أعتذار للأخ بكرى ابو بكر أمين موقع سودانيز أون لاين....

السلام عليكم...
فى معرض تحليلى فى بوست انا متفق مع الهكر : قراءة واقعية... كان الثابت عندى ان لا احد فوق الشبهات طالما ان له مصلحة فى استمرار ما يجرى...
من ضمن من ذكرت اسمائهم الاخ بكرى ابو بكر, أمين الموقع... وهذا الاتهام التحليلى كان مبنى على انه لا يوجد من يتمتع بصلاحيات ادارية غير الاخ بكرى ابو بكر... وبعد صمت رهيب..اوضّح الاخ عمر انه يتمتع بصلاحيات ادارية فى ظل غياب بكرى....

أشهد للهكر هوبفل بالذكاء-غير المقصود-...لنجاحه فى ربط الاتهام الموجه ضدى مع الاخ خالد الحاج وكما نعلم ان بين الاثنين حرب ضروس....
هذا الربط نفى عنى الحيادية فى التحليل...رغم اننى قلت فى بداية البوست..اننى لا اعتمد على اى احد - لا خالد الحاج او غيره وهذا البوست لم اعتمد فيه الصراعات الشخصية بين الاعضاء فى التحليل...

أشهد مرة أخرى للهكر جمال هوبفل بالذكاء-المقصود- لذكره ان هذه محاولة لأغتيال شخصية بكرى أبو بكر...مما جعل الاخ شديد الحساسية تجاه أغتيال الشخصية عادل عبد العاطى- يثور ثورة عارمة ويؤكد الربط بينى وبين الاخ خالد الحاج...

أقول للأخ عادل عبد العاطى...وهو اكتر من اخى... شخصيتى انا أنور فتح الرحمن أغتيلت منذ اليوم الذى بداء فيه هؤلاء الملاعين كتابة كل ما هو مشين على أخواتى بنات العباسي وتماضر وأشراقة وكل من ذكر اسمهم بسؤ فى ذلك الموقع الجبان...
وانا كمتخصص حاسب آلى عاجز عن فعل شئ تجاه ذلك العبث المهين لكل من له شخصية....

يعتبر توجيه الاتهام للاخ بكرى فى بيته الشخصى (سودانيز أون لاين) نوع من الكبائر..مثلها مثل سؤال رباح الصادق عن اذا كانت اغتصبت فى دارفور ام لا.....

لذلك أعتذر للأخ بكرى أبو بكر...كما اسلفت...الاعتذار المناسب...

أعتذارى للأخ بكرى أبو بكر...ليس بالكلمات..انا آسف...وانما بتقديم استقالتى من سودانيز أون لاين ....

وسأقوم بتقديم مثلها للأخ خالد الحاج فى سودانيات...

أستقالة دون رجعة...

قبول الاعتذار مرهون بقبول الاستقالة ولم يقبل الاعتذار فحكمى على نفسى ماض...

لن اعيش مطأطأ الرأس فى بيت وجهت الاتهام لصاحبه ولو كان على شاكلة من المستفيد؟!؟....

لذلك أرجو من الاخ بكرى ابو بكر قبول اعتذارى-أستقالتى.

وسأرجع الى ثكناتى (كما يطلب الصادق المهدى)...ثكناتى هى الكتب فى مجال الحاسب الآلى... وموقع جمعية المطورين السودانيين (سودادف)...

العفو والعافية للجميع...

كانت فترة سودانيز أون لاين تجربة حافلة تعلمت منكم الكثير....

أنور فتح الرحمن أحمد دفع الله

تاريخ التسجيل: 04-02-2003-الاسكندرية- مصر
تاريخ الاستقالة: 06-08-2004- جونغ جو- كوريا الجنوبية

أنتهى

هكذا هي يا عزيزي انور دنيا لاينتعش فيها الا الاحباط و السياط و.. الـ(دود) ..
يتساقط ويتساقط الاخيار ويبقي الدود ومن يطعن خلفا من الاصدقاء ومن تخون من الحبيبات ..
ورب لا يثق في القلب ..
وقلب لا يعي الدرب ..
………………….

الاخ الصديق انور

ان تخطيء فى حق بكري ابوبكر او اي شخص اخر هو ليس برابعة الاثافى, بكري قبل ان يكون مالكا وامينا لهذا الموقع فهو انسان والخظا فى حقه وارد فى اي ظرف اخر سواء فى هذا البورد او فى غيره.

لا شك عندي ان الباشمهندس بكري سيقبل الاعتذار,

ولكن ان ترحل هكذا تاركا البوم يغرد فى هذا الركن المهم من اركان الوطن فهذا هو عين الهزيمة و الانكسار, فلا حاجة بك الى طاطاة راسك لمجرد انك اخطات فى حق صاحب الدار.

اتمنى ان تفكر مليئا قبل ان تفعل قرار انسحابك وتعلن هزيمتك وليس استقالتك كما تقول.

عشمى فيك اكبر من احباطاتك التى ستزول حتما


بكري الجاك

الحبيب والصديق بكرى الجاك...

Quote: اتمنى ان تفكر مليئا قبل ان تفعل قرار انسحابك وتعلن هزيمتك وليس استقالتك كما تقول.

كلماتك..جعلتنى افكر... أكتر من مرّة...لعلمى بالظلم الواقع عليك شخصياً فى موضوع انك شخصية غير تلفزيونية...

ياخى عليك الله دى أمّة يرفعوا ليها علم...

وتانى نقول الطيارة فيها بورى!!!

لك الحب...
أنور

شاعرنا المرهف mutwakil toum...
لك الحب يا عزيزى...
نعم كنت ومازلت محبطاً.... ولكن بيتى شعرك عملوا شغل...

أرقد عافية...
أنور

العزيز انور

سلام الرب

لم تكون الوحيد الذي هاجم بكري انا في هذا البوست اليتيم علي مشنقة امين البورد...والهاكرز ...معلقة عيون العضوية في غير اتزان


ايضا ضممت صوتي الي رايك وجاهرت باصابع الاتهام للقصور الاداري

الذي ادي للمهزلة المخزية في هذا البورد والذي كان للاسف شرف اخرين
ثمن لة...

ولولا تفاعلك الجاد لما وصلنا الي هذة النتيجة من وقف هذة اعبث

ولا اظن ان الامر يحتاج الي ردة الفعل العنيفة هذة من قبلك بمقاطعة البورد ولا حتي اعلان اعتذار ...لانك كنت محق في كل تسائلاتك

اين امين البورد وكل هذا يحصل لاخوات لنا هنا.......؟؟؟؟
مع خالص حبي واحترامي

Alia awadelkareem
الشكر الجزيل على تنبيهى لهذا البوست الذى خفف الاوجاع على قليلاً...

خالص حبى واحتراماتى...
أنور

الأخ انور
تحليلك هو محاولة للبحث عن الحقيقة
قد تخطئ وتصيب
لاشك ان الأخ بكري سوف يقبل اعتذارك
اما رحيلك هكذا هو نجاح للهكر في طرد
العناصر الجيدة والمصادمة هنا
وكما قال بكري الجاك لكي يعشعش البوم هنا

ارجو الأ يأخذك الغضب كثيرا
وتعطي هؤلاء الظلاميين فرصة للتشفي
والنجاح في احداث ما يريدون لهذا المنبر
وعضويته ،،
وحتما سوف تظهر حقيقة الهكر ؟؟
ولكن ان ترحل لا والف لا

صديقى انور
ارجوك وارجوك
لاترحل ..
ياهو نحن المقعدنا شنو غير انو نقرا كلامكم ومساهماتكم ..
لا املك ان انقول واؤيد ما اقاله ahmed haneen

*الأخ انور
تحليلك هو محاولة للبحث عن الحقيقة
قد تخطئ وتصيب
لاشك ان الأخ بكري سوف يقبل اعتذارك
اما رحيلك هكذا هو نجاح للهكر في طرد
العناصر الجيدة والمصادمة هنا
وكما قال بكري الجاك لكي يعشعش البوم هنا

ارجو الأ يأخذك الغضب كثيرا
وتعطي هؤلاء الظلاميين فرصة للتشفي
والنجاح في احداث ما يريدون لهذا المنبر
وعضويته ،،
وحتما سوف تظهر حقيقة الهكر ؟؟
ولكن ان ترحل لا والف لا

ولكن ان ترحل لا والف لا
ولكن ان ترحل لا والف لا
ولكن ان ترحل لا والف لا
ولكن ان ترحل لا والف لا

الحبيب الجار والصديق معتز تروتسكى...

..
لن ارحل...
لن ارحل...
لن ارحل...

لك الحب..

أنور

الاخ الحبيب أحمد حنين..
لن ارحل...
لك الحب..

أنور

الأخ أنور
تحية طيبة

اعتذارك شئ جميل جدا، وكل ابن آدم خطّاء يا أخي.. ومن منا لا يخطئ.. وهذه هي قيمة البورد.. فالحرية هي حق الخطأ، وهذا هو فضل البشر على الملائكة..

ولكن لماذا المغادرة؟؟

هذا ما لا أفهمه.. قد تكون لك واجبات أخرى في منابر أخرى كما قلت، ولكن التنقل بين المنبرين لا يبعد أكثر من حركة بالكي بورد..

ياسر

الاخ العزيز انور
تحياتي
لعلها المرة الاولي التي اكتب فيها في احد بوستاتك , والمرة الاولي لي بعدانقطاع طويل عن البورد لاسباب عديدة اهمها تقنية ,
المهم , كنت متابعا باهتمام لأغلب كتاباتك وأسعدني التطور في طريقة نظرتك للأشياء , والحقيقة فقد سعدت أولا وقبل ذلك بموقعك الجميل للأغاني السودانية ,
عزيزي أنور , اكتب الان لاتفق مع الاخوة الذين يطالبونك بعدم الرحيل , وتأكد أن الكثيرين من أمثالي الذين لا يداومون علي الكتابة يأملون ذلك ايضا ....

وتحياتي يا صديقي

وليد

العزيز الوليد محمد الامين...
شكراً جزيلاً على الكتابة ياخوى...
والله حسستنى بالذنب...

أنور

الحبيب الدكتور ياسر...
حركة الكى بورد مقدور عليها...
البيحرك المجتمع الجبل دا شنو؟؟؟
لك الحب يا عزيزى واتمنى ان تواصل فى موضوع العلاج النفسى...

أنور

انور

اناشدك بمالعلاقة العامرة التي انبنت عبر مثل هذه
الوسطائط أن لا تقطع التواصل بيننا و بكري ما ح
يكابر و هو الذي تعرفه سعة ادراك و افق

الصديق الوالحبيب علاء الدين نصار...
لك الف شكر يا حبيب...
العلاقة التى بيننا كبيرة...كبيرة أوى...
لك الحب يا عزيزى... ويد على يد نجدع بعيد...

أنور

أنور إزيك.. انا ما عايزه أكرر كلام الناس الفوق ديل كلهم.. لكن انا عايزه أقول شي جديد.. مافي عذر منطقي مفهوم لتركك المنبر الحر.. يعني .. ما واحد زايد واحد يساوي اتنين... اتهامك لبكري كان ليهو تفسير منطقي عندك.. وكان ضمن سلسلة منطقية.. لو اكتشفت غلطها.. ده شيء حسن.. وبُعد عن المكابره.. انا قد أفهم موقفك الجديد ده لو كان كرد فعل على الاتهام الاتوجه ليك باعتبارك من الهكرز... لكن كونك تطلع عشان انت اتهمت بكري.. ده ما رأي سديد ولا في زول بوافقك عليه.. فكر شويه قبل التسرع في قرار .. في الحقيقة ده ما قرار.. ده رد فعل..
إحنا حنخسر وجودك ده أكيد.. لكن الخاسر الأكبر إنت.. المستفيد الأول والأخير هو البحاول يعمل مشاكل هنا...

ولا رأيك شنو؟


بنت الحسين

مريم بنت الحسين....
وييين يا...والله مشتاقين...
ليكى الف شكر... وانت تمثلين ضمير الجنس الناعم الصاحى... والنايم كمان

لك الف شكر...

على فكرة...سوف احلّق فوق سماوات الدوحة...يوم الاحد وكدا...الى الخرطوم وكدا برضو...

أنور

الحبيب انور لا اريد ان ازيد عن ماقاله الاخوان/ت اعلاه -فقط- يفاجأني أنك تكتب ما كتبت- يا اخي لا تقل وداعا أبدا ...لا تقل اودعكم ... فمن يملك روعة الاعتدار يجب الا يرحل عنا يا صديقي .واعرف تماما ان للاخ بكري صدرا رحب يسعنا كلنا - متمني ان تراجع قرارك .

لك كل الود

انور احمد

الحبيب...انا...أنور ...
مرّة اخدت لى شاكوش من واحدة...
كنت كاتب ليها فى جواب (يا حليلى انا)...كاتب,,,انا انور فتح الرحمن...
هىهىهىهى...أخوك متعهد وكدا...

قاعد معاكم ان شاء الله...

أنور

الحبيب أنًو..

عندما قرأت عنوان بوستك هذا عرفت ان فيه اعتذار وتوضيح للعزيز بكري أبو بكر.. وهو أمر محمود نحييك عليه.. ولكن ان تربط الاعتذار بالانسحاب والاسقالة فهذا ما لا نوافقك عليه البتة.. وذلك لعدد من الأسباب:

- أنك من الأعضاء الذين يثرون هذا المنبر بكل ما يفيد..

- أن خطواتك الجريئة وتحليلاتك التي بداتها في محاولة كشف من هم الهكرز.. أتت أكلها حيث تابعت ماذا فعلت كلماتك وأدلتك بهم في المنبر الآخر..

- أن شخصيتك لم تغتل قط.. بل انك بانسحابك من يغتالها..


كنت قد ذكرت لك ان مسئولية بكري عن الهكرز تتمثل لدي في عدم قدرته على تأميننا من الهجوم الغاشم الذي يحدث مرارا وتكرارا.. وعدم تأمين السيرفر لديه وعدم حصر ومعرفة العضوية..

مع تأكيد أنه لا يمكن بأي حال من الأحوال ان يكون هو نفسه الهكر الذي يكتب ساقط القول هنا وهناك..


وعليه..

هذا رجاء خاص من أخت لك تحترمك وتقدر ما تبذله من جهود في ان نعيش في مكان محترم، بأن تعدًل في قرارك هذا.. فخسارة المنبر لن تكون خسارة لعضو فقط.. وانما لشخص دارس يعي تماما ما يقول حينما يتعلق الأمر بالكمبيوتر وبرامجه..

ولك كامل دعمي وتشجيعي..


أبدا رجاء العباسي






تخريمة واجبة: هسع لو لقينا العروسة.. نجيبها ليك ويك كان مشيت ..؟

أخى (الأصغر)أنور كنج، تحية واحترام
صدقنى لا زلت غير فاهم بصورة كافية ما عنيته من (البوست) الذى أنزلته ذاك ، لا لغباء أو سذاجة لكنى غير ملم بصورة كافيه بالخلافات التى الحظها بين الكثير من الذين ذكرتهم فى ذلك البوست.

ولا أعرف هل أنت راض عما كتبت من (بوستات) أو أنت رافض لذلك.

وكل ذلك لايهم، ولا أريد أن اكون عفوى وسطحى وانطباعى وأن ادعوك للرجوع على نفس النحو الذى يفعله الكثيرون يخطئون ثم يعتذرون فنتتداخل نمجد شجاعتهم وسمو اخلاقهم.

بداية اقول لك أن أتهامك للأخ / بكرى ، شئ فظيع .. فظيع.

لكن من اهداف هذا المنبر أن نتحاور ونتجادل ونتفق ونختلف.

أتمنى أن ترجع وتمارس ذلك الفعل وأن تستفيد من هذا الخطأ، بان تلتزم جانب الحق والعدل حتى لو كان ضد نفسك.

لا تكتب من أجل ان يفرح فلان أو يرضى علان ، فقط من أجل أن ترضى ضميرك.

صدقنى يا اخى الصغير ان أخاك الكبير (تاج السر) لا يفهم أو يعى أكثر من الأخرين ، لكنى كل عبارة أو كلمه أو (نقطه) حينما أرسلها أتحمل مسوؤليتها واشاور ضميرى الف مرة ، ثم أطلق لها العنان وأضغط على Enter

الاخ الاكبر تاج السر...
لك الف الف شكر والله على الكلمات...

واسمح لى ان اناديك بابو ذر... والله التسمية دى جاية من حب...

لك الحب يا أخوى الكبير...

Quote: بداية اقول لك أن أتهامك للأخ / بكرى ، شئ فظيع .. فظيع

يعنى لو اتهمتك انت ما كان فظيع...لووول...
لا شئ شخصى والله يا تاج السر...

أنور

الاخت الحبيبة رجاء...
والله يا رجاء...
اريتك لو حومتى معاى فى شمس الخرتوم دى يوم واحد بس قبل مهرجان سودادف الاول...
كان عرفتى حاجة...

الاحباط محاصرنا من كل مكان...ومشكلتى كشاب..احلم بردود سريعة وكاملة لمشاكلى الشخصية والعامة..
لكن أغتيال الشخصية دا...المفروض يعانوا منو كل الناس المحكومين بنظام الجبهة...
ما انا براى...
على العموم يا اختى... انا كلامك دا تاج فى رأسى والله... ولن اخذلك ان شاء الله...

أنور

Quote: تخريمة واجبة: هسع لو لقينا العروسة.. نجيبها ليك ويك كان مشيت ..؟

اها يا رجوية...
دا الكلام البيجيب طول الامل ذاتو...ويخلينا نبور ...

Stay...Darfour victims knew some one his Name Anwar..

عزيزي انور
تحياتي ...

قرات ماكتبته انت في البوست مثار الحديث ، ومن متابعتي للبوست كنت احس ان هناك حلقه مفقودة ، اتهامك لبكري لم اهتم به كثيرا لثقتي في بكري ولثقتي فيك انت ايضا ، ولكن خرجت من البوست بحقيقة ان هناك حلقه مفقوده ، وعندما قرات اتهامك انت شخصيا بأنك الهكرز ، صدقني لم اعر الامر اهتمام اطلاقا وتيقنت ان هذا من باب تصفيه الحسابات والخصومات الشخصية التي لم يجني منها هذا البورد الا مزيدا من الانحدار ....

لتعلم اخي انور ان الخطأ لايعني النهاية ، ولتعلم ايضا ان الجميع هنا يثقون في شخصك وفي مقدراتك التي يجب ان تفعلها لمصلحة المجموعة ، لذلك لاتكسر خاطر الاغلبيه ، ويجب ان تتنازل عن قرارك المتسرع بمغادرة المنبر ، ونحن في انتظارك لتتجاوز هذا الاحباط ، وتعود اكثر صحه وعافيه ....

الاخ الحبيب جداً محمد عبدالرحمن...
كدى أول حاجة قول لى...يا مان انتا نضيف كدا ليييه؟؟؟؟

والله ذكرتنى ايام كمبيوتر مان.... ياخى الناس هناك كانت من شدة ما نضيفة تحس انهم جوداد لنج...

الحمد لله تجاوزت احباطى وبسرعة شديدة....

ولك الف الف شكر على كلماتك الجميلة...

أنور

العزيز Kobista...

والله كلماتك وعلى قلتها... ادتنى احساس عجيب بالمسئولية...
الموشكلة انو واحد من الاحباطات يا اخوى...
لى زمن كدا...ساكى السودانيين فى قصة الدعم لدارفور...
والله كأنو الدعم دايرو لقندهار...

لا حياة لمن تنادى....وصلت لدرجة ما بيردوا علينا فى تلفون...

اللهم أرحم اهلنا فى دارفور...

لك الحب...وانا ماشى الخرتوم فى غضون يومين ان شاء الله...

أنور

الأخ العزيز أنور
كل ابن آدم خطاء والاعتذار من شيم الكرام .. ولكنك تبطل مفعوله بالاستقالة .. لأن سودانيزاونلاين تحتاج لمثل قلمك الجريء لتبقى منبرا حرا وساحة للوعي في غياب ساحات الوعي في السودان وما محاولات الهاكرز هذه الى تعبير عن الامتعاض والضيق بما يجرى هنا من تبادل للمعلومة ومن تحليل جريء .. وأنت باستقالتك هذه تحقق واحد من أهداف الهاكرز والتي قوامها ابتزاز الأعضاء النشطين بالسطو على بريدهم الشخصي ومحاولة التعريض بهم في المنبر القميء الذي اقاموه لهذا الغرض .. وها أنت تحقق لهم احد هذه الأهداف بسهولة باستقالك هذه .. أرجوك مخلصا أن تراجع موقفك هذا وتبقى هنا عضدا لكل من يحلمون بمستقبل زاهر للسودان ولهذا المنبر ولا تستسلم للاحباط ..
عمر

اخواني الكرام ... واخي انور ..تحياتي لكم..
حقيقة كل من يعرف... او له دراية بادارة المنتديات يجد العزر وكل العزر للاخ انور ... وانا من الذين لهم الخبرة في هذا الامر واتفهم ذلك ... و الاخ انور اورد قراءته الواقعية وفات عليه ان لا احد يمكن ان يشيل اصبعة ليطبز عينه ... والرجل لم يتهم الاخ العزيز بكري كما صور للناس ولكنه اورد قرائته هذه و لن تفوت علي فطنةالاخ العزيز بكري ولن يلوم انور علي ذلك...
تحياتي لك ايها العزيز بكري
وكل تحياتي واحترامي لك اخي الملك انور
-----------------
انور مافي داعي لترسيخ عادة سيئة جدا وهي ان يبتعد العضوء الاصيل من المنبر من اجل راي اخطا او اصاب فيه

تحياتي ونرجوا عودتك

الاخ انور
لانك من شرفاء الناس فقد اخترت طريق البحث العلمي للوصول للحقيقه0
ولانك من شرفاء الناس فقد اعلنت الحقيقه التي توصلت اليها وامنت بصحتها0
ولانك من الشرفاء فقد بادرت بالاعتذار عندما تبين عدم صحة النتيجه0
ولانك من الشرفاء يجب ان تبقي00حتي يظل للحقيقه طلاب00وللاعتذار قامات تقدر عليه0

الحبيب عبدالله...

لك الف شكر على الكلمات الطيبة...
والله يا اخوانا دخلتونا..فى اضافرنا الاكلناها من القلق زاتو...

أنور

الاخ الحبيب تولوس...
كما قلت انها عادة سيئة...
لكن والله الليلة فى الصباح انا كنت مقنبر عديل كدا...

لك الحب يا صديقى...

أنور

الحبيب عمر عبد الله...
تنقصنا الشفافية فى هذا المنبر...

واطلب من الاخ بكرى ومنك شخصياً مراجعة اشياء كثيرة جداً وانا مستعد لتقديم مقترحات ...

يعنى انا لو فقدتا كلمة المرور...الا يعملوا لى بوست منفصل؟؟؟

لك الشكر يا حبيب على الكلمات التى تشحذ الهمّة...

ومعاً الى الامام...

أنور

ذمان ياانور.... وقبل مئات السنين

كان هناك بضع مواقع سودانيه على الانترنت...كان بينهم الدراويش و انوركنغ..

كنت اظن حينها ان انور كنغ هذا رجل له عشرات السنين خبره فى عالم الكمبيوتر..

عندما رائت صورتك لاول مره"اتخلعت" و كدت لا اصدق عينى...

انت شاب طموح داخلك فيضانات من المشاعر......

محب للجمال و الحق..

فرغم اختلافى معك من اول لحظه الا اننى شعرت انك speak up your mind

و لا حرج فى ذلك...

دعوه صادقه من القلب ....

ارجوك البقاء بيننا

اخوك الكبير النصرى امين

أخى الاكبر والحبيب النصرى...
لك الف شكر يا اخى...

قلت لاحد الاخوات فى بورد سجيمان... اننى احاول ان احصر نفسى بين:
نعم استطيع ان افعل... وان فعلت, كان يمكن ان افعل بطريقة احسن...
سأكون واقعيا وأطلب المستحيل...

ومازلت اتوق لمواصلة متابعة موضوع الملابس لاهلنا فى دارفور...

لك الحب يا صديقى ومعاً الى الامام...

أنور

مكرر

إبننا العزيز أنور
تابعت ما كتبته عن الهكرز. وواضح إنك تعرف مجالك. ونتمنى أن تمضي في جهودك قدماً إلى الأمام لمصلحة الجميع، ومصلحة المنبر ومصلحة الأخ الفاضل بكري أبوبكر الذي لا أعتقد إنه سيصمت، خاصةً وإن الأمر يمس بناتنا وصديقاتنا وأخواتنا.
اعتذارك لبكري سلوك نبيل، أحييك عليه. أما الاستقالة فهي أمرٌ ما كان من المفترض أن يمر ببالك أساساً. خاصةً وإنك من الدماء الشابة التي تنعش هذه الساحة.

وأخيراً أقول لك، لا تنسى أن بكري جبر بخاطرك في الأيام الماضية. والآن جاء دورك لتجبر بخاطرنا جميعاً. ولا تنسى أن بكري قد فتح ساحته للجميع، بما فيهم هؤلاء الذين يقلقون راحة الناس الآن، فكيف لا يسامح "عترتك" البسيطة، التي "عترنا" و"نعتر" كلنا مثلها وقريباً منه، وأكثر منها أيضاً.
وإلى لقاء في نقاشات أخرى في هذا المنبر الذي تحرص عليه بكل تأكيد.

خالتك نجاة

الخالة العزيزة نجاة...
جميل دخلتك هنا والله... واجمل لو دخلتى لينا هنا : موضوع العرس مرّة أخرى: تعديل مواصفات العروس


يا خالة ود أختك إقبال داير يعرس... بالجد يعنى

أجبر خاطركم ونص وزيادة كمان...

أنور

العزيز جدا
انور
تقدير واحترام...ذهابك هو الهزيمة فابقي ولا تذيقنا خسارة فقدان موهبتك وابداعك...صدقني بكري هو ايوب زمانه ولهذا بقي هذا المنبر وطن للكل ..وظني انه سيبقي دائما هكذا ومعك نعتذر له...
فابقي ياانور ودعنا نحاول مااستطعنا النهوض بهذا الصرح
لك شكري وتقديري

عبد الله جعفر

الحبيب جداً عبد الله جعفر...
الهزيمة حاصلة والله... ولكن دوام الحال من المحال...
اتمنى ان نفيق من الاهوال الاحنا فيها دى سريعاً...

لك الحب وسابقى...

أخوك أنور

الحمد لله على كل حال....
الاخوة والاخوات...المشوكشين والمشوكشات (بالكسر)... الآباء والامهات... الخيلان والخالات...

لكم كل الحب والتقدير ...

أنور

يازول هوى أنا أخوك الكبير وأنت عارف كلام الأخ الكبير مسموع و ما مردود. أنت قاعد و ماك ماشي أي محله. تقعد و بس.

كوستاوى...
أخوى الكبير... قاعععععععد وابشر بالخير...

لك الحب يا صديقى واخى الاكبر...
أنور..

hbibna brotha abu alnor
i love you so much
please stay with us
kol alhob wa alihtram lai shkhasak
tsalm

الشاعر المرهف والفنان الحبيب عمر رجب...
يا عمر ياخى ما تشوفا بغنية لدارفور... ياخى معقولة ياخى لكن ؟؟؟

لك الحب يا صديقى ...

أنور

والله انا كنت فاكرك راجل صنديد وراجل واقعى لا تخشى لومت لائم
لكن لو ده قرارك إنشاءالله قشة ما تعتر ليك . يا خى إتهم بكرى
فلتكان او علان هل ده معناهو تجى تقول انا ماشى ؟

الحبيب ترهاقا...
والله انا من شدة ما صنديد...نفسى دى قاعد انط فيها جوز...سيبك من بكرى أو أى زول...
لكن كمان ابو الدقيق برضو...وفى شووووووووووية غقل كدا...بيمشى مع الضرس...

مافى قشة بتعتر لى زول عندو شنب...

المشية والجية والقدم ليهو رافع...

لك الحب...

أنور

يازوول بركة القعدة تمشي وين انتا

هو في زيييك هنا ؟

ربنا يكتب السلامة

وسلم لي علي

عــــزة

الحبيب بخاف...
لك الحب والشكر على التشجيع...

وسلامك سيصل الى عزة ان شاء الله...


أنور

الاخ انور _
سعدت بقرار بقائك _ وهذا قرار حكيم ..

الاعتزار _ جيد طالما ليس هنالك ادله تثبت ان امين الموقع متورط في شئ ماء _ وحتي ان كانت له مصلحه فيما يجري .. اذن اعتزارك يضاف الي رصيدك الزاهي هنا ..


ملحوظه وسؤال _

لاحظت الاتهامات المتبادله هنا من قبل الاعضاء ضد يعضهم البعض _
انت الان تعتزر لبكري _ اذن بكري ليس الهكر _ او علي الاقل من خلال حساباتك ياخي انور _ فماذا عن بقيه الاسماء التي اشرت اليها من خلال بوستكم المذكور _ ومن هي تلك الاسماء _ هنالك اسماء ظاهره استطعت ان استنتج انها مقصوده بالاتهام _ سوف اذكر بعضها _


اولا الاسماء الظاهره المفهومه لدي والتي اشرت اليها اخي انور _
سوف احاول ان احلل كل اسم تثني لي فهمه من خلال بوستك علي اساس انه _هكر _ ولو سمحت يا انور _لو في اسم في الاسماء التاليه انت لم تشر اليه وقمت انا ادعيت بانك اشرت اليه _ارجو تنبيهي ..



ذكرت ياخي انور

جمال هوبفل _ طبعا الاخ جمال _ وجه له الاتهام بانه الهكر من قبل الاعضاء _ وقام هو بفعل نفس الشئ _ائ اتهام اعضاء اخرين بانهم الهكرز الخ ... اذن جمال _ متهم _ ومتهم _ معزره لعدم وجود تشكيل في الكي بيورد .

بكري ابو بكر _ له المصلحه فيما يجري والي اخر الحديث الذي الحقته يا اخي _ وقد قدمت اعتزار له الان _ اذن بكر خارج الموضوع _

الاستاذه بيان _ المعروفه بنجاة
هل لازالت باخي انور هي من ضمن من تتهمهم بانها مع الهكرز ؟؟

قد اكون فاهم خطاء _ وانت لم تتهمها بانها معهم _ طبعا ياخي انور اكن لك احترام كبير فارجوك ايضاح الامر لي ..في هذا المنبر _كثير من البوستات التي تتحدث عن اشياء كثيره _لها علاقه بالموضع الحالي _ اي الهكرز _ لا اشارك في كل البوستات بل في مجملها _ بوست جمال هوبفل الاخير خول اتهامك لانك متهم بيان بانها الهكرز _ لم اشارك فيه لاختلافي مع جمال في الاسلوب واشياء اخري _ _ اشاركك الان في هذا البوست _لاني اعلم _ انك اعلي درجه _ من حيث الفهم _ وتقديم الاحترام للغير .. اختلف اختلاف كبير مع كثير من الاشياء التي تدور هنا _ اقصد المنبر وليس البوست تحديدا _ ولكني اختار بعنايه مع من اتحدث وفيماذا اتحدث _ وحديثي معك الان يصب في خانه الذين ارتاح للمشاركه في بوستاتهم _ وخصوصا بانهم يعروفون تماما باني _ امثل شخصي الضعيف _ ولا احد غير .. معليش ا انور _ طولت العلثمه تبعي _ بس عايزك تقراء حديثي وتفهمه صاح _ لان في هذا المنبر _ يمكن جدا تحوير المعاني _ ويكمن ايضا اشعال نيران لو فاهم قصدي . وتعرف ياحبيب _ في كثير من الاحيان لا اهتم للتحوير وللنيران . ولي قدام ..

ولك السلام اخي انور _

الاخ الحبيب Muhib...
والله اكن لك كل الحب والاحترام...واعرف تماما انك تمثل نفسك...

Quote: الاستاذه بيان _ المعروفه بنجاة هل لازالت باخي انور هي من ضمن من تتهمهم بانها مع الهكرز ؟؟

الحبيب مهيب... الدكتورة نجاة تعلم ان لاشئ شخصى تجاهها... وها انا اعتذر لها لأوكد ذلك...

وقد قالت ذلك فى البوست ذاتو... ولكن يا سيّدى لما نكون دكاترة فى اللغة العربية... سنكتب عن عبد الله الطيب على الاقل: http://abd-alla.org/forum/

حقيقة ان ضياع الوقت فى حاجات كدا... غير مفيدة... تجعل من الواحد هكر بحسابات اللغة العربية...

لك الحب ولدكتورة نجاة الحبين... وزيادة...
سافاجءهم بزيارة لماليزيا...عشان نشوف أعلى الابراج فى العالم ...التى يتمرمق فيها الكيزان

لك الحب مرة اخرى...
أنور

عزيزي أنور،
ود أخوي ود اختى وولدي،
برافو عليك، (وأهلنا زمان يقولوا "براوه عليك". وكنتُ في صغري أعتقد أنها الأصل "الصحيح"). برافو عليك لهذا الإعتذار الشجاع النبيل. الذي رفعك في نظري درجات، زيادة على قدرك العالي عندي أصلاً.
واسمح لي بأن أدعوك إلى التراجع عن قرار الاستقالة من البورد. لأنه سيحرمنا من مشارك، ومحاور، ومهندس، ذكيٍ وخيِّرٍ، وجاد، وموهوب. وستحرمنا أيضاً من مساهمات عالية مقبلة تستلهم تجربة هذا الإعتذار الكبير ودواعيه. فمثل هذه التجربة مما يصقل المعدن النفيس. وأنا أؤيد تماماً الإخوة والأبناء الذين أكدوا لك أن بكري سيتقبل اعتذارك بصدرٍ رحبٍ سخي. بل أعتقد أنه سيعتز، ومن وحقه وواجبه أن يعتز، بوجود إنسانٍ يصدر عنه مثل هذا السلوك السامق في "داره" الرحيبة هذه.
أنا أيضاً فخور باعتذارك هذا لأنه أعلى وأكبر من الخطأ بمراحل بعيدة.

محبتي وتقديري

بــولا

عمى بولا مرة واحدة....

والله انا فى ورطة... جد جد...حضورك الكريم للبوست ربما ينفى عنى (الحيادية) مستقبلاً..." مع انو الحيادية انا زاتى داير بيها شنو ما عارف"....

لك الحب والتقدير والاحترام...

وطبعاً لو عملتا فيها منقط الكتابة...فكأنما ابيع الموية فى بربر...

منتظر بفارغ الصبر فترة حياتكم فى بورتسودان... المدينة الشبح حالياً...

يا عمى بولا كدى قول لى...عمرى 26 سنة.. محل ما اقول داير العرس...يقولوا لى انت لسع صغير...

اسمع كلامون؟؟؟

لك اطنان محبتي وتقديري ...

أبنك أنور

شكرا أخي أنور
قرارك بالبقاء صائب 00 أنسحابك أنتصار لقوي الظلام
والتخريب oo سبق أن قلنا في غير هذا الموضع عن تقييمنا
لعلاقتكم بأميين الموقع

Quote: أن ما يجمع ما بكري أبوبكر وخالد وأنور سياسيا وفكريا أكبر من مايفرقهم تجمعهم دارفور التي أنتهك حرماتها وأغتال وشرد مواطنيها النظام تجمعهم قضايا الحرية والديموقراطية وفكر الاستنارة والوقوف ضد قوي الهوس والظلام .. هذا بعض ما يجمعهم بعكس الخلافات الفكرية والسياسية التي تفصل بينهم وبين البعض الأخر والذي ربما ينغمس جذء منه في هذا التخريبooيابكري أبوبكر قد بلغ السيل الزبي فهلا أعدت للمنبر هيبته

أن سوء التفاهم بينكم سحابة قد أنقشعت
ولكن يبقي علي الأخ بكري أن يتعامل بحزم مع بعض
الظواهر والأشخاص الذين يسئوون لهذا المنبر ويخربونه
من داخله بلعبهم دور حصان طروادة التسامح يفهم
ضعفا من البعض ويشجعهم في المزيد من العبث والانفلات
كمال عباس

الحبيب كمال عباس...
أولاً دعنى اؤكد اعجابى بالطريقة التى تكتب بها...
وثانياً انا اتفاعل مع السياسة ولا اتعاطاها... ليس لى لون سوى السودانى ...

الطريقة التى تكتب بها جميلة يا كمال.. فانت تلفت النظر للحاجات المهمة... بتكبير الخط...والله دى حاجة جميلة جداً...

وصراحة كدا عندى سؤال بما انو انت اتحادى...

صحى قالوا الميرغنى عشان بيقرأ الخطاب بتاعوا بى صوت واحد من دون انفعالات وضغط كاريزمى على الكلمات...عملوا ليهو ملحوظات فى الخطبة ...لزوم الضغط على بعض الكلمات المهمة ... كلمة بشّدة..

فاصبح الخطاب... نعلن نحن فى التجمع اننا نقف مساندين لجماهير الشعب السودانى الابى***...

محل التلاتة نجوم دا فى كلمة بشدة...

يقوم يقرا الخطاب كالاتى:
فاصبح الخطاب... نعلن نحن فى التجمع اننا نقف مساندين لجماهير الشعب السودانى الابى...بشّدةّ...

من غير زعل كدا يا كمال...الكلام دا حاصل ولا لا؟؟؟

نعم أؤكد معك ان على الاخ بكرى ان يستفتى اعضاء المنبر فى ما يختص بشأنهم...

لك الحب يا عزيزى...

أنور

أنور إتوقعت إنك تعتذر لي كل الأسماء الواردة في البوست المعني ما بكري بس ..

وأولهم جمال عبد الرحمن لأنك عارف إنو ما الهكرز وما أثبت الشي ده ..

وبقول ليك

انا متأكد جمال ما الهكرز , زي ما متأكد إنك برضو ما حتقدر تتجاوز رجاءات كل الحضور الهنا



ابنوسي

الحبيب tabaldy...
والله يا اخوى ثقتى فى كلامك شديدة...
انا اعتذر للاخ جمال هوبفل عشان ثقتى كلامك ده...

لك الحب يا صديقى...

أنور

الأخ أنور تحياتي
كتبت

Quote: وثانياً انا اتفاعل مع السياسة ولا اتعاطاها... ليس لى لون سوى السودانى

يكفي أنك تتفاعل أيجابيا مع قضايا الوطن السياسية
وأعني بالتحديد مسألة دارفور والجنوب وقضايا الحريات
والديموقراطية وبث الأستنارة والوعي..
كتبت

Quote: وصراحة كدا عندى سؤال بما انو انت اتحادى...

... حقيقة أنا لم أطرح نفسي خلال هذا المنبر .. تحت
أي لافتة حزبية أو تنظيمية... أهتم وأنحاز لمعسكر
الأستنارة والديموقراطية ooo و مع التحديث والتطوير... وعدم زج الدين في السياسة
ورفض التعالي العرقي والجنسي والديني والجهوي وأقف مع
الدولة المدنية ودستور المواطنة ..أقف ضد تيارات
الظلام والهوس الديني... ومنبريا مع كفالة حرية الرأي
والتعبير والبعد عن التهاتر والتجريح ..الخ
موضوع الميرغني ---- الميرغني سياسي متعلم ومتطلع علي
حسب رأي الخاص ولاأعتقد أنه يقع في مثل ذلك الخطاء
الذي أوردته ...نطالبه بالعمل علي أشاعة للمزيد الديموقراطية داخل هياكل حزبه والأحتكام للمؤسسية
والأستجابة لروح التغير والتحديث...
كمال

Quote: أهتم وأنحاز لمعسكر الأستنارة والديموقراطية

الحبيب كمال عباس...لك الشكر على قول ما لم أستطيع التعبير عنه...

كان كدا...معسكرنا واحد...

الحكاية اعلاه رواها لى صديق مقرب من ناس الميرغنى والاتحاديين...

لك الحب...

أنور

الحبيب انور
تستقيل انت او يقعدو الكيزان والكوزات وابناء عمومتهم ناس سيدي؟
لاحولا ولاقوة.
اما بكري فوالله مديون ليك بدل ماتكون مدان في نظرو، لانو كلامك بيدل علي حرصك علي الموقع بقدر حرص امينو.

بعدين هو بالله كمال عباس اتحادي؟
لاحولا؟
just kiding ya ابو الكيم!

فيا انور، الاعمال بالنيات ياحبيب.

الحبيب كمال بشاشة...
لك الحب يا عزيزى...
تعلمت منك الكثير والله فى هذا المنبر... واطمح فى تعلم المزيد والمزيد...

والله الحياد فى بعض الامور... هو الجبن بعينه....

لك الشكر على الكلمات يا حبيب...

أنور

Salam Anwar

I am really happy that you aplogised for this mis-fortuned post..of course i don't agree or accept your resignation, because we need you here and there and everywher

i hope you got my post right

Adil

الحبيب عادل ود نورة... تقبل تحيات أنور ود إقبال...
وأفهم كتاباتك فى سياقها لانك اخى فى الاول والاخير...
لك الحب...

أنور

الحبيب انور
انت جنيت ولا عضاك كلب , ماشى وين هى يا دوب سخنت و ده وقت الوقفة الجد جد

ليس عيبا ان تخطئ ولكن العيب هو الاصرار على الخطأ , احيى فيك انك عرفت قد اخطأت واعتذرت عن ذلك , فالتائب من الذنب كمن لا ذنب له , فمن الطبيعى ان نخطئ ومن حق الذى وقع عليه الخطأ الاعتذار وكلى امل فى ان بكرى سيقبله , وتذكر بانك جندى تناضل من اجل العدالة وتكافح الظلم فلا تلقى بسلاحك ليلتقطه عدوك

الأخ الحبيب عصام الدين عبد الرحمن...
لك الف شكر على الكلمات الطيبة...
وان شاء الله قاعدين من اجل سوداننا...

العدو يا اخى فى كتير من الاحيان يكون نحنا زاتو...بعدم فهمنا وتفاعلنا الحقيقى مع ما يجرى فى بلدنا...
لك الحب..

أنور

الأخ العزيز/ أنور.

الاعتراف بالخطاء شئ نبيل ومقدر من شخصك الغالي, والأخ بكري أبو بكر حسب معرفتي به فهوا شخص فوق الشبهات. لكن يا أنور لا أعتقد أن هناك داعي لاعتزالك البورد. فالمشوار مازال طويلاً يا أخي ونحن ننتظر من أمثالكم الكثير.

دينق.

الأخ العزيز دينق...
ان شاء الله معاً يد فى يد... وقدر مواصلة المشوار...
هذا الزمان لنا...ونحن له ابطال... ان شاء الله...
تسلم كتير يا أخى...

أنور

الكريم انور

لقدقمت بأتهامى بعدة اتهامات وطلبت منك اثبات هذه الاتهامات ولكن لم تستمر كما وعدت حتى تظهر الحقيقة
وعليه انا ارى اعتذارك لبكرى هومحمدة ..ولكن لم يكن بكرى هو الوحيد المتهم من غير دليل...
وأعلم انما كتبته عن رأيك الشخصى فيما اكتبه احترمه واثمنه لانه رايك ومن حقك ان تقول رايك(حديثك عن ان كتاباتى مطاعنات وضربنى وبكى الخ الخ)ولكن ليس من حقك ان تتهمنى بأننى الهاكر وتلمح الى سرقة الايملات ولذلك انا هنا
بكل لطف اتمنى ان تكتب دليلك على اننى الهاكر او متعاونة
معه او تبرئ ساحتى وتذكر ان اتهامك لم يكن قائم على دليل ....

واعلم ان تتهم شخص برى وتهدر كرامته(بدون سبب) لمن افظع الممارسات
وتورث المتهم الحزن والالم والظلم ظلمات..
وفى انتظار رد شافى كافى وافى اذا ثبت لديك اننى الهاكر
عليك بجلب الدليل واذا اتهمتنى ركوبا لموجة اغتيال شخصيتى
فعليك أن تعتذر لاننى ابدا لم أسئ اليك فى حياتى بل كنت دائما فى غاية اللطف معك..وتجدنى فى غاية الاندهاش لموقفك
هذا منى
وشكرا لك وفى انتظار الرد

أمى العزيزة بيان...
أعتذر لك بدل المرة ..الف مرة...
قد أوضحت كيف استخدم كلمة هكر من قبل...

Quote: او تبرئ ساحتى وتذكر ان اتهامك لم يكن قائم على دليل ....

ساحتك بريئة من افعال الهكر التقنية يا أمى بيان...

Quote: عليك بجلب الدليل واذا اتهمتنى ركوبا لموجة اغتيال شخصيتى

مع كامل احترامى وتقديرى لك اما عزيزة... شخصيتك لن تموت فى عالم الانترنت...فانت استاذة ومربية اجيال فى العالم الحقيقى...


ولدك غلطان... وجاييكم فى ماليزيا كمان...
العفو؟




أنور

الابن العزيز انور

شكرا لك على كلماتك الطيبة
و اعلم ان هناك دائما مكان فى قلبى لك
كما ترى فقد كنت اود الا تتقطع السبل بيننا
لانى قد احببتك من كل قلبى و وراعنى هجومك و احزننى
ولكن لا بأس عندما تكشفت لك الحقائق وورجعت والرجوع الى الحق فضيلة
والاعتذار هو قمة الاخلاق..انا قبلت أعتذارك
كما يقول الماليزين (معاف ظاهر باطن)
وشكرا لك وحفظك الله ورعاه
ومرحبا بك فى ماليزيا وارجو ان تتصل بى

Anwar

Sometime I practice my dictatorship when I need to. I am asking you to stay wa bas

العزيز كوستاوي...

Quote: Sometime I practice my dictatorship when I need to

ياريت توضح لى العبارة اعلاه...
البعرفو اننا كلنا ديكتاتوريين بدرجات متفاوتة... لكن إيجاد تبرير للديكتاتورية بدخلنافى مأزق الصبر عليها لما تكون نظام...

ولا شنو؟

بعدين صدقني يا كوستاوى القعدة الساكت دى هى عين التقاعس...كل له مسئولية...

وأعتبر هذه مسئوليتى... لتنبيه ما أراه خطأ...

لك الودّ

أنور

في غيابي ياملك حدث كل هذا
نشكرك علي العوده وعلي اعتذار الشجعان
وحينما يخرج بكري من احزانه فأن
الاشياء والحقائق سوف تتضح اكثر
لك المحبة

الابن انور
تحية
نمرة واحد:
اعتقد ان قرارك الانسحاب من المنبر هو الاساءة الحقيقية لبكري= اذا كانت هنالك اساءة صدرت منك اصلا = و عليه ارى ان تعتذر له عن قرار الانسحاب و ليس قرار الاتهام في قصة الهاكر و انا شخصيا لو كنت في محل بكري كنت ساغفر لك حكاية الهاكر و اتسلبط فيك في حكاية الانسحاب
نمرة اتنين:
بلاش جلد الذات فالجميع هنا يثق تماما في حسن نيتك و حرصك على سودانيز اون لاين و جميع المنابر النضيفة
شكرا

العم عثمان عووضة...

ها انا اعتذر عن قرار انساحابى لك فى البدء و لجميع المشاركين هنا...
لك الحب..وفعلاً الذات دايرة ليها جلد... بينما ننجح فى الشخصى والخاص...نفشل دوما فى العام...
اطنان من الودّ

ابنك أنور

الحبيب والرائع يوسف الموصلي...
يجب توضيح بعض الامور حتى نستوى فى الدرب...
الدرب طويل ومحفوف بالمخاطر...

شكراً لك على التشجيع...
لك الودّ

أنور

الابن العزيز انور الملك

الحمارة قالت بعدما ولدت
يا دوب ضهرى حيرتاح من الشيل

ونحن قلنا كدى

عاد
ده كلام
بعد العمر ده وبعد ولدناكم

حتخلونا نشيل الشيل تانى


وبقدر ما .. تعجبنى فيك صفات الصمود..


بقدر ما ادهشنى مقترح قرارك

ابقى الصراع طويل يا بنى
ولا تنفعل
فانت رمز لجيل
لا لنفسك

عمك
شرنوبى

العم الحبيب الفاضل...شرنوبى...
حمارة شنو بس يا عمو... زمننا دا مقلوبة فيهو الصورة...بقينا احنا البنتولد شايلين احمال الماضى البعيد....
يعنى بيلدونا حوامل... انا غايتو حامل من 1954...وما عارف الوضوع متين؟؟؟

يا هول سكة الندامة!

لك الحب ولى زمن بتوق لبوستاتك التى تفكك فيها الكثير والمفيد لجيلنا...

معاً الى الامام...

أبنك انور

الأخ العزيز أنور:

لك خالص التحايا وانت تعتذر.. ثم وانت تعدل عن رأيك ..و البقاء هنا وجميل فعلت في الحالين فهنا بيتك وناسك ومحل ما تقبل بتلقانا ..

تخريمه:
تحليلي لكلامك ..دا مرض حامد سااااااي .. وأرتفاع ضغط العزوبيه وكريات الغربه اللعينه..
وخيرا فعلت بالسفر للسودان منها الاطمئنان علي الأهل.. و تغيير جو.. والأهم من دا البحث عن العروسه ..وأوعك تجي خالي الوفاض يا حبيب تبقي زي الرسلوه البحر وجا راجع عطشان..

اتمني لك أجازه سعيده بالسودان,,,

الأخ الحبيب والطيب الاصل إيهاب الطيب...

أريتو الموضوع مرض حامد يا إيهاب... دا تفسير ساااااااااهل ومن مسلمات السودان زمان...

دايرين نبحت فى المشكلة شوية...

قريت مرة انو المجتمع الذى لا يسود فيه العلم... تسود فيه الخرافة...

والخرافات يا إيهاب بنفسر بيها أى حاجة... الزواج وسيلة للإستمرار والحفاظ على النوع...

ولكن فى بعض الاحيان نحفظ نوع غير مرغوب فيهو...نوع نسخة من الاباء والاجداد...ليس لديه الرغبة فى ان يعيش زمانه...داير يعيش فى تاريخ ايام زمان!

ليييه مجتمعنا يا إيهاب بينتظرك لحدى ما تصل مرحلة-حالة مرض حامد؟؟؟

سؤال لاولياء الامور...

ان شاء الله سأحاول الاستمتاع قدر ما اقدر بالوقت فى السودان... الاسرة كلها مجتمعة فى أمدرمان الآن...بورتسودان صيفه صعب... لكن ما اصعب من فراقكم...

لك الف الف شكر على الكلمات القلبية الصادقة...

ومعاً الى الامام...

أنور

أخي الحبيب أنور

لك التحايا والسلام بالقفف الكبار

سعدت جدا وانا اتابع موضوعك عن الهكرز وكتبت لك اننا مللنا من الانتظار حتى تكشف عن الاسماء في محاولة لحثك عن البوح باسم / اسماء الهاكرز تداخلت مرة اخرى عند وصولك للنتيجة ،، كل هذا كان لإيماني التام بأن لديك القدرات العلمية التي تجعلك مؤهلا لكشف المتلاعب بالبورد وبالاخوات في البورد

أمس دخلت علي النت وفوجئت بقرارك واحبطت جدا من قرارك باعتزال المنبر والكتابة بيننا واقتنعت ساعتها بأن الهاكرز ايا كان قد نجح في توجيه ضربة قوية لنا من خلال انسحابك من البحث عنه

شكرا لعودتك وتاااااااااااااااابع البحث عن هذا المجرم حتى نعرف ويعرف الكل من هو وحتما ستعرفه !!!!

لك تحياتي وودي وسلامي ،،

بقران كمان من سفرك للسودان

أخوك
شرووم

الحبيب جداً شرووم...
بديت التحليل يا شرووم...وانا عميان... لكن العكاكيز الشايلة كلها ...اقل بكتير من الحفر...
عن اى عكاز وفى الدرب ملايين الحفر!!!

Quote: أمس دخلت علي النت وفوجئت بقرارك واحبطت جدا من قرارك باعتزال المنبر والكتابة بيننا واقتنعت ساعتها بأن الهاكرز ايا كان قد نجح في توجيه ضربة قوية لنا من خلال انسحابك من البحث عنه

والله يا شرووم...مهما قلت الحقيقة... ومهما فعلت...لن استطيع تغيير شئ من الواقع دا...اعى ما اقول تماماً...
اما بالنسبة لموضوع انو نجح فى توجيه ضربة قوية دا.... فلسع...بدرى عليهو شوية...
والايام بيننا دول...

أحمد الله انو البوست آتى أكله من نواحى متعددة...كحد ادنى لى شخصياً...

حاسدنى ليييه يا شرووم؟؟؟

اها تعمل شنو لو قلت ليك الاجازة دى فجاءة كدا قررتها وفجاءة كدا لقيت نفسى ماشى السودان بكرة ؟

لك الحب يا شرووم و طريقة كتابتك واسلوبك نفتقدو فى بوستات قائمة بذاتها...

أخوك دوماً أنور

جيتك ناطي تاني يا انور

تعرف اجمل شي في الاجازة انها تكون مفاجاة والاجمل انها ما تكون معروفة حتى للناس الماشي عليهم بهناك لتكتمل المفاجاة والفرحة ،،

أمنياتي لك باجازة سعيدة بهناك ،، وامش اعمل (رفرش) وتعال راجع قووااام امسك لنا الحرامي اوووووو معليش قصدي الهاكرز

واقعد عافي

شرووم

مرحب بيك دوماً يا شرووم...
والله ان ما شالك البوست...راسى دا سداد...

أنا أول حاجة بقول ليهم من هنا...ملاح النعيمية ما ينزل من النار...

وبعد داك نشوف لو فيها مفاجاءت ولا حاجة...

لك الحب دوماً...

أنور

العزيز انور

الاخت بيان كتبت إنك إتهمتها بأنها هاكر فارجو منك لو مافى دليل
ان تعتذر لها ايضا مع تقديرى وإحترامى.

الحبيب ترهاقا...
قمت بالاعتذار لها... واعتذر للجميع ايضاً...
لك الودّ
أنور

انور الجميل
تفوت مابتموت
تموت مابتفوت
يظل الوطن سيد الامكنة

الحبيب خضر حسين خليل...
لك الحب يا عزيزى...

Quote: يظل الوطن سيد الامكنة

أنور

الأخوة المتداخلين والمتداخلات فى هذا البوست...
لكم الف شكر...
وانا أسحب أعتذاري للسيد بكري أبو بكر...وأتمسك بنفس الحيثيات التى أتهمتها بها انه المستفيد الوحيد من هذه الفرقعات...

أنور دفع الله
5 أكتوبر 2004

????

الحبيب عادل...
لعلك فهمت من ردّي للخالة نجاة ماذا أعنى...
وأتمنى ان تختفى بوستات سرقة البريد الالكتروني...

بالله عليك الله ما تجيب لى سيرة أغتيال الشخصية دى...لانو الموضوع تقني بحت...سرية وتأمين المنبر..


لك الودّ

أخوك أنور

الإبن أنور
أرجوك سحب هذه الكلمات التي لا تسبب سوى الأذى.
المساهمة التي قدمها بكري أبوبكر بفتح هذه الساحة الفريدة، هي من أعظم المساهمات السودانية. ولا يستطيع إنسانٌ إنكارها.
من ناحية أخرى، كلنا نعلم أن الأخ بكري لم يكن وراء ما حدث في الأيام الأخيرة في البورد، فلماذا اتهامه بصنع "الفرقعات" أو الاستفادة منها؟
نجاة

الخالة العزيزة نجاة...
لك كل احترام وتقدير...
لم أنكر دور سودانيز أون لاين التى يمتلكها الأخ بكري شخصياً ولم أنكر مساهمتها...
وجهة نظري مرتبطة ببعضها البعض... لو تابعتي من بداية بوست انا متفق مع الهكر الى الآن...
الأخ بكري مشغول... لدرجة لا تسمح بالرد على "أعتذار" أو توضيح...

ولى الكثير من الاسئلة الهائمة التى تبحث عن اجابات......

وحتى لا أرى بوست لك قادم بعنوان (( الهكر سرق بريدي الالكتروني))...

فأنني أتمسك بالحيثيات التى سقتها...
مالم يؤمّن المنبر يا خالتى نجاة... وتؤمّن خصوصيات المشتركين... أعتذاري مسحوب...

لك كل الودّ والاحترام...
أبنك أنور