Post: #1
Title: ثلاثون يوماً.....
Author: walid taha
Date: 07-19-2004, 03:44 AM
ذهبت الى السودان وعدت ولم تعد روحي ..وماتت لحظات الانس خلفى وبقى الانتظار والترقب لاحدى عشر شهراً اخرى ....
السودان الوطن ..الام ...الاب واحباب كثيرون حملت اليهم اطلالتى لثلاثون يوما ..ثلاثون يوما اتوسد احد الاسرة فى مساحة من منزلنا مساءً تداعبنى بعض النسمات اتامل فى سماء صافية ... ثلاثون يوما اجول ما بين عزاء واحتفالات افراح بهيجة ..ثلاثون يوماً تحررت من ربطة عنقى الخانقة وارتديت (الجنز) لفحتنى شمس محرقة واعتلانى غبار بنكهة طمى النيل وانا اجول هنا وهناك وسط برحات السوق العربي اسرع مع الذاهبون المسرعون واصطدم بالقادمون المتعبون ..ترد الى اذنى عبارات مضحكة واخرى ساخطة فى عالم المركبات العامة ..استطعمت كثيراً سندويتشات( الطعمية) مع مايونيز شديد الصفار محلى الصنع والتى اعقبت اسبوعى الاول الذى شهد ترفاً ظاهراً وانا ارتاد مطعم (هامبو) الشهير بشارع الجمهورية متناولا( بيرجر مع الجبنة) غير آبه بصرف الدنانير فيما لذ وطاب ولم انسى مطعم امواج، بيزا ايطاليا، بيزا دبى ببحرى وسوق عفراء ...فأنا فى اجازة...
فى غمرة الاحداث وانا استمتع بما ادخرته فى عام كامل نسيت تماماً ذلك البعبع المخيف (جهاز شؤون المغتربين) الى ان انتبهت فجأة بعد ان نبهنى احد الاخوة قائلاً- والذى لاحظ صرفى ببذخ - (انت الجماعة ديل مشيت عليهم؟) ...لم انزعج كثيراً لذلك واضعاً فى حسبانى اننى سددت مبلغ محترم لسفارتنا المؤقرة فى الرياض بالتالى no problem ولا اعتقد بأنهم سيطلبوا الكثير وكانت المفاجئة بأصرارهم على ما ليس لى به حول ولا قوة وضاعت سدا كل محاولاتى فى تأجيل دفع المبلغ المذكور ...رضخت لمطالبهم بعد بيع ما امكننى بيعه..
لنا الله..
الاخوة بورداب الخرطوم لهم كل شكر و امتنان واخص بالذكر الاخ المهندس الذى اتصل بى لدعوتى الى جلسة خاصة بسودانيز اون لاين لكن ظروف الاجازة حالت دون حضورى ايضاً عدم دخولى الى الشبكة طيلة الاجازة كان سبب فى عدم متابعتى لمواضيع المنبر والمنتدى ..الشكر ايضاً للعزيز جداً معتصم دفع الله الرجل الصدوق الذى اهتم كثيراً..والذى ادين له بكثير من الفضل..
دامت افراح البورداب ... ومبروك لود شندى الزواج واشيد بترابط بورداب السعودية واللفتة البارعة من بورداب الرياض بتلبية دعوة ود شندى بالحضور ..والشكر ايضاً للزعيم ود قاسم ومجهوده فى اتمام تلك المشاركة الطيبة...
لكم الود وكل الحب ...وسعيداً برجوعى الى اهلى
وهذا كل ما لدى،،،
وليد طه،،،،،،
|
Post: #2
Title: Re: ثلاثون يوماً.....
Author: almohndis
Date: 07-19-2004, 06:06 AM
Parent: #1
وليد طه
كان الود ان يكون لقاء عيان بيان
|
Post: #5
Title: Re: ثلاثون يوماً.....
Author: walid taha
Date: 07-19-2004, 10:54 PM
Parent: #2
الاخ العزيز عثمان المهندس
شكرى لا يحده حدود تجاه شخصك الاصيل..مكالمتك واتصالك بى كان شئ اسعدنى كثيراً وكان كل ودى ان نلتقى فى وطننا السودان لكن كما تعلم ظروف الاجازة والمناسبات فى بلدنا..
عموماً اتمنى ان يبقى التواصل..
اكرر شكرى وامتنانى
مودتى..
اخوك
*******
تمبس ازيك اول مرة اشتاق ليك تصدق..
طبعاً من غيرى اكيد كان برنامجك جايط وما لاقى زول يسأل فيك
ولا يعزمك...لكن عادى مش قالوا فى الليلة الظلماء يفتقد البدر؟
ليك وحشة .. اما فيما يخص الجهاز لمن نتلاقى
chao
*********
معتصم دفع الله الغالى
مقصر...مقصر ..مقصر فى حقك لكن عزائنا دائما صدرك الواسع وحلمك يا حليم..
طبعاً انا فقدت موبايلى وبه ارقام لا تحصى ولا تعد لذلك لم اتمكن من الاتصال بك والان فى بحث عن نوتة تلفونات احتياطية
عموماً تلفون الشغل عندك والتحويلة 454 او 236
منتظرك عشان فى كلام كتيييييييير ما بتقال قدام الزول الفوقك ده
فى انتظارك
|
Post: #3
Title: Re: ثلاثون يوماً.....
Author: tmbis
Date: 07-19-2004, 06:36 AM
Parent: #1
الووووووووو
وليد طه ؟
كان تخليها واحد وتلتين يوم .. جاي ليه..
حمد الله علي السلامة ..
| Quote: (جهاز شؤون المغتربين) |
| Quote: (انت الجماعة ديل مشيت عليهم؟) |
شوف هنا في توصيات كويسه المرة الجاية اعمل بيها ..
|
Post: #4
Title: Re: ثلاثون يوماً.....
Author: معتصم دفع الله
Date: 07-19-2004, 02:43 PM
Parent: #3
صديقي العزيز وليد طه
ألف حمداً لله على السلامة ..
الشوووووووووووووق كتير .. كتير والله ..
بكرة بينا تليفون طويل نعرف فيه الحاصل شنو ..
أنا إفتكرتك تهته في زحمة الخرطوم قمت عملت ليك بوست طويل عريض ..
وبالمرة قلت ناس الخرطوم يشوفوه يقوموا يعزموك لحفلهم ..
والحمد لله إنك قابلت الأخ العزيز المهندس والله زول شهم وود بلد تحياتي له من على البعد ..
يا بورداب الخرطوم في واحد شاف وليد طه حائم بي هناك ؟ ..
|
Post: #6
Title: Re: ثلاثون يوماً.....
Author: حمزاوي
Date: 07-19-2004, 11:22 PM
Parent: #1
الاخ وليد طه
الف حمد الله علي السلامة
تعرف يا اخوي معتصم دفع الله كل مرة منزل بوست يا ناس الخرطوم ما شفتوا وليد
ذكرني قصيدة أدروب ما شفتوا عوض يا ساري الليل ما شفتوا عوض
قلت :
مساءً تداعبنى بعض النسمات اتامل فى سماء صافية
يا اخوي انت كنت قاعد تعمل في شنو
|
Post: #7
Title: Re: ثلاثون يوماً.....
Author: walid taha
Date: 07-20-2004, 03:55 AM
Parent: #6
استاذنا حمزاوى لك الف تحيةوشكرا كتير..يديك العافية
الاخ معتصم له منى كل معزة...
الاستاذ حمزاوى طبعاً اغرب حاجة انو sari Alil اول واحد دل على مكانى
فى الخرطوم وكمان حدد موقعى بدقة ..كما هو واضح فى لنك معتصم
تعرف يا استاذ انو كل ما افكر امشى اجازة فى خاطرى دايماً بكون
حوش البيت ...والسماء الصافية دى نعمة حرمنا منها بعد ادمان الشقق
شفت كيف الموضوع ما ساهل؟
جل احترامى لك
|
|