فئات

من الملاحظ في هذا المنبر العظيم

صار مرتعاً للنقاش والسب والنعل بصورة مباشرة من ابناء وطن واحد

هناك من يستفز ويسب خارج نطاق الموضوع أو الحدث
وهذا يعني بكثرة المتطفلين وهاوي الكيبورد من خلف شاشة وهم لا يعلمون ماذا يكتبون وماذا يقولون ...والمواضيع المثمرة لاتجد أيتا عناية وتمر مرور الكرام إلى أعماق الارشيف ...

تتمثل في الفئات التالية:

الفئة رقم (1) (الطبالين)

التي لا اساس ولا معني لها من وجود في هذا المنبر ( فئة الطبالين وعديمي الموضوع ... ناس قريعتي راحت ... بس معاكم معاكم وفي نفس اللحظة لا يعلمون بأساس ولب الموضوع).

الفئة رقم ( 2 ) ( متعاوني مواضيع الجنس اللطيف )

هي الفئة الاكثر تأثيراً علي تدهور
المواضيغ المميزة بل رواجاً للمواضيع الغير مجدية بثمرة الكلم المفيد ... وهم رهاف العواطف وعطيشي الحنان .....مثال تسلمي يا فلانة ويلا لي قدام ... شنو هو القدم وفي نفس اللحظة على ما اعتقد الموضوع شنو هو لا يدري .. الكتابة يا حلوين غشاشة احياناً.

الفئة رقم ( 3 )

من جاء لسب الدين الاسلامي ( لا اريد الحديث عنهم )


الفئة رقم (4_2) ( الشوعيين ) و ( الحاقدين على المنهج الاسلامي )


هذا المنبر صار ساحة خزعبلات الكلم الفلسفي وصالة نقاش تمس وتجرح منهج الدين الاسلامي ... و75 % من كتاب هذا المنبر من هذه الفئة ..


الفئة رقم (5) اصحاب اصحاب ( مجموعات )

الاهي لا تكتب ولا ترد إلا لمن يعرفة سواء صديق أو معرفة ( الماسنجر ) أو قل كدا رد علية لازم ارد ليهو .... من الملاحظ رفع بعض المواضيع إلى اعلى باسماء متبادلة الطرفين.

لي عودة في مواصلة الفئات

ممكن توضح هل الشيوعية ضد المنهج الاسلامى.....

فهمك للشيوعية شنو.. يا دكتور(طبيب)

وفق فهمى المتواضع... فى النظم الاقتصادية ان الشيوعية.. والراسمالية...هما قضبا الحوار... ولكن.. لا افهم.. بان تجمع. وبجرة قلم... الشيوعيين ضد المنهج... الاسلامى.. اولا... اعماك.. تعصبك.. المنهجى.. فى تناول.. الامور بمنهج.. علمى.... ولا اتردد... ابدا.. فى نقدك...بطرق علمية.. وكون انك.. طبيب اخصائى... يجعلك.. متخصصا.. فى مجالك.. ولا يمنحك.. اى درجة.. فى العلوم الانسانية.. الاخرى.. وهذه احدى مشاكل .. متعلمى الدول المتخلفة.. الذين .. يتوهمون.. بدرجاتهم التخصصية... يد عليا.. فى كافة مجالات المعرفة.. اطلب.. منك... ان تفرد.. بعض من وقت.. فراغك... الشحيح.. بان.. تغذى عقلك.. ببعض.. المعارف..
فمثلا.. انا متخصص.. اقتصاد سياسى.. اذا.. سمعتنى.. اتكلم .. عن الولادة.. القيصرة.. او الامراض.. التناسلية... خارج.. اطار.. المعرفة الاساسية.. لك. الحق.. ان تحاورنى .. علميا,,, فهل.. لك.. ايها.. النطاس.. ان تحمل .. مشرحك..فى مجالك.. وترحينا.. من اجتهاداتك...
ومن رأى المتواضع ان هذا البورد.. فئتان
فئة... تدعى بانها تمتلك كل.. الحقيقة... وتأخذ شرعية.. من السماء... ومن لم يكن.. فى محورها.. فهى الفئة الظالمة الكافرة... وهنالك... الدليل.. من المصادر...
وفئة.. تحاور... بما يسر لها.. من الوعى.. تحاول.. بعقل.. متفتح.. ان تعطى.. وتأخذ.. لها..رأى وان خطل..لها.. المقدرة.. ان تعيد.. صياغتها.. تبدع.... تسمع..لا لها .. قوالب.. جاهززة.. وتعمل.. لكى.. يتفشى.. الوعى.. والمعرفة

وشكرا

Quote: الفئة رقم (4_2) ( الشوعيين ) و ( الحاقدين على المنهج الاسلامي )

لاحظ ـــــ ( 4- 2)

Quote: وهذه احدى مشاكل .. متعلمى الدول المتخلفة.. الذين .. يتوهمون.. بدرجاتهم التخصصية... يد عليا.. فى كافة مجالات المعرفة.. ..

هل تقصد أن وطنك متخلف

.... انتم اهل المعرفة وقرطسة الحديث الفلسفي باين من مقالك احمر اللون ..

ثانياً : مجالي لا تحدثني عنه انت ولي الحق ان احدثك في اقتصادك وسياستك التي اكتسبتها من الدول الغير متخلفة...

بالله منو فينا النطاس

ممكن اسلك سؤال خارج عن الموضوع
بالله ليك كم سنة خارج الوطن
ياريت تجاوب بكل صرحة ...

شكرن

ود شندى شنو يا اخى

انا المتخصصة فى قصة فرز الكيمان دى..


ايام الدراسة عن الكيمان كانت على خفيف مش استفحلت..ذى الان..

الان صارت عصابة

اسمع نحنا نعمل كوم او فئة ونشوف زول فى امريكا لانه التلفونات رخيصة من هناك.. الما بيجى بالكلام الحلو العلنى و يرفض دعوة الماسنجر بواسطة الماسنجر نلحقو بالتلفون...
بعدين محتاجين زول خيالو خصب جدا فى نسج القصص والحكاوى..
يعنو زول ة حنكو سنين يقدر يحنك الناس كويس..
بعدين محتاجين لما يسمى
drama queen
ناس ست الحلا.. وكوم الرقة ذى ما بيقول حلاتو بتاع سودان نت
بعدين لازم تكون تجيد ادوار الحزن والبكاء والعويل..
بعدين لازم فى كومنا دا يكون فى زول من الاقليات المدلعة الايام دى
لانه ذى دا بيكون ما مؤاخذ اى كلام مسموح ليهو يقولو مع كافة الضمانات لعدم المساس به
بعدين واحدة فيمنست حسب الطلب .. ممكن تقوليك بكلم ليك وليانك اذا شاكلتها..واو حاولت تجيب حقك منها,, ,وبكرة تبكى لانه الناس بينظروا للمرأة كاثنى الخ الخ.. الى اخر النشيد النسوى
بعدين زول شرانى ومارق ليها..
اها نخليك الان و ان شاء الله نشيل معاك البوست دا

أختي البيان

كلامك صحي والله فرز كيمان و عصابات .. عينك يا تاجر ..

مره


ومره

Quote: بعدين محتاجين زول خيالو خصب جدا فى نسج القصص والحكاوى.. يعنو زول ة حنكو سنين يقدر يحنك الناس كويس.. بعدين محتاجين لما يسمى drama queen

عارفة يادكتورة

اخطر شي الواحد يخدع عالم بالـ (القصص ) (والحكاوي ) ( الحنك )

وفي نفس اللحظة يكون مجاريهم ومتمدد السيناريو الدرامي .. وكل يوم زايد عظمة وافتخار ..

دحين يادكتورة لو الزول ابانا بالماسنجر و لحقنا بالتلفون ما بقولو دا تتطفل ..

الله يكضب الشينة

ربنا يحفظك من الظالمين الحاقدين يادكتورة

Quote: دحين يادكتورة لو الزول ابانا بالماسنجر و لحقنا بالتلفون ما بقولو دا تتطفل ..

تطفل شنو يا اخى انت لازم يكون دمك تقيل بتستحمل عشان الاهداف العليا للكوم..

ايوة عارف عطيل حنك ديدمونة بالقصص والحكاوى وجا غطس حجرها
اسع الناس البيتحنكو ديل برضو حجرهم بيغطس لانه من يحنكك يحنك غيرك
بس لازم تكون حليف دائم..
...ز

اللهم آمين للدعوة التى احتاجها كثيرا

بكل صرحه(صراحه)
نطاس وهى كلمة عربية لمن خبر مهنة الطب.. وافتكر... انك من اهلها... ولى حق... ان....انعتك..بها.. لا استخفافا.. بل استحقاقا..

الدول.. المتخلفة
دول العالم الثالث
دول الجنوب
الدول. الاقل..نموا

كلها.. مصطلحات.. مستخدمة.. لتوصيف.. حالة.. نسبية

لم اقصد.. ابدا.. المهاترة
بقدر.. ما قصدت.. ان نركز بقدر. ما. الحوار.. المسئول..
عفوا..

من اباح لك بان تتكلم.. فى المعارف الانسانية.. الاخرى.. وتحتكر.. مجالك؟؟...

قصدت.. بان... احترم وعيك.. دون.. تبجيل..

وكان لك ان ترد على سؤال البرئ
ولا اقصد.. مهاترة..
المعذرة

الى الدكتورة بيان
والدكتور شندى


افتكر.. الحوار اصبحا.. خاصا .. بينكما.. وبلغة لا فهمها..


فمعذرة

لا ادخل فى الخصوصيات.. ولا اعرف.. لغة التكهنات...

اتمنى ان ترتقيا.. الى ما هو مفيد...
للعامة
ومعذرة.. اذا وجدت نفسى بينكما.. غريبا..

الأحباب شندى وبيان

والله ضحكتونى شديد ياخى من الصباح اضحك الله سنكم وخفف همكم وازال غمكم وادخل الفرحة والسرور الى اعماقكم ..

بس مش نسيتوا المتشدقين والمتنطعين والمتفيقهين ( ولا ديل فى خانة الحنك السنين يا دكتورة )..

بصراحة لابد لنا من نقد ذاتى ولا يجب ان نرفض النقد الذاتى ولن ننكر ان اخرين تخصصوا فى نقدنا هنا وتقسيمنا وتفصيلنا .. اذن الافضل ان تأتى مننا وفينا عشان نعدل طريقنا ونصلح خطوتنا ..

الله يكضب الشينة يا شندى ياخوى ...

لكما التحية والاحترام

الاخ / د/ شندي
لكم كل التحايا
البوست دا لما مجموعة من الدكاترة
لكن بلغة المنطقة الصناعية نفهم شنوا؟
يعني عملتونا فئات وجهات وسكر نبات وفطير مشلتت
عاوزين تعملوا فينا شنوا؟؟؟؟
البلد دي نوع من البلدان القامت رجالة
اربعة قطاطي وكم نفر قالوا عاوزين نعمل سودان
ماتتعبوا نفسكم فان ماتتناولوه يعد عديم الفايدة هذه الايام
وبدل المحنكاتي العاوزينوا عاوزين ليكم حاوي
لانو الحنك بقي مابجيب كولين باول
داير ليكم تلاته يخشوا مزارع شمبات وهاك يا جبخانة وطاخ طاخ
والكلاش يسوي قرررررررررررر والقرنوف يعمل تررررررررررررر
ونعمل ملوخية ارهاب بالارانب.
وحديث للبي بي سي وبت تكون صاعقة نار جهنم للسي ان ان
وبكل ادب نحكي معاناتنا وبكل تهذيب نتهمش ونبشتن ونتعشتن
ونشوف لينا خجوج مسخنة تقول وتعيد وتقول
لنا عودة

دا بقول في شنو

المحترم قرشووو

انت الواعي
احترم مقالك وكل ما تكتبة

والله يكضب الشينة

لك الود والاحترام