Post: #2
Title: Re: يحيى فضل الله والكتيابي في امسية غاب عنها الموصلي - مقتطفات صوتية
Author: Soumeta
Date: 08-09-2004, 07:17 AM
سنــــــــــــــــــــــــــــــا يا كحيل،، قبل ما أقول ليك أي حاجة بخصوص التغطية الجميلة للقاء يحي فضل الله و الكتيابي و التجاني ،،أعتذزر بشدة عن عدم تمكنكم من الإنتظار بالأمس،،كانت جلسة جميلة بس فاقداكم،، كان الأمر خارج اليد والله رغم تملصي من العمل بساعة قبل الزمن المحدود،، برضو إنت ما تنسو إنو في كتير من الجلسات الجميلة مع الناس السمحين الكتار العلي مختلف بقاع الدنيا دي نحن ما بنتمكن من حضورها معاكم لعدم ملائمة الزمن،، يعني يا كانت في زمن عمل أو مدرسة و كنا بنزعل وشديد لكن ما عندنا النسويهو،، المهم أعتذر جداً عن عدم وجودكم لو كنت أنا عامل أساسي فيهو،،
أما اللقاء بتاعكم مع الكتيابي و يحي و التجاني،، يا سلاااااااااااااااااام ده لقاء بي مليون نسمة جميلة،،،أها أنا مش مفروض أكون حاسداكم عليهو،، أنا في نص الشغل و المعمعة معاهو و إنتو تسمعو عن المسرح و شعر،،
تحياتي عزيزي سنا،،و شكراً مجدداً،،
سوميتا
|
Post: #3
Title: Re: يحيى فضل الله والكتيابي في امسية غاب عنها الموصلي - مقتطفات صوتية
Author: sympatico
Date: 08-09-2004, 01:42 PM
Parent: #2
العزيزة الرائعة سوميتا
كانت مصادفة فقط ان احضر لقاء الاستاذين يحي والكتيابي دخلت البالتوك فوجدت بشار الذي قام بفتح غرفة خاصة جلسنا بها زمنا وانضم الينا البعض ثم علمنا ان هناك غلرفة تستضيف الاستاذين فذهبنا اليها وكان الوقت مبكرا على لقاء الاستاذ الموصلي وقضينا وقتا جميلا هناك فالجلسة كانت ممتعة خاصة في حضور الاستاذ يحي لأول مرة بالبالتوك وكانت اصعب لحظة لي ان اعلم ان الموصلي لن يتمكن من بدء اللقاء الا في الخامسة صباح بتوقيتنا فغادرت مع الاخ نصار
نأمل ان يكون هناك لقاء آخر في وقت اكثر تبكيرا حتى نتمكن من حضوره
شكر ا لكل من ساهم في اعداد اللقاء والشكر لك وللأستاذ الموصلي والشكر ايضا لأسرة غرفة سودان للجميع على التنظيم الجيد واقترح عليهم ان يعلنوا عن انشطة الغرفة في سودانيزاونلاين والنافذة وغيرها من المنتديات
|
Post: #4
Title: Re: يحيى فضل الله والكتيابي في امسية غاب عنها الموصلي - مقتطفات صوتية
Author: sympatico
Date: 08-10-2004, 01:13 PM
Parent: #3
اقام الاستاذ الموصلي امسيته وبر بوعده وقيل انها كانت امسية جمييييييييييييييييييلة ويا حليلنا نحن الفاتتنا بس موعودين بي واحدة تانية
|
|