضرورة مراجعة طبيبك بعد مشاهدة اللقاء
و لك منا امنيات الصحة و العافية
|
Post: #5
Title: Re: شاهدوا الحكيم البشير الان علي الفضائية
Author: تاج السر حسن
Date: 08-11-2004, 10:31 AM
Parent: #4
العزيز / نصار الشوط الأول أنتهى كم؟؟ والله يا عزيزى ديل مواضيعهم اخير منها (العرس) او كرة القدم.
|
Post: #6
Title: Re: شاهدوا الحكيم البشير الان علي الفضائية
Author: نصار
Date: 08-11-2004, 10:56 AM
Parent: #1
العزيز تاج السر
انتهت المباراة بخصارة كبيرة لمنخب للقيم و الصدق و ... كالعادة في ال15 موسم السابقة التحكيم ظالم يا حبيب و فاشل طبعا الا في المضرة
|
Post: #7
Title: Re: شاهدوا الحكيم البشير الان علي الفضائية
Author: saif massad ali
Date: 08-11-2004, 01:41 PM
Parent: #6
نصار سلام يازول انت حارق قلبك فوق ام كم مابحسوا
|
Post: #8
Title: Re: شاهدوا الحكيم البشير الان علي الفضائية
Author: خضر عطا المنان
Date: 08-11-2004, 09:26 PM
Parent: #7
أحبتي
رئيس يشرفنا بكل فخر !!!!!!!!! ؟؟؟؟؟؟؟؟ !!!!!!! وللا هو الرئيس منو في بلدنا اليوم؟؟؟؟؟ ورئيس منو ؟؟؟ عفوا : رئيس شنو أقصد ؟؟؟؟؟
والله العظيم ياأحبتي منظرو كدي يثير الشفقة !!!! الراجل خلوهو الجماعة براهو وراحو !!!!! وين ؟؟؟؟؟؟ أنا ذاتي ما عارف !!!
|
Post: #11
Title: Re: شاهدوا الحكيم البشير الان علي الفضائية
Author: نصار
Date: 08-11-2004, 11:55 PM
العزيز خضر
لا يثير شفقة لانه ارتضي لنفسه هذا الوضع و للشعب هذا الزل و الظلم و التقتيل ما فاضين نشفق عليه اذا متورط فاليذهب لانه ضحاياه او ضحايا من يحركونه احق بالشفقة
|
Post: #10
Title: Re: شاهدوا الحكيم البشير الان علي الفضائية
Author: نصار
Date: 08-11-2004, 11:50 PM
Parent: #7
العزيز سيف الدين خوجلي
اولاً اسمي ايات الترحب و بركة الجيت شرفت الدار و اعليت المقدار
ياريت لو كان بأمكان الواحد بقدر يكتل قلبه لكن هذا الوطن و انسانه اعز من ان لا ننفعل مع مصيبته الكبري المتمثله في هذه السلطة العجيبة
الله يكضب الشينة
|
Post: #9
Title: Re: شاهدوا الحكيم البشير الان علي الفضائية
Author: هشام مدنى
Date: 08-11-2004, 11:39 PM
Parent: #1
اخى الكريم الحكومة كانت ومازلت اقوى معارض لنفسها فى كل اذمة تامل الحكومة من زمن بعيد نعيش ونشوف اكثر
|
Post: #12
Title: Re: شاهدوا الحكيم البشير الان علي الفضائية
Author: نصار
Date: 08-12-2004, 00:02 AM
Parent: #1
العزيز هشام مدني
عداء للسلطة لنفسها دائماً ما تلقي بأثره علي الانسان و البلد حين ينهبوب فأنهم يعادون مشروعهم الحضاري و يقع الاثر علي الانسان فقراً و جوعا و تشريد و كذلك حين يقتلون و يقهرون و .. و في الازمات السياسية التي يتسببون فيها ايضا يضحون بالشعب،،و يريدون ان يحاربوا بضحاياهم العالم بلا داعي سوي صلف و حب و حب الدنيا و كل ذلك بأسم الدين؟؟؟
|
|