الأخت بيـان والأخ خـالـد

الأخت بيـان والأخ خـالـد،
والله لو سـألتونى الحكايـة دى بدت كيف، أنا ما عارف..
الزمن دا كلـو أنا ما خشيت البوستـات دى، وما قريتهـا إلا قريب، وبعـد ما قريتهـا كنت بفتش لى حـاجــة إضـارى بيهـا من (عصـايـة الحجــاز) لكن ما لقيت.
وأنا هسـى قلت بس أخش، الموت حق والحيـاة باطل.. لكن جاتنى فكـرة إنـو أعمل عقلى شـويـة..
ولمـا عملت تحليل سـريـع للمـوقف وميـزان القـوى، طلعت بالنتيجـة التاليـة:

1- الأخت بيـان إمـرأة
2- الأخ خـالـد رجل
3- ضـربـة الرجـل أقوى من ضـربـة المـرأة

وبناء على التحليل العلمى أعلاه، قـررت أن أمسـك خـالــد، وإتحمل ضـربـة بيان.

الأخ خـالـد،
تحيــة طيبـة، وأنت وين يا أخى.. والله مشتـاقين جـدا.. وأولادك، إن شـاء الله طيبين كلكــم.. هولنـدا الجميلـة.. وزهـورهـا الما عنـدهـا نهـايـة.. والحـزب الشيـوعى دا زاتـو أنا أحترمـه جـدا جـدا، لكن مختلف معاه لى رب السمـا.
يا أخى أقول ليك حـاجــة.. pens down عليك الله.
كلام كتيـر ما قادر أقولو ليك قدام الناس.. لكن ثقتى فى إنك تفهـم البقصــدو كبيـرة.

الناس منتـظـرة مسـاهماتك المفيــدة ديك، والقفشــات، والصــور واللنكات، فأرجـو أن لا تحرمهـم منهـا.


أخوك أبو الريش