رباح ورودا: لتقطعوا قول كل خطيب...

السلام عليكم...
بعد الاحداث الجميلة والمثيرة القايمة هسع دى... يطلق البعض كلمة المطبلاتية على كل من ياخذ جانب اليمين أو اليسار...
المطبلاتية وان كان مافى (راجل) لحد اسى قالا لى بالاسم...الا انو كلى فخر ان اكون مدلكاتى (نسبة للدلوكة)...لان الطبلة كما نعلم كسودانيين آلة ليست بالسودانية...

على العموم ما دعانى لفتح هذا البوست...هو مبادرة من مدلكاتى...عشان اللفظ ياخذ شكلو الكامل...
وان نميز بين المطبلاتية/المدلكاتية وغيرهم هنا...

الأزمة في السودان: السكوت يعني التواطؤ (فيديو لشهادات)

http://www.sudaniyat.com/forum/viewtopic.php?t=348
البوست دا فى سودانيات ...
وقد وصل النقاش واثمر فيه عن كلام ما بتاع المطبلاتية/المدلكاتية ...
آخرو هنا:

Quote: إسماعيل الـتـاج مصطفى اشترك في: 06 يونيو 2004 مشاركات: 204 المكان: London, UK ارسل: السبت يوليو 10, 2004 1:13 am -------------------------------------------------------------------------------- العزيز وليد يس وبقية الأصدقاء والصديقات؛ التقيتُ صباح يوم الخميس، 8 يوليو، بالسيد دين سوير (Dean Sawyer)، المدير المسئول عن الأعمال الصغيرة (بمجموعة بورتلاند سكوير لباركليز)، أحد فروع بنك باركليز العريق في لندن، بنكي المفضل، وذلك بغرض الإستفسار عن كيفية فتح حساب خاص بأزمة دارفور. بعد أنْ شرحت له حجم المشكلة والهدف من وراء فتح الحساب، أبدى المسئول تعاطفاً وحماساً شديداً ووعد بتسهيل إجراءات فتح الحساب، بعد توفير متطلبات فتح الحساب. شروط فتح الحساب: 1. الحساب يقع في مصاف ما يُـسمى بحساب الجاليات (Community Account) 2. يحتاج فتح الحساب لإسم شخصين. 3. إثبات شخصية (جواز سفر أو رخصة قيادة + فاتورتي هاتف/كهرباء/غاز لإثبات العنوان). يسقط الشرط الثاني إذا كان لدى الشخص حساب مع البنك. 4. رسالة من المنبر (تُـحدد فيها إسم الحساب، وأنا اقترحت إسم نداء سوانيات دوت كوم من أجل دارفور ((Sudaniyat.com Appeal for Darfur، واُعجب السيد سوير بالتسمية، إضافة إلى ذلك هنالك أيضاً تفاصيل إدارية أخرى سوف أناقشها مع خالد وحنينة). 5. عنـوان في لندن. 6. التوقيع على الرسالة بواسطة الشخصين الذين سوف يفتحان الحساب. 7. من السهولة بعد ذلك عمل نظام تحويل مباشر(Direct Debit ) للحساب المفتوح. إذا تمت الموافقة من طرفكم على فتح الحساب، يكون المطلوب هـو: 1. تحديد الشخصين. 2. إعداد الرسالة للبنك (أنا على استعداد لكتابة الرسالة). 3. بعد ذلك الإعلان عن الحساب في منبر سودانيات والمنابر الأخرى، والصحف اليومية، والتلفزيون، والمؤسسات، والشركات، والمطاعم السودانية ..الخ، على نطاق العالم، كلما كان ذلك ممكناً. 4. أنْ تعمل عضوية سودانيات من أجل الترويج للحساب بكل الوسائل المتاحة بوصف المبادرة مبادرة سودانية خالصة. 5. البدء في صياغة الاجراءات الخاصة بكيفية الصرف، قنوات الصرف، ورفع التقارير. = = = = = = = = = = = مـعـلـومــة وذكريات: يُـعتـبر بنك باركليز من البنوك العريقة في المملكة المتحدة والعالم حيث يرجع تاريخ تأسيسه إلى أكثر من 300 سنة في قلب العاصمة البريطانية، لندن، في نهاية القرن السابع عشر، وبالتحديد في عام 1690 عندما تـمَّ تأسيس شركة للأعمال بواسطة شخصين (جون فريم وشريكه توماس غولد - John Freame and Thomas Gould ). ولـم تكتسب الشركة إسم باركليز إلاَّ في عام 1736 عندما إنضم إليها جيمس باركلي (James Barclay) كشريك بعد زواجه من إبنة جون فريم. وتنتشر فروع البنك في كل أقاليم العالم : أفريقيا، الشرق الأوسط، أوربا، الولايات المتحدة، أمريكا الجنوبية، آسيا، جزر الكاريبي، وأستراليا. والمعروف عن بنك باركليز الدقـة المتـناهية والسمعة العالمية، والأداء الممتاز، والتعامل الرفيع والسريع مع العملاء. وكان يوجد بنك باركليز في السودان، إلاَّ أنَّ سياسات التأميم غير المدروسة التي إنـكــبَّ عليها جعفر نميري مباشرةً بعد إستيلائه على السلطة في 1969 إرتـدَّت سلباً على الأداء المصرفي في السودان. فـقـام جعفر نميري بتأميم بنك باركليز وتحويل الإسم إلى بنك الخرطوم. وتـقبع الآن مباني بنك الخرطوم حزينة وخاوية بعد أنْ تكالبت عليها سياسات الإنـقاذ، إضافـةً لتراكمات أخطاء جعفر نميري. ومـا زلتُ أذكر بنك باركليز في مدينة رفاعـة حيث كان يحتل الناحية الشرقية من سوق رفاعـة في موقع استراتيجي تقع عليه أنظار العابرون إلى مستشفى رفاعة، والمجالس البلدية والريفية، المحكمة (المدنية والشرعية)، وكثير من المدارس التي تقع شرقي رفاعة (بابكر بدري، الشرقية، الأهلية، الأميرية بنات، العليا بنات)، إضافةً إلى حديقة البلدية. وتقع في الناحية الشرقية الجنوبية من البنك سينما رفاعة. ويطل البنك بزواية على سوق الخضار. كما أنَّ القادمون إلى سوق رفاعـة من المنـاطق الشرقية (تمبول، بانت، العمارة، الشَــرَفَــة، أم شانـق، الطندب ..الخ). كانت أوَّل ما تقع عليه أعينهم في سوق رفاعة، إضافةً إلى السينما، هو ذلك البنك الشامخ بمبناه الجميل. وكانت تقوم خارج البنك لافتة إعلانية كبيرة جداً على بعد ثلاثة أو أربع أمتار من فرندة البنك، وكانت موضوعة في شكل زاوية ومكتوب عليها إعلان بخصوص بنك باركليز. وعندما كبرتُ أستغربتُ ذلك الإعلان الكبير، إذ أننى لا أذكر إذا كان هنالك بنك آخر في رفاعة أم لا في ذلك الزمان. وشـغـل مبنى البنك بعد التأميم، بنك الخرطوم، ثـمَّ تحول بعد ذلك إلى (بـقـالة)، ثـمَّ إلى صيدلية، ثـمَّ إلى ..، ثمَّ إلى...، وأعتقد أنه عادَ بقالةً مرةً أخرى في عهد الإنـقـاذ (أو ربما صار مكاناً للمضاربات). وأذكر، وأنا صغير، أنني كنت أذهب مع والدي، رحمه الله، إلى بنك باركليز، وأجمع الملاليم الحمراء الجديدة المتبقية من توريدات حساب الوالد. وكانت الخمسة ملاليم تعني ثروة بالنسبة لي، ولكل الصغار. وأذكر أنَّ كل الفواتير كانت تشير إلى المبلغ حتى آخر مليم. والعشرة ملاليم كانت تساوي قرشــاً كاملاً (وهــو ثروة لا تقدر بثمن) نستطيع أنْ نشتري به قطع من حلاوة (الدِرْبِـس) وحتى قطع من حلاوة اللبن الفاخرة التي كانت تُـسمى (دائـمـاً على بالي) بصندوقها الجميل، وبه صورة تلك المرأة الجميلة – هل كانت مشلخة يا خالد الحاج والطيب بشير ولاَّ كانت سادة؟ أعـتـقـد أنها كانت سادة. والمشلخة كانت صورة المرأة في صندوق حلاوة ريَّــا. وأشياء كثيرة كانت تُـسـعر بالملاليم على ما أذكر. و.. أيام حلوة، كنا نشتريها بملاليم، أينَ منها الآن. ذكــريات تطـوف بخاطري كلما دخلت بنك باركليز. وأتحـسر. تحياتي إسـمــاعـيـل

مولانا (قاضي) إسماعيل الـتـاج مصطفى...شخص لا يشكك فى نزاهته اثنان...
لذلك وللتفريق بين المطبلاتية/المدلكاتية وغيرهم...
أقترح ان تتم التبرعات هنا فى هذا البوست لناس سودانيز أون لاين...وهناك فى سودانيات والحساب سينشر فى غضون ايام...


انا بصفتى أول المدلكاتية اتبرع بمبلغ 100 دولار أمريكى..ستصل الحساب حالما ينشر رقمه...

والله على ما أقول شهيد...

يلا نشوف الباقين...

أنور فتح الرحمن أحمد دفع الله
كوريا الجنوبية..

المتواجدون الان بالمنبر الحر 249 شخص » (23 )عضو و (226) زائرا

Quote: Adil Ali »ahmed haneen »AnwarKing »BECKHAM »degna »Ehab Eltayeb »elhilayla »elmahasy »essam&amal »fagyra »farda »hamid hajer »Khatim »Mohammed Tirab »nadus2000 »nuba »saifkeli »إسماعيل وراق »السمندل »محمد عبدالرحمن »ود حماد

أول المعنيين بهذا البوست...هم من لاكو اللفظ دا فى البوستات الاتية:
أغمضوا أعينكم و تخيلوا: أغتصاب رباح الصادق المهدى فى دارفور، أنه وقت القتل!

حينما يموت ضمير الشرفاء من الرجال والنساء .. يحق للشبح رودا أن تمد رجليها


الان بطل العجب .. عرفنا الأسباب الحقيقية للتهافت الانجلوسكسوني على دارفور

متأخرة يا ندى: دارفور.. حقائق ووقائع أليمة

ويلا لى فوووووق

أنور

Quote: المتواجدون الان بالمنبر الحر 261 شخص » (30 )عضو و (231) زائرا »abdalla BABIKER »Abo Amna »abuguta »Ahmed Khalil »Alia awadelkareem »AnwarKing »degna »democracy »Dr.Elnour Hamad »elhilayla »ensana »Esameldin Abdelrahman »farda »hamid hajer »Khatim »Maksab »Mohamed Adam »Mohammed Tirab »nadus2000 »noha_g »nuba »omar_ragab »Rakoba »ShiningStar »tiger18 »Zaki »السمندل »طيفور »عزيز »ود حماد

لفوق

علي احمد

انور لقد خابي ظني فيك تماماً من هذه الأسلوب الذي اتبعته في هذه القضية فقد أثبت لي تماماُ بأنك أكبر دلوكة في هذا المنبر وأكبر دليل على ذلك التجاهل التام من قبل الأعضاء المتواجدون والذين أوردت اسمائهم لكي يحلو لك هذا البوست ولكن سقطت هذه المرة سقوطاً مخزياً ليس من شيم الرجال وأبناء السودان الأنقياء الأوفياء التحدث والملاوكة (من يلوك) أعراض النساء فأنت أول من هلل وكبر وجمع كل الدلوكات على ما سميتها أنت وانا أقول المطبلاتية وهذا هو الأسم الصحيح إذا لم تكن تعرفه فأعرفه
وحقاً هذا زمانكي يامهازل فامرحي

الحبيب أبراهيم على...
دلوكة...حلة...بمبر...ليس مهما بالنسبة لى...المهم هو كم سندفع تعبيراً عن استنكارنا لما يحدث لاهلنا فى دارفور...

اها شن قولك؟؟؟؟

أنور

Quote: انور لقد خابي ظني فيك تماماً من هذه الأسلوب الذي اتبعته في هذه القضية فقد أثبت لي تماماُ بأنك أكبر دلوكة في هذا المنبر وأكبر دليل على ذلك التجاهل التام من قبل الأعضاء المتواجدون والذين أوردت اسمائهم لكي يحلو لك هذا البوست ولكن سقطت هذه المرة سقوطاً مخزياً ليس من شيم الرجال وأبناء السودان الأنقياء الأوفياء التحدث والملاوكة (من يلوك) أعراض النساء فأنت أول من هلل وكبر وجمع كل الدلوكات على ما سميتها أنت وانا أقول المطبلاتية وهذا هو الأسم الصحيح إذا لم تكن تعرفه فأعرفه وحقاً هذا زمانكي يامهازل فامرحي

أن مثل هذا القول يا أخ أنور هو ثيرموميتر أن ماتفعله (صاح)
لاتكترث.

Anwar

معاك

100 دولار

الحبيب مراويد...ان شاء الله فى ميزان حساناتك...
ثم ولو كنت فى أى من الاحزاب السودانية...ان شاء الله فى ميزان رصيدك السياسي...

أنور

انور
اللهم امين، لو سالت الجماعه حيقولوا ليك ده فى حزب الكافرون
و لو سالتنى شخصيآ: انا فى حزب الحله والفله يااا مااان،تنضما لينا

عارف يا مراويد...
انا من الحاجات المستغرب ليها هنا...انو عمرى ما جاتنى دعوة من حزب أو منظمة أو حكومة أو متمردين للانضمام أو حتى الفرجة على احزابهم بتعمل فى شنو...
أحزاب شلليات دى يا مراويد...هىهىهى... يا مرة عملتا بوست هنا أطلب فيه عناوين المنظمات والاحزاب فى السودان...قلتا للدنيا والزمان ..لو زول شتمنا هنا..نرسل لل(كبار) نشتكى..
والله لقيت (الكبار) زاتهم دابرين ليهم واسطة عشان يصلوا (للكوبار) الجد جد...
على العموم يا حبيب...انا من مشجعى العمل الطوعى خارج اطار السياسة... وخلينا نركز فى شغلنا...


أنور

أشكر قدومك وتشجيعك يا رودا....
البوست عنوانه رباح ورودا....تكرمت رودا بالحضور ومباركة المبادرة.... وننتظر رباح...


أنور

أنور فتح الرحمن....100 دولار

الاخ مراويد 100 دولار

لحد الآن جمعنا مبلغ 200 دولار...

ملحوظة...لدى مشاغلى الخاصة..كما ان للجميع مشاغلهم...لن أتصل باى أحد بصورة شخصية للموضوع دا...
التبرعات تتم هنا على الهواء مباشرة...

أنور

الاخ انور نرجو لمشروعك النجاح وان كان قد نجح بالفعل.
عدم مشاركت الناس عبر الطرق الواضحه لك لايعنى تجاهلهم للقضيه وانا شخصيا ساهمت عن طريق جمعيه الاطبا السودانيين ببرطانيا.

ما حدث نتاج طبيعى للحرب التى اشعلها متمردو الفنادق والهبتها حكومه متسلطه اكبر خدمه يمكن ان نطبقها هى ايقاف الحرب.
ايمن

الحبيب أيمن جعفر...
الف شكر لك على التشجيع يا رجل...

Quote: ما حدث نتاج طبيعى للحرب التى اشعلها متمردو الفنادق والهبتها حكومه متسلطه اكبر خدمه يمكن ان نطبقها هى ايقاف الحرب.

طبعا يا ايمن متفقين انو ما عندنا قضية بالاسباب...نحاول ان نجد طريقة لاهلنا القاعدين يموتوا هذه الايام...

والله سبحانه وتعالى سيجزى كل على قدر نواياه...وسينتقم من الجناة...وانا ما عافى لا دنيا لا آخرة لكل متسبب فى هذه الحرب...

لك الحب يا أيمن...

أنور...

نظرية سياسية:

النجاح= عمل موجب (+)...
الفشل = عمل سالب (-)...

الدول النامية عبارة عن بؤر فساد سالبة...

طالما انت سياسي فى بلد نامي فهناك احتمالين: اما ان تكون ناجح (+) او ساقط(-)...

حينما تقوم بعمل ناجح فى الدول النامية (+) تصتدم بالبلد نفسه (-)...

رياضياً: موجب (+) مضروب فى سالب (-) يساوى (=) سالب (-)...

لذلك عندما تفعل عمل سالب (-) يجد البيئة سالبة (-)...
رياضياً: سالب (-) مضروب فى سالب (-) يساوى (=) موجب (+)...

ومن هنا نخلص الى النتيجة...

النجاح السياسي يعنى الفساد فى الدول النامية...

ومن اراد ان يدحض هذه النظرية المثبتة رياضياً...فليتكلم بلغة الرياضيات ...


أنور...

ردود جاهزة انأى بنفسى عن توجيها لاى أحد...

1- قال تعالى ( واذا خاطبهم الجاهلون قالوا سلاما).

2- قال الشاعر (
لو كل كلب عوى القنته حجرا...لاصبح الصخر مثقال بدينار

ومن عاتب الجهّال أتعب نفسه...ومن لام من لا يعرف اللوم أفسده


3- من التراث
العارف عز نفسو..كلام الناس ما بهزو

4- من التراث:

الفى بطنو Something براهو....Dancing...

5- تعديلات طرأت على بعض المسلّمات:
القمّة مستهدفة.....أصبحت الرمّة مستهدفة...


من الاثر: المسامح كريم...

أتمنى ان لا ياتى اليوم الذى أوجهها لاحد...
وخلونا نتبرع...

أنور

الاخ العزيز انور،بعيدا عن الانفعالات والمراشقة بما لا يجوز من الكلام ،كلنا قلقون ومهتمون بما يحدث من انتهاكات في دارفور وصدقني ليس هذا محل الاختلاف،اختلافنا هو علي الاسلوب الرخيص الذي اتبعته كاتبة البوست واكاد اكون متأكدا في ان همها الاول والاخير هو شحن البوست بالعالم والمايشتري يتفرج،وبقليل من المتابعة يمكنك ملاحظة انها قد نجحت في صرف البورد عن قضاياه الرئيسية الي مهاترات جانبية في اكثر من موقع .هذا مانرفضه ولا اري احراجا في تصحيح المسار والتراجع في حالة الخطأ فهو لعمري صفة النبلاء

الحبيب ود حماد...
احس بنبرة التسامح فى كلامك...ولكن أرجو منك الاجابة على السوال التالى:

Quote: يتفرج،وبقليل من المتابعة يمكنك ملاحظة انها قد نجحت في صرف البورد عن قضاياه الرئيسية

ماهى قضايا البورد الرئيسية؟؟؟

لك الودّ
أنور

الأخ انور
تحياتي
سجل عندك
انا ضابط
ضابط دلوكة كبير
ومعاي صقر وثلاثة نجمات
انفع مع المدلكاتية

سجل عندك

100 دولار لأهلي في دارفور

ولو كنت عشمان في الجماعة ديك
يجو يتبرعوا هنا
يكون عشم ابليس في الجنة
الناس ديل حته مافيها لحس
ما بدخلوها
تلقاهم هسع يتاقوا للبوست
دا من بعيد لبعيد
وعاوزين ليهم طريقة
يلحسوا ال300 دولار دي

الحبيب أحمد حنين...يا حنين...
ان شاء الله فى ميزان حسناتك يا أخي...ويعلم الله مقدار حبى اللا نهائي لك واحترامى العميق لشخصك النبيل...

أخوك دوماً...
أنور

عزيزي انور،قضايانا هي هموم الوطن جملة ولا اري ان المدعوة رودا من الحادبين علي المصلحة العامة بما تحمله من نفسية غريبة وفهم مريض واسلوب مبتذل همه الاول والاخير اقصاء الغير .صدقني ليس لي سابق معرفة لا بروداولا برباح ولا باي شخص من المتداخلين، المرجع الوحيد عندي هو مايسطرون وما ىطرحون من افكار و ينتهجون من اساليب .

العزيز ود حماد...
متفقون فى ان قضايا وهموم الوطن الجريح هى أولوياتنا...

فلنعمل لذلك....
لك الودّ...

أنور

أخونا الصغير أنور ، تحية واحترام
عندنا فى الكورة (زمان) فى لاعب بسموهو (مصرج)، وده بكون خطر جدا لمن يلعب فريقو عكس (الهواء)، لأنه ممكن يجيب فى نفسو قون!!
و(المصرجين) فى الحياة كتار جدا وفى كثير من المجالات ، لكن عالم كمبيوتر أكون مصرج دى أول مره اسمع بيها.

سؤال برئ اشعر بانك رجل تقدمى (اليس كذلك)؟؟
لماذا أنت فى كوريا الجنوبيه وليس الشماليه.

أرجو عدم الزعل ، فهبشتنا وهبشناك.

الحبيب الاخ تاج السر...
شكراً على رفعك للبوست...
تقدمى معناها شنو؟؟؟

انا بلعب كورة...ومن خانة السيرد باك لرأس حربة وحارس مرمى ايضاً...
وبعرف أنط جوز...يخلى اللاعب المنفرد بالجناح...يصفق مع الجماهير...

زمان لما كنت بمشى رابطة الديوم الجنوبية فى بورتسودان والمباراة تكون بين الكوكب (فريق الحلة) والزمالك فريق (ديم جابر)...
كان بسمع ليك (أديهو مع اللاين)...وهى عبارة تعبر عن ما نفعله هنا...
أتمنى ان أسمع منك مساهمة مالية لرفع البوست أكثر...
لك الود

أنور

الاخ انور _ المشروع جميل _ ولكن الخطوه نابعه من رده فعل _ تفهم حديثي جيدا _ رده الفعل التي اتحدث عنها كالاتي _

لو لم تحرر الاستاذه روضه البوست موضوع الجدال في المنبر _ لما اوردت انت بوستك هذا كرده فعل _ لكي تمتحن ضمائر المحتجين علي بوست روضه _ هدفك في ظمي وحسب تحليلي _ وقد اكون علي خطاء _ انك تود ان تري _ من سوف يهب لمساعده المحتاجين في دارفور _ وبالتحديد من قبل هؤلاء الذين عارضوا الاستاذه روضه في ذاك البوست _ لا ارس غضاضه من القيام ببوست هذا البوست طالما الهدف مساعده المواطن في دارفور _ وحتي عن طريق الاستفزاز من خلال " لتقطعوا قول كل خطيب" .


عن موقفي في بوست الاستاذه روضه _ الامر لدي واضح _ ومداخلتي كما اسلفت في ذاك البوست ليس دفاعا _ عن رباح _ وليس هجوما عليها _ الموقف لدي مبداء _ اذكر ان الاستاذه روضه امدتني بمداخله في بوست للاستاذ خالد عويس حيث اقترحت ان يكون في السودان شئ مثل "الافيرمتيف اكشن" وكان هدفي هو اعطاء درجات اضافيه لابناء مناطق الحرب تؤهلهم للمنافسه من ابناء المناطق الاخري _هذه الرؤيه في مرحله مابعد السلام _ فيما اذكر مداخله الاستاذه روضه _ عارضت فكرتي _ وحتي انها صححت مفهومي لماهية الافيمرتيف اكشن " ولكن اذكر انها قالت _ ان اقتراحي لاعطاء الدرجات الاضافيه للمتضررين _ بؤطر المفهوم ان البعض اقل قدرا من الاخرين _ تقبلت حديث الاستاذه _

ولكن في بوستها الاخر _

رائيت ان الاستاذه روضه تضرب مثل بالمفهوم الذي ترفضه هي _ والمفهوم المقصود _ ان قوما اقل مقدارا من قوم _ فهي تضرب مثلا برباح المغتصبه افتراضا وتخيلا _ لكي تثبت ان نساء دارفور اقل قدرا من رباح _ فان مست "مبني للمجهول" رباح سوف ينهض الرجال _لنجتدتها _ ولكن ان مس نساء دارفور _لن ينهض احد _

اعتراضيه في ال Concept هذا _ واري اننا كا "اشخاص" متعلمين وفاهمين لمايدور _وبما اننا اشخاص نعامل الكل _من منطلق انهم _بني ادميين_ ابديت استغرابي من الطريقه التي اكدت بها روضه ولو في عقلها الباطن ان هنالك قوما اقل مقدارا من اخرين _ لدي لا _ الكل سواس _ وودت طرح طريقيتي هذه _ وقمت فعلا في البوست الاخر ..

وانا رؤيتي _اننا جميعا سواس _وعلي هذا الاساس _ علينا الانطلاق ..


اخي انور _ لا اريد ان اطيل _ وعلي الذهاب _ وانا معكم انشاء الله في المشروع بملبغ لن افصح عنه ..ولك السلام وارجوا ان تتفهم حديثي _ رغم انك كنت حاد معي في ذاك البوست _ ولكن كل شئ يهون في سبيل دارفور _وصدقني معظم الناس هنا تود المساعده _ ولكن تختلف الرؤي لكيفيه هذه المساعده _ وتختلف طريقه الاستنهاض للقيام بتلك المساعده _ والاستاذه روضه _انا شخصيا _ليس لدي مشكله معها _واتفق معها في امور عده _ ولكن كانت تلك رؤيتي ..ولكم السلام ..وفوق للبوست ..محب

أخى أنور تحية واحترام
كيف اساهم فى عمل خيرى ، وأنا الاحط ان بعض النصابين والكذبه يثيرون الأهتمام ويضعون أرقام الحسابات الخاصه بهم.

قد لا يكون الأمر هنا، ربما فى مكان آخر.

نحن نتعامل مع هذه الأمور بعفويه مثلما نتعامل مع السياسه والخصوم.

البعض لا يعرف أن الصدقات هى اوساخ الناس.

يعنى من كانت لديه أوساخ وقاذورات (يفكها) بدولار او دولارين، فى (الغلابه)!!

نحن مع الأعمال السامية المقننه على نحو غير عاطفى ومزاجى وأنطباعى.

((لو لم تحرر الاستاذه روضه البوست موضوع الجدال في المنبر _ لما اوردت انت بوستك هذا كرده فعل _ لكي تمتحن ضمائر المحتجين علي بوست روضه _ هدفك في ظمي وحسب تحليلي _ وقد اكون علي خطاء _ انك تود ان تري _ من سوف يهب لمساعده المحتاجين في دارفور _ وبالتحديد من قبل هؤلاء الذين عارضوا الاستاذه روضه في ذاك البوست _ لا ارس غضاضه من القيام ببوست هذا البوست طالما الهدف مساعده المواطن في دارفور _ وحتي عن طريق الاستفزاز من خلال " لتقطعوا قول كل خطيب" .
))

الحبيب محب...
لو قريت تاريخ بداية البوست فى سودانيات...حاتلقا انو انت بادى غلط...
دا أولاً...

ثانيا يا سيدى...جزاك الله خيراً على التبرع...ونسأل الله القبول...
بس لازم تورينا المبلغ كم...عشان نضيفو للحساب...افرض لا قدر الله البورد دا قام حصلت فيهو مشكلة ما! نلم فى القروش ويين..ونعرف المبالغ كيف؟

متأكد تماما من حسن نيتك...لكن الموضوع ليس فقط صدقة تمدها باليمين حتى لا تعلم الشمال...الموضوع فيه أستنهاض لهمم الغير...وهذا من المرؤة يا محب...

ثالثا فى ما يخص الاخت رودا....وجه كلامك اليها مباشرة...فما أفهمه انا..مختلف ...

لذلك لا تخوتنى فى خانة صعبة على....
لك الحب يا محب...أفهم قولك على أكمل وجه...

أخوك أنور...

العزيز انور دبايوا

كنت اول من رفع هذا البوست عاليا ولكنك لم تري توقيعي اظن لا باس

يبدوا اني لم اكن مدلاكاتيا حقيقيا هاهاها

انا مع الفكرة والبيان بالعمل


علي احمد

الحبيب على...أكوبام ودبايوا...
لك العتبى حتى ترضى يا حبيب... ولرفع البوست زيادة...أديهو مهلقات شوية
لك الحب يا أخى وصديقى...

أنور

الاخ انور
المدلكاتى
الذى يقف على ارضية صلبة لا تهتز قدماه.
و المثل الفلسطينى يقول ياجبل ما يهزك ريح.
مش كدا.

الاخ هاشم...لك الود والاحترام يا سيّدى...

أنور

الاخ انور

بارك الله فيك

و نحن معاكم

النصرى

الاخ الحبيب النصرى...
الف شكر لك على التشجيع...

Quote: و نحن معاكم

ان كان المقصود تبرع بمبلغ من المال...فرجاء تحديد المبلغ...

وان لم يكن فلك العتبى حتى ترضى...

أنور

راجع ايميليك

الحبيب النصرى...
[email protected]
أنور

Quote: ÇáÍÈíÈ ÇáäÕÑì... [email protected] ÃäæÑثانيا يا سيدى...جزاك الله خيراً على التبرع...ونسأل الله القبول... بس لازم تورينا المبلغ كم...عشان نضيفو للحساب...افرض لا قدر الله البورد دا قام حصلت فيهو مشكلة ما! نلم فى القروش ويين..ونعرف المبالغ كيف؟

الاخ انور _
سوف ارد فقط علي هذه الجزئيه _ كما اسلفت تختلف الرؤي في طريقه تقديم "الدعم" ولكل منا طريقته في تقديم الدعم _ اود المساهمه معك في المشروع _ وعندما قلت انني سوف "اتبرع" قلت انني لا اود نشر المبلغ هنا _واظن هذا من حقي كمتبرع _ وليس للامر علاقه بالصدقات او بالمشاكل الافتراضيه التي قد تعتري المنبر _ لا اود ان اتبرع لكي اقول ان تبرعت ب كذا من المال او خلافه واني ليس قائلا بان المتبرعون الذين ابانوا مبالغ الدعم هذا هدفهم _ حقيقي وانا اكتب هذا التوضيح عن نفسي _اشعر ان الامر لايستحق كل هذا التحميل _ الامر بسيط _ لا استطيع ايراد المبلغ هنا لاسباب خاصه بي _فاذا امكن _ رقم حساب مصرفي لكل ارسل المبلغ مباشره _ ارسله علي هذا الايميل


[email protected].والسلام والله ماجاب مشاكل ..

أخى العزيز والحبيب محب...
ياخى والله انا آسف جدا جدا لو فى سؤ تفاهم....
لا احمل لك الا كل الحب والمودة يا اخى... ولك ان تختار الطريقة التى تناسبك يا أخى...
ان شاء الله ساقوم بنشر رقم الحساب هنا حالما أحصل عليه...

لك العتبى حتى ترضى يا اخوى... الموضوع عمل خير...وانت زول خيّر...ربنا يقبل منك ان شاء الله...

أخوك دوماً أنور

أنور ..

بغض النظر عن الكوراك والدوشة الحاصلين ..

ممكن أفهم .. القروش حيحصل بيها شنو وحتوصل كيف وحتفيد كيف ..

وأصلا .. هل مشكلة دارفور في المساعدة المادية أم أنه المقصود مجرد دعم معنوي ؟؟

سلامات يا مظفر...

Quote: هل مشكلة دارفور في المساعدة المادية أم أنه المقصود مجرد دعم معنوي ؟؟

الاتنين...مادى ومعنوى... وخلى القروش تتلما فى الاول...وصولها ابدا ما مشكلة...

أنور

Quote: تاج السر حسن أخى أنور تحية واحترام كيف اساهم فى عمل خيرى ، وأنا الاحط ان بعض النصابين والكذبه يثيرون الأهتمام ويضعون أرقام الحسابات الخاصه بهم. قد لا يكون الأمر هنا، ربما فى مكان آخر. نحن نتعامل مع هذه الأمور بعفويه مثلما نتعامل مع السياسه والخصوم. البعض لا يعرف أن الصدقات هى اوساخ الناس. يعنى من كانت لديه أوساخ وقاذورات (يفكها) بدولار او دولارين، فى (الغلابه)!! نحن مع الأعمال السامية المقننه على نحو غير عاطفى ومزاجى وأنطباعى.

كدى خلينى ادعك عيونى كويس وأرد...

أنور

100USD from my side

please Anwar don't respond to that article

الاخ العزيز عصام الدين عبد الرحمن...
ان شاء الله فى ميزان حسناتك يا اخى...
واحترم طلبك جداً...

أخوك أنور

الاستاذ الرائع
انور المطبلاتى الكبير
لم استمتع لسماعى لمطبلاتى
اكثر من طربى لصوت الطبلة االتى
يملكها انور اطربنا يا غالى
لك التحية يا شامخ بشموخ جبال الشرق
ومعا لبناء سودان المطبلاطية

الحبيب هاشم نوريت...

استوقفتنى هذه العبارة:

Quote: لك التحية يا شامخ بشموخ جبال الشرق

وقلتا اسألك برضو من باب العلم بالشئ...طلعتها قبل كدا؟ أقصد الجبال دى...
هل الجبال دى فيها اسرار؟
هل الجبال دى فيها كهرباء وخدمات تضمن الحياة الكريمة؟
هل فيها معتقدات للسودانيين؟

كنت فى رحلة قبل اسابيع مع فريق البحث هنا فى كوريا...ومن ضمن برنامج الرحلة هو تسلق الجبال..
الصورة دى فى قمة جبل مون جانغ داى...وهذا الجبل يا سيدى يعتقد الكوريين انو البيطلعوا 3 مرات فقد ضمن الجنة...الجبل 1024 متر فوق مستوى سطح البحر...




هذا الجبل(جبال) يا سيدى فيهو كهرباء من الساس للرأس...وفيهو حمامات من الساس للراس..وفيهو دكاكين من الساس للرأس...وسجاير كمان...ولو كان الكورييين بيسفوا تمباك..كان بيكون فيهو تمباك برضو...واهم حاجة انو فيهو موية باردة وحلوة...ما مالحة....

ونسمع منك يا حبيب...
أنور

AnwarKing $100
$100 مراويد
ahmed haneen $100
XYZ $100
Esameldin Abdelrahman $100

بلغت مجموع التبرعات حتى الآن 500 دولار أمريكى...

أنور

يلا يا اخوانا...
مالى اراكم تكرهون الجنّة!

أنور

انا شخصيا معاك
وفوق لعل وعسي

العزيز انور اكوبام

يها ملهقاب كيها زي مابيقولو البلوييت اهلنا

ملهقي شاليك زي مابنقول نحن لا يهم

يازول انا زي صديقي العزيز محب لا اريد ان افصح عن المبلغ البسيط الذي سااتبرع به حقيقة
مبلغ طلابي كده وماتخجلنا يازول

مظفر وين انت ؟ وين مشاريعنا المؤجلة ؟

يلا سلام

الاخ العزيز انور

لا استطيع التبرع الان؛
ولكني معك معنويا؛ وهناك حملة في بولندا الان منظمة من قبل اليونسيف؛
من اجل دارفور؛ ونحن مساهمين فيها تنظيما ومشاركة ..

بت "الامام" لا تعلق أملا عليها ...

عادل

الاخ الحبيب عادل عبد العاطي...
يمكننى تخمين سبب غيابك من المنبر يا حبيب...فقد عرفتك زول بيان بالعمل...
ربنا يقبل وان شاء الله نقدر نعمل ما يفيد المتضررين...
بالنسبة للأخت رباح...لا احمل اى شئ شخصى...بل احترام كاى اخت فى هذا المنبر..
واتمنى ان تعود بمبادرة منافسة...ولنتسابق فى خدمة بلدنا...كل حسب ما يناسبه...

لك الحب يا صديقى عادل...وكم انا فخور بمعرفة رجل مثلك... الذهب..لا يصدأ...

أنور

الحبيب خضر حسين خليل...
جزاك الله خيراً وان شاء الله فى ميزان حسناتك...
بس رجاءً يا اخوانا افصحوا عن المبلغ....
حتى أبرئ ذمتى امام نفسى...

أنور

سلامات يا على...
يا اخوانا مافى مبلغ بسيط ابداً..طالما هو مبلغ...فأكيد بيعمل حاجة...يعنى يا دقنة المبلغ ده ما بيشترى حقنة؟؟؟
اكيد بجيبها واكثر....

الرسول (صلعم) فى احد الغزوات كان بيوزع فى الغنائم...لحدى ما أم المؤمنين عائشة (راع) قالت ليهو : يا رسول الله...ما بقى الا هذا...
قال ليها: يا عائشة كله بقى..الا هذا...

فالحانطلعوا يا على...باقى...والحانخليهو....ضايع...مهما كان بسيط أو كتير...

لك الود وارجوك افصح عن المبلغ يا على...

أنور

الأخ أنور الملك

أشد من أزرك، ولك الشكر على هذه المبادرة، وهي خطوة عملية تسير في الإتجاه الصحيح، والتعامل مع هذه القضية المركزية، وأفيدك وعبر هذا البوست أعلن لجميع الإخوة والأخوات بورداب الدوحة أن هناك حملة تبرعات لدعم "ضحايا دار فور"، وعلى بورداب الدوحة التبرع بما تيسر من أموال بالإضافة إلى ملابس وأي تبرعات عينية، ويمكن التنسيق في ذلك مع الأخوان ود رملية ورقم صفر

الحبيب نادوس...لك الف شكر على الدعم المعنوى...
واستميحك عذرا...التنسيق دا والله صعب على جدا جدا...
نسارق الزمن والله يا أخى نادوس...
عندنا مشروع كبير جدا جدا فى جمعية المطورين السودانين الايام دى(تطوير صفحة الموقع لتكون على مستوى عالمى)...ماخد زمن وجهد الكثيرين من اجل الوطن...

وعارفكم قلبكم علينا وما حا تجهدونا فى عمل الخير...

لو فى حاجة حدها البوست دا...انا بتحمل مسئوليتها امام الله وامام نفسى...ولا يكلف الله نفسا الا وسعها...
لك الحب..
أخوك أنور

غايتو الله يستر

خلاص ياانور

50 dollar

ali

الحبيب على...
ان شاء الله فى ميزان حسناتك يا راجل يا ملك...

سبق درهم مئة درهم يا اخى...

أنور

AnwarKing $100
$100 مراويد
ahmed haneen $100
XYZ $100
Esameldin Abdelrahman $100
Degna $50

بلغت مجموع التبرعات حتى الآن 550 دولار أمريكى...

أنور

الاخ انور

اعرف رجل اعمال ناجح يملك مصنعا ضخما لتعبيه و فرز الملابس المستعمله..وقد سبق له التبرع من قبل.

هذه الملابس فى حاله جيده جدا ومعباه فى بالات مكبوسه,,يعنى الباله الواحده تحوى الاف القمصان.. وهى معقمه

لا ادرى رائك شنو!! لانه الملابس صعب التعامل معا من ناحيه الشحن و التوزيع

let me know

النصرى

العزيز انور

جهد مقدر ما تقوم بة هنا

الاسف لسان حالنا

لكن الا تتفق معي ان السياسي الحصيف هو من يصل لاهدافة باقل الخسائر

مع حبي

العزيزة Alia awadelkareem...
شكرا على التشجيع المعنوى...

لا يدوم الاسف يا اختى... وربنا يقبل منك ما نقوم به نيابة....

Quote: لكن الا تتفق معي ان السياسي الحصيف هو من يصل لاهدافة باقل الخسائر

طبعا عارفة انو انا ما سياسي...وكمان عارفة انو مشاكلنا دى سببها سياسة أقل الخسائر برضو

وحبى لك بلا حدود يا ستى وعقد لولى فى جبينى...

أنور

الحبيب Elnasri Amin...
والله كل طلة ليك معاها تباشير فرح جديدة... ربنا يسهل ليك محل ما تقبل يا رب...
مبدئياً احجز كل الملابس العندو....
واعتقد انو بنت الاحفاد ومجموعة شباب نشيط هنا لهم تجربة فى موضوع الملابس...فان أفتونا هنا يكونوا ما قصروا...

وان لم يكن يا النصرى يا حبيب... نقوم نعمل خطة جديدة...واعتقد انهاستكون تجربة مفيدة للجميع هنا...
بس أول حاجة زى ما قلتا ليك...كنكش فى الهدوم قوى ... وربنا يتم عمل الخير دا...

أنور

AnwarKing $100
$100 مراويد
ahmed haneen $100
XYZ $100
Esameldin Abdelrahman $100
Degna $50
N.Ali $100

بلغت مجموع التبرعات حتى الآن 650 دولار أمريكى...

أنور

بنت الاحفاد وبقية المراسلين؟؟؟
العمل العام يتطلب مواكبة من المتطوعين! ....لا يحكمه المزاج....مستنين هنا تقولى لينا هل لديكم تجرية او خبرة فى موضوع الملابس أو لا؟؟؟

وخير البر عاجله...


أنور...

الله اكبررررررررررررررررررر....
الحمد لله تم فتح الحساب يا اخوانا...وعلى الاخوة والاخوات المتبرعين/المتبرعات ارسال


الرجاء إرسال تبرعاتكم المالية عبر تحويل مصرفي إلى:

إسم الحساب: Sudaniyat.Com Appeal for Darfur

رقم الحساب: 50610380

إسم البنك: بنك باركليز Barclays Bank

الرمز التصنيفي للبنك: 17-69-20

عنوان البنك:
Portman Square Group
9 Portman Square
London W1A 3AL
United Kingdom

قريباً جداً يمكنكم إرسال تبرعاتكم للحساب أعلاه بإستعمال بطاقة الإئتمان (فيزا/ماستر كارد) عن طريق الهاتف أو الإنترنت.

= = = = = = = = = = = == = = = == = = = = = = = = = = = = == = = = = = = = = = = =

E N G L I S H

SUDANIYAT.COM APPEAL FOR DARFUR


.It is high time to contribute towards alleviating people’s suffering in Darfur

.Any donation helps in saving children and women’s lives in Darfur

.Give Money. Change Someone’s Life

:Please send your bank transfer to

Account name: Sudaniyat.Com Appeal for Darfur

Account Number: 50610380

Bank Sort Code: 20-69-17

Bank Name: Barclays Bank Plc

Bank Address: Portman Square Group
9 Portman Square
London W1A 3AL
United Kingdom



نداء سودانيات دوت كوم من أجل دارفور - حان وقت العمل: تبرعوا

أنور

يلا يا اخوانا...تبرعوا...
لم اسمع بسيرة دارفور منذ ان حللت الخرطوم...انتو صحى..دارفور دى فى السودان؟؟؟؟



أنور